GENESIS 9
9
Janjin Hatalla dengan Noah
1 #
Gen. 1:28
Hatalla mamberkat Noah tuntang kare anake hayak hamauh, “Keleh manak majaria dahang-dahanga, uka kare turonam kareh manyuang hapus petak. 2Kare burong tuntang lauk dengan kare meto je beken mikeh dengam. Ewen samandiai uras penda kuasam. 3Uras taloh te tau akan panginam. Kalote kea kare taloh imbul je bahijau; uras te inengaku akan indu panginam. 4#Lew. 7:26-27, 17:10-14, 19:26; Deu. 12:16, 23, 15:23 Baya ije bewei je dia tau ikau kumae iete isin meto je magon aton dahae. 5Genep oloh tuntang meto je mampatei olon akan ihukum matei. 6#Gen. 1:26; Eks. 20:13 Olon injapa kilau gambar-Ku. Awi te ewe-eweh je mampatei olon, ie kea akan impatei awi olon.
7 #
Gen. 1:28
Yoh, keton musti manak-majaria are, mangat turonan tayap hapus petak.”
8Hatalla hamauh dengan Noah tuntang kare anake, 9“Toh aku mampendeng janjing-Ku dengan keton tuntang turonan keton, 10tuntang dengan uras kare taloh belom, iete kare burong tuntang uras kare meto hunjun petak, yoh uras je balua bara kapal te hayak dengan keton. 11Jetoh janjing-Ku dengan keton: Aku hajanji, uras taloh belom dia akan impalomos tinai awi danum soho. Jaton tinai danum soho je mampalomos petak toh. 12Tanda janji je impendeng-Ku dengan keton tuntang dengan kakare taloh belom, 13maka liu ayung-Ku iingkes-Ku hong baunandau. Jete tanda janjing-Ku dengan kalunen. 14Sasining Aku manutup langit hapan baunandan, maka liu aing-Ku te gitan. 15Aku handak mingat janjing-Ku dengan keton tuntang dengan uras taloh belom. Iete danum soho dia tinai mampalomos uras taloh je belom. 16Metoh liu ayung-Ku te gitan hong baunandau, Aku mitee hayak mingat janjing-Ku je katatahie te dengan uras kare taloh belom hong hunjun petak toh. 17Jete tanda janjing-Ku je inenga-Ku akan uras kare taloh belom hong petak toh.”
Noah tuntang kare anake
18Kare anak Noah je balua bara kapal te iete Sem, Ham tuntang Yapet. (Ham iete bapa Kanaan) 19Telo anak Noah te je jadi tato hiang uras oloh kalunen.
20Noah oloh pamalan, tuntang iete je sola-solake manampa kabon anggor. 21Limbah Noah mihop anggor, ie palus babusau. Iengkake kare pakaiae palus ie batiroh halowai hong pasahe. 22Metoh Ham, iete bapa Kanaan, mite bapae halowai, ie balua palus mansanan taloh te akan due biti paharie. 23Limbah te Sem tuntang Yapet manduan ije karambar jubah tuntang mambirang hong hunjun bahan ewen. Ewen mananjong mundur likut tame pasah te palus mangahowut bapa ewen hapan jubah te. Ewen mules baue mangat dia mite bapa ewen je halowai te. 24Limbah Noah barendeng bara kabusaue tuntang mangatawan narai je awi anak busue dengae, 25ie hamauh,
“Tarasapa Kanaan!
Ie akan jadi jipen kare paharie.
26Tara Tuhan, Hatallan Sem!
Kanaan akan manjadi jipen Sem.
27Keleh Hatalla mandahang berkat akan Yapet #9:27: Yapet: Aran toh sama auh sewute dengan kotak huang basa Ibrani je rimae “mandahang”. tuntang mampalombah ekae melai.
Keleh turonae melai dengan turonan Sem.
Kanaan akan jadi jipen Yapet.”
28Limbah danum soho te, Noah magon belom 350 nyelo tinai. 29Ie matei metoh umure 950 nyelo.
Currently Selected:
GENESIS 9: NIJ
Highlight
Share
Copy
Want to have your highlights saved across all your devices? Sign up or sign in
GENESIS 9
9
Janjin Hatalla dengan Noah
1 #
Gen. 1:28
Hatalla mamberkat Noah tuntang kare anake hayak hamauh, “Keleh manak majaria dahang-dahanga, uka kare turonam kareh manyuang hapus petak. 2Kare burong tuntang lauk dengan kare meto je beken mikeh dengam. Ewen samandiai uras penda kuasam. 3Uras taloh te tau akan panginam. Kalote kea kare taloh imbul je bahijau; uras te inengaku akan indu panginam. 4#Lew. 7:26-27, 17:10-14, 19:26; Deu. 12:16, 23, 15:23 Baya ije bewei je dia tau ikau kumae iete isin meto je magon aton dahae. 5Genep oloh tuntang meto je mampatei olon akan ihukum matei. 6#Gen. 1:26; Eks. 20:13 Olon injapa kilau gambar-Ku. Awi te ewe-eweh je mampatei olon, ie kea akan impatei awi olon.
7 #
Gen. 1:28
Yoh, keton musti manak-majaria are, mangat turonan tayap hapus petak.”
8Hatalla hamauh dengan Noah tuntang kare anake, 9“Toh aku mampendeng janjing-Ku dengan keton tuntang turonan keton, 10tuntang dengan uras kare taloh belom, iete kare burong tuntang uras kare meto hunjun petak, yoh uras je balua bara kapal te hayak dengan keton. 11Jetoh janjing-Ku dengan keton: Aku hajanji, uras taloh belom dia akan impalomos tinai awi danum soho. Jaton tinai danum soho je mampalomos petak toh. 12Tanda janji je impendeng-Ku dengan keton tuntang dengan kakare taloh belom, 13maka liu ayung-Ku iingkes-Ku hong baunandau. Jete tanda janjing-Ku dengan kalunen. 14Sasining Aku manutup langit hapan baunandan, maka liu aing-Ku te gitan. 15Aku handak mingat janjing-Ku dengan keton tuntang dengan uras taloh belom. Iete danum soho dia tinai mampalomos uras taloh je belom. 16Metoh liu ayung-Ku te gitan hong baunandau, Aku mitee hayak mingat janjing-Ku je katatahie te dengan uras kare taloh belom hong hunjun petak toh. 17Jete tanda janjing-Ku je inenga-Ku akan uras kare taloh belom hong petak toh.”
Noah tuntang kare anake
18Kare anak Noah je balua bara kapal te iete Sem, Ham tuntang Yapet. (Ham iete bapa Kanaan) 19Telo anak Noah te je jadi tato hiang uras oloh kalunen.
20Noah oloh pamalan, tuntang iete je sola-solake manampa kabon anggor. 21Limbah Noah mihop anggor, ie palus babusau. Iengkake kare pakaiae palus ie batiroh halowai hong pasahe. 22Metoh Ham, iete bapa Kanaan, mite bapae halowai, ie balua palus mansanan taloh te akan due biti paharie. 23Limbah te Sem tuntang Yapet manduan ije karambar jubah tuntang mambirang hong hunjun bahan ewen. Ewen mananjong mundur likut tame pasah te palus mangahowut bapa ewen hapan jubah te. Ewen mules baue mangat dia mite bapa ewen je halowai te. 24Limbah Noah barendeng bara kabusaue tuntang mangatawan narai je awi anak busue dengae, 25ie hamauh,
“Tarasapa Kanaan!
Ie akan jadi jipen kare paharie.
26Tara Tuhan, Hatallan Sem!
Kanaan akan manjadi jipen Sem.
27Keleh Hatalla mandahang berkat akan Yapet #9:27: Yapet: Aran toh sama auh sewute dengan kotak huang basa Ibrani je rimae “mandahang”. tuntang mampalombah ekae melai.
Keleh turonae melai dengan turonan Sem.
Kanaan akan jadi jipen Yapet.”
28Limbah danum soho te, Noah magon belom 350 nyelo tinai. 29Ie matei metoh umure 950 nyelo.
Currently Selected:
:
Highlight
Share
Copy
Want to have your highlights saved across all your devices? Sign up or sign in