LUKAS 18
18
Perumpamo tetang hakim de coa benea
1Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau. 2Nadeak-Ne, “Lem do kota ade suang hakim de coa saben bakea Allah ngen coa me'go api bae. 3Neak kota o ade suang jando de bogoa teko ngen hakim o ngen madeak, ‘Mbelaba hokku te'adep lawenku.’ 4Kekedau waktau anne hakim o temulok. Tapi sesudo'o si madeak lem ateine, ‘Kunyau kulo uku coa saben bakea Allah ngen coa meg'o api bae, 5tapi kerno jando yo semaroh uku, baikba uku mbenea si, supayo jibeak bogoa bae si teko ngen akhirne semrang uku.’ ”
6Nadeak Tuhan: “Kemliakba jano de nadeak hakim de coa adea o! 7Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o! 8Uku madeak ngen udi, ‘Si bakea segro mbenea tobo'o. Bakea tapi, amen Anok Manusio o teko, jano masiak tenmau tun de masai ngen Si neak bumai yo?’ ”
Perumpamo tetang tun Farisi ngen penagiak pajak
9Ngen kekedau tun de manggap diraine benea ngen mandang tembeak kute tun luyen, Yesus madeak perumpamo yo: 10“Ade duai tun lalau moi Umeak Tuhan utuk bedu'o; de suang adeba Farisi ngen de luyen penagiak pajak. 11Tun Farisi o je ngen bedu'o lem ateine awei yo, ‘Au Allah, uku mucep syukur ngen Ko, kerno uku coa serai awei kute tun luyen, iso perapok, iso tun coa jujur, iso tun de berzinah ngen iso kulo awei penagiak pajak yo. 12Uku bepuaso duai kilai deminggau, uku melei puluak persen kunei kute asea ku.’ 13Tapi penagiak pajak o je e'uak, ngen si coa binai nanggea moi lenget, tapi si mokok dirai ngen madeak, ‘Au Allah, kasiakba uku tun beduso yo.’ ”
14 #
Mat. 23:12; Luk. 14:11 Uku madeak ngen udi, “Tun yo belek moi umeakne awei tun de benea temurut Allah ngen tun Farisi o coa. Sebab barang api melekat dirai, si bakea tenbeak ngen barang api tembeak dirai, si bakea nelkat.”
Yesus melei berkat anok-anok
(Mat. 19:13-15; Mrk. 10:13-16)
15Mako teko tun-tun mbin anok-anokne de titik ngen Yesus, supayo Si megong tobo'o. Kemliak o penotoa-penotoa-Ne mengiak tun-tun o. 16Tapi Yesus menok anok-anok'o ngen madeak ngen tobo penotoa-penotoa-Ne, “Kunyauba anok-anok o teko ngen-Ku, ngen jibeak udi temgeak tobo'o, sebab tun-tun de awei do'oba de jijai anggota umat Allah. 17Uku madeak ngen udi, ‘Sesungguakne barang api coa semambut Allah meriteak sebagai Rajo awei suang anok titik, si coa bakea masuk moi lemne.’ ”
Tetang tun kayo
(Mat. 19:16-30; Mrk. 10:17-31)
18Ade suang pemipin temanye ngen Yesus, nadeakne, “Gu'au de baik, jano de harus uku menea utuk dapet idup de kekal?”
19Jawab Yesus, “Getai ko nadeak kulo Uku baik? Coa suang kulo de baik seluyen kunei pado Allah bae. 20#Kel. 20:12-16; Ul. 5:16-20 Ko paset namen kute periteak Allah, ‘Jibeak berzinah, jibeak munuak, jibeak maling, jibeak mucep saksai ngike, hormatba baknu ngen indoknu.’ ”
21Nadeak tun o, “Kute periteak'o sudo uku temotoa kunei u'ai.”
22Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.” 23Tapi ketiko tun o temi'uk kecek Yesus, si ibo kerno si kayo sekilai.
24Lajau Yesus demnong si ngen madeak, “Padeak sarone tun de becaci jijai anggota umat Allah. 25Sebab lebiak mu'eak dikup unto masuk liwet lubang dolom kunei pado suang kayo jijai anggota umat Allah.”
26Ngen tobo'o de temi'uk o madeak, “Amen awei'o, api de dapet selamat?”
27Nadeak Yesus, “Jano de coa mukin bagiak manusio, mukin bagiak Allah!”
28Petrus madeak, “Keme yo bi teminggea kute de keme temuan ngen temotoa Kumu.”
29Nadeak Yesus, “Sesungguakne tiep tun de sudo teminggea umeakne, ngenyanne, pasuakne, tun tuaine atau anok-anokne, utuk melayan Allah, 30tun'o bakea temimo igai belipet pado maso yo kulo, ngen pado zaman de bakea teko si bakea temimo idup de kekal.”
Yesus miling utuk ketelau kilaine tetang kematei-Ne
(Mat. 20:17-19; Mrk. 10:32-34)
31Yesus menok keduai belas penotoa-Ne, lajau madeak ngen tobo'o, “Uyo ite lalau moi Yerusalem ngen kute sesuaktau de tetulis tobo nebai tetang Anok Manusio bakea gennep. 32Sebab Si bakea senreak ngen bangso-bangso de coa kemnal Allah, mimok, mino ngen tenkek. 33Ngen tobo'o semikso ngen munuak Si, tapi pado bilai ketelau Si bakea idup igai.”
34Tapi tobo'o samo sekilai coa ngertai kutene o; tai padeak o tebunyin bagiak tobo'o. Ngen tobo'o coa namen Si miling tetang jano.
Yesus kema'en tun sutai
(Mat. 20:29-34; Mrk. 10:46-52)
35Waktau Yesus gesea sapei neak Yerikho, ade suang sutai de temot neak biding dalen ngen beradoi. 36Waktau tun o temi'uk tun dau liwet, si temnai, “Jano o?”
37Nadeak tun ngen si, “Yesus tun Nazaret liwet.”
38Lajau tun sutai menggang, “Yesus, Anok Daud! Kasiakba uku!”
39Mako tobo'o, de paneu neak mukok Yesus, temgur si supayo si diem. Tapi tambeak lek si menggang, “Anok Daud! Kasiakba uku!”
40Lajau Yesus bedan meluak mbin tun o ngen-Si. Ngen ketiko si bi ade neak pa'ok-Ne, Yesus temnai ngen si, 41“Jano de ko kemlok supayo Uku dapet menea bagiaknu?”
Jawab tun o, “Tuhan, supayo uku dapet ngeliak!”
42Lajau nadeak Yesus ngen si, “Ngeliakba ko, imennu bi semlamat ko!”
43Ngen seketiko o kulo, tun sutai dapet ngeliak. Si temotoa Yesus samo mujai Allah. Kute rakyat kemliak hal o ngen mujai Allah.
Currently Selected:
LUKAS 18: REJ
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
LUKAS 18
18
Perumpamo tetang hakim de coa benea
1Yesus madeak do perumpamo ngen tobo penotoa-penotoane utuk temgas, bahwo tobo'o harus bogoa bedu'o ngen coa jejemau. 2Nadeak-Ne, “Lem do kota ade suang hakim de coa saben bakea Allah ngen coa me'go api bae. 3Neak kota o ade suang jando de bogoa teko ngen hakim o ngen madeak, ‘Mbelaba hokku te'adep lawenku.’ 4Kekedau waktau anne hakim o temulok. Tapi sesudo'o si madeak lem ateine, ‘Kunyau kulo uku coa saben bakea Allah ngen coa meg'o api bae, 5tapi kerno jando yo semaroh uku, baikba uku mbenea si, supayo jibeak bogoa bae si teko ngen akhirne semrang uku.’ ”
6Nadeak Tuhan: “Kemliakba jano de nadeak hakim de coa adea o! 7Allah paset bakea mbenea tun-tun piliak-Ne de kebilai kelmen minoi ngen Si! Si paset coa mulua utuk temulung tobo'o! 8Uku madeak ngen udi, ‘Si bakea segro mbenea tobo'o. Bakea tapi, amen Anok Manusio o teko, jano masiak tenmau tun de masai ngen Si neak bumai yo?’ ”
Perumpamo tetang tun Farisi ngen penagiak pajak
9Ngen kekedau tun de manggap diraine benea ngen mandang tembeak kute tun luyen, Yesus madeak perumpamo yo: 10“Ade duai tun lalau moi Umeak Tuhan utuk bedu'o; de suang adeba Farisi ngen de luyen penagiak pajak. 11Tun Farisi o je ngen bedu'o lem ateine awei yo, ‘Au Allah, uku mucep syukur ngen Ko, kerno uku coa serai awei kute tun luyen, iso perapok, iso tun coa jujur, iso tun de berzinah ngen iso kulo awei penagiak pajak yo. 12Uku bepuaso duai kilai deminggau, uku melei puluak persen kunei kute asea ku.’ 13Tapi penagiak pajak o je e'uak, ngen si coa binai nanggea moi lenget, tapi si mokok dirai ngen madeak, ‘Au Allah, kasiakba uku tun beduso yo.’ ”
14 #
Mat. 23:12; Luk. 14:11 Uku madeak ngen udi, “Tun yo belek moi umeakne awei tun de benea temurut Allah ngen tun Farisi o coa. Sebab barang api melekat dirai, si bakea tenbeak ngen barang api tembeak dirai, si bakea nelkat.”
Yesus melei berkat anok-anok
(Mat. 19:13-15; Mrk. 10:13-16)
15Mako teko tun-tun mbin anok-anokne de titik ngen Yesus, supayo Si megong tobo'o. Kemliak o penotoa-penotoa-Ne mengiak tun-tun o. 16Tapi Yesus menok anok-anok'o ngen madeak ngen tobo penotoa-penotoa-Ne, “Kunyauba anok-anok o teko ngen-Ku, ngen jibeak udi temgeak tobo'o, sebab tun-tun de awei do'oba de jijai anggota umat Allah. 17Uku madeak ngen udi, ‘Sesungguakne barang api coa semambut Allah meriteak sebagai Rajo awei suang anok titik, si coa bakea masuk moi lemne.’ ”
Tetang tun kayo
(Mat. 19:16-30; Mrk. 10:17-31)
18Ade suang pemipin temanye ngen Yesus, nadeakne, “Gu'au de baik, jano de harus uku menea utuk dapet idup de kekal?”
19Jawab Yesus, “Getai ko nadeak kulo Uku baik? Coa suang kulo de baik seluyen kunei pado Allah bae. 20#Kel. 20:12-16; Ul. 5:16-20 Ko paset namen kute periteak Allah, ‘Jibeak berzinah, jibeak munuak, jibeak maling, jibeak mucep saksai ngike, hormatba baknu ngen indoknu.’ ”
21Nadeak tun o, “Kute periteak'o sudo uku temotoa kunei u'ai.”
22Temi'uk do'o Yesus madeak ngen si, “Masiak tinggea do hal igai de harus ko menea: Jenuoba kute de ko temuan ngen nagiakba do'o ngen tun-tun peset, mako ko bakea dapet hok neak surgo. Sesudo'o teko moi miyo ngen milimba Uku.” 23Tapi ketiko tun o temi'uk kecek Yesus, si ibo kerno si kayo sekilai.
24Lajau Yesus demnong si ngen madeak, “Padeak sarone tun de becaci jijai anggota umat Allah. 25Sebab lebiak mu'eak dikup unto masuk liwet lubang dolom kunei pado suang kayo jijai anggota umat Allah.”
26Ngen tobo'o de temi'uk o madeak, “Amen awei'o, api de dapet selamat?”
27Nadeak Yesus, “Jano de coa mukin bagiak manusio, mukin bagiak Allah!”
28Petrus madeak, “Keme yo bi teminggea kute de keme temuan ngen temotoa Kumu.”
29Nadeak Yesus, “Sesungguakne tiep tun de sudo teminggea umeakne, ngenyanne, pasuakne, tun tuaine atau anok-anokne, utuk melayan Allah, 30tun'o bakea temimo igai belipet pado maso yo kulo, ngen pado zaman de bakea teko si bakea temimo idup de kekal.”
Yesus miling utuk ketelau kilaine tetang kematei-Ne
(Mat. 20:17-19; Mrk. 10:32-34)
31Yesus menok keduai belas penotoa-Ne, lajau madeak ngen tobo'o, “Uyo ite lalau moi Yerusalem ngen kute sesuaktau de tetulis tobo nebai tetang Anok Manusio bakea gennep. 32Sebab Si bakea senreak ngen bangso-bangso de coa kemnal Allah, mimok, mino ngen tenkek. 33Ngen tobo'o semikso ngen munuak Si, tapi pado bilai ketelau Si bakea idup igai.”
34Tapi tobo'o samo sekilai coa ngertai kutene o; tai padeak o tebunyin bagiak tobo'o. Ngen tobo'o coa namen Si miling tetang jano.
Yesus kema'en tun sutai
(Mat. 20:29-34; Mrk. 10:46-52)
35Waktau Yesus gesea sapei neak Yerikho, ade suang sutai de temot neak biding dalen ngen beradoi. 36Waktau tun o temi'uk tun dau liwet, si temnai, “Jano o?”
37Nadeak tun ngen si, “Yesus tun Nazaret liwet.”
38Lajau tun sutai menggang, “Yesus, Anok Daud! Kasiakba uku!”
39Mako tobo'o, de paneu neak mukok Yesus, temgur si supayo si diem. Tapi tambeak lek si menggang, “Anok Daud! Kasiakba uku!”
40Lajau Yesus bedan meluak mbin tun o ngen-Si. Ngen ketiko si bi ade neak pa'ok-Ne, Yesus temnai ngen si, 41“Jano de ko kemlok supayo Uku dapet menea bagiaknu?”
Jawab tun o, “Tuhan, supayo uku dapet ngeliak!”
42Lajau nadeak Yesus ngen si, “Ngeliakba ko, imennu bi semlamat ko!”
43Ngen seketiko o kulo, tun sutai dapet ngeliak. Si temotoa Yesus samo mujai Allah. Kute rakyat kemliak hal o ngen mujai Allah.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)