Marko 16
16
1Lisabato lwa lya vita, Maria Magdalene na Maria mama wa Yakobo, na Salome, va gula vindu vya funya mwayu, va tsie kumuvaka. 2Mugamba mabwebwe ligali ku lidiku li kola lilala ku lisidza, va duka ha kilindwa liuva li mali kutonga. 3Ni va volerana, Ibwaha na a ku gomagominyire ligina, li twule ha kiliango kyekilindwa? 4Lwa va henza va lola ligina li gomagominyeywi: kigira lya li linene munonono. 5Lwa vingira mu kilindwa, va lola musolele ni yikaye haluvega lwomkono mulungi, na a veye nengubo indavu; ni va genya. 6Ya va volera, Mu ta genya mba: mwenya Yesu Munazareti, wa bambwa. U simuguki; si a veye hano mba: henzi ha va mu vika. 7Navutswa mu tsie, mu volere avegidzwi veve na a Petro, A tsitsa imbiri wenyu kutsia Galilaya: mu la mu lola yo kuli wa ya mu volera. 8Va twula mu kilindwa ni viruka; kigira ubudegeri nobugenyi bwa va gumira: si va volera mundu kindu mba; kigira va tia.
9Lwa ya vuka mabwebwe ku lidiku lya kola lilala ku lisidza, ya tanga kuloleka ku Maria Magdalene wa ya twulidza kuye amademone gatanu na gaviri. 10Ya tsia na a volera ava vedza halala naye, lwa va li ni va kikiri mu maliga ni va liranga. 11Navo lwa va hulira a veye mwoyo na u mu loli, si va suuvira mba. 12Inyima ya vindu yivi ya loleka kandi ne ligondo lindi ku vaviri kuvo, va li ni va genda ni va tsia mu kivala. 13Kandi va tsia ni va volera avandi: navutswa si va va suuvira mba.
14Lwenyima ya loleka ku va li likumi na mulala avene lwa va li ni vikaye ku vyokulia; na a va gondokera ku livula kusuuvira lyavo nobudinyu bwemyoyo, kigira va vula kusuuvira yavo ava mu lola lwa ya mala kusimuguka. 15Ya va volera Gendi mu tsie mu lirova lyosi mwilwadze ivangeli ku vandu vosi. 16U suuvira na a batidzwe a la honnywa; u vula kusuuvira a la kyaywa. 17Vilolekidzu yivi vi la loleka halala na va suuvira: va la twulidza amademone ne lyeta lyange; va la vola netsinimi tsimpya; 18va la ginga tsinzoka, kandi ni va nwa kindu kyokwiita si ki nyala ligali kuvononnya mba; va la vika makono ku valwaye, na va la hona.
19Ni ndiyo Mwami Yesu, lwa ya mala kuvolerana navo, yingiridzwa migulu ni yikala ha mukono mulungi gwa Nyasaye. 20Kandi va twula ni vilwadza mu vivala vyosi, Mwami yinzira navo, na a nenehidza amakuva ne vilolekidzu vya va hereka. Ameni.
Currently Selected:
Marko 16: MBE
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967
Marko 16
16
1Lisabato lwa lya vita, Maria Magdalene na Maria mama wa Yakobo, na Salome, va gula vindu vya funya mwayu, va tsie kumuvaka. 2Mugamba mabwebwe ligali ku lidiku li kola lilala ku lisidza, va duka ha kilindwa liuva li mali kutonga. 3Ni va volerana, Ibwaha na a ku gomagominyire ligina, li twule ha kiliango kyekilindwa? 4Lwa va henza va lola ligina li gomagominyeywi: kigira lya li linene munonono. 5Lwa vingira mu kilindwa, va lola musolele ni yikaye haluvega lwomkono mulungi, na a veye nengubo indavu; ni va genya. 6Ya va volera, Mu ta genya mba: mwenya Yesu Munazareti, wa bambwa. U simuguki; si a veye hano mba: henzi ha va mu vika. 7Navutswa mu tsie, mu volere avegidzwi veve na a Petro, A tsitsa imbiri wenyu kutsia Galilaya: mu la mu lola yo kuli wa ya mu volera. 8Va twula mu kilindwa ni viruka; kigira ubudegeri nobugenyi bwa va gumira: si va volera mundu kindu mba; kigira va tia.
9Lwa ya vuka mabwebwe ku lidiku lya kola lilala ku lisidza, ya tanga kuloleka ku Maria Magdalene wa ya twulidza kuye amademone gatanu na gaviri. 10Ya tsia na a volera ava vedza halala naye, lwa va li ni va kikiri mu maliga ni va liranga. 11Navo lwa va hulira a veye mwoyo na u mu loli, si va suuvira mba. 12Inyima ya vindu yivi ya loleka kandi ne ligondo lindi ku vaviri kuvo, va li ni va genda ni va tsia mu kivala. 13Kandi va tsia ni va volera avandi: navutswa si va va suuvira mba.
14Lwenyima ya loleka ku va li likumi na mulala avene lwa va li ni vikaye ku vyokulia; na a va gondokera ku livula kusuuvira lyavo nobudinyu bwemyoyo, kigira va vula kusuuvira yavo ava mu lola lwa ya mala kusimuguka. 15Ya va volera Gendi mu tsie mu lirova lyosi mwilwadze ivangeli ku vandu vosi. 16U suuvira na a batidzwe a la honnywa; u vula kusuuvira a la kyaywa. 17Vilolekidzu yivi vi la loleka halala na va suuvira: va la twulidza amademone ne lyeta lyange; va la vola netsinimi tsimpya; 18va la ginga tsinzoka, kandi ni va nwa kindu kyokwiita si ki nyala ligali kuvononnya mba; va la vika makono ku valwaye, na va la hona.
19Ni ndiyo Mwami Yesu, lwa ya mala kuvolerana navo, yingiridzwa migulu ni yikala ha mukono mulungi gwa Nyasaye. 20Kandi va twula ni vilwadza mu vivala vyosi, Mwami yinzira navo, na a nenehidza amakuva ne vilolekidzu vya va hereka. Ameni.
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 1967