Tekang Kbuten 12
12
Ktaba Dwata ke Abram
1Yó mon Dwata mò ke Abram, monen, “Ó Abram, lemwóti ne. Tebelem nim benwu gónóhem nô ni ne yó kem dumuhem ne yó kem fes lówó maem, mógówi ebè yóm benwu naw e tolok kóm. 2Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.
3Tey angat któbóngu kul yó kem tau gel tmóbóng kóm, okóm tnafaku yó kem tau hemmulà kóm.
Ne mlan béléem gónóhu tmóbóng yóm kdéen tau bè klamangen benwu.”
4Bè yóm kewót Abram bè yó, deng hitu folò limu ne halayen. Tódô lemwót, tebelen yóm syudad Haran lómón yóm deng mon Dwata mò du ne mung du Lat. 5Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan, 6tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.
7Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen. 8Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó. 9Ominen yó tendo mili yóm gónón kmamfù hlós tofi leged lem yóm benwu Kanan.
Knô Abram bè Idyip
10Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu. 11Bè yóm móyón kgefet le bè Idyip, yó monen mò ke yehenen, “Ó Saray, teyi tilob libun nim uu. 12Ke angat ton le uu yó kem tau Idyip ne tngón le uu se yehenu, déke hnatay le ou ne fen hlowil le uu. 13Yó nmò te, ke snólók le uu, yake tulónem kul libunu uu#12:13 Wen gónón tahu yóm klibun Abram ke Saray, abay se bè ktahuhen sotu mà le, stólóng bè yê le. ne lemwót béléem gónó le hlowil dou ne gónó le hemtilob kmò le ebéléu.”
14Tahu se, timbow gefet bè Idyip Abram, ton yó kem tau bè yó tey tilob libun yóm yehenen. 15Wen bè yó kem genlal bè Faro bélê le mton ke Saray ne tulón le du yóm tey ktiloben ne yó gónó Faro hangay ke Saray ebè gónô bongen. 16Lemwót bè Saray gónón alì hyu knawa Faro ebè Abram. Yó gónón bemlay du yó kem tey ubiha ne yó kem kambing ne yó kem safì ne yó kem kudà asnu ne yó kem hesek ne yó kem kamél.
17Okóm lemwót bè yóm kwiten ke Saray ebè gónóen, yó gónó Dwata hemwit ebéléen ne ebè yó kem tau nô lem yóm gónô bongen yóm tey des sidek. 18Omin Faro tminok ke Abram ne yó monen mò du, “Moen de ke ni nmoem béléu? Moem là tódô tmulón du dou du ke du yehenem? 19Moen de ke mom monem libunem ne deng mom hlusem dou mò yehenu? Ni se yehenem, nwitem ne géhéli mdó bè ni.” 20Ne omin Faro mudél ebè yó kem sendaluen anì hdó le Abram bè yóm kul benwu, mung du yehenen ne kdê yó kem deng nfunen.
Currently Selected:
Tekang Kbuten 12: tbl
Highlight
Share
Copy
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.
Tekang Kbuten 12
12
Ktaba Dwata ke Abram
1Yó mon Dwata mò ke Abram, monen, “Ó Abram, lemwóti ne. Tebelem nim benwu gónóhem nô ni ne yó kem dumuhem ne yó kem fes lówó maem, mógówi ebè yóm benwu naw e tolok kóm. 2Yó nmou béléem angat hwenu bólem ne baling le sotu but tau alì mbegel kbenwu le. Tódô henlósu tmóbóng kóm ne htótólu boluyem ne mlan béléem gónóhu tmóbóng yó kem dumu tau.
3Tey angat któbóngu kul yó kem tau gel tmóbóng kóm, okóm tnafaku yó kem tau hemmulà kóm.
Ne mlan béléem gónóhu tmóbóng yóm kdéen tau bè klamangen benwu.”
4Bè yóm kewót Abram bè yó, deng hitu folò limu ne halayen. Tódô lemwót, tebelen yóm syudad Haran lómón yóm deng mon Dwata mò du ne mung du Lat. 5Bè yóm kewót Abram yó, nwiten Saray yóm yehenen, ne Lat yóm ngà twoguhen ne kdê yó kem kendengen le, ne kdê yó kem hesek deng nwa le bè Haran. Tódô le lemwót, mógów le etu bè yóm benwu boluyen Kanan. Timbow le kól ditu bè Kanan, 6tódô henlós Abram mógów lem yóm benwu yó efet gefet bè yóm tey koyu bong bè Muri yóm benwu moni bè syudad Sékém. Bè yóm kdaw yó, tolo le nô bè yóm benwu yó kem tau Kanan.
7Bè yóm kkól Abram bè yó, tódô hegfan béléen Dwata, yó monen mò du, “Ó Abram, ni se yóm benwu angat blayu yó kem tau semfu gu béléem.” Omin Abram semsodò yó kem botu mò gónón demsù ebè Dwata yóm Dwata hol kun gónó mogot, yóm deng hegfan béléen. 8Kogolen bè yó, ominen mili fi leged bè yóm benwu wen kem bululen fi dmata kdaw yóm syudad Bétél. Bè yó gónón kmamfù, bè gónón sóól Bétél ne Ay, tofi dmata kdaw yóm Bétél ne tofi desdef yóm benwu Ay. Bè yó bud gónón semsodò botu mò gónón demsù ebè Dwata ne bud tmaba ebè Dwata bè yó. 9Ominen yó tendo mili yóm gónón kmamfù hlós tofi leged lem yóm benwu Kanan.
Knô Abram bè Idyip
10Okóm bè yóm knô Abram bè yóm benwu Kanan yó, nan e mbel tey bitil bong bè yó. Lemwót bè yóm tey ksideken yóm bitil bong yó, là gbek Abram du ke là mógówen ebè Idyip anì nan na hlun nô ditu. 11Bè yóm móyón kgefet le bè Idyip, yó monen mò ke yehenen, “Ó Saray, teyi tilob libun nim uu. 12Ke angat ton le uu yó kem tau Idyip ne tngón le uu se yehenu, déke hnatay le ou ne fen hlowil le uu. 13Yó nmò te, ke snólók le uu, yake tulónem kul libunu uu#12:13 Wen gónón tahu yóm klibun Abram ke Saray, abay se bè ktahuhen sotu mà le, stólóng bè yê le. ne lemwót béléem gónó le hlowil dou ne gónó le hemtilob kmò le ebéléu.”
14Tahu se, timbow gefet bè Idyip Abram, ton yó kem tau bè yó tey tilob libun yóm yehenen. 15Wen bè yó kem genlal bè Faro bélê le mton ke Saray ne tulón le du yóm tey ktiloben ne yó gónó Faro hangay ke Saray ebè gónô bongen. 16Lemwót bè Saray gónón alì hyu knawa Faro ebè Abram. Yó gónón bemlay du yó kem tey ubiha ne yó kem kambing ne yó kem safì ne yó kem kudà asnu ne yó kem hesek ne yó kem kamél.
17Okóm lemwót bè yóm kwiten ke Saray ebè gónóen, yó gónó Dwata hemwit ebéléen ne ebè yó kem tau nô lem yóm gónô bongen yóm tey des sidek. 18Omin Faro tminok ke Abram ne yó monen mò du, “Moen de ke ni nmoem béléu? Moem là tódô tmulón du dou du ke du yehenem? 19Moen de ke mom monem libunem ne deng mom hlusem dou mò yehenu? Ni se yehenem, nwitem ne géhéli mdó bè ni.” 20Ne omin Faro mudél ebè yó kem sendaluen anì hdó le Abram bè yóm kul benwu, mung du yehenen ne kdê yó kem deng nfunen.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2007, Wycliffe Bible Translators, Inc. All rights reserved.