LUKAS 23
23
Yesus neak adep Pilatus
(Mat. 27:1-2, 11-14; Mrk. 15:1-5; Yoh. 18:28-38)
1Lajau je kute tun neak sidang o, ngen Yesus nembin madep Pilatus. 2Neak di tobo'o muloi temuduak Si, nadeakne, “Bi dapet ngen keme, bahwo tun yo de limau bangso keme, ngen temgeak masen pajak ngen Kaisar, ngen tetang dirai-Ne Si madeak, bahwo Si adeba Kristus, adeba Rajo.”
3Pilatus temnai ngen Si, “Ko rajo tun Yahudi?”
Jawab Yesus, “Ko suang de madeakne.”
4Nadeak Pilatus ngen imem-imem kepalo ngen kute tun dau o, “Uku coa dapet temau kesaleak pado Tun yo.”
5Tapi tobo'o kembiak kuet demsok, nadeakne, “Si majung rakyat ngen ajaran-Ne neak kute Yudea, Si muloi neak Galilea ngen sudo sapei moi mindi.”
Yesus neak adep Herodes
6Ketiko Pilatus temi'uk do'o si temnai, “Jano Tun o suang Galilea?” 7Ngen waktau si namen, bahwo Yesus suang kunei wilayah Herodes, Pilatus kemirim Yesus madep Herodes, de pado waktau o ade kulo neak Yerusalem. 8Ketiko Herodes kemliak Yesus, si kembiak riang. Sebab bi an si lok kemliak-Ne, kerno si cet temi'uk tetang Si, igai kulo si ma'ep kemliak awei ipe Yesus made suaktau tando. 9Si dau betanye ngen Yesus, tapi Yesus coa melei jemawab jejano. 10Sementaro o imem-imem kepalo ngen gu'au-gu'au agamo madep kulo neak di ngen temuduak Yesus ngen benek. 11Herodes ngen anggota-anggota tentrane meliam ngen mimok Yesus, lajau Herodes mpek bajau kebesaran ngen Yesus. Sesudo'o kemirim Yesus ngen Pilatus. 12Pado bilai o kulo Herodes ngen Pilatus, de bel'one bemusuak, bekuat igai.
Yesus nukum matei
(Mat. 27:15-26; Mrk. 15:6-15; Yoh. 18:39–19:16)
13Pilatus kemopoa imem-imem kepalo ngen pemipin-pemipin serto rakyat, 14lajau madeak ngen, “Ko bi mbin tun yo ngen uku awei suang de semaro rakyat. Ko suang kemliak bahwo uku bi merikso Si, ngen kunei kesaleak-kesaleak de udi temuduak ngen Si coa ade de udi dapet pado-Ne. 15Ngen Herodes kulo coa, sebab si kemirim Yesus belek ngen keme. Sesungguakne coa ade suaktau jano de nea Si de setipal ngen ukuman matei. 16Jijai uku bakea melipai Si, lajau melepas-Ne.”
[17Sebab si wajib melepas suang bagiak tobo'o pado bilai rayo Paskah.] 18Tapi tobo'o menggang sesamo, “Nunuakba Si! Nepasba Barabas bagiak keme!” ( 19Barabas yo nasuk moi lem penjara behubung ngen suaktau pembrontakan de bi tejijai neak lem kota ngen kerno munuak.)
20Debat igai Pilatus miling ngen sa'ei lek ngen tobo'o, kerno si lok melepas Yesus. 21Tapi tobo'o menggang malesne, nadeakne, “Senalibba Si! Senalibba Si!”
22Nadeak Pilatus utuk ketelau kilaine ngen tobo'o, “Kesaleak jano de sebeneane bi Si menea? Coa ade kesaleak de uku dapet pado-Ne, de setipal ngen ukuman matei. Jijai uku bakea melipai Si, lajau melepas-Ne.”
23Tapi ngen menggang tobo'o demsok ngen temutut, supayo Yesus senalib, ngen akhirne tobo'o menang. 24Lajau Pilatus mutus, supayo tututan tobo'o kenabul. 25Ngen si melepas tun de nasuk moi lem penjara kerno pembrontakan ngen munuak o sesuoi ngen tututan tobo'o, tapi Yesus senreakne ngen tobo'o utuk nea sesuoi ngen kelok tun-tun'o.
Yesus senalib
(Mat. 27:32-44; Mrk. 15:21-32; Yoh. 19:17-27)
26Ketiko tobo'o mbin Yesus, tobo'o tema'en suang de genne Simon kunei Kirene, de blau teko kunei luea kota, lajau neletok salib o neak das bau ne, supayo nusungne samo temotoa Yesus.
27Sejumlah lai tun temotoa Si, neak antarone dau selawei de ngindoi ngen ibo. 28Yesus jemling ngen tobo'o ngen madeak, “Hoi semulen-semulen Yerusalem! Jibeakba udi mindoi Uku, tapi nindoiba dirainu suang ngen anok-anoknu! 29Sebab bakea teko waktaune tun bakea madeak, ‘Padeak butungne selawei-selawei de coa perneak tenei lai, de coa perneak temuan anok ngen coa perneak megep cupik!’ 30#Hos. 10:8; Why. 6:16 Mako tun bakea muloi madeak ngen tebo-tebo, ‘Ubuakba teminggang keme!’ Ngen tebo-tebo, ‘Timbunba keme!’ 31Sebab amen tun menea awei'o te'adep kiyeu idup, jano de bakea tejijai ngen kiyeu ke'ing?”
32Ngen ade kulo ni'ing duai tun luyen, adeba duai penjahat utuk nukum matei sesamo ngen Si. 33Ketiko tobo'o sapei neak penan de genne “Tebo Krokong”, tobo'o semalib Yesus neak di ngen kulo keduai tun penjahat o, de suang neak depeak kanen-Ne ngen de luyen neak depeak kideu-Ne. 34#Mzm. 22:19 Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.”
Ngen tobo'o muang lotre utuk magiak bajau Yesus. 35Tun dau je neak di ngen kemliak kutene. Pemipin-pemipin ngupet Si, nadeakne, “Tun luyen Si semlamat, kunyauba uyo Si semlamat dirai-Ne suang, amen Si adeba Mesias, tun de niliak Allah.”
36Kulo prajurit-prajurit ngupet Si. Tobo'o melei anggur pi'iak ngen Si. 37Nen madeak, “Amen Ko adeba rajo tun Yahudi, senlamat ba dirai-Nu!”
38Ade kulo tulisan neak das ulau-Ne, “Dioba Rajo Tun Yahudi.”
39Suang kunei penjahat de genatung o mimok Yesus, nadeakne, “Iso Ko adeba Kristus? Senlamatba dirai-Nu ngen keme!”
40Tapi de suang tema'ok si, nadeakne, “Coa udi saben, kulo coa ngen Allah, gidong udi temimo ukuman de serai? 41Ukuman ite memang setipal, sebab ite temimo bales de setipal ngen plep ite, tapi tun yo coa menea sesuaktau de saleak.” 42Lajau si madeak, “Yesus, tingetba uku, amen Ko teko awei Rajo.”
43Nadeak Yesus ngen si, “Uku madeak ngen ko, sesungguakne bilai yo kulo bakea ade sesamo ngen Uku neak lem Firdaus.”
Yesus matei
(Mat. 27:45-46; Mrk. 15:33-41; Yoh. 19:28-30)
44Ketiko o bilai sudo kekiro jam duai belas, lajau kelem neak kute daerah o sapei jam telau. 45#Kel. 26:31-33 Sebab matai bilai coa besinea. Ngen tabir Umeak Tuhan ca'ik jijai duai. 46#Mzm. 31:6 Lajau Yesus menggang ngen sa'ei nya'ing, “Au Bapa, moi lem tangen-Nu Uku senreak nyabai-Ku.” Ngen sesudo madeak awei'o Si semreak nyabai-Ne.
47Ketiko kepalo pasukan kemliak jano de tejijai, si mujai Allah, nadeakne, “Sungguak, tun yo adeba tun benea!”
48Tun dau de teko neak di utuk temoton, kemliak jano de tejijai. Tobo'o kute belek ngen atei de kembiak kesal. 49#Luk. 8:2-3 Kute tun de kemnal Yesus kunei pa'ok, temasuk selawei-selawei de temotoa Si kunei Galilea, je euak ngen kemliak kutene o.
Yesus kenubua
(Mat. 27:57-61; Mrk. 15:42-47; Yoh. 19:38-42)
50Adeba suang de genne Yusuf. Si anggota Majelis Lai, ngen suang de baik igai benea. 51Si coa tujau ngen putusan ngen ca'o Majelis o. Si asalne kunei Arimatea, debuak kota Yahudi ngen si mbot Allah meriteak sebagai Rajo. 52Si lalau madep Pilatus ngen minoi mayit Yesus. 53Ngen sesudo si temu'un mayit o, si kempanne ngen kain lenan, lajau mletok neak lem kubua de nea kunei tebo butau. Kubua o ati perneak nakei. 54Bilai o adeba bilai Jum'at; ngen bilai Sabat gesea muloi.
55Ngen selawei-selawei de teko sesamo ngen Yesus kunei Galilea, milau serto ngen tobo'o kemliak kubua o ngen awei ipe mayit-Ne neletok. 56#Kel. 20:10; Ul. 5:14 Ngen sesudo belek, tobo'o semiap repeak-repeak ngen minyok um. Pado bilai Sabat tobo'o bedan bekerjo utuk temurut ukum agamo Yahudi.
Currently Selected:
LUKAS 23: REJ
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
LUKAS 23
23
Yesus neak adep Pilatus
(Mat. 27:1-2, 11-14; Mrk. 15:1-5; Yoh. 18:28-38)
1Lajau je kute tun neak sidang o, ngen Yesus nembin madep Pilatus. 2Neak di tobo'o muloi temuduak Si, nadeakne, “Bi dapet ngen keme, bahwo tun yo de limau bangso keme, ngen temgeak masen pajak ngen Kaisar, ngen tetang dirai-Ne Si madeak, bahwo Si adeba Kristus, adeba Rajo.”
3Pilatus temnai ngen Si, “Ko rajo tun Yahudi?”
Jawab Yesus, “Ko suang de madeakne.”
4Nadeak Pilatus ngen imem-imem kepalo ngen kute tun dau o, “Uku coa dapet temau kesaleak pado Tun yo.”
5Tapi tobo'o kembiak kuet demsok, nadeakne, “Si majung rakyat ngen ajaran-Ne neak kute Yudea, Si muloi neak Galilea ngen sudo sapei moi mindi.”
Yesus neak adep Herodes
6Ketiko Pilatus temi'uk do'o si temnai, “Jano Tun o suang Galilea?” 7Ngen waktau si namen, bahwo Yesus suang kunei wilayah Herodes, Pilatus kemirim Yesus madep Herodes, de pado waktau o ade kulo neak Yerusalem. 8Ketiko Herodes kemliak Yesus, si kembiak riang. Sebab bi an si lok kemliak-Ne, kerno si cet temi'uk tetang Si, igai kulo si ma'ep kemliak awei ipe Yesus made suaktau tando. 9Si dau betanye ngen Yesus, tapi Yesus coa melei jemawab jejano. 10Sementaro o imem-imem kepalo ngen gu'au-gu'au agamo madep kulo neak di ngen temuduak Yesus ngen benek. 11Herodes ngen anggota-anggota tentrane meliam ngen mimok Yesus, lajau Herodes mpek bajau kebesaran ngen Yesus. Sesudo'o kemirim Yesus ngen Pilatus. 12Pado bilai o kulo Herodes ngen Pilatus, de bel'one bemusuak, bekuat igai.
Yesus nukum matei
(Mat. 27:15-26; Mrk. 15:6-15; Yoh. 18:39–19:16)
13Pilatus kemopoa imem-imem kepalo ngen pemipin-pemipin serto rakyat, 14lajau madeak ngen, “Ko bi mbin tun yo ngen uku awei suang de semaro rakyat. Ko suang kemliak bahwo uku bi merikso Si, ngen kunei kesaleak-kesaleak de udi temuduak ngen Si coa ade de udi dapet pado-Ne. 15Ngen Herodes kulo coa, sebab si kemirim Yesus belek ngen keme. Sesungguakne coa ade suaktau jano de nea Si de setipal ngen ukuman matei. 16Jijai uku bakea melipai Si, lajau melepas-Ne.”
[17Sebab si wajib melepas suang bagiak tobo'o pado bilai rayo Paskah.] 18Tapi tobo'o menggang sesamo, “Nunuakba Si! Nepasba Barabas bagiak keme!” ( 19Barabas yo nasuk moi lem penjara behubung ngen suaktau pembrontakan de bi tejijai neak lem kota ngen kerno munuak.)
20Debat igai Pilatus miling ngen sa'ei lek ngen tobo'o, kerno si lok melepas Yesus. 21Tapi tobo'o menggang malesne, nadeakne, “Senalibba Si! Senalibba Si!”
22Nadeak Pilatus utuk ketelau kilaine ngen tobo'o, “Kesaleak jano de sebeneane bi Si menea? Coa ade kesaleak de uku dapet pado-Ne, de setipal ngen ukuman matei. Jijai uku bakea melipai Si, lajau melepas-Ne.”
23Tapi ngen menggang tobo'o demsok ngen temutut, supayo Yesus senalib, ngen akhirne tobo'o menang. 24Lajau Pilatus mutus, supayo tututan tobo'o kenabul. 25Ngen si melepas tun de nasuk moi lem penjara kerno pembrontakan ngen munuak o sesuoi ngen tututan tobo'o, tapi Yesus senreakne ngen tobo'o utuk nea sesuoi ngen kelok tun-tun'o.
Yesus senalib
(Mat. 27:32-44; Mrk. 15:21-32; Yoh. 19:17-27)
26Ketiko tobo'o mbin Yesus, tobo'o tema'en suang de genne Simon kunei Kirene, de blau teko kunei luea kota, lajau neletok salib o neak das bau ne, supayo nusungne samo temotoa Yesus.
27Sejumlah lai tun temotoa Si, neak antarone dau selawei de ngindoi ngen ibo. 28Yesus jemling ngen tobo'o ngen madeak, “Hoi semulen-semulen Yerusalem! Jibeakba udi mindoi Uku, tapi nindoiba dirainu suang ngen anok-anoknu! 29Sebab bakea teko waktaune tun bakea madeak, ‘Padeak butungne selawei-selawei de coa perneak tenei lai, de coa perneak temuan anok ngen coa perneak megep cupik!’ 30#Hos. 10:8; Why. 6:16 Mako tun bakea muloi madeak ngen tebo-tebo, ‘Ubuakba teminggang keme!’ Ngen tebo-tebo, ‘Timbunba keme!’ 31Sebab amen tun menea awei'o te'adep kiyeu idup, jano de bakea tejijai ngen kiyeu ke'ing?”
32Ngen ade kulo ni'ing duai tun luyen, adeba duai penjahat utuk nukum matei sesamo ngen Si. 33Ketiko tobo'o sapei neak penan de genne “Tebo Krokong”, tobo'o semalib Yesus neak di ngen kulo keduai tun penjahat o, de suang neak depeak kanen-Ne ngen de luyen neak depeak kideu-Ne. 34#Mzm. 22:19 Yesus bedu'o, “Au Bapa! Napunba tobo'o, sebab tobo'o coa namen jano de tobo'o nea.”
Ngen tobo'o muang lotre utuk magiak bajau Yesus. 35Tun dau je neak di ngen kemliak kutene. Pemipin-pemipin ngupet Si, nadeakne, “Tun luyen Si semlamat, kunyauba uyo Si semlamat dirai-Ne suang, amen Si adeba Mesias, tun de niliak Allah.”
36Kulo prajurit-prajurit ngupet Si. Tobo'o melei anggur pi'iak ngen Si. 37Nen madeak, “Amen Ko adeba rajo tun Yahudi, senlamat ba dirai-Nu!”
38Ade kulo tulisan neak das ulau-Ne, “Dioba Rajo Tun Yahudi.”
39Suang kunei penjahat de genatung o mimok Yesus, nadeakne, “Iso Ko adeba Kristus? Senlamatba dirai-Nu ngen keme!”
40Tapi de suang tema'ok si, nadeakne, “Coa udi saben, kulo coa ngen Allah, gidong udi temimo ukuman de serai? 41Ukuman ite memang setipal, sebab ite temimo bales de setipal ngen plep ite, tapi tun yo coa menea sesuaktau de saleak.” 42Lajau si madeak, “Yesus, tingetba uku, amen Ko teko awei Rajo.”
43Nadeak Yesus ngen si, “Uku madeak ngen ko, sesungguakne bilai yo kulo bakea ade sesamo ngen Uku neak lem Firdaus.”
Yesus matei
(Mat. 27:45-46; Mrk. 15:33-41; Yoh. 19:28-30)
44Ketiko o bilai sudo kekiro jam duai belas, lajau kelem neak kute daerah o sapei jam telau. 45#Kel. 26:31-33 Sebab matai bilai coa besinea. Ngen tabir Umeak Tuhan ca'ik jijai duai. 46#Mzm. 31:6 Lajau Yesus menggang ngen sa'ei nya'ing, “Au Bapa, moi lem tangen-Nu Uku senreak nyabai-Ku.” Ngen sesudo madeak awei'o Si semreak nyabai-Ne.
47Ketiko kepalo pasukan kemliak jano de tejijai, si mujai Allah, nadeakne, “Sungguak, tun yo adeba tun benea!”
48Tun dau de teko neak di utuk temoton, kemliak jano de tejijai. Tobo'o kute belek ngen atei de kembiak kesal. 49#Luk. 8:2-3 Kute tun de kemnal Yesus kunei pa'ok, temasuk selawei-selawei de temotoa Si kunei Galilea, je euak ngen kemliak kutene o.
Yesus kenubua
(Mat. 27:57-61; Mrk. 15:42-47; Yoh. 19:38-42)
50Adeba suang de genne Yusuf. Si anggota Majelis Lai, ngen suang de baik igai benea. 51Si coa tujau ngen putusan ngen ca'o Majelis o. Si asalne kunei Arimatea, debuak kota Yahudi ngen si mbot Allah meriteak sebagai Rajo. 52Si lalau madep Pilatus ngen minoi mayit Yesus. 53Ngen sesudo si temu'un mayit o, si kempanne ngen kain lenan, lajau mletok neak lem kubua de nea kunei tebo butau. Kubua o ati perneak nakei. 54Bilai o adeba bilai Jum'at; ngen bilai Sabat gesea muloi.
55Ngen selawei-selawei de teko sesamo ngen Yesus kunei Galilea, milau serto ngen tobo'o kemliak kubua o ngen awei ipe mayit-Ne neletok. 56#Kel. 20:10; Ul. 5:14 Ngen sesudo belek, tobo'o semiap repeak-repeak ngen minyok um. Pado bilai Sabat tobo'o bedan bekerjo utuk temurut ukum agamo Yahudi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)