Mt 12
12
Yesu, HOSI ya Savata
(Mrk 2:23-28; Lk 6:1-5)
1Ankameni lowo, Yesu afa atremakanyi amakari ka masimu ya tirigo hi siku dra Savata. Kambe a vadondrisiwa vakwe afa vatwa ndlala, kutani vasungula kutrhova swibewu vada. 2A vafarisi loko vaswivona vaku ku Yene: Lavisa, a vadondrisiwa vaku vayentxa leswi swingapfumeliwikiki kuswiyentxa hi Savata. 3Kambe Yene avabyela aku: An'wingihlaya a Matralwini leswi Davida angaswiyentxa, loko yene ni lava afaka vali na yene vatwi ndlala xana? 4Leswi anhingeniki a Tempeleni, ni leswi vadiki a makati ya xikombiso, lawa afaka swingapfumeleliwi kuva ada, nambi hi lava afaka vali na yene, kambe ntsena hi vaprista. 5Xana an'wihlayanga a Nawini leswaku, amasikwini ya Savata, a vaprista vatlula milawu ya Savata a Tempeleni, vava vangavina nandru xana? 6Ke nan'wibyela leswaku: lweyi anga lani i nkulu kutlula a Tempele. 7#Lavisa Hx 6:6. Loko n'wine an'witivisisa a ntlhamuxelo wa Matralwa lawa maliki: Nidjula a timpswalu, angali switlhavelu, afa n'wingatiyavanyisa lava vangalikina nandru. 8Hikuva a N'wana wa Mhunu i HOSI ya Savata.
Yesu ahanyisa a wa kuwonyana voko
(Mrk 3:1-6; Lk 6:6-11)
9Kuti loko asuki kone, ayanhingena asinagogeni dravu. 10Afa kuni wanuna lweyi afaka ani voko drin'we dra kuwonyana; hi kudjula kukuma a mhaka ya kumurambela ha yone, a vafarisi vamuvutisa vaku: Xana swapfumeleliwa kuhanyisa mbabyi hi Savata? 11Yene avabyela aku: Hi mani ku n'wine, lweyi loko ali ni hamba leyi yiweliki kheleni hi Savata, anaka angayihumexi handle? 12Hi swoswo-ke, a mhunu ani lisima kutlula a hamba! Hi swoswo-ke swapfumeleliwa a kuyentxa leswi swinene hi Savata. 13Ahangabyela mhunu lweyo aku: Nalavuta a voko. Yene adrinalavuta dritlhela driwololoka, drifana ni drin'wana. 14Kolahu loko a vafarisi vahumile, vayahamba a makungu ya leswaku vatamudlayisa kuyini.
Muhlawuliwa wa Xikwembu Nkulukumba
15Loko Yesu aswitivile, asuka kolahu, kutani a vhanu vanyingi vamulandra; Yene ahanyisa hinkwavu 16kutani avaleleta leswaku vangamupaluxi. 17Akuva kuhetiseka ritu ledri dringahlayiwa hi muprofeta Ezaya, lweyi angaku: 18Hi lweyi a nandra wanga, lweyi nimuhlawuliki,
a murandriwa wanga, lweyi a hika dranga dringatrhavela yene.
Nitabeka a Moya wanga a henhla kwake,
yene atativisa a va-Matiko a kuyavanyisa. 19Angaka angapfuxi timholova, ni kubandlukana,
akuna lweyi atakayingela a ritu drakwe atindleleni. 20Angaka angatrhovi a lihlanga ledri drifahlekiki,
angaka angatimi a ngoti ya motre leyi yifufunhaka,
akondra ayentxa leswaku a kuyavanyisa kuhlula. 21Na swone a va-Matiko vatadumba vito drakwe.
Yesu na Beelzebule
(Mrk 3:20-30; Lk 11:14-23)
22Kutani vatisi ku Yene a mun'we wa kufa-mahlu ni kuva ali mbheveve, lweyi afaka ani mademoni; kutani Yene amuhanyisa lakakuva avona, ava avulavula. 23A switrhungu hinkwaswu afa swihlamala swiku: Xana yelweyi ahi N'wana Davida? 24Kambe a vafarisi loko vaswiyingelile, vaku: Lweyi a susa a mademoni hi ntamu wa Beelzebule, hosi ya mademoni. 25Yesu hi kutiva leswi afaka vapimisa swone, aku ku vone: A mfumu wun'wana ni wun'wana lowu wutihambanisaka wutandruluka hula, ni muti wun'wana ni wun'wana, kumbe yindlu leyi yitihambanisaka yingaka yingatiyi. 26Hileswo-ke, loko Sathana ahlongola Sathana, atihambanisa ha vuswake; xana-ke a mfumu wakwe wutatiyisa kuyini? 27Ni loko na mine nihlongola a mademoni ha Beelzebule, a vana venu vamahlongola ha mani? Hileswo-ke hi vone vatakava vayavanyisi venu. 28Ke loko mine nihlongola a mademoni hi Moya wa Xikwembu Nkulukumba, leswo swihlaya leswaku a Mfumu wa Xikwembu Nkulukumba wutlhasile ku n'wine. 29Xana a mhunu angaswikotisa kuyini akunhingena andlwini ya nuna wa ntamu ayiva a vukosi byake, loko angasungulanga hi kumutrimba? Hi kone-ke angakotaka a kuphanga a yindlu yake.
30Lweyi angeke na mine, alwa na mine, lweyi angahlengeletikiki na mine, awahangalasa. 31Hileswo-ke nan'wibyela nili: A swidoho ni swisandru hinkwaswu switadrivaleliwa ku vhanu, kambe a xisandru xa kusandra a Moya, xingaka xingadrivaleliwi. 32Ni loko kumbe mhunu ahumexela ritu dra kubiha ku N'wana wa Mhunu, atadrivaleliwa kambe kungaku loko ahlayi, asandra a Moya wa Kuxwenga, angaka angadrivaleliwi, nambi kuva ankameni lowu, nambi ali nkameni lowu wutakata.
A nsinya ni mihandru ya wone
(Lk 6:43-45)
33Kumbe n'wingahlaya leswaku a nsinya i wunene, wuhumexa a mihandru minene; kumbe n'wingahlaya leswaku wubihile, wuhumexa a mihandru ya kubiha; hikusa a nsinya wutibyiwa hi mihandru ya wone. 34Lixaka dra swipswhahla! N'wingaswikotisa kuyini akuhlaya mintxhumu leminene, kasi n'wine ha vuswenu n'wi vabihi? Hikusa mun'wana-ni-mun'wana, akhanela leswi anganaswu ambilwini. 35A mhunu munene ahumexa leswi swinene avukosini byake lebyi byinene; kasi a mhunu lweyi mfani ahumexa leswi swibihiki avukosini byake lebyi bya kubiha. 36Kambe nan'wibyela nili: A ritu hinkwadru dra kuka-ndlela ledri a vhanu vatakahlaya drone, vatatiyangulela hikola ka drone hi siku dra kuyavanyisa. 37Hikusa utahlayiwa lweyi wa kululama hi maritu yaku, na swone, utayavanyisiwa hi maritu yaku.
Xikombiso xa Yona
(Mrk 8:11-12; Lk 11:29-32)
38Ntrhaku ka leswo, van'we vatrali ni vafarisi vaku ku Yene: Mufundrisa, hidjula kukuvona uyentxa a xikombiso xin'we. 39Kambe Yene avayangula aku ku: A lixaka ledri drimfani, dra vumbuye, dridjula mahlolana! Kambe n'wingaka n'winganyikiwi xikombiso xin'wana, loko kunge xa muprofeta Yona. 40Swanga hi leswi Yona angava khurini dra nhlampfi masiku mararu ni vusiku byiraru, hi swoswo a N'wana wa Mhunu atatrhama masiku mararu ni vusiku byiraru andreni ka misava. 41A vhanu va Niniva#12:41 Kuhlayiwa a ntsindra wa khale wa le Asiriya kusuhi ni nambu wa Tigrisi. vatayima, hi siku dra kuyavanyisa, kun'we ni lixaka ledri, vatadriyavanyisa hikusa vone vandrulukile, hi kudondrisa ka Yona; kasi akone kola lweyi atlulaka Yona. 42Na swone a mufumi wa xisati wa Nyingitimu atasekeleka, hi siku dra kuyavanyisa, kun'we ni lixaka ledri, atadriyavanyisa, hikusa yene apfi hi le vugan'wini bya misava akuva atatayingela avutlhari bya Salomoni. Kasi akone kola lweyi atlulaka Salomoni!
Kutlhela ka moya lowu mfani
(Lk 11:24-26)
43Loko a moya lowu mfani wuhuma ku mhunu, wufamba hi le mimbangwini leyi ya kuwoma akuva wuyatikumela a kuwisa, kambe loko wungakukumi, 44wahangahlaya wuku: Nitatlhelela andlwini yanga lomu nihumiki kone. Loko wutlhela, wutatakuma a yindlu leyo na yingena mhunu, yikukuliwile yiva yibekisiwa. 45Kolahu wufamba wuyateka min'wana ya ntlhanu na mibiri ya kubiha kutlula wone, mifamba hinkwayu miyatrhama ku mhunu lweyo, hikolahu a matrhamela ya mhunu lweyo matabiha kutlula a ya kusungula. Hi swoleswi switakahumelela a vhanu lava vamfani.
A vandangu wa Yesu
(Mrk 3:31-35; Lk 8:19-21)
46Kati loko Yene ahakhanela ni switrhungu, kakutlhasa mamana wakwe ni vamakwavu#12:46 A ritu draku vamakwavu adrihlayi ntsena vamakwavu va nyama, drihlaya na kone a vamakwavu alixakenei. vayima ahandle vadjula kukhanela na Yene. 47Kutani mun'we amutivisa aku: A mamana waku ni vamakwenu vakola handle, vadjula kukhanela na wene. 48Yene ayangula lweyi ayiki mutivisa aku: Hi mani a mamana wanga ni vamakweru xana? 49Kutani analavutela a voko a henhla ka vadondrisiwa vakwe aku: A mamana wanga ni vamakweru hi volava! 50Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.
Currently Selected:
Mt 12: NTX2007
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.
Mt 12
12
Yesu, HOSI ya Savata
(Mrk 2:23-28; Lk 6:1-5)
1Ankameni lowo, Yesu afa atremakanyi amakari ka masimu ya tirigo hi siku dra Savata. Kambe a vadondrisiwa vakwe afa vatwa ndlala, kutani vasungula kutrhova swibewu vada. 2A vafarisi loko vaswivona vaku ku Yene: Lavisa, a vadondrisiwa vaku vayentxa leswi swingapfumeliwikiki kuswiyentxa hi Savata. 3Kambe Yene avabyela aku: An'wingihlaya a Matralwini leswi Davida angaswiyentxa, loko yene ni lava afaka vali na yene vatwi ndlala xana? 4Leswi anhingeniki a Tempeleni, ni leswi vadiki a makati ya xikombiso, lawa afaka swingapfumeleliwi kuva ada, nambi hi lava afaka vali na yene, kambe ntsena hi vaprista. 5Xana an'wihlayanga a Nawini leswaku, amasikwini ya Savata, a vaprista vatlula milawu ya Savata a Tempeleni, vava vangavina nandru xana? 6Ke nan'wibyela leswaku: lweyi anga lani i nkulu kutlula a Tempele. 7#Lavisa Hx 6:6. Loko n'wine an'witivisisa a ntlhamuxelo wa Matralwa lawa maliki: Nidjula a timpswalu, angali switlhavelu, afa n'wingatiyavanyisa lava vangalikina nandru. 8Hikuva a N'wana wa Mhunu i HOSI ya Savata.
Yesu ahanyisa a wa kuwonyana voko
(Mrk 3:1-6; Lk 6:6-11)
9Kuti loko asuki kone, ayanhingena asinagogeni dravu. 10Afa kuni wanuna lweyi afaka ani voko drin'we dra kuwonyana; hi kudjula kukuma a mhaka ya kumurambela ha yone, a vafarisi vamuvutisa vaku: Xana swapfumeleliwa kuhanyisa mbabyi hi Savata? 11Yene avabyela aku: Hi mani ku n'wine, lweyi loko ali ni hamba leyi yiweliki kheleni hi Savata, anaka angayihumexi handle? 12Hi swoswo-ke, a mhunu ani lisima kutlula a hamba! Hi swoswo-ke swapfumeleliwa a kuyentxa leswi swinene hi Savata. 13Ahangabyela mhunu lweyo aku: Nalavuta a voko. Yene adrinalavuta dritlhela driwololoka, drifana ni drin'wana. 14Kolahu loko a vafarisi vahumile, vayahamba a makungu ya leswaku vatamudlayisa kuyini.
Muhlawuliwa wa Xikwembu Nkulukumba
15Loko Yesu aswitivile, asuka kolahu, kutani a vhanu vanyingi vamulandra; Yene ahanyisa hinkwavu 16kutani avaleleta leswaku vangamupaluxi. 17Akuva kuhetiseka ritu ledri dringahlayiwa hi muprofeta Ezaya, lweyi angaku: 18Hi lweyi a nandra wanga, lweyi nimuhlawuliki,
a murandriwa wanga, lweyi a hika dranga dringatrhavela yene.
Nitabeka a Moya wanga a henhla kwake,
yene atativisa a va-Matiko a kuyavanyisa. 19Angaka angapfuxi timholova, ni kubandlukana,
akuna lweyi atakayingela a ritu drakwe atindleleni. 20Angaka angatrhovi a lihlanga ledri drifahlekiki,
angaka angatimi a ngoti ya motre leyi yifufunhaka,
akondra ayentxa leswaku a kuyavanyisa kuhlula. 21Na swone a va-Matiko vatadumba vito drakwe.
Yesu na Beelzebule
(Mrk 3:20-30; Lk 11:14-23)
22Kutani vatisi ku Yene a mun'we wa kufa-mahlu ni kuva ali mbheveve, lweyi afaka ani mademoni; kutani Yene amuhanyisa lakakuva avona, ava avulavula. 23A switrhungu hinkwaswu afa swihlamala swiku: Xana yelweyi ahi N'wana Davida? 24Kambe a vafarisi loko vaswiyingelile, vaku: Lweyi a susa a mademoni hi ntamu wa Beelzebule, hosi ya mademoni. 25Yesu hi kutiva leswi afaka vapimisa swone, aku ku vone: A mfumu wun'wana ni wun'wana lowu wutihambanisaka wutandruluka hula, ni muti wun'wana ni wun'wana, kumbe yindlu leyi yitihambanisaka yingaka yingatiyi. 26Hileswo-ke, loko Sathana ahlongola Sathana, atihambanisa ha vuswake; xana-ke a mfumu wakwe wutatiyisa kuyini? 27Ni loko na mine nihlongola a mademoni ha Beelzebule, a vana venu vamahlongola ha mani? Hileswo-ke hi vone vatakava vayavanyisi venu. 28Ke loko mine nihlongola a mademoni hi Moya wa Xikwembu Nkulukumba, leswo swihlaya leswaku a Mfumu wa Xikwembu Nkulukumba wutlhasile ku n'wine. 29Xana a mhunu angaswikotisa kuyini akunhingena andlwini ya nuna wa ntamu ayiva a vukosi byake, loko angasungulanga hi kumutrimba? Hi kone-ke angakotaka a kuphanga a yindlu yake.
30Lweyi angeke na mine, alwa na mine, lweyi angahlengeletikiki na mine, awahangalasa. 31Hileswo-ke nan'wibyela nili: A swidoho ni swisandru hinkwaswu switadrivaleliwa ku vhanu, kambe a xisandru xa kusandra a Moya, xingaka xingadrivaleliwi. 32Ni loko kumbe mhunu ahumexela ritu dra kubiha ku N'wana wa Mhunu, atadrivaleliwa kambe kungaku loko ahlayi, asandra a Moya wa Kuxwenga, angaka angadrivaleliwi, nambi kuva ankameni lowu, nambi ali nkameni lowu wutakata.
A nsinya ni mihandru ya wone
(Lk 6:43-45)
33Kumbe n'wingahlaya leswaku a nsinya i wunene, wuhumexa a mihandru minene; kumbe n'wingahlaya leswaku wubihile, wuhumexa a mihandru ya kubiha; hikusa a nsinya wutibyiwa hi mihandru ya wone. 34Lixaka dra swipswhahla! N'wingaswikotisa kuyini akuhlaya mintxhumu leminene, kasi n'wine ha vuswenu n'wi vabihi? Hikusa mun'wana-ni-mun'wana, akhanela leswi anganaswu ambilwini. 35A mhunu munene ahumexa leswi swinene avukosini byake lebyi byinene; kasi a mhunu lweyi mfani ahumexa leswi swibihiki avukosini byake lebyi bya kubiha. 36Kambe nan'wibyela nili: A ritu hinkwadru dra kuka-ndlela ledri a vhanu vatakahlaya drone, vatatiyangulela hikola ka drone hi siku dra kuyavanyisa. 37Hikusa utahlayiwa lweyi wa kululama hi maritu yaku, na swone, utayavanyisiwa hi maritu yaku.
Xikombiso xa Yona
(Mrk 8:11-12; Lk 11:29-32)
38Ntrhaku ka leswo, van'we vatrali ni vafarisi vaku ku Yene: Mufundrisa, hidjula kukuvona uyentxa a xikombiso xin'we. 39Kambe Yene avayangula aku ku: A lixaka ledri drimfani, dra vumbuye, dridjula mahlolana! Kambe n'wingaka n'winganyikiwi xikombiso xin'wana, loko kunge xa muprofeta Yona. 40Swanga hi leswi Yona angava khurini dra nhlampfi masiku mararu ni vusiku byiraru, hi swoswo a N'wana wa Mhunu atatrhama masiku mararu ni vusiku byiraru andreni ka misava. 41A vhanu va Niniva#12:41 Kuhlayiwa a ntsindra wa khale wa le Asiriya kusuhi ni nambu wa Tigrisi. vatayima, hi siku dra kuyavanyisa, kun'we ni lixaka ledri, vatadriyavanyisa hikusa vone vandrulukile, hi kudondrisa ka Yona; kasi akone kola lweyi atlulaka Yona. 42Na swone a mufumi wa xisati wa Nyingitimu atasekeleka, hi siku dra kuyavanyisa, kun'we ni lixaka ledri, atadriyavanyisa, hikusa yene apfi hi le vugan'wini bya misava akuva atatayingela avutlhari bya Salomoni. Kasi akone kola lweyi atlulaka Salomoni!
Kutlhela ka moya lowu mfani
(Lk 11:24-26)
43Loko a moya lowu mfani wuhuma ku mhunu, wufamba hi le mimbangwini leyi ya kuwoma akuva wuyatikumela a kuwisa, kambe loko wungakukumi, 44wahangahlaya wuku: Nitatlhelela andlwini yanga lomu nihumiki kone. Loko wutlhela, wutatakuma a yindlu leyo na yingena mhunu, yikukuliwile yiva yibekisiwa. 45Kolahu wufamba wuyateka min'wana ya ntlhanu na mibiri ya kubiha kutlula wone, mifamba hinkwayu miyatrhama ku mhunu lweyo, hikolahu a matrhamela ya mhunu lweyo matabiha kutlula a ya kusungula. Hi swoleswi switakahumelela a vhanu lava vamfani.
A vandangu wa Yesu
(Mrk 3:31-35; Lk 8:19-21)
46Kati loko Yene ahakhanela ni switrhungu, kakutlhasa mamana wakwe ni vamakwavu#12:46 A ritu draku vamakwavu adrihlayi ntsena vamakwavu va nyama, drihlaya na kone a vamakwavu alixakenei. vayima ahandle vadjula kukhanela na Yene. 47Kutani mun'we amutivisa aku: A mamana waku ni vamakwenu vakola handle, vadjula kukhanela na wene. 48Yene ayangula lweyi ayiki mutivisa aku: Hi mani a mamana wanga ni vamakweru xana? 49Kutani analavutela a voko a henhla ka vadondrisiwa vakwe aku: A mamana wanga ni vamakweru hi volava! 50Hikusa lweyi ayentxaka akurandra ka Tatana wanga lweyi anga Matilweni, lweyo i makweru waxinuna, ni makweru wa xisati ni mamana wanga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Xironga New Testament with Psalms © Bible Society in Mozambique, 2007.