IGHISYEWUT 16
16
1Kïrutö Paulö kutang Derpe nko Lustra wölo kimi kighönintö nyo kikuro Timoteo. Ki chi pö Yaudi kame akï nyo kikughan Kristo,* wölo ki chi pö Krik kwanta. 2Kingalana Timoteo kighönï tïkwïl cho pö Lustra nko Ikonio lö karam. 3Kimököy Paulö kumït Timoteo kïwö nko nyinte, kïlenyona kumït. Kigh lenyoni ompöwölo kinkït pipö Yaudi cho kimi koroswechoni löwïr lö, ki chi pö Krik papoto Timoteo. 4Akwotini kirutoy kuwerotoy kanastin kïmwochinotö kighönï kirurut cho kimut kiyoktoghï nko poy ompö Yerusalem, cho poru wölo mïchini kumpurtoy kighönï, akïmwochï chane kïrïp. 5Kïlenyona kukil ngalechoni pipö kanisen kïchïchïm lasiny ompö kighanatanay akïtösisyö kighönï osis lapay.
Sïwïyaghpa Paulö ompö Troa
6Kirutö pïchoni kuwerata kor nyo kipesyö Prukia nko Kalatia, ompöwölo kimwochï chane Mïkulögh nyo Tïlil tömamta ompö okumpö Esya. 7Akwotini kitïta chane rotyot Misia, kumukyï lö kyoghsot kepetöy koro Pitinia, wölo möchömchïnye Mïkulögh pö Yeso chane. 8Kïlenyona kïpa kuwer kwenu Misia akïröytö kutang Troa. 9Kungwïnchï Paulö sïwïyagh oghononi nyo kisïwa chi pö Makedonia nyo kighyongöy akïsomöy nyinte lö, “Owunö Makedonia atengarakech!” 10Nyini kïsïwa Paulö sïwïyaghnoni, kenapacha kegh lawel kepa Makedonia, ompöwölo kipköchecha lö kökurecha Tororöt kepa kyomchinö Lökoy cho Karamach, pipö wölini.
Keghan Lidia Yeso ompö Pilipi
11Kepeghecha Troa ompö meli ketang Samotrake, atomi asisto odeny ketacha Neapoli. 12Kengetecha atoni kepa ketang Pilipi, kanasyanta Makedonia, nyo kirumunote ompö korononi, kïpöytoy nyo pipö Rumi. Kempuröcha kanasyantanoni osis cho chang. 13Nyini kitïta asispa Sapato,* kengetucha kelïtöy ara kanasyan kepa ketang atolekïto lalwa kelentöy tökenyorunö ana wölo kösogho su pipö Yaudi. Kempuröcha ngwïny akengalan nko kor cho kinyoryeghö atoni. 14Akonga ompö cho kiter lökoyecha kï Lidia nyo kingwïno Tuatira, nyo kile oltoghinto sïro cho kilata akwa reper. Ki korka nyinte nyo kisoghöy Tororöt, kwigh nyu Echotyon mïkulöwunyi kumï kïter akughan ngal cho kimwowu Paulö. 15Nyini kikipatisan nyinte nko konyi piko löwïr. Kïsomecha lö, “Ato kasïwekwa nyoman lö kaghanan Echotyon, apkan otïpï konyan.” Kïtïkïchecha kepe.
Kakïtorchï Paulö nko Sila chela ompö Pilipi
16Kikany asistanka ato kikïpetecha wölo kïsogho su, kïtuyeghecha työ nyo le sekeyon nyo kitïng oyin nyo gha nyo kighöy nyinte kïngorsyö. Kighöy cheponi yetïntinechi kïnyorï ropïyen cho chang, ompö ngorutkachi. 17Kïtas tagh kïrïp Paulö nko acha akuteghonu kïlentöy, “Pipö Tororöt nyo Töror Tya Pïchï. Akwomwokwa ara sörunöt.” 18Kwigh lenyoni ompö osis cho chang ntökïtenö kulil Paulö astanka, akuchirchï kong kïlenchï oyintonay, “Omwowunyi ompö kaynata Yeso Kristo, lö ngetena chepï!” Kïpïstö oyintonay chepay panini.
19Nyini kunkïtï Yetïntinechi lö mökïtïngcha pöröyïn nyo nyoruno chepay ropïyen ngat, kïnam Paulö nko Sila akuchut chane kïpa tawu kirwok cho kimi donyö. 20Kumïtï chane wölo mi kirwokot pö pipö Rumi, akïmwa lö, “Pïchï kï pipö Yaudi cho mi kususöy pich ompö kanasyantencha. 21Mi kunetöy chane otöptin cho melö asïltinecha pö pipö Rumi. Kïlenyona mömïchininye keghacha le wölo möktenecha pïchï kegha.” 22Kïlïtï nyoryonay tïkwïl kïporyeghö chane, kïkarer kirwokichay sïro pö Paulö nko cho pö Sila, akïmwa kemuny chane sitit. 23Kïkany kïmuny chane tya, akïtorchï chela, akemwochï ripin kïrip chane lasiny tömöchïwïtyö. 24Kïkany kïlïm ripintonay lenyoni, kïtorchï chane kot nyo pö ori, akïrötï kelyekwa tömöleni ket.
25Ato mi oghökwen kïwechï Paulö nko Sila kïsagh akïtum tumwöy cho sölöy Tororöt, akilïmöy pipö chela walaka. 26Kïnyini lawel kïpotan ngwïnya nyoman kïngönngönitu pölöw cho kikïteka chelanay. Akïpanini lawel kïyotisyö kukot lapay akïngötö sïrïmtine chay kikïrata pïchay löwïr. 27Kwotyeghö ripintonay pö chela rïwon kïlö arosïta kiyotisyö kukoti chelanay löwïr, kunana lö kikupertoy pïchay körötote löwïr kïlenyona kïngwïsï rotwenyi pö cho kimököy kïpöröy kegh. 28Wölo kuteghchï Paulö, “Mepar kegh! Kïmitecha yete lapay.”
29Kikurtö kepï kitömöwon, kukomchï ori akupïtyï kelyo Paulö nko Sila kïpotönöy ompö kiwaghat. 30Atolapay kumït chane sany akïtep lö, “Echotchï oghan ne, tökesörwon?”
31Kïlenchï, “Ghana Echotyon Yeso atesïkö sörunötenyi nko piko katangu.” 32Atolapay kwomchï nyinte nko pikö walaka cho kimi konyi ngölyonto Echotyon.
33Ompö atoni chane panini kwoghonini kïpa kot anka akïmwat moyokökwa, kïnyini lawel kepatisan nyinte nko piko katanyi kïmïkul. 34Atolapay kumït Paulö nko Sila kïpa konyi akutö omisyö kwam. Kïngarak nyinte nko piko katanyi nyoman. Ompöwölo kakughan Tororöt.
35Kïkany kïyech kuyoktö kirwokotichay pö Rumi wowïntino askarin akïlenchï, “Opïstenö pïchono kïpechï kegh.”
36Kïmwochï ripintonay pö chela Paulö ngalechay lö, “Kakuyokwï kirwokotï kut kepïstinyi nko Sila. Nyo karam ape ompö kalya.”
37Wölo kïlenchï Paulö wowïntinechay pö askarin, “Kikïmungecha kïsïwïyi pich lapay. Aketorchecha chela, akechicha pipö Rumi. Nkanyï kïyöröy kewïchtonecha? Melö lenye nyona! Nya kïpka kirwokotichoni chane yeteyi kutyakecha.”
38Kïpa wowïntinechay pö askarin kïmwöchï ngalechay kirwokot pö Rumi, kïkany kïlïm lö kïchï pö Rumi Paulö nko Sila, kwotyö.
39Kïlenyona kïpa kïsaghsagh chane, atolapay kumïtuna chane chela kïpka sany akïmwochï chane kïngeta kanasyantanay. 40Kïngetunö Paulö nko Sila chela akïpa kuwerata kö pö Lidia. Kuryama wöloni nko kighönï, kïcher chane ompö ngala kikilöto kegh akïpa.
Syala ompö Tesalonike
Currently Selected:
IGHISYEWUT 16: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
IGHISYEWUT 16
16
1Kïrutö Paulö kutang Derpe nko Lustra wölo kimi kighönintö nyo kikuro Timoteo. Ki chi pö Yaudi kame akï nyo kikughan Kristo,* wölo ki chi pö Krik kwanta. 2Kingalana Timoteo kighönï tïkwïl cho pö Lustra nko Ikonio lö karam. 3Kimököy Paulö kumït Timoteo kïwö nko nyinte, kïlenyona kumït. Kigh lenyoni ompöwölo kinkït pipö Yaudi cho kimi koroswechoni löwïr lö, ki chi pö Krik papoto Timoteo. 4Akwotini kirutoy kuwerotoy kanastin kïmwochinotö kighönï kirurut cho kimut kiyoktoghï nko poy ompö Yerusalem, cho poru wölo mïchini kumpurtoy kighönï, akïmwochï chane kïrïp. 5Kïlenyona kukil ngalechoni pipö kanisen kïchïchïm lasiny ompö kighanatanay akïtösisyö kighönï osis lapay.
Sïwïyaghpa Paulö ompö Troa
6Kirutö pïchoni kuwerata kor nyo kipesyö Prukia nko Kalatia, ompöwölo kimwochï chane Mïkulögh nyo Tïlil tömamta ompö okumpö Esya. 7Akwotini kitïta chane rotyot Misia, kumukyï lö kyoghsot kepetöy koro Pitinia, wölo möchömchïnye Mïkulögh pö Yeso chane. 8Kïlenyona kïpa kuwer kwenu Misia akïröytö kutang Troa. 9Kungwïnchï Paulö sïwïyagh oghononi nyo kisïwa chi pö Makedonia nyo kighyongöy akïsomöy nyinte lö, “Owunö Makedonia atengarakech!” 10Nyini kïsïwa Paulö sïwïyaghnoni, kenapacha kegh lawel kepa Makedonia, ompöwölo kipköchecha lö kökurecha Tororöt kepa kyomchinö Lökoy cho Karamach, pipö wölini.
Keghan Lidia Yeso ompö Pilipi
11Kepeghecha Troa ompö meli ketang Samotrake, atomi asisto odeny ketacha Neapoli. 12Kengetecha atoni kepa ketang Pilipi, kanasyanta Makedonia, nyo kirumunote ompö korononi, kïpöytoy nyo pipö Rumi. Kempuröcha kanasyantanoni osis cho chang. 13Nyini kitïta asispa Sapato,* kengetucha kelïtöy ara kanasyan kepa ketang atolekïto lalwa kelentöy tökenyorunö ana wölo kösogho su pipö Yaudi. Kempuröcha ngwïny akengalan nko kor cho kinyoryeghö atoni. 14Akonga ompö cho kiter lökoyecha kï Lidia nyo kingwïno Tuatira, nyo kile oltoghinto sïro cho kilata akwa reper. Ki korka nyinte nyo kisoghöy Tororöt, kwigh nyu Echotyon mïkulöwunyi kumï kïter akughan ngal cho kimwowu Paulö. 15Nyini kikipatisan nyinte nko konyi piko löwïr. Kïsomecha lö, “Ato kasïwekwa nyoman lö kaghanan Echotyon, apkan otïpï konyan.” Kïtïkïchecha kepe.
Kakïtorchï Paulö nko Sila chela ompö Pilipi
16Kikany asistanka ato kikïpetecha wölo kïsogho su, kïtuyeghecha työ nyo le sekeyon nyo kitïng oyin nyo gha nyo kighöy nyinte kïngorsyö. Kighöy cheponi yetïntinechi kïnyorï ropïyen cho chang, ompö ngorutkachi. 17Kïtas tagh kïrïp Paulö nko acha akuteghonu kïlentöy, “Pipö Tororöt nyo Töror Tya Pïchï. Akwomwokwa ara sörunöt.” 18Kwigh lenyoni ompö osis cho chang ntökïtenö kulil Paulö astanka, akuchirchï kong kïlenchï oyintonay, “Omwowunyi ompö kaynata Yeso Kristo, lö ngetena chepï!” Kïpïstö oyintonay chepay panini.
19Nyini kunkïtï Yetïntinechi lö mökïtïngcha pöröyïn nyo nyoruno chepay ropïyen ngat, kïnam Paulö nko Sila akuchut chane kïpa tawu kirwok cho kimi donyö. 20Kumïtï chane wölo mi kirwokot pö pipö Rumi, akïmwa lö, “Pïchï kï pipö Yaudi cho mi kususöy pich ompö kanasyantencha. 21Mi kunetöy chane otöptin cho melö asïltinecha pö pipö Rumi. Kïlenyona mömïchininye keghacha le wölo möktenecha pïchï kegha.” 22Kïlïtï nyoryonay tïkwïl kïporyeghö chane, kïkarer kirwokichay sïro pö Paulö nko cho pö Sila, akïmwa kemuny chane sitit. 23Kïkany kïmuny chane tya, akïtorchï chela, akemwochï ripin kïrip chane lasiny tömöchïwïtyö. 24Kïkany kïlïm ripintonay lenyoni, kïtorchï chane kot nyo pö ori, akïrötï kelyekwa tömöleni ket.
25Ato mi oghökwen kïwechï Paulö nko Sila kïsagh akïtum tumwöy cho sölöy Tororöt, akilïmöy pipö chela walaka. 26Kïnyini lawel kïpotan ngwïnya nyoman kïngönngönitu pölöw cho kikïteka chelanay. Akïpanini lawel kïyotisyö kukot lapay akïngötö sïrïmtine chay kikïrata pïchay löwïr. 27Kwotyeghö ripintonay pö chela rïwon kïlö arosïta kiyotisyö kukoti chelanay löwïr, kunana lö kikupertoy pïchay körötote löwïr kïlenyona kïngwïsï rotwenyi pö cho kimököy kïpöröy kegh. 28Wölo kuteghchï Paulö, “Mepar kegh! Kïmitecha yete lapay.”
29Kikurtö kepï kitömöwon, kukomchï ori akupïtyï kelyo Paulö nko Sila kïpotönöy ompö kiwaghat. 30Atolapay kumït chane sany akïtep lö, “Echotchï oghan ne, tökesörwon?”
31Kïlenchï, “Ghana Echotyon Yeso atesïkö sörunötenyi nko piko katangu.” 32Atolapay kwomchï nyinte nko pikö walaka cho kimi konyi ngölyonto Echotyon.
33Ompö atoni chane panini kwoghonini kïpa kot anka akïmwat moyokökwa, kïnyini lawel kepatisan nyinte nko piko katanyi kïmïkul. 34Atolapay kumït Paulö nko Sila kïpa konyi akutö omisyö kwam. Kïngarak nyinte nko piko katanyi nyoman. Ompöwölo kakughan Tororöt.
35Kïkany kïyech kuyoktö kirwokotichay pö Rumi wowïntino askarin akïlenchï, “Opïstenö pïchono kïpechï kegh.”
36Kïmwochï ripintonay pö chela Paulö ngalechay lö, “Kakuyokwï kirwokotï kut kepïstinyi nko Sila. Nyo karam ape ompö kalya.”
37Wölo kïlenchï Paulö wowïntinechay pö askarin, “Kikïmungecha kïsïwïyi pich lapay. Aketorchecha chela, akechicha pipö Rumi. Nkanyï kïyöröy kewïchtonecha? Melö lenye nyona! Nya kïpka kirwokotichoni chane yeteyi kutyakecha.”
38Kïpa wowïntinechay pö askarin kïmwöchï ngalechay kirwokot pö Rumi, kïkany kïlïm lö kïchï pö Rumi Paulö nko Sila, kwotyö.
39Kïlenyona kïpa kïsaghsagh chane, atolapay kumïtuna chane chela kïpka sany akïmwochï chane kïngeta kanasyantanay. 40Kïngetunö Paulö nko Sila chela akïpa kuwerata kö pö Lidia. Kuryama wöloni nko kighönï, kïcher chane ompö ngala kikilöto kegh akïpa.
Syala ompö Tesalonike
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019