MATIUS 17
17
Yesus mubeak rupo
(Mrk. 9:2-13; Luk. 9:28-36)
1 #
2Ptr. 1:17-18
Enum bilai sudo'o Yesus majok Petrus, Yakobus ngen pasuakne Yohanes, lalau moi tebo de lekat. Neak di ade tobo'o bae. 2Neak adep tobo'o, Yesus mubeak rupo; Papeane awei matai bilai ngen bajaune putiak besinea. 3Sesudo'o ketelau penotoa-Ne kemliak Musa ngen Elia miling ngen Yesus. 4Lajau Petrus madeak ngen Yesus, “Tuhan, riang nien ite neak yo. Amen Tuhan lok, uku bakea temgok telau kemah neak yo: Do utuk Tuhan, do utuk Musa ngen do igai utuk Elia.”
5 #
Kej. 22:2; Ul. 18:15; Mzm. 2:7; Yes. 42:1; Mat. 3:17, 12:18; Mrk. 1:11; Luk. 3:22 Waktau Petrus gidong miling embun de kembiak te'ang kemliling tobo'o ngen kunei embun'o teti'uk sa'ei de madeak, “Dioba Anok-Ku de Ku kemasiak, Si semnang atei-Ku. Teniukba Si!”
6Waktau penotoa-penotoa Yesus temi'uk sa'ei'o tobo'o telukup moi pitok kerno kembiak saben. 7Tapi Yesus teko ngen megong tobo'o. “Klongonba,” nadeak-Ne, “jibeak saben!” 8Waktau tobo'o denong min das, tobo'o coa kemliak api kulo seluyen Yesus.
9Sewaktau tobo'o tu'un kunei tebo, “Yesus minget ngen tobo'o, jibeak madeak ngen api bae jano de udi kemliak nano, ayok Anok Manusio de idup igai kunei matei-Ne.”
10 #
Mal. 4:5
Penotoa-penotoa Yesus betanye ngen-Si, “Getai gu'au-gu'au agamo madeak, Elia mestai teko lebiak deno.”
11Yesus jemawab, “Benea, Elia teko ngen si bakea mberes kutene. 12#Mat. 11:14 Tapi Uku madeak ngen ko, Elia sudo teko, namen tun-tun co'a kemnalne. Tobo'o menea si klokne bae. Ngen awei'o kulo tobo'o bakea menea Anok Manusio.”
13Lajau penotoa-Ne ngertai amen Yesus miling tetang Yohanes Pembaptis.
Yesus Kema'en suang anok de pasuk roh jahat
(Mrk. 9:14-29; Luk. 9:37-43a)
14Ketiko Yesus ngen ketelau penotoa-Ne belek ngen tun dau'o, suang semanei teko, sujud neak adep Yesus. 15Ngen madeak, “Bak, kemasiakba anokku. Si gilo bukei, olonne'o kembiak pa'eak, si awit us moi api ngen moi bio'a. 16Uku sudo mbin si ngen penotoa-penotoa Bak, tapi tobo'o coa dapet kema'en si.”
17Yesus jemawab, “Coa nien udi yo! Udi sungguak tun-tun de telo ulau ngen coa pecayo. Sapei tengen Uku mestai tinggea besamo udi ngen mestai sabar teradep udi? Mbin anok'o miyo!” 18Lajau Yesus mriteak roh jahat de neak lem anok'o kelua, lajau roh jahat'o kelue ngen anok'o ka'en pado saat'o kulo.
19Sesudo'o penotoa-penotoa Yesus teko ngen-Si seca'o de dewek ngen betanye ngen-Si, “Bak, jano sebab keme coa dapet musir roh jahat'o?”
20 #
Mat. 21:21; Mrk. 11:23; 1Kor. 13:2 Yesus jemawab, “Sebab udi ku'ang pecayo. Ingetba! Amen udi temuan imen dekelai soa sawi, udi dapet madeak ngen tebo yo, ‘Baliak moi mini!’ paset tebo'o bakea baliak. Coa ade de coa mukin de dapet udi menea! [ 21Tapi roh jahat yo nam nusir ngen bedu'o ngen puaso bae.]”
Yesus miling igai tetang kematian-Ne
(Mrk. 9:30-32; Luk. 9:43b-45)
22Waktau penotoa-penotoa Yesus bekopoa neak Galilea, Yesus madeak ngen tobo'o, “Coa an igai Anok Manusio bakea semreak ngen kuaso manusio. 23Si bakea nunuak, tapi pado bilai ketelau, idup igai kunei matei-Ne.”
Mako penotoa-penotoa-Ne jijai kembiak ibo.
Misai pajak Bait Allah
24 #
Kel. 30:13, 38:26 Waktau Yesus ngen penotoa-penotoa-Ne sapei neak Kapernaum, penagiak-penagiak pajak Bait Allah teko ngen Petrus ngen betanye, “Guaknu masen jano coa pajak Bait Allah?”
25Petrus jemawab, “Nasen!”,
Waktau Petrus belek, Yesus betanye ngen si lebiak deno, “Simon, awei ipe pedapetnu? Api de mestai masen pajak ngen rajo-rajo dunio yo? Rakyat jano tun asing?”
26“Tun Asing,” Petrus jemawab.
“Amen awei'o,” nadeak Yesus, “rakyat coa guno masen. 27Tapi jibeakba ite menea tun-tun'o mengiak. Jijai lalauba moi daneu utuk ngeweya, mokba kan de dute ngen ko temakep, neak lem bibiane'o ko bakea temau matai caci de genep utuk pajak ite beduai. Mokba caci'o, nasen ngen tobo'o pajak ite utuk Bait Allah.”
Currently Selected:
MATIUS 17: REJ
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
