Litanga 9
9
1Kandi Nyasaye ya gasidza Nuhu, na avana veve, na a va volera, Mwaale rnmedeke, mwizule lirova. 2Na litibwa lyenyu, nelihendidza lyenyu li la va ku tsinyama tsyosi tsyelirova, noku manyonyi gosi gombwerefu; noku vyosi vi gendanga ku lirova, noku tsisudzi tsyosi tsyomu inyanza, vi vikeywi mu mukono gwenyu. 3Vyosi vi gendanga vi veye nelivamwoyo vi la va vyokulia vyenyu; kuli nda mu ha tsingutsa tsimbisi, kandi ndiyo mu hebeywi yivi vyosi. 4Navutswa inyama halala na livamwoyo lyayo, li vola li veye masahi gayo, mu ta lia mba. 5Kandi ligali masahi genyu, masahi gelivamwoyo lyenyu, nda ga vanza; ku mukono gwetsinyama tsyosi nda ga vanza: kandi ku mukono gwomundu, kali ku rnukono gwamwavo womundu ku vosi, nda vanza livamwoyo lyomundu. 6Ku vosi uyu u tahidza masahi gomundu, amasahi gege ga la tahidzwa na mundu: kigira ya lomba mundu mu lifwanana lya Nyasaye. 7Na mwinye, mwaale, mmedeke; mwivule ligali mu lirova, nokumedeka mulyo.
8Kandi Nyasaye ya volera Nuhu, na avana veve halala naye, na a vola, 9Ninze, henza, nsingeridzanga lilagana lyange na mwinye, noku visukululwi vyenyu inyima wenyu; 10noku vyosi vi veye nelivamwoyo vi veye halala nemwinye; manyonyi, nemitugu, netsinyama tsyelirova halala nemwinye; ku vyosi vi twulanga mu liatu, kali tsinyama tsyosi tsyelirova. 11Kandi nda singeridza lilagana lyange nemwinye; kandi tsinyama tsyosi si tsi la dividzwa namadzi manene kandi mba; kandi si ga la va ho kandi amadzi manene kudividza lirova. 12Kandi Nyasaye ya vola, Yiki ki veye kilolekidzu kyelilagana lya nda lomba hagati hange nemwinye noku vyosi vi veye nelivamwoyo vi veye halala nemwinye, kuduka visukululwi vyosi: 13Mbikanga kisahi kyange mu lilesi, na ki la va kilolekidzu kyelilagana hagati hange nelirova. 14Kunangwa, lwa nda leta lilesi iugulu ku lirova, kisahi ki la loleka mu lilesi, 15na inze ndidzulitsa lilagana lyange li veye hagati hange na mwinye, na vi veye nelivamwoyo vyetsinyama tsyosi; na amadzi si ga la gwa manene kandi kudividza tsinyama tsyosi. 16Na kisahi ki la va mu lilesi; ninze nda ki henza, nzidzulitse lilagana lyemihiga gyosi li veye hagati ha Nyasaye na vyosi vi veye mwoyo ku lirova. 17Na Nyasaye ya volera Nuhu, Yiki ki veye kilolekidzu kyelilagana lya nsingeridzi hagati hange netsinyama tsyosi tsi veye ku lirova.
18Na avana va Nuhu, ava twula mu liatu, va li Shem, Ham, na Jafethu: na Ham a veye ise wa Kanani. 19Yava vabaka va li avana va Nuhu: na ku yava lirova lyosi lizula avandu. 20Na Nuhu ya tanga kuva mulimi na a simika mizabibu: 21na a nwa ku iwaini, na a hambika; na ya li kyahonyo mu lihema lilye. 22Na Ham, ise wa Kanani, ya lola kyahonyo kya dada wewe, na a volera avamwavo veve ava li kyova. 23Navo Shem na Jafethu va vugula ingubo, ni va gi vika ku mavega gavo vombi, na va tsira migongo, na va fuma kyahonyo kya dada wavo; na mumoni mwa henza inyima, na va vula kulola kyahonyo kya dada wavo. 24Na Nuhu ya vuka mulihambika lilye, na a manya aga mwana wewe muke ya mu kolera. 25Naye ya vola, Kanani a laamwe; Mutugwa wavatugwa a la va ku vamwavo veve. 26Kandi ya vola, Yahova Nyasaye wa Shem, a gasidzwe; Na Kanani a ve mutugwa wewe. 27Nyasaye a mede Jafethu, Naye a menye mu mahema ga Shem; Kandi Kanani a ve mutugwa wewe.
28Nuhu ya hindira inyima wa madzi manene mihiga tsimia tsivaka na makumi gatano. 29Na madiku gosi ga Nuhu ga li tsimia tsitano na tsine na makumi gatano: na a kudza.
Currently Selected:
Litanga 9: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967
Litanga 9
9
1Kandi Nyasaye ya gasidza Nuhu, na avana veve, na a va volera, Mwaale rnmedeke, mwizule lirova. 2Na litibwa lyenyu, nelihendidza lyenyu li la va ku tsinyama tsyosi tsyelirova, noku manyonyi gosi gombwerefu; noku vyosi vi gendanga ku lirova, noku tsisudzi tsyosi tsyomu inyanza, vi vikeywi mu mukono gwenyu. 3Vyosi vi gendanga vi veye nelivamwoyo vi la va vyokulia vyenyu; kuli nda mu ha tsingutsa tsimbisi, kandi ndiyo mu hebeywi yivi vyosi. 4Navutswa inyama halala na livamwoyo lyayo, li vola li veye masahi gayo, mu ta lia mba. 5Kandi ligali masahi genyu, masahi gelivamwoyo lyenyu, nda ga vanza; ku mukono gwetsinyama tsyosi nda ga vanza: kandi ku mukono gwomundu, kali ku rnukono gwamwavo womundu ku vosi, nda vanza livamwoyo lyomundu. 6Ku vosi uyu u tahidza masahi gomundu, amasahi gege ga la tahidzwa na mundu: kigira ya lomba mundu mu lifwanana lya Nyasaye. 7Na mwinye, mwaale, mmedeke; mwivule ligali mu lirova, nokumedeka mulyo.
8Kandi Nyasaye ya volera Nuhu, na avana veve halala naye, na a vola, 9Ninze, henza, nsingeridzanga lilagana lyange na mwinye, noku visukululwi vyenyu inyima wenyu; 10noku vyosi vi veye nelivamwoyo vi veye halala nemwinye; manyonyi, nemitugu, netsinyama tsyelirova halala nemwinye; ku vyosi vi twulanga mu liatu, kali tsinyama tsyosi tsyelirova. 11Kandi nda singeridza lilagana lyange nemwinye; kandi tsinyama tsyosi si tsi la dividzwa namadzi manene kandi mba; kandi si ga la va ho kandi amadzi manene kudividza lirova. 12Kandi Nyasaye ya vola, Yiki ki veye kilolekidzu kyelilagana lya nda lomba hagati hange nemwinye noku vyosi vi veye nelivamwoyo vi veye halala nemwinye, kuduka visukululwi vyosi: 13Mbikanga kisahi kyange mu lilesi, na ki la va kilolekidzu kyelilagana hagati hange nelirova. 14Kunangwa, lwa nda leta lilesi iugulu ku lirova, kisahi ki la loleka mu lilesi, 15na inze ndidzulitsa lilagana lyange li veye hagati hange na mwinye, na vi veye nelivamwoyo vyetsinyama tsyosi; na amadzi si ga la gwa manene kandi kudividza tsinyama tsyosi. 16Na kisahi ki la va mu lilesi; ninze nda ki henza, nzidzulitse lilagana lyemihiga gyosi li veye hagati ha Nyasaye na vyosi vi veye mwoyo ku lirova. 17Na Nyasaye ya volera Nuhu, Yiki ki veye kilolekidzu kyelilagana lya nsingeridzi hagati hange netsinyama tsyosi tsi veye ku lirova.
18Na avana va Nuhu, ava twula mu liatu, va li Shem, Ham, na Jafethu: na Ham a veye ise wa Kanani. 19Yava vabaka va li avana va Nuhu: na ku yava lirova lyosi lizula avandu. 20Na Nuhu ya tanga kuva mulimi na a simika mizabibu: 21na a nwa ku iwaini, na a hambika; na ya li kyahonyo mu lihema lilye. 22Na Ham, ise wa Kanani, ya lola kyahonyo kya dada wewe, na a volera avamwavo veve ava li kyova. 23Navo Shem na Jafethu va vugula ingubo, ni va gi vika ku mavega gavo vombi, na va tsira migongo, na va fuma kyahonyo kya dada wavo; na mumoni mwa henza inyima, na va vula kulola kyahonyo kya dada wavo. 24Na Nuhu ya vuka mulihambika lilye, na a manya aga mwana wewe muke ya mu kolera. 25Naye ya vola, Kanani a laamwe; Mutugwa wavatugwa a la va ku vamwavo veve. 26Kandi ya vola, Yahova Nyasaye wa Shem, a gasidzwe; Na Kanani a ve mutugwa wewe. 27Nyasaye a mede Jafethu, Naye a menye mu mahema ga Shem; Kandi Kanani a ve mutugwa wewe.
28Nuhu ya hindira inyima wa madzi manene mihiga tsimia tsivaka na makumi gatano. 29Na madiku gosi ga Nuhu ga li tsimia tsitano na tsine na makumi gatano: na a kudza.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967