YOANA 7
7
1Otini kiwany ngalechoni, kïwö Yeso kutang Kalilaya. Melö kicham nyinte kuwerata koro Yudea, ompöwölo kimi pipö Yaudi kïmöröy nyinte ompö wöloni atökïpar. 2#Law 23:34; Krt 16:13. Kikikïlekïtit otoni asispa pipö Yaudi nyo kikuro Ichon pö Tunkun, 3kimi nyu werko ompö Yeso kïlenchini nyinte, “Ngetena yi aiwö itang Yudea atökumï kinetanköku kïsïwa ighisyewutchï ighenyi. 4Meghönye chi tïkwïn ompö wïnyat akïmököy nyinte lö tökunkïtwon pich. Ato ighenyi tïkuchete, ikany kunkïtun ngwïnya kïmïkul!” 5(Kimeghancha nyinte chini le ompö werkökwa!) 6Kuyokyï Yeso chane lö, “Tomönye kwitïta asistanyan. Tomönye kwitïta asistanyan nyo mïchini, wölo mïchinokwa osiswekwo kïtenö osis. 7Memukönye ngwïnya kïyutonokwa, wölo yutonanïn, ompöwölo omwochinan nyinte kïnomnyö lö ghach ortinechi. 8Apekwa cho le akwa wölini kyomisyegho. Mowetanye wölini mi omisyononi, ompöwölo tomönye kwitïta sayenyan nyo mïchinote.” 9Otini kiwany kïmwa ngalechoni, kïmökïngetanye nyinte Kalilaya.
Yeso ompö Ichon pö Tunkun
10Otini kïpa werkökwa wölini kimi Ichon pö Tunkun, kïnap kegh Yeso tïkwïl kïwö, wölo kïwïngata kegh. 11Kimito pipö Yaudi kïmöröy nyinte ompö wölini kikyomisyegho. Kimi kïtepöy kegh lö, “Mi onö nyinte?”
12Kimito nyu chamata nyo wow söpïchay kwen. Kilentöy pikö walaka ompö kwenungwa, “Wechï chi nyo karam nyete,” kïmï walaka kïlentöy, “Ewo, lisöy pich nyinte.” 13Wölo kimöminye chi nyo kisïch nyakanat kïngalana nyinte, ompöwölo kiwagh chane kintöghoghi pipö Yaudi.
14Otini kitïta kwenuto ichonay, kïwö Yeso kutang Kö pö Tororöt* akutor kunetisyö. 15Kïtangany nyoman pipö Yaudi akïtep kegh lö, “Kenkïtunö onö chichï ngalechï tïkwïl akwanyï tomönye kusomön?” 16Kuyokyï Yeso chane lö, “Melö chichan kinetutchï, wölo pkono wölo mi nyo kiyokwanïn. 17Ato cham chi kwigh tïkwïn cho mököy Tororöt nyinte kwighöy, kunkïtu lö ekapkana ngalechï onetan wölo mi Tororöt anta ongölonan ngalechan kegh. 18Chi nyo mwoghöy ngalechi kegh, kïyöröy kïkwolöy kegh, wölo chi nyo yöröy kwolöteto nyinte nyo kiyonï nyinte, kï pö nyinte man akï möminye putintön orinyi. 19Kimökonokwanye so Musa Kirurut. Kï kölö ne tomökekwa opöranïn?” 20Kïlenchï tuyonay, “Ipotinyi so oy! Ngo mököy kïtïghinyi nya?”
21Kïlenchï Yeso chane, “Kyaghan kïgh akonga nyo kyotöngönchikwa. 22#Tow 17:10; Law 12:3. Kiporwokwa Musa ngala mutat (kïrkegh kimelö Musa nyini kitor wölo poyikwa), omutekwa worö asispa Sapato.* 23#Yna 5:9. Akwato kïmutöy monïng asispa Sapato, atömökïlel Kirurut pö Musa, kwompö ne nyu tonörekyinanikwa, ompöwölo kosopön chi otï le asispa Sapato? 24Opïstene kirwok nyo rïpöy ngala sany, wölo orwokyinö ompö otöptino ngala man.”
Kristo* so nyete?
25Kïtepsyö pikö walaka cho pö Yerusalem lö, “Mö chichete nye so nyaye kömököy pich kïtïghöy? 26Arose köny, nkwanyï mi kunetisyegho söpïch kwen akï puryö chi nyo ngölonchini nyinte ngölyon nyonikïny! Kikunkïtï so kintöghoghï nyoman lö, Kristo nyinte? 27Wölo otini ketï Kristo kïmenkïtunye chi wölini ngwïno nyinte. Akwanyï kinkïtöcha löwïr wölini ngwïno chichï.” 28Akwotini kimi Yeso kunetisyegho Kö pö Tororöt, kutegh tya lö, “Kolekwa so kinkïtanïn, ankïtökwa wölo kyangwïnan! Wölo kimangwïnanye ompö owesyenyu. Pö man nyinte nyo kiyokwanïn. Monkïtökwanye nyinte, 29wölo onkïtön nyinte, ompöwölo kyangwïnan wölini mi nyinte akï nyinte nyo kiyokwanïn.”
30Kïyar nyu chane or nyo nömöy nyinte, wölo kimöminye chi nyo kyonkoytö ewunyi lö onömöy nyinte, ompöwölo kitomönye kwitïta sayenyi. 31Wölo kichang pich ompö söpïchoni cho kighan nyinte akïlö, “Eato itï Kristo, muköy kwighöy töngönchin cho chang kïtïl chï kegh chichï?”
Kakïyonta ripï kïpa kïnam Yeso
32Kïlïm nyu Parisaytin* söpïchoni kïchomöy ngal paraku Yeso, kïlenyona kïchomnyö chane nko tïsï cho echön kïyonta ripï kïpa kïnam Yeso. 33Kïlö Yeso, “Tomitan kite nko akwa atowan wölo mi nyinte nyini kiyokwanïn. 34Omöranïkwa wölo monyorwanïkwanye, ompöwölo momuchekwanye otune wölini owetan.”
35Kïtep pipö Yaudi lö, “Wetöy kor ne nyo mökitechanye nya? Wetöy so wölay möngöy pipö Yaudi cho mi kanastina pipö Krik atökunet chane? 36Anyï lentöy, ‘Omöranïn wölo monyorwanïkwanye,’ akïlö ngat, ‘Momuchekwanye otune wölini owetan. Kötömököy kïmwoghöy ne nyinte nya?’ ”
Lalwatïn cho yintegho pögho söpon
37 #
Law 23:36. Ki asis nyo wow asis nyo pö söröm nyo kipö asisoni wow pö omisyö. Kïlenyona kughyö Yeso akutegh ompö kut nyo wow lö, “Chi anka tïkwïl nyo amatïn maral ingwïn wölo omitan ateghegha pögh. 38#Esk 47:1; Sak 14:8. Kïle wölaye mwoytoy Kikirut lö, ‘Anka tïkwïl nyo ghönanïn, kuyintegho mïkulöwunyi pögh cho tïng söpon.’ ” 39Kimwa Yeso ngalechoni ompö ngala Mïkulögh nyo kitomönye kite kïtak pich cho ghönöy nyinte. Kitomönye atoni kekonï Mïkulögh ompöwölo kitomönye ketöror Yeso.
Kichagh kegh pich ompö Yeso
40Otini kilïm pich cho chang ompö söpïchoni nyinte kïmwoghöy ngalechoni, kïlö, “Werkoyontonaye kikönöy chichï nyo mötïny!” 41Kïlö walaka, “Kristo nyinte.” Wölo kïlö walaka, “Ayo, muko lö ne kungwïna Kristo Kalilaya? 42#2Sam 7:12; Mik 5:2. Mwoghöy Kikirut lö, ngwïno Masiya* ara Daudi, akeyichini nyinte Petleem, kanasyanta Daudi.” 43Kïlenyona kïchagh kegh pïchay ompö nyinte. 44Kïmach pikö walaka kïnam nyinte, wölo kimöminye chi nyo kimukyï.
Kintöghoghi pipö Yaudi cho mötïng kighanat
45Kïmïlonchö ripichay wölo mi tïsï cho echön nko Parisaytin akïtep chane lö, “Kölö ne tömamïtukwa nyinte?” 46Kuyokyï chane lö, “Möminye chi nyonikïny nyo kikïngalan le chichoni.”
47Kuyokyï Parisaytin ripichay lö, “Kichö kimï kïlïsekwa tïkwïl so? 48Kyasïwekwa so kintöghoghin nyo le ompö akonga anta chi pö Parisaytin nyo kakughan nyinte? 49Wölo menkïtcha söpïchete Kirurut pö Musa, kïlenyona chïpote chane!”
50 #
Yna 3:1-2. Kïlenchï Nikodemo, akong ompö Parisaytin nyay kiwö asistanka kïnyorï Yeso pïchay, 51“Möchömwechanye Kirurutköcho kerwokine chi kïtomö kelïm ngalechi akenkïtï kini kegh chichoni.” 52Keyokyï nyinte lö, “Kengwïnenyi Kalilaya so tïkwïl? Yare ya ompö Kikirut atesïwena lö möminye werkoyon kokay nyo ngwïno Kalilaya!”
Korka nyo kakïnömchï cheporesnan
Currently Selected:
YOANA 7: PIPÏLIA
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
YOANA 7
7
1Otini kiwany ngalechoni, kïwö Yeso kutang Kalilaya. Melö kicham nyinte kuwerata koro Yudea, ompöwölo kimi pipö Yaudi kïmöröy nyinte ompö wöloni atökïpar. 2#Law 23:34; Krt 16:13. Kikikïlekïtit otoni asispa pipö Yaudi nyo kikuro Ichon pö Tunkun, 3kimi nyu werko ompö Yeso kïlenchini nyinte, “Ngetena yi aiwö itang Yudea atökumï kinetanköku kïsïwa ighisyewutchï ighenyi. 4Meghönye chi tïkwïn ompö wïnyat akïmököy nyinte lö tökunkïtwon pich. Ato ighenyi tïkuchete, ikany kunkïtun ngwïnya kïmïkul!” 5(Kimeghancha nyinte chini le ompö werkökwa!) 6Kuyokyï Yeso chane lö, “Tomönye kwitïta asistanyan. Tomönye kwitïta asistanyan nyo mïchini, wölo mïchinokwa osiswekwo kïtenö osis. 7Memukönye ngwïnya kïyutonokwa, wölo yutonanïn, ompöwölo omwochinan nyinte kïnomnyö lö ghach ortinechi. 8Apekwa cho le akwa wölini kyomisyegho. Mowetanye wölini mi omisyononi, ompöwölo tomönye kwitïta sayenyan nyo mïchinote.” 9Otini kiwany kïmwa ngalechoni, kïmökïngetanye nyinte Kalilaya.
Yeso ompö Ichon pö Tunkun
10Otini kïpa werkökwa wölini kimi Ichon pö Tunkun, kïnap kegh Yeso tïkwïl kïwö, wölo kïwïngata kegh. 11Kimito pipö Yaudi kïmöröy nyinte ompö wölini kikyomisyegho. Kimi kïtepöy kegh lö, “Mi onö nyinte?”
12Kimito nyu chamata nyo wow söpïchay kwen. Kilentöy pikö walaka ompö kwenungwa, “Wechï chi nyo karam nyete,” kïmï walaka kïlentöy, “Ewo, lisöy pich nyinte.” 13Wölo kimöminye chi nyo kisïch nyakanat kïngalana nyinte, ompöwölo kiwagh chane kintöghoghi pipö Yaudi.
14Otini kitïta kwenuto ichonay, kïwö Yeso kutang Kö pö Tororöt* akutor kunetisyö. 15Kïtangany nyoman pipö Yaudi akïtep kegh lö, “Kenkïtunö onö chichï ngalechï tïkwïl akwanyï tomönye kusomön?” 16Kuyokyï Yeso chane lö, “Melö chichan kinetutchï, wölo pkono wölo mi nyo kiyokwanïn. 17Ato cham chi kwigh tïkwïn cho mököy Tororöt nyinte kwighöy, kunkïtu lö ekapkana ngalechï onetan wölo mi Tororöt anta ongölonan ngalechan kegh. 18Chi nyo mwoghöy ngalechi kegh, kïyöröy kïkwolöy kegh, wölo chi nyo yöröy kwolöteto nyinte nyo kiyonï nyinte, kï pö nyinte man akï möminye putintön orinyi. 19Kimökonokwanye so Musa Kirurut. Kï kölö ne tomökekwa opöranïn?” 20Kïlenchï tuyonay, “Ipotinyi so oy! Ngo mököy kïtïghinyi nya?”
21Kïlenchï Yeso chane, “Kyaghan kïgh akonga nyo kyotöngönchikwa. 22#Tow 17:10; Law 12:3. Kiporwokwa Musa ngala mutat (kïrkegh kimelö Musa nyini kitor wölo poyikwa), omutekwa worö asispa Sapato.* 23#Yna 5:9. Akwato kïmutöy monïng asispa Sapato, atömökïlel Kirurut pö Musa, kwompö ne nyu tonörekyinanikwa, ompöwölo kosopön chi otï le asispa Sapato? 24Opïstene kirwok nyo rïpöy ngala sany, wölo orwokyinö ompö otöptino ngala man.”
Kristo* so nyete?
25Kïtepsyö pikö walaka cho pö Yerusalem lö, “Mö chichete nye so nyaye kömököy pich kïtïghöy? 26Arose köny, nkwanyï mi kunetisyegho söpïch kwen akï puryö chi nyo ngölonchini nyinte ngölyon nyonikïny! Kikunkïtï so kintöghoghï nyoman lö, Kristo nyinte? 27Wölo otini ketï Kristo kïmenkïtunye chi wölini ngwïno nyinte. Akwanyï kinkïtöcha löwïr wölini ngwïno chichï.” 28Akwotini kimi Yeso kunetisyegho Kö pö Tororöt, kutegh tya lö, “Kolekwa so kinkïtanïn, ankïtökwa wölo kyangwïnan! Wölo kimangwïnanye ompö owesyenyu. Pö man nyinte nyo kiyokwanïn. Monkïtökwanye nyinte, 29wölo onkïtön nyinte, ompöwölo kyangwïnan wölini mi nyinte akï nyinte nyo kiyokwanïn.”
30Kïyar nyu chane or nyo nömöy nyinte, wölo kimöminye chi nyo kyonkoytö ewunyi lö onömöy nyinte, ompöwölo kitomönye kwitïta sayenyi. 31Wölo kichang pich ompö söpïchoni cho kighan nyinte akïlö, “Eato itï Kristo, muköy kwighöy töngönchin cho chang kïtïl chï kegh chichï?”
Kakïyonta ripï kïpa kïnam Yeso
32Kïlïm nyu Parisaytin* söpïchoni kïchomöy ngal paraku Yeso, kïlenyona kïchomnyö chane nko tïsï cho echön kïyonta ripï kïpa kïnam Yeso. 33Kïlö Yeso, “Tomitan kite nko akwa atowan wölo mi nyinte nyini kiyokwanïn. 34Omöranïkwa wölo monyorwanïkwanye, ompöwölo momuchekwanye otune wölini owetan.”
35Kïtep pipö Yaudi lö, “Wetöy kor ne nyo mökitechanye nya? Wetöy so wölay möngöy pipö Yaudi cho mi kanastina pipö Krik atökunet chane? 36Anyï lentöy, ‘Omöranïn wölo monyorwanïkwanye,’ akïlö ngat, ‘Momuchekwanye otune wölini owetan. Kötömököy kïmwoghöy ne nyinte nya?’ ”
Lalwatïn cho yintegho pögho söpon
37 #
Law 23:36. Ki asis nyo wow asis nyo pö söröm nyo kipö asisoni wow pö omisyö. Kïlenyona kughyö Yeso akutegh ompö kut nyo wow lö, “Chi anka tïkwïl nyo amatïn maral ingwïn wölo omitan ateghegha pögh. 38#Esk 47:1; Sak 14:8. Kïle wölaye mwoytoy Kikirut lö, ‘Anka tïkwïl nyo ghönanïn, kuyintegho mïkulöwunyi pögh cho tïng söpon.’ ” 39Kimwa Yeso ngalechoni ompö ngala Mïkulögh nyo kitomönye kite kïtak pich cho ghönöy nyinte. Kitomönye atoni kekonï Mïkulögh ompöwölo kitomönye ketöror Yeso.
Kichagh kegh pich ompö Yeso
40Otini kilïm pich cho chang ompö söpïchoni nyinte kïmwoghöy ngalechoni, kïlö, “Werkoyontonaye kikönöy chichï nyo mötïny!” 41Kïlö walaka, “Kristo nyinte.” Wölo kïlö walaka, “Ayo, muko lö ne kungwïna Kristo Kalilaya? 42#2Sam 7:12; Mik 5:2. Mwoghöy Kikirut lö, ngwïno Masiya* ara Daudi, akeyichini nyinte Petleem, kanasyanta Daudi.” 43Kïlenyona kïchagh kegh pïchay ompö nyinte. 44Kïmach pikö walaka kïnam nyinte, wölo kimöminye chi nyo kimukyï.
Kintöghoghi pipö Yaudi cho mötïng kighanat
45Kïmïlonchö ripichay wölo mi tïsï cho echön nko Parisaytin akïtep chane lö, “Kölö ne tömamïtukwa nyinte?” 46Kuyokyï chane lö, “Möminye chi nyonikïny nyo kikïngalan le chichoni.”
47Kuyokyï Parisaytin ripichay lö, “Kichö kimï kïlïsekwa tïkwïl so? 48Kyasïwekwa so kintöghoghin nyo le ompö akonga anta chi pö Parisaytin nyo kakughan nyinte? 49Wölo menkïtcha söpïchete Kirurut pö Musa, kïlenyona chïpote chane!”
50 #
Yna 3:1-2. Kïlenchï Nikodemo, akong ompö Parisaytin nyay kiwö asistanka kïnyorï Yeso pïchay, 51“Möchömwechanye Kirurutköcho kerwokine chi kïtomö kelïm ngalechi akenkïtï kini kegh chichoni.” 52Keyokyï nyinte lö, “Kengwïnenyi Kalilaya so tïkwïl? Yare ya ompö Kikirut atesïwena lö möminye werkoyon kokay nyo ngwïno Kalilaya!”
Korka nyo kakïnömchï cheporesnan
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019