Marko 13
13
1Lwa ya li na a twula mu litempeli, mulala ku vegidzwi veve ya mu volera, Mwegidzi, henza, magina kuli wa ga veye netsinyumba kuli wa tsi veye 2Yesu ya mu volera, U lola tsinyumba tsinene vitsi? Si li la tigala hano ligina lilala ku lindi, li li vula kutsomwa hasi. 3Lwa yikala mu kigulu kya Mizeituni, litempeli lya li engereka, Petro na Yakobo na Yohana na Andreya va mu teva, lwa va li veng'ine, 4va vola, U ku volere, vindu yivi vi la kolwa inyinga ki? Kandi lilolekidza li la va ki inyinga vindu yivi vyosi vyenya kukolwa? 5Yesu ya tanga kuvavolera, Mu gelihe, mundu a ta mu gotidza mba. 6Kigira vanyingi va ladza mu lieta lyange ni va vola, Inze niye; kandi va la gotidza vanyingi. 7Kandi lwa mu li hulira mahe nolusuma lwamahe mu ta henda myoyo mba: vindu yivi vi la niga kukolwa; navutswa kiheri ki kikiri kuduka. 8Ihiri nehiri va la vukerana, nobwami nobwami bu la vukerana, kandi mu vivala vinyingi lirova li la degera; tsitodzo tsi la va mu lirova: vindu yivi vi veye litanga lyokukupa kivi.
9Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo. 10Litanga ivangeli i lilwadzwa mu tsihiri tsyosi. 11Lwa va mu hila mu kyina nokumuzama, mu ta henda myoyo imbiri ku livola lyenyu: navutswa amakuva ga mu li hebwa inyinga yiyi mu vole; kigira si mu li mwinye mu vola, navutswa ni Roho Mtakatifu. 12Mundu a la zama amwavo wewe a kudze, kandi ise a la zama mwana wewe; kandi avana va la vuha avivuli va viite. 13Na vandu vosi va la mu dunyira kigira lieta lyange: navutswa u li dinya ku kuduka ku kiheri a la honnywa.
14Lwa mu li lola mudamano munonono wokwonogonnya na a singiye ha bu ta li bulahi a singire (a huiire wa soma), ava veye Ebuyuda inyinga yeyo viruke va tsie mu vigulu: 15uyu u veye ku inyumba yeye higulu, a tika mba kwingira mu, a vugule kindu ki veye mu inyumba: 16noyu u veye mu mulimi a ta gerera kuvugula ingubo yeye mba. 17Navutswa ubudamano bu la va ku yava ava veye inda na va nyunnya mu madiku yago 18Kandi mu saave i ta va inyinga yobukindu. 19Kigira mu madiku yago ha la va nekivi kuvita madiku gosi kutanga inyinga Nyasaye ya lomba vindu vyosi kuduka lero, kandi mu madiku gosi gadza. 20Kandi Mwami a vula kwimbihidzi madiku yago, nkano si ha li nomundu u nyala kuhonnywa; navutswa wimbihidza madiku yago kigira avatovole va ya tovola. 21Inyinga yeyo mundu na a mu volera, Henza, nguyu Kristo; kinga, Henza ngoyo; mu ta suuvira mba: 22kigira vakristo vabehi va la twula, navaprofeti vabehi, va la leta vyokulolekidza nevyokugennya, va duke va gotidze avatovole, ni ga nyalika. 23Navutswa mu gelihe: henzi, mmali kumuvolera vindu vyosi ni vi kikiri kuduka.
24Navutswa mu madiku yago inyima yekivi yikyo, liuva li la kingwa, nomweli gu la sula kwaaka, 25netsing'ereng'ani tsyegulu tsi laguluka, netsingulu tsyegulu tsi la degeridzwa. 26Hene yaho va la lola Mwana wa Adamu ni yadza mu malesi netsingulu tsinene nobukumi. 27Hene yaho a la tuma tsingelosi, kandi a la vungidza halala vatovole veve va twula mu tsimbuudzi tsine, kutwula ku tsindulu tsyelirova kandi ku tsindulu tsyegulu.
28Kalunu mu hulire lugano lwomukuyu: inyinga lusya lu veye ludoto, kandi lu sibuka mu manya inyinga yokutaga i veye himbi. 29Kandi ndiyo lwa mu lola vindu yivi vi dukanga, mwinye mu manye a veye himbi ligali, ha viliariiro. 30Ligali mmu volera, Likula yili si li li vita, vindu yivi vyosi vi luhe vi kolwe. 31Ligulu nelirova li la vita, navutswa amakuva gange si ga la vita mba. 32Navutswa lidiku yilyo nenyinga yeyo mundu si a manya mba, kali tsingelosi vomigulu, kinga Mwana, navutswa Dada weng'ine.
33Mu gelihe, mu linde, mu saale, kigira si mu manya inyinga mba. 34Ga veye kuli mundu a tsia lugendo mu kivala kindi, na a leka inyumba yeye, na a ha vatumekiri veve tsillgulu, na a ha vosi miyinzi gyavo na a ha u linda kiliango munwa a linde. 35Kigira yaga mu linde: kigira si mu manya inyinga yomwami wenyumba a li duka, ni i va mgolova, kinga mu budiku hagati, kinga inyinga idaywa i lagula, kinga mugamba tsuli; 36gase a la duka bwangu na a mu nyole, ni mu gona tsindolo. 37Kandi aga mu volera, mbolera vosi, Lindi.
Currently Selected:
Marko 13: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967
Marko 13
13
1Lwa ya li na a twula mu litempeli, mulala ku vegidzwi veve ya mu volera, Mwegidzi, henza, magina kuli wa ga veye netsinyumba kuli wa tsi veye 2Yesu ya mu volera, U lola tsinyumba tsinene vitsi? Si li la tigala hano ligina lilala ku lindi, li li vula kutsomwa hasi. 3Lwa yikala mu kigulu kya Mizeituni, litempeli lya li engereka, Petro na Yakobo na Yohana na Andreya va mu teva, lwa va li veng'ine, 4va vola, U ku volere, vindu yivi vi la kolwa inyinga ki? Kandi lilolekidza li la va ki inyinga vindu yivi vyosi vyenya kukolwa? 5Yesu ya tanga kuvavolera, Mu gelihe, mundu a ta mu gotidza mba. 6Kigira vanyingi va ladza mu lieta lyange ni va vola, Inze niye; kandi va la gotidza vanyingi. 7Kandi lwa mu li hulira mahe nolusuma lwamahe mu ta henda myoyo mba: vindu yivi vi la niga kukolwa; navutswa kiheri ki kikiri kuduka. 8Ihiri nehiri va la vukerana, nobwami nobwami bu la vukerana, kandi mu vivala vinyingi lirova li la degera; tsitodzo tsi la va mu lirova: vindu yivi vi veye litanga lyokukupa kivi.
9Mu gelihe avene, kigira va la mu zama mu hilwe mu kyina; va la mu duya mu masomero; mu la singira imbiri wa vanyampara na vami kigira inze, mu ve kilolekidzu kuvo. 10Litanga ivangeli i lilwadzwa mu tsihiri tsyosi. 11Lwa va mu hila mu kyina nokumuzama, mu ta henda myoyo imbiri ku livola lyenyu: navutswa amakuva ga mu li hebwa inyinga yiyi mu vole; kigira si mu li mwinye mu vola, navutswa ni Roho Mtakatifu. 12Mundu a la zama amwavo wewe a kudze, kandi ise a la zama mwana wewe; kandi avana va la vuha avivuli va viite. 13Na vandu vosi va la mu dunyira kigira lieta lyange: navutswa u li dinya ku kuduka ku kiheri a la honnywa.
14Lwa mu li lola mudamano munonono wokwonogonnya na a singiye ha bu ta li bulahi a singire (a huiire wa soma), ava veye Ebuyuda inyinga yeyo viruke va tsie mu vigulu: 15uyu u veye ku inyumba yeye higulu, a tika mba kwingira mu, a vugule kindu ki veye mu inyumba: 16noyu u veye mu mulimi a ta gerera kuvugula ingubo yeye mba. 17Navutswa ubudamano bu la va ku yava ava veye inda na va nyunnya mu madiku yago 18Kandi mu saave i ta va inyinga yobukindu. 19Kigira mu madiku yago ha la va nekivi kuvita madiku gosi kutanga inyinga Nyasaye ya lomba vindu vyosi kuduka lero, kandi mu madiku gosi gadza. 20Kandi Mwami a vula kwimbihidzi madiku yago, nkano si ha li nomundu u nyala kuhonnywa; navutswa wimbihidza madiku yago kigira avatovole va ya tovola. 21Inyinga yeyo mundu na a mu volera, Henza, nguyu Kristo; kinga, Henza ngoyo; mu ta suuvira mba: 22kigira vakristo vabehi va la twula, navaprofeti vabehi, va la leta vyokulolekidza nevyokugennya, va duke va gotidze avatovole, ni ga nyalika. 23Navutswa mu gelihe: henzi, mmali kumuvolera vindu vyosi ni vi kikiri kuduka.
24Navutswa mu madiku yago inyima yekivi yikyo, liuva li la kingwa, nomweli gu la sula kwaaka, 25netsing'ereng'ani tsyegulu tsi laguluka, netsingulu tsyegulu tsi la degeridzwa. 26Hene yaho va la lola Mwana wa Adamu ni yadza mu malesi netsingulu tsinene nobukumi. 27Hene yaho a la tuma tsingelosi, kandi a la vungidza halala vatovole veve va twula mu tsimbuudzi tsine, kutwula ku tsindulu tsyelirova kandi ku tsindulu tsyegulu.
28Kalunu mu hulire lugano lwomukuyu: inyinga lusya lu veye ludoto, kandi lu sibuka mu manya inyinga yokutaga i veye himbi. 29Kandi ndiyo lwa mu lola vindu yivi vi dukanga, mwinye mu manye a veye himbi ligali, ha viliariiro. 30Ligali mmu volera, Likula yili si li li vita, vindu yivi vyosi vi luhe vi kolwe. 31Ligulu nelirova li la vita, navutswa amakuva gange si ga la vita mba. 32Navutswa lidiku yilyo nenyinga yeyo mundu si a manya mba, kali tsingelosi vomigulu, kinga Mwana, navutswa Dada weng'ine.
33Mu gelihe, mu linde, mu saale, kigira si mu manya inyinga mba. 34Ga veye kuli mundu a tsia lugendo mu kivala kindi, na a leka inyumba yeye, na a ha vatumekiri veve tsillgulu, na a ha vosi miyinzi gyavo na a ha u linda kiliango munwa a linde. 35Kigira yaga mu linde: kigira si mu manya inyinga yomwami wenyumba a li duka, ni i va mgolova, kinga mu budiku hagati, kinga inyinga idaywa i lagula, kinga mugamba tsuli; 36gase a la duka bwangu na a mu nyole, ni mu gona tsindolo. 37Kandi aga mu volera, mbolera vosi, Lindi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967