Luka 3
3
1Ku muhiga gwelikumi na gyitanu gwelyameha lya Tiberio Kaisari, Pontio Pilatu lwa ya li govuna we Buyuda, na Herodi ya li munyampara we Galilaya, na Filipu amwavo wewe ya li munyampara wekivala kye Turea nekye Tarakoniti, na Lusania ya li munyampara wa Abilene, 2inyinga yobusalisi bwa Annas na Kaiafa, likuva lya Nyasaye lya duka ku Yohana mwana wa Zekaria na a veye mwigendanyama. 3Ya duka mu tsimbega tsyosi tsya li himbi Yordani, ni yilwadza libatidza lyokweganira lyokuduka kusamefwa ubwoni. 4Kuli ga ng'odwa mu kitabu kyamakuva ga Isaya muprofeti,
Mwoyo gwomulala u hanzuka mwigendanyama
Mu lombe inzira yo Mwami
Mu lungikidze mihanda gyigye.
5Vivanda vyosi vi lizulidzwa;
Vigulu vyosi notugulu twosi tulikidzwa;
Vya kyama vi la lungika
Tsinzira tsyamagyiki tsi la leng'ana;
6Navandu vosi va la lola ubuhonnyi bwa Nyasaye.
7Kunangwa ya volera viduma vya twula ni vadza kuye a va batidze, Mwinye avana venzoka, ibwaha wa mu gerihidza kwiruka ubutima buudzanga? 8Mu kole makuyu ga dukana nelyeganira, mu ta tanga kuganagana, Ku veye naguga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga. 9Kali ka lunu imbadzi i vikeywi ha vitinya vyemisala: kigira yaga, ku misala gyosi gu tama makuyu malahi gu temagwa, gu tebwa mu muliru. 10Viduma vya mu teva, Ku kola ndi? 11Naye ya tivula, na a va volera, U veye netsikanzu tsiviri a he u ta li nayo; kandi u veye nevyokulia a kole ndiyo. 12Ni vadza kandi avaso loli vobushutu kubatidzwa, navo va mu volera, Mwegidzi, Ku kola ndi? 13Naye ya va volera, Mu ta kiridza kusolola kuvita ga mwa lagwa. 14Navasikari kandi va mu teva, ni va vola, Na kwinye ku kola ndi? Naye ya va volera, Mu ta nuula mundu kindu, kandi mu ta gina mundu; kandi mu bugirire madanyi genyu.
15Kandi avandu lwa va lindirira ni va ganagana mu myoyo gyavo ku Yohana, na a va na a veye Kristo; 16Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru. 17Kiseseru kikye ki veye mu mukono gwigwe, kulavidza ligali lodze lwilwe, kandi kutera ingano mu kideera; navutswa mukuudzi a la samba nomuliru gu ta simika.
18Kandi yilwadzira avandu nelyeganehidza linyingi lindi, amakuva malahi. 19Navutswa lwa ya gaya Herodi munyampara ku amakuva ga Herodiya mka amwavo wewe, kandi ku vindu vidamano vyosi vya Herodi ya kola, 20ya meda yiki kandi kuvyo vosi, ya boha Yohana mu inyumba yavahambe.
21Avandu vosi lwa va batidzwa, kandi Yesu lwa ya mala kubatidzwa, lwa ya li na a saala, ligulu li gulika, 22na Roho Mutakatifu yika kuye neligondo kuli mubiri gwelikuula, kandi mwoyo gwa twula migulu, gu vola, Ive u veye Mwana wange wa nyanza; nyanzeywi ligali ku ive.
23Yesu mwene, lwa ya tanga kwegidza liduka lilye lya duka himbi imihiga amakumi gavaka, a veye mwana (kuli ya ganaganwa) wa Yosefa, wa Heli, 24wa Mathati, wa Levi, wa Melchi, wa Tanai, wa Yosefa, 25wa Matathia, wa Amosi, wa Nahum, wa Esili, wa Nage, 26wa Maathi, wa Matathia, wa Semeini, wa Yosechi, wa Yuda, 27wa Yoanani, wa Resa, wa Zerubabeli, wa Shealatieli, wa Neri, 28wa Melchi, wa Adi, wa Kosamu, wa Elmodama, wa Eri, 29wa Yosi, wa Eliezeri, wa Jorim, wa Mathati, wa Levi, 30wa Simeoni, wa Yuda, wa Yosefa, wa Yonamu, wa Eliakim, 31wa Melea, wa Mena, wa Matatha, wa Nathani, wa Daudi, 32wa Jesse, wa Obed, wa Boaz, wa Salmona, wa Nahashoni, 33wa Aminidabu, wa Aram, wa Heziron wa Pereze, wa Yuda, 34wa Yakobo wa Isaka, wa Abrahamu, wa Tera, wa Nahoru, 35wa Serugu, wa Reu, wa Pelegu, wa Eberi wa Shela, 36wa Kainani, wa Aripakishadi, wa Shem, wa Nuhu, wa Lameku, 37wa Methusala, wa Enoku, wa Jaredu, wa Mahalaleli, wa Kainani, 38wa Enosh, wa Seth, wa Adamu, wa li wa Nyasaye.
Currently Selected:
Luka 3: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967
Luka 3
3
1Ku muhiga gwelikumi na gyitanu gwelyameha lya Tiberio Kaisari, Pontio Pilatu lwa ya li govuna we Buyuda, na Herodi ya li munyampara we Galilaya, na Filipu amwavo wewe ya li munyampara wekivala kye Turea nekye Tarakoniti, na Lusania ya li munyampara wa Abilene, 2inyinga yobusalisi bwa Annas na Kaiafa, likuva lya Nyasaye lya duka ku Yohana mwana wa Zekaria na a veye mwigendanyama. 3Ya duka mu tsimbega tsyosi tsya li himbi Yordani, ni yilwadza libatidza lyokweganira lyokuduka kusamefwa ubwoni. 4Kuli ga ng'odwa mu kitabu kyamakuva ga Isaya muprofeti,
Mwoyo gwomulala u hanzuka mwigendanyama
Mu lombe inzira yo Mwami
Mu lungikidze mihanda gyigye.
5Vivanda vyosi vi lizulidzwa;
Vigulu vyosi notugulu twosi tulikidzwa;
Vya kyama vi la lungika
Tsinzira tsyamagyiki tsi la leng'ana;
6Navandu vosi va la lola ubuhonnyi bwa Nyasaye.
7Kunangwa ya volera viduma vya twula ni vadza kuye a va batidze, Mwinye avana venzoka, ibwaha wa mu gerihidza kwiruka ubutima buudzanga? 8Mu kole makuyu ga dukana nelyeganira, mu ta tanga kuganagana, Ku veye naguga wetu Abrahamu: kigira mmu volera, Nyasaye a nyala kutwulidzira Abrahamu avana ku magina yaga. 9Kali ka lunu imbadzi i vikeywi ha vitinya vyemisala: kigira yaga, ku misala gyosi gu tama makuyu malahi gu temagwa, gu tebwa mu muliru. 10Viduma vya mu teva, Ku kola ndi? 11Naye ya tivula, na a va volera, U veye netsikanzu tsiviri a he u ta li nayo; kandi u veye nevyokulia a kole ndiyo. 12Ni vadza kandi avaso loli vobushutu kubatidzwa, navo va mu volera, Mwegidzi, Ku kola ndi? 13Naye ya va volera, Mu ta kiridza kusolola kuvita ga mwa lagwa. 14Navasikari kandi va mu teva, ni va vola, Na kwinye ku kola ndi? Naye ya va volera, Mu ta nuula mundu kindu, kandi mu ta gina mundu; kandi mu bugirire madanyi genyu.
15Kandi avandu lwa va lindirira ni va ganagana mu myoyo gyavo ku Yohana, na a va na a veye Kristo; 16Yohana ya tivula na a va volera vosi, Inze ligali mmu batidza namadzi; navutswa udzanga a veye netsingulu kuvita inze, wa nta duka kuboholola tsinkova tsyevilatu vivye: uyu a la mu batidza na Roho Mutakatifu nomuliru. 17Kiseseru kikye ki veye mu mukono gwigwe, kulavidza ligali lodze lwilwe, kandi kutera ingano mu kideera; navutswa mukuudzi a la samba nomuliru gu ta simika.
18Kandi yilwadzira avandu nelyeganehidza linyingi lindi, amakuva malahi. 19Navutswa lwa ya gaya Herodi munyampara ku amakuva ga Herodiya mka amwavo wewe, kandi ku vindu vidamano vyosi vya Herodi ya kola, 20ya meda yiki kandi kuvyo vosi, ya boha Yohana mu inyumba yavahambe.
21Avandu vosi lwa va batidzwa, kandi Yesu lwa ya mala kubatidzwa, lwa ya li na a saala, ligulu li gulika, 22na Roho Mutakatifu yika kuye neligondo kuli mubiri gwelikuula, kandi mwoyo gwa twula migulu, gu vola, Ive u veye Mwana wange wa nyanza; nyanzeywi ligali ku ive.
23Yesu mwene, lwa ya tanga kwegidza liduka lilye lya duka himbi imihiga amakumi gavaka, a veye mwana (kuli ya ganaganwa) wa Yosefa, wa Heli, 24wa Mathati, wa Levi, wa Melchi, wa Tanai, wa Yosefa, 25wa Matathia, wa Amosi, wa Nahum, wa Esili, wa Nage, 26wa Maathi, wa Matathia, wa Semeini, wa Yosechi, wa Yuda, 27wa Yoanani, wa Resa, wa Zerubabeli, wa Shealatieli, wa Neri, 28wa Melchi, wa Adi, wa Kosamu, wa Elmodama, wa Eri, 29wa Yosi, wa Eliezeri, wa Jorim, wa Mathati, wa Levi, 30wa Simeoni, wa Yuda, wa Yosefa, wa Yonamu, wa Eliakim, 31wa Melea, wa Mena, wa Matatha, wa Nathani, wa Daudi, 32wa Jesse, wa Obed, wa Boaz, wa Salmona, wa Nahashoni, 33wa Aminidabu, wa Aram, wa Heziron wa Pereze, wa Yuda, 34wa Yakobo wa Isaka, wa Abrahamu, wa Tera, wa Nahoru, 35wa Serugu, wa Reu, wa Pelegu, wa Eberi wa Shela, 36wa Kainani, wa Aripakishadi, wa Shem, wa Nuhu, wa Lameku, 37wa Methusala, wa Enoku, wa Jaredu, wa Mahalaleli, wa Kainani, 38wa Enosh, wa Seth, wa Adamu, wa li wa Nyasaye.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967