MATIUS 21
21
Yesus masuk Yerusalem
(Mrk. 11:1-11; Luk. 19:28-40; Yoh. 12:12-19)
1Waktau bi paok Yerusalem, tobo'o sapei neak Betfage neak Tebo Zaitun. Neak'o Yesus meluak duai tun penotoa-Ne paneu lebiak deno. 2“Lalauba moi sadei ngen neak muko'o,” Yesus mesen ngen tobo'o. “Segro udi bakea kemliak do keledai de tenamang ngen anokne. Kepasba keduaine ngen mbin mi yo. 3Amen ade tun temnai ko, nadeak ngen tun'o, ‘Tuhan bekinoi’, mako tun'o segro bakea nunyau keledai'o nemin.”
4Hal'o tejijai supayo genep de nadeak nebai,
5 #
Za. 9:9
“Kadeakba ngen Sion,
Rajonu gidong teko ngen ko.
Si temeak atei ngen Si kenek dikup keledai,
dikup anok keledai puai.”
6Mako lalauba keduai penotoa-Ne'o ngen menea awei de nesen Yesus ngen tobo'o. 7Tobo'o mbin keledai'o ngen anokne. Lajau tobo'o mpek lepek neak kedong keledai ngen jubah tobo'o. Sudo'o Yesus kulo kenek neak dasne. 8Dau tun neak di metang jubah-jubahne neak dalen ade kulo de temtok dan-dan kunei pun-pun ngen semi rokne neak tengeak dalen. 9#Mzm. 118:26 Tun dau de paneu neak muko ngen neak belakang Yesus mengang, “Idup Anok Daud! Tuhan melei Rahmat ngen Si de teko das gen-Ne!”
10Lajau waktau Yesus masuk moi Yerusalem, kute kota'o jijai geger. “Api dio?” tanye tun-tun ngen kota'o.
11“Siba Nebai Yesus kunei Nazaret neak Galilea,” tun dau de mi'ing Yesus jemawab.
Yesus masuk moi Bait Allah tun Yahudi
(Mrk. 11:15-19; Luk. 19:45-48; Yoh. 2:13-22)
12Lajau Yesus masuk moi Bait Allah tun Yahudi ngen musir kute tun de jagea ngen de nukua neak di. Si musak mija-mija penan mukar caci ngen baku-baku tukang jagea burung daro. 13#Yes. 56:7; Yer. 7:11 Lajau Si madeak ngen tun-tun'o, “Lem kiteb tetulis, ‘Bahwa Allah madeak umeak-Ku bakea de senbut umeak penan bedu'o.’ Tapi ko je mijaine sa'ang perapok!”
14Tun-tun buto ngen pakuak teko ngen Si neak Bait Allah, si kemaen tobo'o. 15Tapi pemipin imem-imem ngen gu'au agamo tun Yahudi mengiak kemliak mujizat-mujizat de nea Yesus. Ngen tobo'o mengiak kulo temi'uk anok-anok miling ngen saei lek neak Bait Allah, “Idup Anok Daud!”
16 #
Mzm. 8:3
Tobo'o madeak ngen Yesus, “Ko temi'uk jano de nadeak tobo'o?”
“Au, Uku temi'uk,” Yesus jemawab. “Jano udi ati perneak mbaco lem kiteb yo: ‘Anok-anok ngen cupik ko bi majea pujian de sepurno’?”
17Lajau Yesus teminggea tobo'o, keluae kunei kota'o moi Betania ngen temalem neak di.
Yesus semupeak pun buak de senbut pun ara
(Mrk. 11:12-14, 20-24)
18Pueng-pueng, menne Yesus lem kemaneune belek moi kota, Yesus meding nyemen. 19Si kemliak de pun buak ara neak biding dalen. Si lalau moi pun'o tapi coa temau do bueak kulo seluyen dawenne bae. Yesus madeak ngen pun'o, “Ko coa bakea bebuak igai!” Langsung pun ara'o lew.
20Pado waktau penotoa-penotoa Yesus kemliak ke jijai'o tobo'o kembiak heran. “Awei ipe pun buak'o dapet langsung matei kutene?” tanye tobo'o.
21 #
Mat. 17:20; 1Kor. 13:2 “Sungguak,” jawab Yesus, “Amen udi pecayo ngen coa ragau, udi kulo dapet menea jano de sudo ku menea teradep pun ara yo. Ngen coa'o bae, tapi udi dapet madeak ngen tebo yo, ‘Taketba ngen teku'ang moi lem laut’; hal'o bakea tejijai. 22Jano bae de udi minoi lem du'o ngen penuak pacayo, Allah bakea melei udi.”
Hok Yesus
(Mrk. 11:27-33; Luk. 20:1-8)
23Sudo'o Yesus belek moi Bait Allah tun Yahudi, lajau masuk ngen mengajea neak di. Waktau Si gidong ngajea, imem-imem kepalo ngen pemipin-pemipin Yahudi teko ngen-Si ngen betanye, “Das dasar jano Ko menea kutene'o? Api de melei hok'o ngen Ko?”
24Yesus jemawab, “Uku kulo lok betanye ngen udi. Ngen udi jemawab-Ne, Uku bakea madeak ngen ko ngen hok api Uku menea hal-hal yo. 25Yohanes membaptis ngen hok api? Allah atau manusio?”
Lajau pemipin imem-imem ngen pemipin Yahudi mulei basen neak antaro tobo'o, “Amen ite madeak, ‘Ngen hok Allah,’ Si bakea madeak, ‘Amen awei'o getai udi coa pecayo ngen Si?’ 26Tapi amen ite madeak, ‘Ngen hok manusio,’ ite saben ngen tun dau, sebab tobo'o kutene manggap Yohanes yo nebai.” 27Jijai tobo'o jemawab, “Keme coa namen.”
Lajau Yesus madeak ngen tobo'o, “Amen awei'o Uku kulo coa bakea madeak ngen ko, ngen hok api Uku menea kutene yo.”
Perumpamo tetang duai anok
28“Uyo kero pendapatnu tetang hal yo?” nadeak Yesus selanjutne. “Ade suang Bak temuan duai anok semanei. Tun lalau ngen anok de tuai ngen madeak, ‘Lalauba kerjo neak kebun anggur bilai yo.’ 29Anok'o jemawab, ‘Uku coa lok.’ Tapi sudo'o si bubeak pekeran ngen lalau moi kebun anggur'o. 30Lajau Bak'o lalau magea anokne de keduai ngen madeak hal de samo. ‘Baikba Bak,’ anok de kuduai'o jemawab. Tapi si coa lalau. 31Nah, kunei antaro kuduai tun'o de api menea kelok Bakne?”
“De tuai” pemipin imem-imem ngen pemipin-pemipin Yahudi jemawab.
Mako Yesus madeak ngen tobo'o, “Pecayoba: Penagiak-penagiak pajak ngen selawei nakea bakea lebiak deno jijai anggota umat Allah kunei pado udi.#21:31 “Uyo kero pendapatnu tetang hal yo?” nadeak Yesus selanjutne. “Ade suang Bak temuan duai anok semanei. Tun lalau ngen anok de tuai ngen madeak, ‘Lalauba kerjo neak kebun anggur bilai yo.’ 29 Anok'o jemawab, ‘Baikba Bak!’ Tapi si coa lalau. 30 Lajau Bak'o lalau magea anokne de keduai ngen madeak hal de samo, ‘Uku coa lok’, tapi sudo'o si bubeak pekeran ngen lalau moi kebun anggur'o. 31 Nah, kunei antaro kuduai tun'o de api menea kelok Bakne?” “De tuai” pemipin imem-imem ngen pemipin-pemipin Yahudi jemawab. 32#Luk. 3:12, 7:29-30 Sebab Yohanes Pembaptis teko ngen temunjuk ngen udi ca'o idup de kenlok Tuhan nu, tapi ko coa pecayo ngen ajaran-Ne, tapi penagiak pajak ngen selawei nakea pecayo ngen Si. Tapi kunyau ko bi kemliak kutene'o, udi tep coa mubeak pekerannu, ngen coa pecayo ngen Tuhan.”
Perumpamo pekerjo-pekerjo neak kebun anggur
(Mrk. 12:1-12; Luk. 20:9-19)
33 #
Yes. 5:1-2
“Teni'ukba umpamone de do yo igai,” nadeak Yesus. “Ade suang tun temuan kebun temanem de biding kebun anggur. Si menea pagar neak kelilingne, Si mikoa lubang utuk alat mames anggur ngen temgok menara utuk jago. Sesudo'o si semiwo kebun anggur'o ngen pekerjo-pekerjo, lajau brakat moi negrai luyen. 34Waktau sudo sapei musim panen anggur, tun temuan kebun'o kemirim pelayan-pelayanne ngen pekerjo-pekerjo kebun'o utuk temimo bagiakne. 35Tapi pekerjo kebun'o temakep pelayan-pelayan temuan kebun'o: De suang tun de nokoa, de luyen nunuak ngen de luyen igaine luk ngen butau. 36Temuan kebun'o kemirim igai pelayan-pelayanne de luyen, lebiak dau kunei de deno sekilai. Tapi ngen ca'o de samo tobo'o menea jahat ngen pelayan-pelayan'o. 37Akhirne temuan kebun'o kemirim ngen tobo'o anokne dewek, ‘Anokku sahe bakea sengan,’ pekerne. 38Tapi waktau pekerjo-pekerjo kebun'o, kemliak anok temuan kebun'o tobo'o madeak, do ngen de luyenne, ‘Nah. Dioba ahli hak waris. Maro ite munuak si, supayo ite dapet warisanne!’ 39Mako anok'o de tenakep, de nuang moi luea, lajau nunuak.”
40Yesus betanye: “Nah, amen temuan kebun'o belek, si bakea menea jano teadep pekerjo-pekerjo'o?”
41Tobo'o jemawab, “Sahe si bakea munuak tun-tun jahat'o, lajau semiwo kebun anggur'o ngen tun luyen, ngen lok semreak bagian asea taneak'o ngen si pado waktaune.”
42 #
Mzm. 118:22-23
Mako Yesus madeak ngen tobo'o, “Jano udi ati perneak mbaco neak lem kiteb?
‘Butau de coa nakei oleh tukang bangunan
sudo jijai butau de kembiak peting.
Tuhanba dioba de nea
padeak kebaesne!’ ”
43“Jijai ingetba,” nadeak Yesus, “Kute hok sebagai umat bakea de cenabut kunei padonu ngen de nelei ngen suatu bangso de bakea maneu periteak-periteak Allah. [ 44Tun-tun de us pado butau'o, bakea ajua; ngen butau teminggang tun'o, si bakea tegiling jijai debu.]”
45Pado waktau imem-imem kepalo ngen tun-tun Farisi temi'uk perumpamo Yesus'o, tobo'o ngertai bahwa Yesus miling tetang tobo'o. 46Jijai tobo'o usaho temakep Si. Tapi tobo'o saben ngen tun dau, kerno tun dau'o manggap Yesus nebai.
Currently Selected:
MATIUS 21: REJ
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)
MATIUS 21
21
Yesus masuk Yerusalem
(Mrk. 11:1-11; Luk. 19:28-40; Yoh. 12:12-19)
1Waktau bi paok Yerusalem, tobo'o sapei neak Betfage neak Tebo Zaitun. Neak'o Yesus meluak duai tun penotoa-Ne paneu lebiak deno. 2“Lalauba moi sadei ngen neak muko'o,” Yesus mesen ngen tobo'o. “Segro udi bakea kemliak do keledai de tenamang ngen anokne. Kepasba keduaine ngen mbin mi yo. 3Amen ade tun temnai ko, nadeak ngen tun'o, ‘Tuhan bekinoi’, mako tun'o segro bakea nunyau keledai'o nemin.”
4Hal'o tejijai supayo genep de nadeak nebai,
5 #
Za. 9:9
“Kadeakba ngen Sion,
Rajonu gidong teko ngen ko.
Si temeak atei ngen Si kenek dikup keledai,
dikup anok keledai puai.”
6Mako lalauba keduai penotoa-Ne'o ngen menea awei de nesen Yesus ngen tobo'o. 7Tobo'o mbin keledai'o ngen anokne. Lajau tobo'o mpek lepek neak kedong keledai ngen jubah tobo'o. Sudo'o Yesus kulo kenek neak dasne. 8Dau tun neak di metang jubah-jubahne neak dalen ade kulo de temtok dan-dan kunei pun-pun ngen semi rokne neak tengeak dalen. 9#Mzm. 118:26 Tun dau de paneu neak muko ngen neak belakang Yesus mengang, “Idup Anok Daud! Tuhan melei Rahmat ngen Si de teko das gen-Ne!”
10Lajau waktau Yesus masuk moi Yerusalem, kute kota'o jijai geger. “Api dio?” tanye tun-tun ngen kota'o.
11“Siba Nebai Yesus kunei Nazaret neak Galilea,” tun dau de mi'ing Yesus jemawab.
Yesus masuk moi Bait Allah tun Yahudi
(Mrk. 11:15-19; Luk. 19:45-48; Yoh. 2:13-22)
12Lajau Yesus masuk moi Bait Allah tun Yahudi ngen musir kute tun de jagea ngen de nukua neak di. Si musak mija-mija penan mukar caci ngen baku-baku tukang jagea burung daro. 13#Yes. 56:7; Yer. 7:11 Lajau Si madeak ngen tun-tun'o, “Lem kiteb tetulis, ‘Bahwa Allah madeak umeak-Ku bakea de senbut umeak penan bedu'o.’ Tapi ko je mijaine sa'ang perapok!”
14Tun-tun buto ngen pakuak teko ngen Si neak Bait Allah, si kemaen tobo'o. 15Tapi pemipin imem-imem ngen gu'au agamo tun Yahudi mengiak kemliak mujizat-mujizat de nea Yesus. Ngen tobo'o mengiak kulo temi'uk anok-anok miling ngen saei lek neak Bait Allah, “Idup Anok Daud!”
16 #
Mzm. 8:3
Tobo'o madeak ngen Yesus, “Ko temi'uk jano de nadeak tobo'o?”
“Au, Uku temi'uk,” Yesus jemawab. “Jano udi ati perneak mbaco lem kiteb yo: ‘Anok-anok ngen cupik ko bi majea pujian de sepurno’?”
17Lajau Yesus teminggea tobo'o, keluae kunei kota'o moi Betania ngen temalem neak di.
Yesus semupeak pun buak de senbut pun ara
(Mrk. 11:12-14, 20-24)
18Pueng-pueng, menne Yesus lem kemaneune belek moi kota, Yesus meding nyemen. 19Si kemliak de pun buak ara neak biding dalen. Si lalau moi pun'o tapi coa temau do bueak kulo seluyen dawenne bae. Yesus madeak ngen pun'o, “Ko coa bakea bebuak igai!” Langsung pun ara'o lew.
20Pado waktau penotoa-penotoa Yesus kemliak ke jijai'o tobo'o kembiak heran. “Awei ipe pun buak'o dapet langsung matei kutene?” tanye tobo'o.
21 #
Mat. 17:20; 1Kor. 13:2 “Sungguak,” jawab Yesus, “Amen udi pecayo ngen coa ragau, udi kulo dapet menea jano de sudo ku menea teradep pun ara yo. Ngen coa'o bae, tapi udi dapet madeak ngen tebo yo, ‘Taketba ngen teku'ang moi lem laut’; hal'o bakea tejijai. 22Jano bae de udi minoi lem du'o ngen penuak pacayo, Allah bakea melei udi.”
Hok Yesus
(Mrk. 11:27-33; Luk. 20:1-8)
23Sudo'o Yesus belek moi Bait Allah tun Yahudi, lajau masuk ngen mengajea neak di. Waktau Si gidong ngajea, imem-imem kepalo ngen pemipin-pemipin Yahudi teko ngen-Si ngen betanye, “Das dasar jano Ko menea kutene'o? Api de melei hok'o ngen Ko?”
24Yesus jemawab, “Uku kulo lok betanye ngen udi. Ngen udi jemawab-Ne, Uku bakea madeak ngen ko ngen hok api Uku menea hal-hal yo. 25Yohanes membaptis ngen hok api? Allah atau manusio?”
Lajau pemipin imem-imem ngen pemipin Yahudi mulei basen neak antaro tobo'o, “Amen ite madeak, ‘Ngen hok Allah,’ Si bakea madeak, ‘Amen awei'o getai udi coa pecayo ngen Si?’ 26Tapi amen ite madeak, ‘Ngen hok manusio,’ ite saben ngen tun dau, sebab tobo'o kutene manggap Yohanes yo nebai.” 27Jijai tobo'o jemawab, “Keme coa namen.”
Lajau Yesus madeak ngen tobo'o, “Amen awei'o Uku kulo coa bakea madeak ngen ko, ngen hok api Uku menea kutene yo.”
Perumpamo tetang duai anok
28“Uyo kero pendapatnu tetang hal yo?” nadeak Yesus selanjutne. “Ade suang Bak temuan duai anok semanei. Tun lalau ngen anok de tuai ngen madeak, ‘Lalauba kerjo neak kebun anggur bilai yo.’ 29Anok'o jemawab, ‘Uku coa lok.’ Tapi sudo'o si bubeak pekeran ngen lalau moi kebun anggur'o. 30Lajau Bak'o lalau magea anokne de keduai ngen madeak hal de samo. ‘Baikba Bak,’ anok de kuduai'o jemawab. Tapi si coa lalau. 31Nah, kunei antaro kuduai tun'o de api menea kelok Bakne?”
“De tuai” pemipin imem-imem ngen pemipin-pemipin Yahudi jemawab.
Mako Yesus madeak ngen tobo'o, “Pecayoba: Penagiak-penagiak pajak ngen selawei nakea bakea lebiak deno jijai anggota umat Allah kunei pado udi.#21:31 “Uyo kero pendapatnu tetang hal yo?” nadeak Yesus selanjutne. “Ade suang Bak temuan duai anok semanei. Tun lalau ngen anok de tuai ngen madeak, ‘Lalauba kerjo neak kebun anggur bilai yo.’ 29 Anok'o jemawab, ‘Baikba Bak!’ Tapi si coa lalau. 30 Lajau Bak'o lalau magea anokne de keduai ngen madeak hal de samo, ‘Uku coa lok’, tapi sudo'o si bubeak pekeran ngen lalau moi kebun anggur'o. 31 Nah, kunei antaro kuduai tun'o de api menea kelok Bakne?” “De tuai” pemipin imem-imem ngen pemipin-pemipin Yahudi jemawab. 32#Luk. 3:12, 7:29-30 Sebab Yohanes Pembaptis teko ngen temunjuk ngen udi ca'o idup de kenlok Tuhan nu, tapi ko coa pecayo ngen ajaran-Ne, tapi penagiak pajak ngen selawei nakea pecayo ngen Si. Tapi kunyau ko bi kemliak kutene'o, udi tep coa mubeak pekerannu, ngen coa pecayo ngen Tuhan.”
Perumpamo pekerjo-pekerjo neak kebun anggur
(Mrk. 12:1-12; Luk. 20:9-19)
33 #
Yes. 5:1-2
“Teni'ukba umpamone de do yo igai,” nadeak Yesus. “Ade suang tun temuan kebun temanem de biding kebun anggur. Si menea pagar neak kelilingne, Si mikoa lubang utuk alat mames anggur ngen temgok menara utuk jago. Sesudo'o si semiwo kebun anggur'o ngen pekerjo-pekerjo, lajau brakat moi negrai luyen. 34Waktau sudo sapei musim panen anggur, tun temuan kebun'o kemirim pelayan-pelayanne ngen pekerjo-pekerjo kebun'o utuk temimo bagiakne. 35Tapi pekerjo kebun'o temakep pelayan-pelayan temuan kebun'o: De suang tun de nokoa, de luyen nunuak ngen de luyen igaine luk ngen butau. 36Temuan kebun'o kemirim igai pelayan-pelayanne de luyen, lebiak dau kunei de deno sekilai. Tapi ngen ca'o de samo tobo'o menea jahat ngen pelayan-pelayan'o. 37Akhirne temuan kebun'o kemirim ngen tobo'o anokne dewek, ‘Anokku sahe bakea sengan,’ pekerne. 38Tapi waktau pekerjo-pekerjo kebun'o, kemliak anok temuan kebun'o tobo'o madeak, do ngen de luyenne, ‘Nah. Dioba ahli hak waris. Maro ite munuak si, supayo ite dapet warisanne!’ 39Mako anok'o de tenakep, de nuang moi luea, lajau nunuak.”
40Yesus betanye: “Nah, amen temuan kebun'o belek, si bakea menea jano teadep pekerjo-pekerjo'o?”
41Tobo'o jemawab, “Sahe si bakea munuak tun-tun jahat'o, lajau semiwo kebun anggur'o ngen tun luyen, ngen lok semreak bagian asea taneak'o ngen si pado waktaune.”
42 #
Mzm. 118:22-23
Mako Yesus madeak ngen tobo'o, “Jano udi ati perneak mbaco neak lem kiteb?
‘Butau de coa nakei oleh tukang bangunan
sudo jijai butau de kembiak peting.
Tuhanba dioba de nea
padeak kebaesne!’ ”
43“Jijai ingetba,” nadeak Yesus, “Kute hok sebagai umat bakea de cenabut kunei padonu ngen de nelei ngen suatu bangso de bakea maneu periteak-periteak Allah. [ 44Tun-tun de us pado butau'o, bakea ajua; ngen butau teminggang tun'o, si bakea tegiling jijai debu.]”
45Pado waktau imem-imem kepalo ngen tun-tun Farisi temi'uk perumpamo Yesus'o, tobo'o ngertai bahwa Yesus miling tetang tobo'o. 46Jijai tobo'o usaho temakep Si. Tapi tobo'o saben ngen tun dau, kerno tun dau'o manggap Yesus nebai.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@ LAI 2011 Indonesian Bible Society (Lembaga Alkitab Indonesia)