YOANES 19
19
1Yogolikma-ge, Pilatus na tuguruk nggosolar-e, Yesus na linggamburok wuruwakluk ap ininggem pij-o. 2San winde-nen-e isile worak mende kago wosa wurik nggal kwasa at anggulwak pem piga-o. Iri luk, sum mimi mot mbi yirik puruk, 3at eram lobok yogola-nen yogolar-e: ”Yawuri nap nagawan wiwa-o!” luk ininggi nggambu lel kagolat woraiga-o.
4Iri kwarukmu-ge, Pilatus na tuguruk mbepme mberarik-nen ap kwarat ereba na yak ondosolar-e: ”Nap tak wa-e. An-nen-e at yu-nen meya kwaridnak mbi kasu bug-o luk kenaru yobok-nen kit kendam pil wamin yur-o” luk yak indij-o. 5Yak ondosoloma-ge, Yesus na-ge isile worak wurik min sum mimi min yirik irit wagaij-o. Wasola-ge, Pilatus-nen it yak ondosolar-e: ”Ap yigi na-ge yur-o! Yik ker-o!” luk yij-o.
6Yak ondosoloma-ge, tepan ombo nagawan min Mbal Pem Nagawan ama towarak woragwi min-nen at karug-e, enne nggoksa yogolar-e: ”E lang pang tak pem panggarak per-o! E lang pang tak pem panggarak per-o!” luk yiga-o.
Yogolikma-ge, Pilatus-nen it yak ondosolar-e: ”An-e at-nen meya mbi kwarigit lak kagirik me, kit kondomok-net waga e lang pang tak pem panggarak per-o” luk yij-o.
7Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.
8Iri yogola-ge, Pilatus-nen wene na kulurug-e, tuguruk kwiye kwarat kagaij-o. 9Iri lug-e, ar-e tuguruk wene mbarugwi sa nggwarik, Yesus yak tosolar-e: ”Kar-e o ngge nab-o?” luk yak tij-et nde,
Yesus-nen wene erep nggarigit lak, larok yij-o. 10Iri ala-ge, Pilatus-nen at yak tosolar-e: ”Kar-e an nimin wene yurag-e kisili-a? Wisirik kuburak na, e lang pang tak pem panggarak kuburak na amawi-ge an ninggem worasu-ge karu bug-a?” luk yak tij-o.
11Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.
12Iri yosoloma kuluruk, Pilatus-nen-e at wisirik purak tu kore yij-et nde, it Yawuri nap-nen enne nggoksa yogolar-e: ”At yu wisirik pugun ala-ge, kar-e Kaisat anggam-e lag-o. Ondomok an-e nagawan-nen yusu-o luk yoso nab-e Kaisat imin wim nap-nen yusu-o” luk yiga-o.
13Iri yogoloma kuluruk, Pilatus-nen Yesus na mbepme waruk mberarik, wene mbaruwokluk kore yugwi sa na me kore yij-o. Kore yid sa unu-ge Kerep Kune-o. (Nde, iri unu-ge Iberani wene bem-e Nggabata-o.) 14Nde, O Anggul Pandok Mbiridnak tarem na yebet kujwokluk nene yogolat, lid lud tak pugwi tarem molengen enggendumu worala, Pilatus-nen Yawuri nap yak ondosolar-e: ”Kit-nen idnak nagawan-e yur-o!” luk yak indij-o.
15Yak ondosoloma-ge, it-nen enne nggoksa yogolar-e: ”Werer-o! Werer-o! E lang pang tak pem panggarak per-o!” luk yogolikma-ge,
Pilatus-nen it kin wok onposolar-e: ”Kit-nen idnak nagawan-et nde, e lang pang tak pem panggarak pimin-a?” luk yosoloma-ge,
tepan ombo nagawan-nen yogolar-e: ”Nit-nen idnak nagawan-e Kaisat misiget nag-o!” luk yiga-o. 16Iri yogolikma-ge, it-nen e lang pang tak pem panggarak ubuwakluk Pilatus-nen Yesus na it ininggem pamu-ge, it-nen Yesus na waruk mbiriga-o.
Yesus na e lang pang tak pem panggarak ibiga-o
19:17-27
(Mt 27:32-44; Mk 15:21-32; Lk 23:26-43)
17Nde, Yesus na mborosolar-e, at-nen idnak e lang pang tak na kud turuk, Enanggulwak Pugwarak Sa mbirij-o. (Iberani wene bem-e ndobo iri unu-ge Nggolnggota-o.) 18Iri me-nen e lang pang tak na bem at panggarak obogolar-e, at imin-e mberen nap, misig-e ponok nggwe, misig-e ponok nggwe, Yesus-e ennggendumu panggarak inpiga-o. 19Iri ala-ge, Pilatus na-nen engga mbara e lang pang tak eraret pem posolar-e: ”Yu-ge Nasaret nap Yesus, Yawuri nap nagawan-nen yusu-o” luk mbara pij-o. 20Nde, e lang pang tak pem Yesus wiriga sa-ge o siri koroga me, Yawuri nap kwarat-nen engga mbarak na wonariga-o. Nde, engga mbarak iri-ge Iberani wene bem na, Oroma wene bem na, Yunani wene bem na mbarag-o. 21Iri ala-ge, tepan ombo nagawan Yawuri nap-nen Pilatus yak togolar-e: ” ’Yawuri nap nagawan-o’ luk mbarusu meyog-o. Are, ’An-e Yawuri nap nagawan-nen yusu-o luk yoso nab-e yur-o’ luk mbari-o” luk yak tiga-o.
22Yak togolikma-ge, Pilatus-nen yosolar-e: ”An-nen mbarigi irit mbarak wolma-o” luk yij-o.
23San winde-nen-e Yesus na e lang pang tak pem panggarak uburuk, Yesus usum erep na wanuruk, it empat nap-nen tembesa ondoro empat tak puruk, waniga-o. Nde, Yesus usum amberam sum mot iri na waniga-t nde, panggarak lak konidnak me, 24it-nen yogolar-e: ”Sum yu-ge ndulurag-e meya-o. Are, engga mbara ligik puwog-o. Ebem mbidnak nap irit wanuwak-nen-o” lug yiga-o. Iri kwariga iri-ge Mbal Pem Nagawan engga mbarak pem-nen yosolar-e:
”An nusum-e it-nen tembesa wanogolat,
namberam sum mot wanurak pem engga mbara
ligik pogolat yiga-o”
luk yid iri na ndak ndak tak pogolat-nen kwariga-o. Ndemeret iri na nggal-et it san winde ereba-nen kwariga-o.
25Iri kwarogola-ge, Yesus ija min owot min Kelopas ogwe Maria min o Magaralena kwe Maria min-e Yesus e lang pang tak na eralu mendak woraiga-o. 26Worakmu-ge Yesus-nen at ija min at imin noso nap indi kundik na min iri me mendak woragola eneyaruk, at-nen at ija yak tosolar-e: ”Niya-o kat kambara-ge irir-o” luk yak tij-o.
27Yak turuk, Yesus-nen at imin noso nap na yak tosolar-e: ”Kat kiya-ge irir-o” luk yak tij-o. Yak tosola, ereya na-net Yesus imin noso nap na-nen kwe na at ama wolmakluk, imin tak pij-o.
Yesus wat yid wene
19:28-30
(Mt 27:45-56; Mk 15:33-41; Lk 23:44-49)
28Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.
29Yosoloma-ge, iri me-ge anggut engen amburu ngari worak kenanggo yimbe mbi woragaij-o. Iri ala-ge, it-nen-e ndum ndum waga amburu na arem yasip tak puruk, e eraret pem puruk, Yesus emende pil laiga-o. 30Pil lagola-ge, Yesus-nen-e anggut engen amburu ngari worak na nuruk-nen yosolar-e: ”Ndak agaij-o” luk
anggul wandu yidnggal-e, indisep worok yij-o.
Yesus araptap arem tege mon kaiga wene
19:31-37
31Yawuri nap-nen Pilatus nggi yak togolar-e: ”E lang pang tak pem indidnak nap iri onowak kalak puruk, waga mberak unpurag-o” luk yiga-o. Iri yiga iri-ge we woragwi tarem amanggim lid lud tak pugwi tarem (Hari Jumaat) ala-ge, we woragwi tarem na-ge nggulok me, ap ereya-ge we woragwi tarem-nen e lang pang tak pem wolmomtag-e meya ala-nen yiga-o. 32Iri yogolikma-ge, san winde na mbirigarig-e, Yesus imin indiga nap na onowak kaliga-o. 33Alat nde, Yesus na eram mbirigarik, piriganggal, ar-e abu wat yidnak ala karuk, at owag-e kaligit lag-o. 34Nde, san winde misik-nen-e tege Yesus araptap arem mon kasoloma, ereya na-net eyabi min yi min wagaij-o.
35Iri kwarogola kagi nap Yoanes an-nen-e iri kwaridnak kunggurusu yu-ge kit kinndi angin tubu yobok-nen ndemeret wene yu-ge an-nen yusu-o. Nde, an-nen kunggurusu wene yu-ge ndemeret wene-o luk naru-o. 36Nde, iri kwat ibiga iri-ge, Mbal Pem Nagawan engga bem-nen yosolar-e: ”At owak misiget ter-o luk mbi kalak puwa bug-o” yidnak na ndak ndak tak pogolat-nen yiga-o. 37Nde, Mbal Pem Nagawan engga bem mbaridnak wene misik-nen yosolar-e: ”It-nen tege bem mon kaidnak nap iri na-t kujwa-o” luk yidnak worasu-o.
Yesus yapma piga wene
19:38-42
(Mt 27:57-61; Mk 15:42-47; Lk 23:50-56)
38Iri rak purug-e, o Arimatea nap Yusup-nen Yesus orogwak waneyekluk, Pilatus nggi yak tij-o. (At Yusup iri-ge Yesus ene wanoso woragaij-et nde, Yawuri nap enaye-nen mbik mbok wanij-o.) Nde, Pilatus-nen-e: ”Ob-o” yosoloma-ge, Yusup na mberarik, at orogwak na waruk mbirij-o. 39Iri kwarosola-ge, kubu nggwe Yesus eram mbirid nap Nikoremus na-ge Yusup imin mborosolar-e, emben konak mende mut min kagaru min nat karuk tak pidnak na angin-e tiga pulu kilo nggal irit waruk mbirij-o. 40Yawuri nap-nen ap ontogwak yapma unpuwokluk-nen kwarugwi mende kwarogolar-e, mberen nap na-nen-e Yesus orogwak na wanuruk, emben konak mende na ebem ndarak puruk, sum loro mot na bem perena keya biga-o. 41Nde, e lang pang tak pem Yesus wiriga sa koroga iri me yabu engen uwi ya mbi woragaij-o. Iri me-ge yapma unpurak ondoro ngget nenaridnak, ap yapma inpigit lak mbi woragaij-o. 42At yapma purak ondoro na koroga, nde, kub-e we woragwi tarem (Hari Sabtu) yebet kudtak ala karug-e, Yesus orogwag-e iri me-t yapma piga-o.
Currently Selected:
YOANES 19: inondx
Highlight
Share
Copy
Want to have your highlights saved across all your devices? Sign up or sign in
@LAI 1992, 1994
YOANES 19
19
1Yogolikma-ge, Pilatus na tuguruk nggosolar-e, Yesus na linggamburok wuruwakluk ap ininggem pij-o. 2San winde-nen-e isile worak mende kago wosa wurik nggal kwasa at anggulwak pem piga-o. Iri luk, sum mimi mot mbi yirik puruk, 3at eram lobok yogola-nen yogolar-e: ”Yawuri nap nagawan wiwa-o!” luk ininggi nggambu lel kagolat woraiga-o.
4Iri kwarukmu-ge, Pilatus na tuguruk mbepme mberarik-nen ap kwarat ereba na yak ondosolar-e: ”Nap tak wa-e. An-nen-e at yu-nen meya kwaridnak mbi kasu bug-o luk kenaru yobok-nen kit kendam pil wamin yur-o” luk yak indij-o. 5Yak ondosoloma-ge, Yesus na-ge isile worak wurik min sum mimi min yirik irit wagaij-o. Wasola-ge, Pilatus-nen it yak ondosolar-e: ”Ap yigi na-ge yur-o! Yik ker-o!” luk yij-o.
6Yak ondosoloma-ge, tepan ombo nagawan min Mbal Pem Nagawan ama towarak woragwi min-nen at karug-e, enne nggoksa yogolar-e: ”E lang pang tak pem panggarak per-o! E lang pang tak pem panggarak per-o!” luk yiga-o.
Yogolikma-ge, Pilatus-nen it yak ondosolar-e: ”An-e at-nen meya mbi kwarigit lak kagirik me, kit kondomok-net waga e lang pang tak pem panggarak per-o” luk yij-o.
7Yosoloma-ge, Yawuri nap-nen at yak togolar-e: ”At iri-nen-e: ’An-e Mbal Pem Nagawan Ambara-o’ luk yoso me, nit-nen idnak imiri mbarak pidnak wene-nen-e: ’Iri yoso nab-e wururag-er-o’ luk yidnak ala-nen nir-e wururak wene yili-o” luk yiga-o.
8Iri yogola-ge, Pilatus-nen wene na kulurug-e, tuguruk kwiye kwarat kagaij-o. 9Iri lug-e, ar-e tuguruk wene mbarugwi sa nggwarik, Yesus yak tosolar-e: ”Kar-e o ngge nab-o?” luk yak tij-et nde,
Yesus-nen wene erep nggarigit lak, larok yij-o. 10Iri ala-ge, Pilatus-nen at yak tosolar-e: ”Kar-e an nimin wene yurag-e kisili-a? Wisirik kuburak na, e lang pang tak pem panggarak kuburak na amawi-ge an ninggem worasu-ge karu bug-a?” luk yak tij-o.
11Yak tosoloma-ge, Yesus-nen yosolar-e: ”Mbal Pem Nagawan-nen amawi iri kinggem pigit lak nggal-nen-e kat-nen an nebem wene mbarurag-e meya-o. Iri bem, kat meya yidnag-e marig-et nde, it an wesera kinggem nibiga nap-nen meya yidnag-e ijar-o” luk yij-o.
12Iri yosoloma kuluruk, Pilatus-nen-e at wisirik purak tu kore yij-et nde, it Yawuri nap-nen enne nggoksa yogolar-e: ”At yu wisirik pugun ala-ge, kar-e Kaisat anggam-e lag-o. Ondomok an-e nagawan-nen yusu-o luk yoso nab-e Kaisat imin wim nap-nen yusu-o” luk yiga-o.
13Iri yogoloma kuluruk, Pilatus-nen Yesus na mbepme waruk mberarik, wene mbaruwokluk kore yugwi sa na me kore yij-o. Kore yid sa unu-ge Kerep Kune-o. (Nde, iri unu-ge Iberani wene bem-e Nggabata-o.) 14Nde, O Anggul Pandok Mbiridnak tarem na yebet kujwokluk nene yogolat, lid lud tak pugwi tarem molengen enggendumu worala, Pilatus-nen Yawuri nap yak ondosolar-e: ”Kit-nen idnak nagawan-e yur-o!” luk yak indij-o.
15Yak ondosoloma-ge, it-nen enne nggoksa yogolar-e: ”Werer-o! Werer-o! E lang pang tak pem panggarak per-o!” luk yogolikma-ge,
Pilatus-nen it kin wok onposolar-e: ”Kit-nen idnak nagawan-et nde, e lang pang tak pem panggarak pimin-a?” luk yosoloma-ge,
tepan ombo nagawan-nen yogolar-e: ”Nit-nen idnak nagawan-e Kaisat misiget nag-o!” luk yiga-o. 16Iri yogolikma-ge, it-nen e lang pang tak pem panggarak ubuwakluk Pilatus-nen Yesus na it ininggem pamu-ge, it-nen Yesus na waruk mbiriga-o.
Yesus na e lang pang tak pem panggarak ibiga-o
19:17-27
(Mt 27:32-44; Mk 15:21-32; Lk 23:26-43)
17Nde, Yesus na mborosolar-e, at-nen idnak e lang pang tak na kud turuk, Enanggulwak Pugwarak Sa mbirij-o. (Iberani wene bem-e ndobo iri unu-ge Nggolnggota-o.) 18Iri me-nen e lang pang tak na bem at panggarak obogolar-e, at imin-e mberen nap, misig-e ponok nggwe, misig-e ponok nggwe, Yesus-e ennggendumu panggarak inpiga-o. 19Iri ala-ge, Pilatus na-nen engga mbara e lang pang tak eraret pem posolar-e: ”Yu-ge Nasaret nap Yesus, Yawuri nap nagawan-nen yusu-o” luk mbara pij-o. 20Nde, e lang pang tak pem Yesus wiriga sa-ge o siri koroga me, Yawuri nap kwarat-nen engga mbarak na wonariga-o. Nde, engga mbarak iri-ge Iberani wene bem na, Oroma wene bem na, Yunani wene bem na mbarag-o. 21Iri ala-ge, tepan ombo nagawan Yawuri nap-nen Pilatus yak togolar-e: ” ’Yawuri nap nagawan-o’ luk mbarusu meyog-o. Are, ’An-e Yawuri nap nagawan-nen yusu-o luk yoso nab-e yur-o’ luk mbari-o” luk yak tiga-o.
22Yak togolikma-ge, Pilatus-nen yosolar-e: ”An-nen mbarigi irit mbarak wolma-o” luk yij-o.
23San winde-nen-e Yesus na e lang pang tak pem panggarak uburuk, Yesus usum erep na wanuruk, it empat nap-nen tembesa ondoro empat tak puruk, waniga-o. Nde, Yesus usum amberam sum mot iri na waniga-t nde, panggarak lak konidnak me, 24it-nen yogolar-e: ”Sum yu-ge ndulurag-e meya-o. Are, engga mbara ligik puwog-o. Ebem mbidnak nap irit wanuwak-nen-o” lug yiga-o. Iri kwariga iri-ge Mbal Pem Nagawan engga mbarak pem-nen yosolar-e:
”An nusum-e it-nen tembesa wanogolat,
namberam sum mot wanurak pem engga mbara
ligik pogolat yiga-o”
luk yid iri na ndak ndak tak pogolat-nen kwariga-o. Ndemeret iri na nggal-et it san winde ereba-nen kwariga-o.
25Iri kwarogola-ge, Yesus ija min owot min Kelopas ogwe Maria min o Magaralena kwe Maria min-e Yesus e lang pang tak na eralu mendak woraiga-o. 26Worakmu-ge Yesus-nen at ija min at imin noso nap indi kundik na min iri me mendak woragola eneyaruk, at-nen at ija yak tosolar-e: ”Niya-o kat kambara-ge irir-o” luk yak tij-o.
27Yak turuk, Yesus-nen at imin noso nap na yak tosolar-e: ”Kat kiya-ge irir-o” luk yak tij-o. Yak tosola, ereya na-net Yesus imin noso nap na-nen kwe na at ama wolmakluk, imin tak pij-o.
Yesus wat yid wene
19:28-30
(Mt 27:45-56; Mk 15:33-41; Lk 23:44-49)
28Iri lug-e, Yesus-nen-e pidsa ndak yidnak na aru lug-e, Mbal Pem Nagawan engga mbarak pem-nen yidnak wene ndak ndak makluk, at-nen yosolar-e: ”Yi nere-o” luk yij-o.
29Yosoloma-ge, iri me-ge anggut engen amburu ngari worak kenanggo yimbe mbi woragaij-o. Iri ala-ge, it-nen-e ndum ndum waga amburu na arem yasip tak puruk, e eraret pem puruk, Yesus emende pil laiga-o. 30Pil lagola-ge, Yesus-nen-e anggut engen amburu ngari worak na nuruk-nen yosolar-e: ”Ndak agaij-o” luk
anggul wandu yidnggal-e, indisep worok yij-o.
Yesus araptap arem tege mon kaiga wene
19:31-37
31Yawuri nap-nen Pilatus nggi yak togolar-e: ”E lang pang tak pem indidnak nap iri onowak kalak puruk, waga mberak unpurag-o” luk yiga-o. Iri yiga iri-ge we woragwi tarem amanggim lid lud tak pugwi tarem (Hari Jumaat) ala-ge, we woragwi tarem na-ge nggulok me, ap ereya-ge we woragwi tarem-nen e lang pang tak pem wolmomtag-e meya ala-nen yiga-o. 32Iri yogolikma-ge, san winde na mbirigarig-e, Yesus imin indiga nap na onowak kaliga-o. 33Alat nde, Yesus na eram mbirigarik, piriganggal, ar-e abu wat yidnak ala karuk, at owag-e kaligit lag-o. 34Nde, san winde misik-nen-e tege Yesus araptap arem mon kasoloma, ereya na-net eyabi min yi min wagaij-o.
35Iri kwarogola kagi nap Yoanes an-nen-e iri kwaridnak kunggurusu yu-ge kit kinndi angin tubu yobok-nen ndemeret wene yu-ge an-nen yusu-o. Nde, an-nen kunggurusu wene yu-ge ndemeret wene-o luk naru-o. 36Nde, iri kwat ibiga iri-ge, Mbal Pem Nagawan engga bem-nen yosolar-e: ”At owak misiget ter-o luk mbi kalak puwa bug-o” yidnak na ndak ndak tak pogolat-nen yiga-o. 37Nde, Mbal Pem Nagawan engga bem mbaridnak wene misik-nen yosolar-e: ”It-nen tege bem mon kaidnak nap iri na-t kujwa-o” luk yidnak worasu-o.
Yesus yapma piga wene
19:38-42
(Mt 27:57-61; Mk 15:42-47; Lk 23:50-56)
38Iri rak purug-e, o Arimatea nap Yusup-nen Yesus orogwak waneyekluk, Pilatus nggi yak tij-o. (At Yusup iri-ge Yesus ene wanoso woragaij-et nde, Yawuri nap enaye-nen mbik mbok wanij-o.) Nde, Pilatus-nen-e: ”Ob-o” yosoloma-ge, Yusup na mberarik, at orogwak na waruk mbirij-o. 39Iri kwarosola-ge, kubu nggwe Yesus eram mbirid nap Nikoremus na-ge Yusup imin mborosolar-e, emben konak mende mut min kagaru min nat karuk tak pidnak na angin-e tiga pulu kilo nggal irit waruk mbirij-o. 40Yawuri nap-nen ap ontogwak yapma unpuwokluk-nen kwarugwi mende kwarogolar-e, mberen nap na-nen-e Yesus orogwak na wanuruk, emben konak mende na ebem ndarak puruk, sum loro mot na bem perena keya biga-o. 41Nde, e lang pang tak pem Yesus wiriga sa koroga iri me yabu engen uwi ya mbi woragaij-o. Iri me-ge yapma unpurak ondoro ngget nenaridnak, ap yapma inpigit lak mbi woragaij-o. 42At yapma purak ondoro na koroga, nde, kub-e we woragwi tarem (Hari Sabtu) yebet kudtak ala karug-e, Yesus orogwag-e iri me-t yapma piga-o.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 1992, 1994