VATUMWA 10
10
1Yaali ho mundu mulala mu Kaisaria uwalangwa Korinelio, munene wu muganda mulala gwa vasikari imia indara “Muganda gwa Italia.” 2Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo. 3Ahimbi zisa tisa zia mbasu, yalora malola havulavu, engelosi wa Nyasaye yaza kuye na amuvoleraa, “Korinelio!”
4Korinelio yumika engelosi nu vuti, namuvolera “Ni kindu ki, mwami?”
Engelosi yamuvolera, “Nyasaye uvugiliyi lisaala liilio ni zisadaka zizio ku vadaka. 5Kalunu tuma avandu Jopa, valange mundu mulala ulangwa Simoni, lieta lindi Petero. 6Aveeye munyumba ya Simoni musiza wokolomba vindu ku visero, winyumba yeeye eveeye ahimbi ninyanza.”
7Lwe engelosi wavoola yaga yamala kuzia, Korinelio yalanga avatumikiri veve vaviri avinyumba, kandi mulala ku vasikari veve uwatia Nyasaye, waali mulala ku avamulindaa, 8na avavolera vindu viosi viekoleka, na avatuma Jopa.
9Mugamba, lwa avandu vavaga yavo vaali ni vakikiri mu logendo lwavo, navuzwa ni vaveeye ahimbi kuduuka Jopa, Petero yanina kunyumba igulu, ahimbi zisa sita zia mbasu aduuki ku saala. 10Yahulira inzara, ni yegomba kulia. Lwi viukulia viali ni vilombwa, yalora malola. 11Yalora ligulu ni likunulukaa, nikindu kuli isuuka enene yikizwa hasi nigumiliywi zikona ziayo zine. 12Musuuka yeyo ziali mu zing'ano ziosi zie zinyama zie virenge vine, zinyama zimolaa hasi, na amanyonyi gu mwigulu. 13Yahulira kandi mwoyo ni gumuvooleraa, “Petero, singira witi zinyama yizi ulie!”
14Petero yativura navoora, “Awa, Mwami, inzi ngikiri kulia ku ikindu kivi anoho kidamanu mba.”
15Mwoyo yigwo gwahulirika kandi haali kaviri ni gumuvooleraa, “Vindu via Nyasaye yatakasa, ivi utavilanga vidamanu mba!” 16Likuva yili liakoleka haali kavaga, ma isuuka zana ni yiranywa mwigulu.
17Lwa Petero yaali nakegenya ku livoora lia amalola ga yaali nalori, avandu yavo avatumwa na Korinelio, vaduuka ha kirivwa nivakanyoola inyumba ya Simoni. 18Ni valanga ni vateva, “Mugeni ulangwa Simoni Petero aveeye mu anoho mba?”
19Lwa Petero yaali nakiganagana kigira amalola, Roho yamuvolera, “Hulira! Vaveeye hano avandu vavaga, vakwenyaa. 20Yika vwangu, na utahayahayiza kuzia harara navo mba, kigira ninzi uvatumi.” 21Kunangwa, Petero yika hasi, navolera avandu yavo, “Ninzi wa mwenya. Muuzi kigira ki?”
22Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.” 23Kunangwa Petero yavingiriza munyumba, navaha ahokogona uvudiku yivwo.
Lwa vwacha Petero yazia logendo harara navo, na avalala ku vandu avasuuviraa va Jopa vazia harara naye. 24Lidiku lia kaviri vaduuka Kaisaria wa Korinelio yaali na valinda, harara na aviiko veve kandi avalina va yaali nalangi. 25Lwa Petero yaali ni yingiraa, Korinelio yazia ichova kumwaganira, yagwa ku amaru imbiri weve naamusigamira. 26Navuzwa Petero yamusingiriza, namuvolera, “ Singira, inze mbeeye mundu vuzwa.” 27Petero yaazizagilira komoloma na Korinelio ni vingira munyumba, nanyoora mu avandu vanyingi nivavugani harara. 28Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba. 29Kulwayago, lwa munangi, nzizi vugira kuhangala. Maku muteeva ndi munangi, kigira ki?”
30Korinelio yavoola, “Amadiku gavaga, agaviti, ahimbi isa kuli yinu ndi, zisa tisa zia mbasu, ndaali nisaara munyumba yange. Nonoho, mundu wiviika zinguvu zing'ereng'anu yasingira imbiri wange, 31navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye. 32Tuma mundu Jopa, alange mundu mulala ulangwa Simoni, lieta lindi Petero; aveeye munyumba ya Simoni, mulombi wi visero, ahimbi ni inyanza.’ 33Kigira yaga, ndatuma avandu ku ivi vwangu, na okoli vulahi kuuza. Kalunu, kunyi koveeye imbiri wa Nyasaye, ukuhulira amakuva goosi aga ivi ulagiywi nu Mwami okovolere kunyi.”
Limoloma Lia Petero
34Petero yaatanga kovora: “Kalunu mali kolola ndi agiligali Nyasaye si yahulanyia avandu mba. 35Mundu wi ihiiri yoosi utizaa Nyasaye no kokora agaveeye amalungi avugilirwa naye. 36Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi. 37Munyi aveene mumanyi makuva gakolekaa mu kivala choosi cha Vayuda, kutangira mu Galilaya inyima wi libatiza lia Yohana. 38Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.
39“Kunyi koveeye avalolekizi va amakuva goosi aga yakola mu kivala cha Vayuda nu mu Jerusalemi. Vamwita ku limusunga ku musalaba, 40navuzwa Nyasaye yamusimugukiza ku lidiku lia kavaga, naamukora aloleke havulavu. 41Navuzwa si yamulolekiza ku avandu vosi, navuzwa ku yavo ava Nyasaye yamala kotovola vave avalolekizi veve; navo ni kunyi va kwalia nu kunwa naye inyima wi lisimuguka lilie kutura mu vakuzu. 42Yakulaga kwilwaziri avandu vosi Ivangeri ya Nyasaye, no kololekiza ndi uyu niyie wa Nyasaye yatovola ave mukalagi wa vaveeye mwoyo na vakuzu. 43Avaporofeti vosi vavoola amakuva geege, ndi mundu woosi ulimusuuvira alakasamiifwi uvwoni vwivwe kuvitira mu lieta lilie.”
Korinelio na aviiko veve vanyoola Roho Mutakatifu
44Lwa Petero yaali nakevoola amakuva yaga, Roho Mutakatifu yika kuvo vosi avaari ni vahuliriza likuva. 45Avayuda vandu avasuuviraa, avaazaa harara na Petero kutura Jopa, vagenya kolola ndi Nyasaye uviiki kihanwa cha Roho Mutakatifu ku avandu vi zihiiri zindi kandi; 46kigira vahulira ni vavoola mu zinimi lugano lugano, ni vizominya Nyasaye.
Maku Petero yavoola, 47“Avandu yava vanyooye Roho Mutakatifu kuli kunyi kwamunyoola. Aveeye ho mundu woosi unyala kuvigalira vavuli kubatizwa mumazi?” 48Kunangwa, yalaga vabatizwi ku lieta lia Yeso Kristo. Maku vamugoonya amenye navo madiku makekeeke.
Petero yavolera livugana lia Jerusalemi amakuva ga Korinelio
Currently Selected:
VATUMWA 10: LOGOOLI
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
VATUMWA 10
10
1Yaali ho mundu mulala mu Kaisaria uwalangwa Korinelio, munene wu muganda mulala gwa vasikari imia indara “Muganda gwa Italia.” 2Yaali mundu watia Nyasaye. Oyo harara na avinyumba yeeye vosi vasigamira Nyasaye; yahaana zisadaka ku avadaka va Vayuda avanyingi, nasaara kazozo. 3Ahimbi zisa tisa zia mbasu, yalora malola havulavu, engelosi wa Nyasaye yaza kuye na amuvoleraa, “Korinelio!”
4Korinelio yumika engelosi nu vuti, namuvolera “Ni kindu ki, mwami?”
Engelosi yamuvolera, “Nyasaye uvugiliyi lisaala liilio ni zisadaka zizio ku vadaka. 5Kalunu tuma avandu Jopa, valange mundu mulala ulangwa Simoni, lieta lindi Petero. 6Aveeye munyumba ya Simoni musiza wokolomba vindu ku visero, winyumba yeeye eveeye ahimbi ninyanza.”
7Lwe engelosi wavoola yaga yamala kuzia, Korinelio yalanga avatumikiri veve vaviri avinyumba, kandi mulala ku vasikari veve uwatia Nyasaye, waali mulala ku avamulindaa, 8na avavolera vindu viosi viekoleka, na avatuma Jopa.
9Mugamba, lwa avandu vavaga yavo vaali ni vakikiri mu logendo lwavo, navuzwa ni vaveeye ahimbi kuduuka Jopa, Petero yanina kunyumba igulu, ahimbi zisa sita zia mbasu aduuki ku saala. 10Yahulira inzara, ni yegomba kulia. Lwi viukulia viali ni vilombwa, yalora malola. 11Yalora ligulu ni likunulukaa, nikindu kuli isuuka enene yikizwa hasi nigumiliywi zikona ziayo zine. 12Musuuka yeyo ziali mu zing'ano ziosi zie zinyama zie virenge vine, zinyama zimolaa hasi, na amanyonyi gu mwigulu. 13Yahulira kandi mwoyo ni gumuvooleraa, “Petero, singira witi zinyama yizi ulie!”
14Petero yativura navoora, “Awa, Mwami, inzi ngikiri kulia ku ikindu kivi anoho kidamanu mba.”
15Mwoyo yigwo gwahulirika kandi haali kaviri ni gumuvooleraa, “Vindu via Nyasaye yatakasa, ivi utavilanga vidamanu mba!” 16Likuva yili liakoleka haali kavaga, ma isuuka zana ni yiranywa mwigulu.
17Lwa Petero yaali nakegenya ku livoora lia amalola ga yaali nalori, avandu yavo avatumwa na Korinelio, vaduuka ha kirivwa nivakanyoola inyumba ya Simoni. 18Ni valanga ni vateva, “Mugeni ulangwa Simoni Petero aveeye mu anoho mba?”
19Lwa Petero yaali nakiganagana kigira amalola, Roho yamuvolera, “Hulira! Vaveeye hano avandu vavaga, vakwenyaa. 20Yika vwangu, na utahayahayiza kuzia harara navo mba, kigira ninzi uvatumi.” 21Kunangwa, Petero yika hasi, navolera avandu yavo, “Ninzi wa mwenya. Muuzi kigira ki?”
22Navo vaamutivulira, “Munene wiitu Korinelio, mundu mulungi, uwatia Nyasaye, kandi oveeye ni lizominywa imbiri wa Vayuda vosi ukutumi. Yavolerwa nengelosi mutakatifu akulange uzie munyumba yeeye, aduuki kuhulira amakuva goosi aga oveeye nago.” 23Kunangwa Petero yavingiriza munyumba, navaha ahokogona uvudiku yivwo.
Lwa vwacha Petero yazia logendo harara navo, na avalala ku vandu avasuuviraa va Jopa vazia harara naye. 24Lidiku lia kaviri vaduuka Kaisaria wa Korinelio yaali na valinda, harara na aviiko veve kandi avalina va yaali nalangi. 25Lwa Petero yaali ni yingiraa, Korinelio yazia ichova kumwaganira, yagwa ku amaru imbiri weve naamusigamira. 26Navuzwa Petero yamusingiriza, namuvolera, “ Singira, inze mbeeye mundu vuzwa.” 27Petero yaazizagilira komoloma na Korinelio ni vingira munyumba, nanyoora mu avandu vanyingi nivavugani harara. 28Petero yavavolera, “Munyi aveene mumanyi ndi Muyuda woosi yagaywa ni Lilaga lilie lie lisuuvira atahambana na avandu vi zihiiri zindi mba. Navuzwa Nyasaye umali kumanyia mburi kuganagana ndi mundu woosi kuva munifu anoho mudamanu mba. 29Kulwayago, lwa munangi, nzizi vugira kuhangala. Maku muteeva ndi munangi, kigira ki?”
30Korinelio yavoola, “Amadiku gavaga, agaviti, ahimbi isa kuli yinu ndi, zisa tisa zia mbasu, ndaali nisaara munyumba yange. Nonoho, mundu wiviika zinguvu zing'ereng'anu yasingira imbiri wange, 31navoora: ‘Korinelio! Lisaala liilio ni zisadaka zizio ku vadaka vivugiliywi na Nyasaye. 32Tuma mundu Jopa, alange mundu mulala ulangwa Simoni, lieta lindi Petero; aveeye munyumba ya Simoni, mulombi wi visero, ahimbi ni inyanza.’ 33Kigira yaga, ndatuma avandu ku ivi vwangu, na okoli vulahi kuuza. Kalunu, kunyi koveeye imbiri wa Nyasaye, ukuhulira amakuva goosi aga ivi ulagiywi nu Mwami okovolere kunyi.”
Limoloma Lia Petero
34Petero yaatanga kovora: “Kalunu mali kolola ndi agiligali Nyasaye si yahulanyia avandu mba. 35Mundu wi ihiiri yoosi utizaa Nyasaye no kokora agaveeye amalungi avugilirwa naye. 36Yili ni likuva lia Nyasaye yaahilira avandu va Isiraeli, ni yilwaza Ivangeri yi mirembe kuvitira mu Yeso Kristo, oveeye Mwami wa vosi. 37Munyi aveene mumanyi makuva gakolekaa mu kivala choosi cha Vayuda, kutangira mu Galilaya inyima wi libatiza lia Yohana. 38Mumanyi Yeso wa Nazareti, na kuli Nyasaye yamutovola ku limuha Roho Mutakatifu ni zinguru. Nyasaye yaali harara naye; yavodong'ana hoosi nakora amalahi no kohonyia vosi avi lidemoni liaali ni liavoha.
39“Kunyi koveeye avalolekizi va amakuva goosi aga yakola mu kivala cha Vayuda nu mu Jerusalemi. Vamwita ku limusunga ku musalaba, 40navuzwa Nyasaye yamusimugukiza ku lidiku lia kavaga, naamukora aloleke havulavu. 41Navuzwa si yamulolekiza ku avandu vosi, navuzwa ku yavo ava Nyasaye yamala kotovola vave avalolekizi veve; navo ni kunyi va kwalia nu kunwa naye inyima wi lisimuguka lilie kutura mu vakuzu. 42Yakulaga kwilwaziri avandu vosi Ivangeri ya Nyasaye, no kololekiza ndi uyu niyie wa Nyasaye yatovola ave mukalagi wa vaveeye mwoyo na vakuzu. 43Avaporofeti vosi vavoola amakuva geege, ndi mundu woosi ulimusuuvira alakasamiifwi uvwoni vwivwe kuvitira mu lieta lilie.”
Korinelio na aviiko veve vanyoola Roho Mutakatifu
44Lwa Petero yaali nakevoola amakuva yaga, Roho Mutakatifu yika kuvo vosi avaari ni vahuliriza likuva. 45Avayuda vandu avasuuviraa, avaazaa harara na Petero kutura Jopa, vagenya kolola ndi Nyasaye uviiki kihanwa cha Roho Mutakatifu ku avandu vi zihiiri zindi kandi; 46kigira vahulira ni vavoola mu zinimi lugano lugano, ni vizominya Nyasaye.
Maku Petero yavoola, 47“Avandu yava vanyooye Roho Mutakatifu kuli kunyi kwamunyoola. Aveeye ho mundu woosi unyala kuvigalira vavuli kubatizwa mumazi?” 48Kunangwa, yalaga vabatizwi ku lieta lia Yeso Kristo. Maku vamugoonya amenye navo madiku makekeeke.
Petero yavolera livugana lia Jerusalemi amakuva ga Korinelio
Currently Selected:
:
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019