LIVALIZA 16
16
Liebaala lia Kora, Dazani na Abiramu
1Kora mwana wa Izihari kutura mu kiliango cha Kohazi wihiiri ya vandu va Levi, na vandu valala kutura muhiiri ya Rubeni kuli Dazani na Abiramu vana va Eliabu, na Oni muyaayi wa Pelezi, vibaara ni vahingila Musa. 2Harara navo vaaliho na vandu vandi va Isiraeli 250, vaali aviimiliri avatovolwa na vandu avamanyikana ligali, vazia nivasingira imbiri wa Musa. 3Vavugana harara kuhing'ana na Musa na Haruni, nivavavoolera, “Munyi muvitiliri! Avandu vosi vaveeye avatakatifu, vuli mulala kuvo kandi Yahova aveeye harara navo. Kigira ki munyi mwekora kuva avanene vu muganda gwa Yahova?”
4Lwa Musa yahulira yaga, yagwa hasi mamumama nasaara, 5kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali. 6Mukore yaga; muvuguli kiju chu muguva#16:6 Muguva: Kindu cha vatuli vatumikira kwakizira manda., 7na mugamba muviiki kucho manda gu muliru kandi muviikiku kimuli kifunyaa umwayu imbiri wa Yahova. Mundu wa Yahova atovoraa, alava niye oveeye mutakatifu. Munyi avandu va Levi mukoli kuvita kegero.”
8Musa yaazizagilira komoloma ku Kora, “Muhuliri munyi avandu va Levi! 9Muganaganaa ni kindu kekekeeke ku munyi Nyasaye wa Isiraeli Umali kumutovola kutura mu vandu vosi va Isiraeli, nu kumuleeta himbi kuye mwene kunangwa muduuki kokora miyinzi mu Lihema lilie, kandi kusingila imbiri wa vandu nu kuvatumikira? 10Umali kumuleeta harara na vandu va Levi vandi vosi himbi naye, navuzwa kalunu mugerizaa kandi konyoora uvusaalisi! 11Lwa wililiraa ku Haruni harara nu muganda gwugwo, gaveeye giligali ndi mwibaara ku yahova.”
12Maku Musa yatumana Dazani na Abiramu avayaayi va Eliabu, navuzwa vavoola, “Kunyi si kulaaza mba! 13Yivi wakutuliza mukivala cha malova magunamu mu Egebeti kukwitira hano mwigendanyama! Kalunu yivi wenya kukwamiha! 14Ivi siokoleeti mu kivala kigunamu noho kuhaana milimi kandi vizabibu kukunyi kuli miandu jitu mba. Kalunu ivi ogerizaa kukugaada sikulaza mba!”
15Musa yaali nu vutima na yavolera Yahova, “Utavugilira vihaanwa via vandu yava valeta mba. Inzi ngikiri kwonelaku mundu woosi kuvo mba; kali ngikiri kuvugura ku kali ndala ku zibunda ziavo mba.”
16Musa yavolera Kora “Mugamba ivi harara nu muganda gwugwo gwa vandu 250 gamuduukira muzie mu Lihema lia Yahova. Haruni alavayo kandi. 17Vuli mulala ku munyi alavugula luju lwilwe lwu muliru, aviikiku kimuli maku avileete kuvwaali imbiri wa Yahova.” 18Kunangwa vuli mundu yavugula luju lwilwe, naviikaku manda gu muliru, kandi naviikaku kimuli. Vazia nivasingila havwingiliru vwi Lihema harara na Musa kandi Haruni. 19Maku Kora yavuganyia vandu vosi harara, kandi vasingira imbiri wa Musa na Haruni ha vwingiliru vwi Lihema. Nonoho uvukumi vwa Yahova vwaloleka ku vandu vosi. 20Yahova yavolera Musa na Haruni, 21“Mwiyahuli kutura ku vandu yava, ninzi ndavadiviza vwangu ligali.”
22Navuzwa Musa na Haruni vinama vweni vwavo nivudiira kumalova nivavoora, “O, Nyasaye, Ivi oveeye vutangiliru vwi livamwoyo lia vandu vosi. Lwu mundu mulala akolaa uvwoni, ulava nu vutima na vandu vosi?”
23Yahova yavolera Musa, 24“Ovoolere avandu visundi ihale na mahema ga Kora, Dazani na Abiramu.”
25Maku Musa harara na vimiliri va Isiraeli vazia ku Dazani na Abiramu. 26Musa yavolera vandu, “Musingiri ihale kutura ku mahema ga vandu vachamu yava, kandi mutadiiri ku kindu chavo mba. Nigataveeye ndio, mulitwa harara navo kigira vwoni vwavo vwosi.” 27Kunangwa visunda ihale kutura ku mahema ga Kora, Dazani, na Abiramu.
Dazani na Abiramu vaali nivatuli ichova nivasingiyi ha vwingiliru ha mahema gaavo, harara na vakali na vana vaavo. 28Musa yavolera vandu, “Kugira yaga mulamanya ndi Yahova yamala kunduma kukola vindu yivi kandi sigaveeye kugira litovola liange kuvikola mba. 29Niiva vandu yava valakuza likuza lia kazozo vugira kuhevwa mageri kutura ku Nyasaye, ndavoora ndi Yahova siyanduma mba. 30Navuzwa niiva Yahova alakola kindu chokugenyia, ma lirova likunulwi no kuvamira harara ni viavaveeye navio, ma vingili mulirova nivaveeye mwoyo kuzia mukivala cha vakuzu, mulamanya ndi vandu yava vamali kusura Yahova.”
31Nonoho lwayamala kumoloma lirova lia Dazani na Abiramu vasingira ku liavukana 32nilivamila na vizinyumba ziavo harara na valondi vosi va Kora ni miandu jaavo josi. 33Kunangwa vazia mu malova mu kivala cha vakuzu nivaveeye mwoyo. Vamilwa harara ni miandu jaavo. Lirova liavakunika kandi nivagota. 34Avandu vosi va Isiraeli vaali ni vaveeye ho viiruka lwa vahulira lilira liavo. Vahanzuka nivavoora, “Yiruki! Lirova linyala kukumila kandi!”
35Maku Yahova yatuma muliru ma nigusamba vandu 250 avaari nivahaani kimuli ku vwali.
Zinju ziu Muliru
36Maku Yahova yavolera Musa, 37“Volera Elieza, mwana wu musaalisi Haruni atulizi zinju ziu mugasa kutura mu muliru gwakaa; ma asalanyie manda ihale kigira yizi ni zinju zindakatifu. 38Ziagwa zindakatifu lwa zialetwa ku vwali vwa Yahova. Kunangwa vugula zinju yizi kutura ku vandu viitwa kigira vwoni vwavo aveene, uziduyi zive zisahani zing'erere ma uzilombe zive ziu kufuma ku vwali. Yili lilava lieganihiza ku vandu va Isiraeli.” 39Kunangwa musaalisi Elieza yavugula zinju naaziduya niziva zisahani zinyerere kulomba kifuumilu chu vwali. 40Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.
Haruni Yahonyia Vandu
41Lidiku lialondaku, avandu vosi vigaana kigira Musa na Haruni nivavoora, “Mumali kwita valala ku vandu va Yahova.” 42Lwa vaali ni vakivungikizana kugaya Musa na Haruni, viikivuka nivahenza wi Lihema lia Yahova liali na valora lilesi lifuumi lihema kandi valora vukumi vwaloleka kumanyia ndi Yahova yaali naveeye ho. 43Musa na Haruni vazia nivasingira imbiri wi Lihema, 44na Yahova yavolera Musa, 45“Singira ihale kutura ku vandu yava, na ndavadiviza lwene yilu!”
Vombi vinama hasi, nu vweni vwavo vwaduuka kumalova, 46Musa yavolera Haruni, “Vugula zinju zizio ma uviiki ku manda mahiu kutura ku vwali kandi uviiki kimuli ku manda maku uzie vwangu nago mu vandu va Isiraeli ma uvakolere mwima gwu kwitakasa. Zia vwangu! Vutima vwa Yahova vumali koleta lidivizwa nu vulwaye vudamanu vumali kutanga.” 47Haruni yahulira, navugura zinju ziu muliru na zia hagati ha vandu vaali ni vaveeye. Lwa yalora ndi lukuzu lwali nilutangi yavika kimuli ku manda naakora mwima gwu kutakasa vandu. 48Lukuzu lwalekela, na Haruni yaatigalanasingi hagati ha vandu vaveeye mwoyo na vakuzu. 49Avandu vaakuza vaali 14,700, ni kutameedi ku vandu vaakuza kigira liebaala lia Kora. 50Lwu lukuzu lwali nilwakalekela, Haruni yirana ku Musa uwaali nasingiyi ha vwingiliru vwi Lihema.
Currently Selected:
LIVALIZA 16: LOGOOLI
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019
LIVALIZA 16
16
Liebaala lia Kora, Dazani na Abiramu
1Kora mwana wa Izihari kutura mu kiliango cha Kohazi wihiiri ya vandu va Levi, na vandu valala kutura muhiiri ya Rubeni kuli Dazani na Abiramu vana va Eliabu, na Oni muyaayi wa Pelezi, vibaara ni vahingila Musa. 2Harara navo vaaliho na vandu vandi va Isiraeli 250, vaali aviimiliri avatovolwa na vandu avamanyikana ligali, vazia nivasingira imbiri wa Musa. 3Vavugana harara kuhing'ana na Musa na Haruni, nivavavoolera, “Munyi muvitiliri! Avandu vosi vaveeye avatakatifu, vuli mulala kuvo kandi Yahova aveeye harara navo. Kigira ki munyi mwekora kuva avanene vu muganda gwa Yahova?”
4Lwa Musa yahulira yaga, yagwa hasi mamumama nasaara, 5kandi yavolera Kora harara nu muganda gwigwe gwosi ndi, “Lidiku lia mugamba, Yahova alamanyia mundu oveeye weve; kandi oveeye mutakatifu, wayatovola, na alamukola yisundi ahimbi naye ku vwali. 6Mukore yaga; muvuguli kiju chu muguva#16:6 Muguva: Kindu cha vatuli vatumikira kwakizira manda., 7na mugamba muviiki kucho manda gu muliru kandi muviikiku kimuli kifunyaa umwayu imbiri wa Yahova. Mundu wa Yahova atovoraa, alava niye oveeye mutakatifu. Munyi avandu va Levi mukoli kuvita kegero.”
8Musa yaazizagilira komoloma ku Kora, “Muhuliri munyi avandu va Levi! 9Muganaganaa ni kindu kekekeeke ku munyi Nyasaye wa Isiraeli Umali kumutovola kutura mu vandu vosi va Isiraeli, nu kumuleeta himbi kuye mwene kunangwa muduuki kokora miyinzi mu Lihema lilie, kandi kusingila imbiri wa vandu nu kuvatumikira? 10Umali kumuleeta harara na vandu va Levi vandi vosi himbi naye, navuzwa kalunu mugerizaa kandi konyoora uvusaalisi! 11Lwa wililiraa ku Haruni harara nu muganda gwugwo, gaveeye giligali ndi mwibaara ku yahova.”
12Maku Musa yatumana Dazani na Abiramu avayaayi va Eliabu, navuzwa vavoola, “Kunyi si kulaaza mba! 13Yivi wakutuliza mukivala cha malova magunamu mu Egebeti kukwitira hano mwigendanyama! Kalunu yivi wenya kukwamiha! 14Ivi siokoleeti mu kivala kigunamu noho kuhaana milimi kandi vizabibu kukunyi kuli miandu jitu mba. Kalunu ivi ogerizaa kukugaada sikulaza mba!”
15Musa yaali nu vutima na yavolera Yahova, “Utavugilira vihaanwa via vandu yava valeta mba. Inzi ngikiri kwonelaku mundu woosi kuvo mba; kali ngikiri kuvugura ku kali ndala ku zibunda ziavo mba.”
16Musa yavolera Kora “Mugamba ivi harara nu muganda gwugwo gwa vandu 250 gamuduukira muzie mu Lihema lia Yahova. Haruni alavayo kandi. 17Vuli mulala ku munyi alavugula luju lwilwe lwu muliru, aviikiku kimuli maku avileete kuvwaali imbiri wa Yahova.” 18Kunangwa vuli mundu yavugula luju lwilwe, naviikaku manda gu muliru, kandi naviikaku kimuli. Vazia nivasingila havwingiliru vwi Lihema harara na Musa kandi Haruni. 19Maku Kora yavuganyia vandu vosi harara, kandi vasingira imbiri wa Musa na Haruni ha vwingiliru vwi Lihema. Nonoho uvukumi vwa Yahova vwaloleka ku vandu vosi. 20Yahova yavolera Musa na Haruni, 21“Mwiyahuli kutura ku vandu yava, ninzi ndavadiviza vwangu ligali.”
22Navuzwa Musa na Haruni vinama vweni vwavo nivudiira kumalova nivavoora, “O, Nyasaye, Ivi oveeye vutangiliru vwi livamwoyo lia vandu vosi. Lwu mundu mulala akolaa uvwoni, ulava nu vutima na vandu vosi?”
23Yahova yavolera Musa, 24“Ovoolere avandu visundi ihale na mahema ga Kora, Dazani na Abiramu.”
25Maku Musa harara na vimiliri va Isiraeli vazia ku Dazani na Abiramu. 26Musa yavolera vandu, “Musingiri ihale kutura ku mahema ga vandu vachamu yava, kandi mutadiiri ku kindu chavo mba. Nigataveeye ndio, mulitwa harara navo kigira vwoni vwavo vwosi.” 27Kunangwa visunda ihale kutura ku mahema ga Kora, Dazani, na Abiramu.
Dazani na Abiramu vaali nivatuli ichova nivasingiyi ha vwingiliru ha mahema gaavo, harara na vakali na vana vaavo. 28Musa yavolera vandu, “Kugira yaga mulamanya ndi Yahova yamala kunduma kukola vindu yivi kandi sigaveeye kugira litovola liange kuvikola mba. 29Niiva vandu yava valakuza likuza lia kazozo vugira kuhevwa mageri kutura ku Nyasaye, ndavoora ndi Yahova siyanduma mba. 30Navuzwa niiva Yahova alakola kindu chokugenyia, ma lirova likunulwi no kuvamira harara ni viavaveeye navio, ma vingili mulirova nivaveeye mwoyo kuzia mukivala cha vakuzu, mulamanya ndi vandu yava vamali kusura Yahova.”
31Nonoho lwayamala kumoloma lirova lia Dazani na Abiramu vasingira ku liavukana 32nilivamila na vizinyumba ziavo harara na valondi vosi va Kora ni miandu jaavo josi. 33Kunangwa vazia mu malova mu kivala cha vakuzu nivaveeye mwoyo. Vamilwa harara ni miandu jaavo. Lirova liavakunika kandi nivagota. 34Avandu vosi va Isiraeli vaali ni vaveeye ho viiruka lwa vahulira lilira liavo. Vahanzuka nivavoora, “Yiruki! Lirova linyala kukumila kandi!”
35Maku Yahova yatuma muliru ma nigusamba vandu 250 avaari nivahaani kimuli ku vwali.
Zinju ziu Muliru
36Maku Yahova yavolera Musa, 37“Volera Elieza, mwana wu musaalisi Haruni atulizi zinju ziu mugasa kutura mu muliru gwakaa; ma asalanyie manda ihale kigira yizi ni zinju zindakatifu. 38Ziagwa zindakatifu lwa zialetwa ku vwali vwa Yahova. Kunangwa vugula zinju yizi kutura ku vandu viitwa kigira vwoni vwavo aveene, uziduyi zive zisahani zing'erere ma uzilombe zive ziu kufuma ku vwali. Yili lilava lieganihiza ku vandu va Isiraeli.” 39Kunangwa musaalisi Elieza yavugula zinju naaziduya niziva zisahani zinyerere kulomba kifuumilu chu vwali. 40Yaga gaali lieganihiza ku vandu va Isiraeli ndi mundu woosi utaveeye wi chisukululwi cha Haruni atiisunda himbi kuvwaali nu kusambira Yahova kimuli mba. Niiva alakola ndio aladivizwa kuli Kora na vandu veve. Yaga goosi gekoleka kuli Yahova yaali nalagi Elieza kuvitira ku Musa.
Haruni Yahonyia Vandu
41Lidiku lialondaku, avandu vosi vigaana kigira Musa na Haruni nivavoora, “Mumali kwita valala ku vandu va Yahova.” 42Lwa vaali ni vakivungikizana kugaya Musa na Haruni, viikivuka nivahenza wi Lihema lia Yahova liali na valora lilesi lifuumi lihema kandi valora vukumi vwaloleka kumanyia ndi Yahova yaali naveeye ho. 43Musa na Haruni vazia nivasingira imbiri wi Lihema, 44na Yahova yavolera Musa, 45“Singira ihale kutura ku vandu yava, na ndavadiviza lwene yilu!”
Vombi vinama hasi, nu vweni vwavo vwaduuka kumalova, 46Musa yavolera Haruni, “Vugula zinju zizio ma uviiki ku manda mahiu kutura ku vwali kandi uviiki kimuli ku manda maku uzie vwangu nago mu vandu va Isiraeli ma uvakolere mwima gwu kwitakasa. Zia vwangu! Vutima vwa Yahova vumali koleta lidivizwa nu vulwaye vudamanu vumali kutanga.” 47Haruni yahulira, navugura zinju ziu muliru na zia hagati ha vandu vaali ni vaveeye. Lwa yalora ndi lukuzu lwali nilutangi yavika kimuli ku manda naakora mwima gwu kutakasa vandu. 48Lukuzu lwalekela, na Haruni yaatigalanasingi hagati ha vandu vaveeye mwoyo na vakuzu. 49Avandu vaakuza vaali 14,700, ni kutameedi ku vandu vaakuza kigira liebaala lia Kora. 50Lwu lukuzu lwali nilwakalekela, Haruni yirana ku Musa uwaali nasingiyi ha vwingiliru vwi Lihema.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
©Bible Society of Kenya, 2019