LUKAS 12
12
Auh tingak umba ulun-ulun pura-pura
(Mat. 10:26-27)
1 #
Mat. 16:6; Mrk. 8:15 Bokuhjan-kuhjan ulun-ulun ngorumbung Yesus nyiring anai ijo nihcak-ngihik pa'an injahoh. Pondehan ulun-ulun rih hokorumbung, Yesus nuhtui umba murid-murid-Oh, ‘‘Bua-buah toharep ragin ulun Parisi, maksud-Ku kopura-pura'ndo. 2#Mrk. 4:22; Luk. 8:17 Eam anai ijo bosuhuk ijo eam ahkan gihtan, tutang eam anai ijo tongulim ijo eam ahkan ponokarah. 3Ijo ihkam nuhtuioh ang ohkot ngolomi ahkan konahan ang ohkot koboloang; tutang ijo ihkam mongosinok ang tolingan ulun ang luwang tahkun bokatop, ahkan tonosiar ulun nokuh umo-umohoh.’’
Mihkoh umba Tuhan
(Mat. 10:26-31)
4‘‘Ingatrih, karon-jolahak-Ku! Ara mihkoh umba iro ijo munu behti, tahpi eam duon nguan labih tahkanumba orih. 5Piosrih Ahku ngorinah ahkan'kam, iai ijo harus ihkam mihkohoh. Mihkohrih umba Pohotala! Tului amat uli munu, Io bokowasa ka'a ngondian nokuh norahka! Porocayarih, Io ijo harus ihkam mihkohoh.
6Limo kungan bulung opit tomorahkang legai duo duit ijo pokokoikoh. Oluka kolourih eam ihcokungan ka tonolingou Pohotala. 7Balou ang kuhung'mu jari tongihtung paringoh, tului orih ara mihkoh; ihkam labih borega tahkan bulung-bulung opit rih!’’
Mongahku Yesus ang toharep ulun aro
(Mat. 10:32-33, 12:32, 10:19-20)
8‘‘Ingat tu'u-tu'u: Ulun ijo ngahkuoh ang tohimo ulun aro tului io murid-Ku, io ahkan tomongahku ka'a bain Anak Ulun ang tohimo molehkat-molehkat Pohotala. 9Tahpi ulun ijo ngulim ang tohimo ulunaro ijo io murid-Ku, io ahkan tongulim ka'a bain Anak Ulun ang tohimo karon-molehkat Pohotala.
10 #
Mat. 12:32; Mrk. 3:29 Amatmira ulun ijo nuhtui aang'co ngolawan Anak Ulun, io duon tongapun; tahpi amatmira io mohina Roh Pohotala, io eam duon tongapunoh.
11 #
Mat. 10:19-20; Mrk. 13:11; Luk. 21:14-15 Amat ihkam konomin nokuh karon-lohpou sombayang ahkan tomosara ang tohimo pomoretah ata'ai pongowasa, ararih mihkoh tohou koloukuwohoh ihkam harus mombela arop, ata'ai tohou inon ijo harus ihkam nuhtuioh. 12Tului inon ijo harus ihkam nuhtuioh rih ahkan tomara bain Roh Pohotala ahkan'kam ang ohkotoh.’’
Porobasa ulun tahtou ijo uong
13Ihcobehti tahkan louk ulun aro nuhtui umba Yesus, ‘‘Amai Guru, cuba Amai nyuhu konduang'ku nonga ahkak'ku ihcobagian tahkan ponahtou ijo tonohtah amai ihkai.’’
14Yesus mutah, ‘‘Konduang, iairih potuot Ahku monjadi hakim ata'ai tuhkang magi waris ahkan ihkam duo?’’ 15Pongohuli, ahkan paring ulun ijo anai ang anan Yesus nuhtui, ‘‘Bua-buahrih, tutang borondong, ara nyiring ihkam bokuhu. Tului pombolum ulun eam bogatung umba ponahtouoh, oluka ponahtouoh holowi-holea.’’
16Turus Yesus nyorihta porobasa tuh, ‘‘Anairih ihcobehti ulun tahtou, io tepun tana ijo nonga aro hasir. 17Ulun tahtou rih nopara moniruk hino a'ang ahtoi, ‘Jadi eam arondai unukoh ngina hasir tana'ku. Inon ahkar'ku huntuh?’ 18Pongohuli io moniruk hino tutang nuhtui umba aropoh bongoi, ‘Olai, ahku anai ahkar; koraking-koraking'ku ahkan ahku nyuhu ngahkasoh, turus ahku mangun ijo paling hajo. Ang anan ahku ngina paring gandum'ku tutang ponahtou-ponahtou'ku ijo bohkon. 19Pongohino ahkan ahku bopander honong arop'ku bongok: Ihko boutung! Kokaron ijo pios jari ahku tepuioh, tutang eam ahkan opah pira-pira toun. Nondo-bo'o iou uhuntuh! Kuman ngorih iou tutang nginyamohrih komomih pombolum'mu!’ 20Tahpi Pohotala nuhtui umba io, ‘Oi uong! Ngolomi tuh ka'a ihko ahkan mahtoi, turus iairih ijo ahkan tepun paring ponahtou'kam ijo jari tonipun'kam ahkan arop rih?’
21Kolourih kojoriai umba nyinong ulun ijo bousaha monjadi tahtou ahkan arop, tahpi eam bousaha monjadi tahtou ang mahtan Pohotala.’’
Porocayarih umba Pohotala
(Mat. 6:25-34)
22Turus Yesus nuhtui umba murid-murid-Oh, ‘‘Orih kotuluioh Ahku nuhtui, ‘Ara mihkoh tohou pombolum'kam, iorih inon ijo ahkan ihkam kumai, ata'ai inon ijo ahkan ihkam hapaoh.’ 23Pombolum anairih labih boguna tahkan ukun, tutang behti labih boguna tahkan pokahjan. 24Nohtoanirih bulung-bulung okak! Iro eam ngombulan, tutang ngohtom, eam ka'a tepun gudang ata'ai koraking. Tahpi Pohotala mohaga iro! Ihkam labih borega umba bulung-bulung! 25Iai tahkan louk ihkam ijo tului kihkohoh duon ngombu umuroh oluka honjiot? 26Amat hal 'cokokoik orih mahi eam duon ihkam nguaioh, ombai mihkoh tohouumba hal-hal bohkon? 27#1Lahc. 10:4-7; 2Kron. 9:3-6 Nohtoanirih koloukuwoh dolak-dolak bahkung bolum; dolak-dolak rih eam bogawi, eam ka'a monatangbenang. Tahpi Lahca Salomo ijo kolourih kotahtouoh ka eam hapa pokahjan ijo kolou kopion dolak bahkung rih! 28Uru ang padang bolum ondou tuh, tutang ondou hawon tononyoha lingis. Tahpi Pohotala ngopion uru rih kolouorih kopioioh. Mahihino ihkam! Tahpi ihkam kurang porocaya! 29Jadi, ararih mihkoh tutang bimbang tohou inon ijo ahkan ukun'kam tutang korih'kam. 30Hal-hal kolourih ngodulu bain ulun ijo eam kosono Pohotala. Padahal Amai'mu ta'an ijo ihkam porlu paring orih. 31Tahpi ihkam pahtut bousaha mangat Pohotala moretah ngosan pombolum'kam, mahka ijo bohkon orih ahkan tononga Pohotala ka'a ahkan'kam.’’
Ponahtou ang soruga
(Mat. 6:19-21)
32‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh. 33Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh. 34Tului ang amoh ponahtou'kam, ang anan ka'a ahtoi'kam!’’
Pohalu ijo botahtap hototurus
35 #
Mat. 25:1-13
‘‘Bojaga-jaga nohimo nyinong hal. Ihkam harus hototurus botahtap hopokajan tutang sumbu'kam hototurus bolum, 36#Mrk. 13:34-36 sama kolou pohalu-pohalu ijo rahat botahtap ngindoi tuanoh buli tahkan pesta kawin. Amat tuan rih buli tutang ngahtok bauntukang, iro ahkan jeleng nguap bauntukang. 37Eaminonrih koutungoh pohalu orih ijo sombang rahat ngindoi ang ohkot tuanoh lombut. Porocayarih: tuan orih ahkan botahta-tahtap tutang nyuhu pohalu-pohaluoh rih tuot, turus io nahalu iro. 38Eaminonrih koutungoh pohalu-pohalu orih, amat tuanoh rih nyombang iro rahat tahtap ngindoi, oluka tuan rih lombut ang tohun ngolomi ata'ai labih dandah umba orih! 39#Mat. 24:43-44 Ingatrih tuh! Jahkaoh, tuan lohpou rih ta'an jam pira ponahkou lombut, io ahkan monjaga mangat ponahkou eam duon nyolong nokuh luwang lohpouoh. 40Tului orih ihkam ka'a harus bojaga-jaga, tului Anak Ulun ahkan lombut aang ohkot ijo eam ihkam mongira-ngiraoh.’’
Pohalu ijo te'et tutang pohalu ijo eam te'et
(Mat. 24:45-51)
41‘‘Tuhan, inon polajaran rih Tuhan nituoh ahkan ihkai ata'ai umba paring ulun?’’ hion Petrus.
42Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh? 43Eaminonrih kosanangoh pohalu orih amat tuanoh buli tutang sombang io rahat nguan aang-konuai! 44Porocayarih: tuan rih ahkan morocaya ngina karon-ponahtouoh ahkan pohalu orih. 45Tahpi amat pohalu orih ngira aang ahtoioh, ‘Tuan'ku magun tahi kolawui buli,’ turus io nopara nahup paring pohalu bohkon tutang kuman ngorih nyiring bobusou, 46mahka tuanoh ahkan buli aang ondou tutang jam ijo eam tongohu-ngohu. Tutang pohalu rih ahkan duon hukuman ijo bahat bain tuanoh, tutang ngindiu hihco umba ulun-ulun ijo eam te'et ahkan Pohotala.
47Pohalu orih ijo kota'an konohuang tuanoh, tahpi eam botahtap tutang eam nguan konohuang tuanoh rih ahkan tonomahcat ijo karas. 48Tahpi pohalu ijo eam ngota'an konohuang tuanoh, pongohino nguan angihco ijo sala nyiring harus tonopahcat, honong mohian ih. Tului ulun ijo tononga aro ahkan tonyawot aro ka'a. Tutang ulun ijo jari morocaya aro, tahkan io tonyawot aro hino.’’
Eam kobuah tahpi polawan
(Mat. 10:34-36)
49‘‘Ahku lombut ahkan polombut ponyaha ang kolunon tuh. Eaminon kopiosoh amat bahooh jari ngonyelak! 50#Mrk. 10:38 Magun anai koporos paling bahat ijo harus Ahku nyuruoh. Tutang ahtoi-Ku bolisah samasino sounumba orih nyolung. 51Kuwohrih ihkam ngohu Ahku lombut ahkan ngomin kobuah, nokuh kolunon? Eam, bohkon kobuah, molekan hokolawan. 52Nopara tahkan uhunituh, jolahan anairih tahkan limo behti ahkan hokolawan, tolu molawan duo, ata'ai duo molawan tolu. 53#Mik. 7:6 Amai ahkan ngolawan anakoh bahkas, tutang anak bahkas molawan amaioh. Inaioh ngolawan anakoh ijo bawi, tutang anak bawi ahkan ngolawan inaioh. Upuoh ahkan ngolawan monatuioh ijo bawi, tutang monatui ijo bawi ahkan ngolawan upuoh.’’
Ngosono tanda jaman
(Mat. 16:2-3)
54Yesus nuhtui ka'a ahkan ulun aro, ‘‘Amat ihkam nohto bounondou nuhkat ang hila barat, turus ihkam ngohawot, ‘Ahkan uhjan.’ Tutang morong tu'u uhjan. 55Amat ihkam komo bohiu lombut tahkan hila solahtan, ihkam ngohawot, ‘Ahkan notang.’ Tutang morong tu'u notang. 56Ihkam ijo jolik pura-pura! Ihkam duon nujum totang ondou tutang nohto kolou langit tutang tana. Ombai tanda-tanda jaman tuh eam tou ihkam nujumoh?’’
Hokobuahrih umba musuh
(Mat. 5:25-26)
57‘‘Ombai ihkam eam mutusoh bongom inon ijo morong? 58Amat anai ulun ngadu ihkam nokuh bosara, bousaha soduo-duonoh ahkan ngombuah porokara orih umba io houn, pondehan ihkam magun ang beteng jalan. Amat eam, noin io nunda ihkam nokuh nohimo hakim, tutang hakim rih ahkan nyarah ihkam nokuh polisi, tutang polisi posolong ihkam ahkan luwang sipir. 59Porocayarih! Ihkam eam ahkan soluka tahkan sipir, hounumba danda'kam lunas.’’
Currently Selected:
LUKAS 12: OTD
Highlight
Share
Copy
Want to have your highlights saved across all your devices? Sign up or sign in
@ LAI 1997 Indonesian Bible Society (Lembaga Alkitab Indonesia)
LUKAS 12
12
Auh tingak umba ulun-ulun pura-pura
(Mat. 10:26-27)
1 #
Mat. 16:6; Mrk. 8:15 Bokuhjan-kuhjan ulun-ulun ngorumbung Yesus nyiring anai ijo nihcak-ngihik pa'an injahoh. Pondehan ulun-ulun rih hokorumbung, Yesus nuhtui umba murid-murid-Oh, ‘‘Bua-buah toharep ragin ulun Parisi, maksud-Ku kopura-pura'ndo. 2#Mrk. 4:22; Luk. 8:17 Eam anai ijo bosuhuk ijo eam ahkan gihtan, tutang eam anai ijo tongulim ijo eam ahkan ponokarah. 3Ijo ihkam nuhtuioh ang ohkot ngolomi ahkan konahan ang ohkot koboloang; tutang ijo ihkam mongosinok ang tolingan ulun ang luwang tahkun bokatop, ahkan tonosiar ulun nokuh umo-umohoh.’’
Mihkoh umba Tuhan
(Mat. 10:26-31)
4‘‘Ingatrih, karon-jolahak-Ku! Ara mihkoh umba iro ijo munu behti, tahpi eam duon nguan labih tahkanumba orih. 5Piosrih Ahku ngorinah ahkan'kam, iai ijo harus ihkam mihkohoh. Mihkohrih umba Pohotala! Tului amat uli munu, Io bokowasa ka'a ngondian nokuh norahka! Porocayarih, Io ijo harus ihkam mihkohoh.
6Limo kungan bulung opit tomorahkang legai duo duit ijo pokokoikoh. Oluka kolourih eam ihcokungan ka tonolingou Pohotala. 7Balou ang kuhung'mu jari tongihtung paringoh, tului orih ara mihkoh; ihkam labih borega tahkan bulung-bulung opit rih!’’
Mongahku Yesus ang toharep ulun aro
(Mat. 10:32-33, 12:32, 10:19-20)
8‘‘Ingat tu'u-tu'u: Ulun ijo ngahkuoh ang tohimo ulun aro tului io murid-Ku, io ahkan tomongahku ka'a bain Anak Ulun ang tohimo molehkat-molehkat Pohotala. 9Tahpi ulun ijo ngulim ang tohimo ulunaro ijo io murid-Ku, io ahkan tongulim ka'a bain Anak Ulun ang tohimo karon-molehkat Pohotala.
10 #
Mat. 12:32; Mrk. 3:29 Amatmira ulun ijo nuhtui aang'co ngolawan Anak Ulun, io duon tongapun; tahpi amatmira io mohina Roh Pohotala, io eam duon tongapunoh.
11 #
Mat. 10:19-20; Mrk. 13:11; Luk. 21:14-15 Amat ihkam konomin nokuh karon-lohpou sombayang ahkan tomosara ang tohimo pomoretah ata'ai pongowasa, ararih mihkoh tohou koloukuwohoh ihkam harus mombela arop, ata'ai tohou inon ijo harus ihkam nuhtuioh. 12Tului inon ijo harus ihkam nuhtuioh rih ahkan tomara bain Roh Pohotala ahkan'kam ang ohkotoh.’’
Porobasa ulun tahtou ijo uong
13Ihcobehti tahkan louk ulun aro nuhtui umba Yesus, ‘‘Amai Guru, cuba Amai nyuhu konduang'ku nonga ahkak'ku ihcobagian tahkan ponahtou ijo tonohtah amai ihkai.’’
14Yesus mutah, ‘‘Konduang, iairih potuot Ahku monjadi hakim ata'ai tuhkang magi waris ahkan ihkam duo?’’ 15Pongohuli, ahkan paring ulun ijo anai ang anan Yesus nuhtui, ‘‘Bua-buahrih, tutang borondong, ara nyiring ihkam bokuhu. Tului pombolum ulun eam bogatung umba ponahtouoh, oluka ponahtouoh holowi-holea.’’
16Turus Yesus nyorihta porobasa tuh, ‘‘Anairih ihcobehti ulun tahtou, io tepun tana ijo nonga aro hasir. 17Ulun tahtou rih nopara moniruk hino a'ang ahtoi, ‘Jadi eam arondai unukoh ngina hasir tana'ku. Inon ahkar'ku huntuh?’ 18Pongohuli io moniruk hino tutang nuhtui umba aropoh bongoi, ‘Olai, ahku anai ahkar; koraking-koraking'ku ahkan ahku nyuhu ngahkasoh, turus ahku mangun ijo paling hajo. Ang anan ahku ngina paring gandum'ku tutang ponahtou-ponahtou'ku ijo bohkon. 19Pongohino ahkan ahku bopander honong arop'ku bongok: Ihko boutung! Kokaron ijo pios jari ahku tepuioh, tutang eam ahkan opah pira-pira toun. Nondo-bo'o iou uhuntuh! Kuman ngorih iou tutang nginyamohrih komomih pombolum'mu!’ 20Tahpi Pohotala nuhtui umba io, ‘Oi uong! Ngolomi tuh ka'a ihko ahkan mahtoi, turus iairih ijo ahkan tepun paring ponahtou'kam ijo jari tonipun'kam ahkan arop rih?’
21Kolourih kojoriai umba nyinong ulun ijo bousaha monjadi tahtou ahkan arop, tahpi eam bousaha monjadi tahtou ang mahtan Pohotala.’’
Porocayarih umba Pohotala
(Mat. 6:25-34)
22Turus Yesus nuhtui umba murid-murid-Oh, ‘‘Orih kotuluioh Ahku nuhtui, ‘Ara mihkoh tohou pombolum'kam, iorih inon ijo ahkan ihkam kumai, ata'ai inon ijo ahkan ihkam hapaoh.’ 23Pombolum anairih labih boguna tahkan ukun, tutang behti labih boguna tahkan pokahjan. 24Nohtoanirih bulung-bulung okak! Iro eam ngombulan, tutang ngohtom, eam ka'a tepun gudang ata'ai koraking. Tahpi Pohotala mohaga iro! Ihkam labih borega umba bulung-bulung! 25Iai tahkan louk ihkam ijo tului kihkohoh duon ngombu umuroh oluka honjiot? 26Amat hal 'cokokoik orih mahi eam duon ihkam nguaioh, ombai mihkoh tohouumba hal-hal bohkon? 27#1Lahc. 10:4-7; 2Kron. 9:3-6 Nohtoanirih koloukuwoh dolak-dolak bahkung bolum; dolak-dolak rih eam bogawi, eam ka'a monatangbenang. Tahpi Lahca Salomo ijo kolourih kotahtouoh ka eam hapa pokahjan ijo kolou kopion dolak bahkung rih! 28Uru ang padang bolum ondou tuh, tutang ondou hawon tononyoha lingis. Tahpi Pohotala ngopion uru rih kolouorih kopioioh. Mahihino ihkam! Tahpi ihkam kurang porocaya! 29Jadi, ararih mihkoh tutang bimbang tohou inon ijo ahkan ukun'kam tutang korih'kam. 30Hal-hal kolourih ngodulu bain ulun ijo eam kosono Pohotala. Padahal Amai'mu ta'an ijo ihkam porlu paring orih. 31Tahpi ihkam pahtut bousaha mangat Pohotala moretah ngosan pombolum'kam, mahka ijo bohkon orih ahkan tononga Pohotala ka'a ahkan'kam.’’
Ponahtou ang soruga
(Mat. 6:19-21)
32‘‘Ihkam ijo tihkas koik jamalahoh ara mihkoh! Tului Amai'kam sanang nonga ahkan'kam borehkat tahkan Pomoretah-Oh. 33Modagangoh ponahtou'mu, tutang nongarih duitoh ahkan ulun porosbolum. Naparih ahkan'kam kambut ijo eam dahpot kupit, iorih ponahtou ijo tongina ang soruga. Ponahtou rih eam tou nihou bain ponahkou eam duon ngomiuoh, tutang somahtoi eam duon morusakoh. 34Tului ang amoh ponahtou'kam, ang anan ka'a ahtoi'kam!’’
Pohalu ijo botahtap hototurus
35 #
Mat. 25:1-13
‘‘Bojaga-jaga nohimo nyinong hal. Ihkam harus hototurus botahtap hopokajan tutang sumbu'kam hototurus bolum, 36#Mrk. 13:34-36 sama kolou pohalu-pohalu ijo rahat botahtap ngindoi tuanoh buli tahkan pesta kawin. Amat tuan rih buli tutang ngahtok bauntukang, iro ahkan jeleng nguap bauntukang. 37Eaminonrih koutungoh pohalu orih ijo sombang rahat ngindoi ang ohkot tuanoh lombut. Porocayarih: tuan orih ahkan botahta-tahtap tutang nyuhu pohalu-pohaluoh rih tuot, turus io nahalu iro. 38Eaminonrih koutungoh pohalu-pohalu orih, amat tuanoh rih nyombang iro rahat tahtap ngindoi, oluka tuan rih lombut ang tohun ngolomi ata'ai labih dandah umba orih! 39#Mat. 24:43-44 Ingatrih tuh! Jahkaoh, tuan lohpou rih ta'an jam pira ponahkou lombut, io ahkan monjaga mangat ponahkou eam duon nyolong nokuh luwang lohpouoh. 40Tului orih ihkam ka'a harus bojaga-jaga, tului Anak Ulun ahkan lombut aang ohkot ijo eam ihkam mongira-ngiraoh.’’
Pohalu ijo te'et tutang pohalu ijo eam te'et
(Mat. 24:45-51)
41‘‘Tuhan, inon polajaran rih Tuhan nituoh ahkan ihkai ata'ai umba paring ulun?’’ hion Petrus.
42Tuhan mutah, ‘‘Iai pohalu ijo te'et tutang pihtar, nyiring potuot bain tuanoh monjadi kopala, ngosan karon-pohalu bohkon ahkan io nonga iro ukun ang ohkotoh? 43Eaminonrih kosanangoh pohalu orih amat tuanoh buli tutang sombang io rahat nguan aang-konuai! 44Porocayarih: tuan rih ahkan morocaya ngina karon-ponahtouoh ahkan pohalu orih. 45Tahpi amat pohalu orih ngira aang ahtoioh, ‘Tuan'ku magun tahi kolawui buli,’ turus io nopara nahup paring pohalu bohkon tutang kuman ngorih nyiring bobusou, 46mahka tuanoh ahkan buli aang ondou tutang jam ijo eam tongohu-ngohu. Tutang pohalu rih ahkan duon hukuman ijo bahat bain tuanoh, tutang ngindiu hihco umba ulun-ulun ijo eam te'et ahkan Pohotala.
47Pohalu orih ijo kota'an konohuang tuanoh, tahpi eam botahtap tutang eam nguan konohuang tuanoh rih ahkan tonomahcat ijo karas. 48Tahpi pohalu ijo eam ngota'an konohuang tuanoh, pongohino nguan angihco ijo sala nyiring harus tonopahcat, honong mohian ih. Tului ulun ijo tononga aro ahkan tonyawot aro ka'a. Tutang ulun ijo jari morocaya aro, tahkan io tonyawot aro hino.’’
Eam kobuah tahpi polawan
(Mat. 10:34-36)
49‘‘Ahku lombut ahkan polombut ponyaha ang kolunon tuh. Eaminon kopiosoh amat bahooh jari ngonyelak! 50#Mrk. 10:38 Magun anai koporos paling bahat ijo harus Ahku nyuruoh. Tutang ahtoi-Ku bolisah samasino sounumba orih nyolung. 51Kuwohrih ihkam ngohu Ahku lombut ahkan ngomin kobuah, nokuh kolunon? Eam, bohkon kobuah, molekan hokolawan. 52Nopara tahkan uhunituh, jolahan anairih tahkan limo behti ahkan hokolawan, tolu molawan duo, ata'ai duo molawan tolu. 53#Mik. 7:6 Amai ahkan ngolawan anakoh bahkas, tutang anak bahkas molawan amaioh. Inaioh ngolawan anakoh ijo bawi, tutang anak bawi ahkan ngolawan inaioh. Upuoh ahkan ngolawan monatuioh ijo bawi, tutang monatui ijo bawi ahkan ngolawan upuoh.’’
Ngosono tanda jaman
(Mat. 16:2-3)
54Yesus nuhtui ka'a ahkan ulun aro, ‘‘Amat ihkam nohto bounondou nuhkat ang hila barat, turus ihkam ngohawot, ‘Ahkan uhjan.’ Tutang morong tu'u uhjan. 55Amat ihkam komo bohiu lombut tahkan hila solahtan, ihkam ngohawot, ‘Ahkan notang.’ Tutang morong tu'u notang. 56Ihkam ijo jolik pura-pura! Ihkam duon nujum totang ondou tutang nohto kolou langit tutang tana. Ombai tanda-tanda jaman tuh eam tou ihkam nujumoh?’’
Hokobuahrih umba musuh
(Mat. 5:25-26)
57‘‘Ombai ihkam eam mutusoh bongom inon ijo morong? 58Amat anai ulun ngadu ihkam nokuh bosara, bousaha soduo-duonoh ahkan ngombuah porokara orih umba io houn, pondehan ihkam magun ang beteng jalan. Amat eam, noin io nunda ihkam nokuh nohimo hakim, tutang hakim rih ahkan nyarah ihkam nokuh polisi, tutang polisi posolong ihkam ahkan luwang sipir. 59Porocayarih! Ihkam eam ahkan soluka tahkan sipir, hounumba danda'kam lunas.’’
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 1997 Indonesian Bible Society (Lembaga Alkitab Indonesia)