YOSUA 5
5
1Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.
Pinonoitan kon Gilgal
2Kon dodai intua ki Tuhan noguman kon i Yosua, “Pomiadon kon tosilad nongkon batu, bo pomiadon kon upacara ponoitan kon intau mita in Israel.” 3Dá ki Yosua nomia kon onu inta pinarenta i Tuhan, bo sinoitneadon in intau mita in Israel kon tampat inta sinangoian Buḷud Pinonoitan. 4-6#Pin. 14:28-35 Kon tungkuḷ in intau mita in Israel iḻumuai nongkon Mesir, bayongan intau monia ḷoḷaki nodaitdon sinoit. Táe naonda in mosia nodondaḷoi kon padang gurun opat nopuḷú notaong in koonggotnea, ki adí mita monia ḷoḷaki tobatúmai diápa in sinoit. Bo kon buit in opat nopuḷú notaong tatua, intau ḷoḷaki inta kon dodai in iḻumuai nongkon Mesir noitakindon nobaḻí tontara, komintandon minatoi, sin diá motoindudui kon parenta i Tuhan. Dá podudui in ibot i Tuhan, mosia in diá inogoi moindoi kon butá inta mopia totok bo moḷongó tua inta pinodandi-Nea kon mogoguyang monia. 7Tuamai in bayongan in adí monia ḷoḷaki diápa sinoit. Intaudon mita tanaa inta sinoit i Yosua.
8Naonda in mosia komintan nodaitdon sinoit, mosia nogutun kon pinononḷoḷaigan nodapot in kekeb monia nopia. 9Ki Tuhan noguman kon i Yosua, “Singgai in naa kinohinaan monimu nobaḻí ata mita kon Mesir ininggamáan-Kudon.” Tuamai tampat tatua sinangoian Gilgal#5:9: Gilgal: Tangoi tanaa kodongogan ná singog ininggamáan kon bonu in singog Ibrani. dapot in tanaa.
10 #
Iḷn. 12:1-13
Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua. 11Nopoikoḷomai kon singgai, kon dungkuḷ totok in mosia nokaan kon bungai in boyó kon Kanaan, tuata in: roti diá iragian, bo gandum inangag. 12#Iḷn. 16:35 Kon singgai doman tatua manna diádon noḷabú nongkon ḷangit, bo intau in Israel nogogaidon nokaan kon manna. Nongkon dodaidon intua mosia nokaan kon bungai in boyó kon butá in Kanaan.
Ki Yosua bo Itoi in tontara i Tuhan
13Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”
14“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.”
Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”
15Itoi in tontara i Tuhan tatua notubag, “Buká in sapatumu; butá inta sinindoganmu tanaa in butábí motusi.” Dá binukádon i Yosua in sapatunea.
Currently Selected:
YOSUA 5: INOMOG
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.
YOSUA 5
5
1Bayongan in datu in Amori kon dotá in toyopan kon Ongkag in Yordan, bo bayongan datu in Kanaan inta kon bingkí in Dagat Toyuak nokodongogdon kon Ongkag in Yordan ain iningkagan i Tuhan kon bonu in umat Israel iḷumoḷan kon ongkag tatua. Dá inagíandon in ondok in mosia bo uyotdon mako popisí in intau Israel.
Pinonoitan kon Gilgal
2Kon dodai intua ki Tuhan noguman kon i Yosua, “Pomiadon kon tosilad nongkon batu, bo pomiadon kon upacara ponoitan kon intau mita in Israel.” 3Dá ki Yosua nomia kon onu inta pinarenta i Tuhan, bo sinoitneadon in intau mita in Israel kon tampat inta sinangoian Buḷud Pinonoitan. 4-6#Pin. 14:28-35 Kon tungkuḷ in intau mita in Israel iḻumuai nongkon Mesir, bayongan intau monia ḷoḷaki nodaitdon sinoit. Táe naonda in mosia nodondaḷoi kon padang gurun opat nopuḷú notaong in koonggotnea, ki adí mita monia ḷoḷaki tobatúmai diápa in sinoit. Bo kon buit in opat nopuḷú notaong tatua, intau ḷoḷaki inta kon dodai in iḻumuai nongkon Mesir noitakindon nobaḻí tontara, komintandon minatoi, sin diá motoindudui kon parenta i Tuhan. Dá podudui in ibot i Tuhan, mosia in diá inogoi moindoi kon butá inta mopia totok bo moḷongó tua inta pinodandi-Nea kon mogoguyang monia. 7Tuamai in bayongan in adí monia ḷoḷaki diápa sinoit. Intaudon mita tanaa inta sinoit i Yosua.
8Naonda in mosia komintan nodaitdon sinoit, mosia nogutun kon pinononḷoḷaigan nodapot in kekeb monia nopia. 9Ki Tuhan noguman kon i Yosua, “Singgai in naa kinohinaan monimu nobaḻí ata mita kon Mesir ininggamáan-Kudon.” Tuamai tampat tatua sinangoian Gilgal#5:9: Gilgal: Tangoi tanaa kodongogan ná singog ininggamáan kon bonu in singog Ibrani. dapot in tanaa.
10 #
Iḷn. 12:1-13
Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua. 11Nopoikoḷomai kon singgai, kon dungkuḷ totok in mosia nokaan kon bungai in boyó kon Kanaan, tuata in: roti diá iragian, bo gandum inangag. 12#Iḷn. 16:35 Kon singgai doman tatua manna diádon noḷabú nongkon ḷangit, bo intau in Israel nogogaidon nokaan kon manna. Nongkon dodaidon intua mosia nokaan kon bungai in boyó kon butá in Kanaan.
Ki Yosua bo Itoi in tontara i Tuhan
13Kon singgai tobatú ki Yosua kon diug in Yerikho. Indoianmai yo sia in daḻíbí nokoontong kon ḷoḷaki tobatú inta sinimindog kon tayowonnea takin kokada-kadai in pitoi inta ain sinonggó. Ki Yosua dinimiug kon intau tatua, bo noḻibó, “Iko naa in yobayat, andeka musung?”
14“Deemanbí yobayat, bo deemanbí doman musung,” tubag in intau tatua. “Akuoi namangoi in naa saḷaku Itoi in tontara i Tuhan.”
Naonda in nokodongogmai kon tua, ki Yosua baḷú sinumungkud nosumba kon intau tatua. Ki Yosua noguman, “Akuoi naa in mogogundoi i Tuang. Onu in motaau aidanku kon i Tuang?”
15Itoi in tontara i Tuhan tatua notubag, “Buká in sapatumu; butá inta sinindoganmu tanaa in butábí motusi.” Dá binukádon i Yosua in sapatunea.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Alkitab Singog In Mongondow Masa In Tanaa © Indonesian Bible Society, 2016.