MARKUS 1
1
Yohanes Pembaptis Bek Yuba
(Mat. 3:1-12; Luk. 3:1-18; Yoh. 1:19-28)
1Imik Neyung bedya me Yesus Kristus amba perob lero yanggan yuba men leb einiwok yub era ban. 2Ban perobaʾ lero yanggan yub era, ununumnaʾ lenya Yesaya bedya, Imik Neyung adya lemokaʾ anyek momnya dobokaʾ ara,
”Nadya wa wenya bera, anda loboka men anja pik yarawogululaʾ aboka, alak bokol binimna.
3Nimi ben hnon hwalek sam bii aboka lelemnamlaʾ ara, Wenelesilnya bemba pik orowek yarawoka meeb loblulum. Al yibinamlya pika nidyaʾ sangawoka jongaʾ yarawanalum,
wenyalamnamla aboka lemok,” hyok.
4Ban eini wenyaboka orowek momnya domok sok, gigiwoka Yohanes bera hwalek sam yeindeboka, Imik Neyung yuba leb elegoka nimi meka dalasuk. Anya, wenyalamokaʾ ara, ”Imik Neyung adya ugunja malya unaʾ sobaʾ meewosululaʾ aboka dara, malya unaʾ ak ab ganya dangawoka lobmun dara, meka dabnesin,” aboka lelemok. 5Nimi nauba Yudea moka pik eb nimi hnon, Yerusalem heikek nimi nidyaʾ hnon Yohanes bedya lelemok yub ek kel balamek. Anya sikja malya unaʾ laga lelemek dara, Yohanes bedya Yordan mek ek meka dalasuk.
6Wera Yohanes bera, alda akleng ak dara, unta pam hong akleng ek ongolomok. Goukwa noronaʾ ara bokaʾ adya norolomok. Denaʾ ak dara, ged-gedya kweng eb bei lusa mek ab delemok. 7Yuba lelemok dara, ban wenyaro lelemok, ”Nara men yasenya bera mek so bok, eimik yanalanya bera hyak senenggomnya bek yanamla. Alja yan ongonaʾ gwiriwanasinyaʾ anaba, nadya dara, unuwamenggomnya bek yanamla. 8Nadya dara, mek dem adya dalasin bok, alja dara, Imik Neyung Geisinya ab mek dibaʾ dabnesil,” aro lelemok.
Yohanes Adya Yesus Meka Damok Yuba
(Mat. 3:13-17; Luk. 3:21-22)
9Ban salek enyek, Yesus ara Galilea moka sokok Nazaret heikek abaʾ ara, Yohanes meka dalasukaʾ ak sam yeilimok dara, Yesus anaba Yordan mek ek meka damok. 10Wera Yesus ara mek lomok abaʾ goboka welok dara, kemelemok enyek, Imik Neyung Geisinya ara im pika gaboka, bek wining enesoʾ anyek, Yesus adyaʾ nong dubuk bul yeilimok. 11Danyek, imik heik ab yub era, ”Anak danyek nadyaʾ wanaʾ nong me ululam. An nong adya nadya ganya heklenel,” hyok.
Yesus Ara Bisaʾ Adya Sunuwok Yuba
(Mat. 4:1-11; Luk. 4:1-13)
12Dara wera, al neik salek enyek, Geisinya adya Yesus ara hwalek sam arawoka bo byuk. 13Wera Yesus ara lika denga hnonok uboka ebdobnya mek badya mabok sum era, bisaʾ dubnya Satan bedya sunubyaawok. Beiyik ulumlaʾ hnoum ulumok dara, lero nang edyaʾ Yesus ak arawoka bo ulumek.
Yesus Ara Dombadya Yuba Len Nang Ebsuk Yuba
(Mat. 4:12-22; Luk. 4:14-15, 5:1-11)
14Wera Yohanes bera seleb henga gerekoka gasa ek sam beiyimek dara, Yesus ara Galilea sokok sam biniboka, Imik Neyung adyaʾ perob yuba neklesuk. 15Dara Yesus adya, ”Imik Neyung adya wenelemnesil salek era gigiwoka seleb oka dal. Ugunja malya unaʾ ak ab ganya dangawomunukanya, Imik Neyung adyaʾ perob yub enyek dib senewanalum,” aro lelemok.
16Wera Yesus ara Galilea mek gwan gem pik yabalamok salek, nimi penya nanga Simon beb alja weisa Andreas beb anyagan ulurek. Ban sik penya nang dara, sikda hadyaʾ don nang ulurekaʾ anasa, hadyaʾ oumaʾ doloklerekaʾ ak eibsuk. 17Wera Yesus adya yeiniboka, ”Nak dobol yananurum, dara ugunda nimi don nang dangiyiwanasin” hyok. 18Dara sik penya nang era men hadyaʾ oumaʾ aklenga loboka berra aboka Yesus ak dobol birik.
19Wera Yesus ara neik mok era anam dongora yabalamok dara, onoʾ yok noungusuk penya nang Zebedeus bedya mabo Yakobus beb Yohanes beb eibsuk. Sikda mek ekla bunaʾ lomok bukoka hadyaʾ oumaʾ henga weknelerekaʾ ak eibsuk. 20Dara Yesus adya ugunda nak yoururum aboka, berra aboka men ebsuk. Dara sikjaʾ neyung Zebedeus beb alja wa welemek nang eb mek ekla bunaʾ ak an gobdo loboka, Yesus ak dobol birik.
Bisaʾ Ganya Yamaʾ Gologomoknya Yuba
(Luk. 4:31-37)
21Wera sikda balamekaʾ ara, Kapernaum heikek lanal byik. Wera Sabat mem sum dok dara, Yesus ara Yahudi nim edya yuba don ek sam wekoka yuba nek einiwousuk. 22Dara Yesus adya yuba neklesukaʾ anyek, sikja yuba neksin nang edya neklesik sok neknenggusuk, alda hyak migibaʾ gebman anyek ura neklesukaʾ anasa, sikda salya uru lelelanya senemek. 23Wene salek enyek, nimi ben hnon bisaʾ gologomoknya benyek, Yahudi nim edya yuba donaʾ ek sam ab lanawoka, ebngalagoka lelemokja, 24”Wei, Yesus Nazaretnya o, nuk hekaʾ hubdanamabaʾ anasa yeililam do? Anda nuk obsununaʾ aboka yeililam de? Anda heknya ululamaʾ ara, nara ella ulunggen; anda Imik Neyung bek ab geisa nongaʾ ak bokol yeilinjoknya bek ululam!” aboka lelemok. 25Bok Yesus adya bisaʾ ak, ”Anda yuba sanaʾ ara hyak gelegalom! Anda ban benyek anyebaʾ ara goboka bilom,” hyok. 26Dara bisaʾ era, gologomoknya bek ab hyak nauba yeiriwoka eiliwoka gweklemokaʾ ara, hyak senenggom yub edya goboka sabdongora ngeboka gobok. 27Wenyek nimi nidyaʾ ara hyak lok ganya boboka sik moumen wenyaldalamekaʾ ara, ”Wei, ban era hek damok yuba do? Wenyek bo lanawak yub! Hyak senenggom lok so uboka migib edya bisaʾ goboka yabalom hen enyek, alja yuba keboka unulumak bar!” aboka lelemek. 28Dara Yesus adya ban lok soʾ unulamla an yub era, Galilea moka nidyaʾ neikaʾ ok ob lelewok.
Yesus Adya Nimi Nauba Hwebsuk Yuba
(Mat. 8:14-17; Luk. 4:38-41)
29Wera Yesus ab alja yuba doro diriga ban nang eb dara, Yahudi nim edya yuba don ek ab gobek dara, Yakobus beb, Yohanes beb, sikda neikaʾ Simon Andreas, sikja ek sam byik. 30Dara Simon aldogol gera poba neiknaʾ salamokaʾ ak alja eklek sam mamok. Anasa, gel gera anaso unu neiknaʾ salamla aboka, sikda Yesus ak nekek. 31Dara Yesus ara, Petrus aldogol gedyaʾ ekla ak sam biniboka, soruka gliboka bukiyiwok. Dara al wene salek enyek, alak salamok poba neiknaʾ era denghyok dara, gera bukoka bilimek nang emba arawoka ubsuk.
32Wera henga wekel biniboka inil yabok dara, nimi nidyaʾ neiknaʾ salawoka, bisaʾ doboka weklesuk nim era, Yesus ak bo yeilimek. 33Heik enyek an nimi nidyaʾ ara, Yesus bilimok ek esindamok an kiboka mamagal yeilimek. 34Dara Yesus ara nimi nauba neikoka malya dangalasuk nim era hweboka, bisaʾ mandebnaʾ era, yakoka hwebsuk. Bisaʾ ganya yamaʾ dara, Yesus ara heknya ulumlaʾ ara, sikda ella ulumekaʾ anasa, yuba sanaʾ ara mem aboka yuba seksuk.
Yesus Ara Yok-yok Galilea Heikek Neklesuk Yuba
(Luk. 4:42-44)
35Ampum maboka gwelekok dara, gunaʾ dakoka anam beregel yabok sab-sab, Yesus ara bukoka ek ara loboka, beiyik sam heik gokgobok gakdenaʾ ak biniboka molol bilimok. 36Simon beb aljaʾ hemyab eb dara, Yesus ak ebdongora bilimek. 37Wera sikda Yesus ak eibek dara, ”Neyung o, nimi nidyaʾ ara anak elenjak,” hyek. 38Bok Yesus adya lebnesuk dara, ”Nara ban unuwonunaʾ aboka yeilinabok anasa, anyagan heik ok berem heik pik an Imik Neyung yuba hnon leb elegousununaʾ aboka, nunda anyan heik pik an dongoro yabalanob,” hyok. 39Dara, Yesus ara Galilea mok soko heik me nidyaʾ eb girigoka, Yahudi inim edya yuba don e pik wekoka Imik Neyung yuba leb elekgiga, bisaʾ goleklesuk nim, yakoka hwelesuk.
Yesus Ara Gororomaʾ Delemoknya Hwebok Yuba
(Mat. 8:1-4; Luk. 5:12-16)
40Nimi ben hnon gororomaʾ adya alja bokaʾ malya ura delemoknya benyek, Yesus ak yeiniboka, koma lumugoka lebokaʾ ara, ”Neyung o, anda nak hwebnamna senemen dara, wera neyung or hweiyiwanelom,” hyok. 41Dara Yesus ara benyek an hyak angoo yadyek senewookanya, alda benyek an soruka diyiboka lebokaʾ ara, ”Nadya dara, merewolul senemnaʾ anasa, or bokaʾ doblom,” hyok. 42Dara al wene sab-sab enyek, alja gororomaʾ delemokaʾ ara dengaboka gobdo merewok. 43Dara Yesus adya anda or bilom hyookanya, alak wenewanamokaʾ ara, 44”Anda yok nim ek nara merewan aboka nekdo yabanaʾ ara hyak mem. Alda Imik Neyung yuba wa gak nim ek, anyaganyek hnonok or bp amaldal bilom. Dara anda merewalamaʾ nong amba ok hnonok, aldib an merewal anaʾ dibaʾ Musa bedya unululum aboka lebok sok, Imin Neyung ak sam pam oboka gibil binilam,” hyok. 45Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.
Currently Selected:
MARKUS 1: LAINLC
Highlight
Share
Copy
Want to have your highlights saved across all your devices? Sign up or sign in
MARKUS 1
1
Yohanes Pembaptis Bek Yuba
(Mat. 3:1-12; Luk. 3:1-18; Yoh. 1:19-28)
1Imik Neyung bedya me Yesus Kristus amba perob lero yanggan yuba men leb einiwok yub era ban. 2Ban perobaʾ lero yanggan yub era, ununumnaʾ lenya Yesaya bedya, Imik Neyung adya lemokaʾ anyek momnya dobokaʾ ara,
”Nadya wa wenya bera, anda loboka men anja pik yarawogululaʾ aboka, alak bokol binimna.
3Nimi ben hnon hwalek sam bii aboka lelemnamlaʾ ara, Wenelesilnya bemba pik orowek yarawoka meeb loblulum. Al yibinamlya pika nidyaʾ sangawoka jongaʾ yarawanalum,
wenyalamnamla aboka lemok,” hyok.
4Ban eini wenyaboka orowek momnya domok sok, gigiwoka Yohanes bera hwalek sam yeindeboka, Imik Neyung yuba leb elegoka nimi meka dalasuk. Anya, wenyalamokaʾ ara, ”Imik Neyung adya ugunja malya unaʾ sobaʾ meewosululaʾ aboka dara, malya unaʾ ak ab ganya dangawoka lobmun dara, meka dabnesin,” aboka lelemok. 5Nimi nauba Yudea moka pik eb nimi hnon, Yerusalem heikek nimi nidyaʾ hnon Yohanes bedya lelemok yub ek kel balamek. Anya sikja malya unaʾ laga lelemek dara, Yohanes bedya Yordan mek ek meka dalasuk.
6Wera Yohanes bera, alda akleng ak dara, unta pam hong akleng ek ongolomok. Goukwa noronaʾ ara bokaʾ adya norolomok. Denaʾ ak dara, ged-gedya kweng eb bei lusa mek ab delemok. 7Yuba lelemok dara, ban wenyaro lelemok, ”Nara men yasenya bera mek so bok, eimik yanalanya bera hyak senenggomnya bek yanamla. Alja yan ongonaʾ gwiriwanasinyaʾ anaba, nadya dara, unuwamenggomnya bek yanamla. 8Nadya dara, mek dem adya dalasin bok, alja dara, Imik Neyung Geisinya ab mek dibaʾ dabnesil,” aro lelemok.
Yohanes Adya Yesus Meka Damok Yuba
(Mat. 3:13-17; Luk. 3:21-22)
9Ban salek enyek, Yesus ara Galilea moka sokok Nazaret heikek abaʾ ara, Yohanes meka dalasukaʾ ak sam yeilimok dara, Yesus anaba Yordan mek ek meka damok. 10Wera Yesus ara mek lomok abaʾ goboka welok dara, kemelemok enyek, Imik Neyung Geisinya ara im pika gaboka, bek wining enesoʾ anyek, Yesus adyaʾ nong dubuk bul yeilimok. 11Danyek, imik heik ab yub era, ”Anak danyek nadyaʾ wanaʾ nong me ululam. An nong adya nadya ganya heklenel,” hyok.
Yesus Ara Bisaʾ Adya Sunuwok Yuba
(Mat. 4:1-11; Luk. 4:1-13)
12Dara wera, al neik salek enyek, Geisinya adya Yesus ara hwalek sam arawoka bo byuk. 13Wera Yesus ara lika denga hnonok uboka ebdobnya mek badya mabok sum era, bisaʾ dubnya Satan bedya sunubyaawok. Beiyik ulumlaʾ hnoum ulumok dara, lero nang edyaʾ Yesus ak arawoka bo ulumek.
Yesus Ara Dombadya Yuba Len Nang Ebsuk Yuba
(Mat. 4:12-22; Luk. 4:14-15, 5:1-11)
14Wera Yohanes bera seleb henga gerekoka gasa ek sam beiyimek dara, Yesus ara Galilea sokok sam biniboka, Imik Neyung adyaʾ perob yuba neklesuk. 15Dara Yesus adya, ”Imik Neyung adya wenelemnesil salek era gigiwoka seleb oka dal. Ugunja malya unaʾ ak ab ganya dangawomunukanya, Imik Neyung adyaʾ perob yub enyek dib senewanalum,” aro lelemok.
16Wera Yesus ara Galilea mek gwan gem pik yabalamok salek, nimi penya nanga Simon beb alja weisa Andreas beb anyagan ulurek. Ban sik penya nang dara, sikda hadyaʾ don nang ulurekaʾ anasa, hadyaʾ oumaʾ doloklerekaʾ ak eibsuk. 17Wera Yesus adya yeiniboka, ”Nak dobol yananurum, dara ugunda nimi don nang dangiyiwanasin” hyok. 18Dara sik penya nang era men hadyaʾ oumaʾ aklenga loboka berra aboka Yesus ak dobol birik.
19Wera Yesus ara neik mok era anam dongora yabalamok dara, onoʾ yok noungusuk penya nang Zebedeus bedya mabo Yakobus beb Yohanes beb eibsuk. Sikda mek ekla bunaʾ lomok bukoka hadyaʾ oumaʾ henga weknelerekaʾ ak eibsuk. 20Dara Yesus adya ugunda nak yoururum aboka, berra aboka men ebsuk. Dara sikjaʾ neyung Zebedeus beb alja wa welemek nang eb mek ekla bunaʾ ak an gobdo loboka, Yesus ak dobol birik.
Bisaʾ Ganya Yamaʾ Gologomoknya Yuba
(Luk. 4:31-37)
21Wera sikda balamekaʾ ara, Kapernaum heikek lanal byik. Wera Sabat mem sum dok dara, Yesus ara Yahudi nim edya yuba don ek sam wekoka yuba nek einiwousuk. 22Dara Yesus adya yuba neklesukaʾ anyek, sikja yuba neksin nang edya neklesik sok neknenggusuk, alda hyak migibaʾ gebman anyek ura neklesukaʾ anasa, sikda salya uru lelelanya senemek. 23Wene salek enyek, nimi ben hnon bisaʾ gologomoknya benyek, Yahudi nim edya yuba donaʾ ek sam ab lanawoka, ebngalagoka lelemokja, 24”Wei, Yesus Nazaretnya o, nuk hekaʾ hubdanamabaʾ anasa yeililam do? Anda nuk obsununaʾ aboka yeililam de? Anda heknya ululamaʾ ara, nara ella ulunggen; anda Imik Neyung bek ab geisa nongaʾ ak bokol yeilinjoknya bek ululam!” aboka lelemok. 25Bok Yesus adya bisaʾ ak, ”Anda yuba sanaʾ ara hyak gelegalom! Anda ban benyek anyebaʾ ara goboka bilom,” hyok. 26Dara bisaʾ era, gologomoknya bek ab hyak nauba yeiriwoka eiliwoka gweklemokaʾ ara, hyak senenggom yub edya goboka sabdongora ngeboka gobok. 27Wenyek nimi nidyaʾ ara hyak lok ganya boboka sik moumen wenyaldalamekaʾ ara, ”Wei, ban era hek damok yuba do? Wenyek bo lanawak yub! Hyak senenggom lok so uboka migib edya bisaʾ goboka yabalom hen enyek, alja yuba keboka unulumak bar!” aboka lelemek. 28Dara Yesus adya ban lok soʾ unulamla an yub era, Galilea moka nidyaʾ neikaʾ ok ob lelewok.
Yesus Adya Nimi Nauba Hwebsuk Yuba
(Mat. 8:14-17; Luk. 4:38-41)
29Wera Yesus ab alja yuba doro diriga ban nang eb dara, Yahudi nim edya yuba don ek ab gobek dara, Yakobus beb, Yohanes beb, sikda neikaʾ Simon Andreas, sikja ek sam byik. 30Dara Simon aldogol gera poba neiknaʾ salamokaʾ ak alja eklek sam mamok. Anasa, gel gera anaso unu neiknaʾ salamla aboka, sikda Yesus ak nekek. 31Dara Yesus ara, Petrus aldogol gedyaʾ ekla ak sam biniboka, soruka gliboka bukiyiwok. Dara al wene salek enyek, alak salamok poba neiknaʾ era denghyok dara, gera bukoka bilimek nang emba arawoka ubsuk.
32Wera henga wekel biniboka inil yabok dara, nimi nidyaʾ neiknaʾ salawoka, bisaʾ doboka weklesuk nim era, Yesus ak bo yeilimek. 33Heik enyek an nimi nidyaʾ ara, Yesus bilimok ek esindamok an kiboka mamagal yeilimek. 34Dara Yesus ara nimi nauba neikoka malya dangalasuk nim era hweboka, bisaʾ mandebnaʾ era, yakoka hwebsuk. Bisaʾ ganya yamaʾ dara, Yesus ara heknya ulumlaʾ ara, sikda ella ulumekaʾ anasa, yuba sanaʾ ara mem aboka yuba seksuk.
Yesus Ara Yok-yok Galilea Heikek Neklesuk Yuba
(Luk. 4:42-44)
35Ampum maboka gwelekok dara, gunaʾ dakoka anam beregel yabok sab-sab, Yesus ara bukoka ek ara loboka, beiyik sam heik gokgobok gakdenaʾ ak biniboka molol bilimok. 36Simon beb aljaʾ hemyab eb dara, Yesus ak ebdongora bilimek. 37Wera sikda Yesus ak eibek dara, ”Neyung o, nimi nidyaʾ ara anak elenjak,” hyek. 38Bok Yesus adya lebnesuk dara, ”Nara ban unuwonunaʾ aboka yeilinabok anasa, anyagan heik ok berem heik pik an Imik Neyung yuba hnon leb elegousununaʾ aboka, nunda anyan heik pik an dongoro yabalanob,” hyok. 39Dara, Yesus ara Galilea mok soko heik me nidyaʾ eb girigoka, Yahudi inim edya yuba don e pik wekoka Imik Neyung yuba leb elekgiga, bisaʾ goleklesuk nim, yakoka hwelesuk.
Yesus Ara Gororomaʾ Delemoknya Hwebok Yuba
(Mat. 8:1-4; Luk. 5:12-16)
40Nimi ben hnon gororomaʾ adya alja bokaʾ malya ura delemoknya benyek, Yesus ak yeiniboka, koma lumugoka lebokaʾ ara, ”Neyung o, anda nak hwebnamna senemen dara, wera neyung or hweiyiwanelom,” hyok. 41Dara Yesus ara benyek an hyak angoo yadyek senewookanya, alda benyek an soruka diyiboka lebokaʾ ara, ”Nadya dara, merewolul senemnaʾ anasa, or bokaʾ doblom,” hyok. 42Dara al wene sab-sab enyek, alja gororomaʾ delemokaʾ ara dengaboka gobdo merewok. 43Dara Yesus adya anda or bilom hyookanya, alak wenewanamokaʾ ara, 44”Anda yok nim ek nara merewan aboka nekdo yabanaʾ ara hyak mem. Alda Imik Neyung yuba wa gak nim ek, anyaganyek hnonok or bp amaldal bilom. Dara anda merewalamaʾ nong amba ok hnonok, aldib an merewal anaʾ dibaʾ Musa bedya unululum aboka lebok sok, Imin Neyung ak sam pam oboka gibil binilam,” hyok. 45Bok ban hwemoknya bedya dara, hyak nauba yeiriwoka yokok-yokok sam hwebnel aboka nekdo yabalamokaʾ adya, Yesus ara nauba heikek ara laga lanal yanggumok. Alda doknowoka gakdenaʾ gokgobok sam uro yabalamok. Bok anyek babya nimi nauba yok-yok mok ebaʾ ara alak yaldibilloklomek.
Currently Selected:
:
Highlight
Share
Copy
Want to have your highlights saved across all your devices? Sign up or sign in