Matias 17
17
'U simulia Yesus
(Mrk. 9:2-13; Luk. 9:28-36)
1Wangere rarama palisi'i i'a Yesus 'o gasa 'a Petrus, 'a Yakobus re 'a Yohanes, ananga nga muḏiḏi gena-ge gia nongoḏu. Ananga 'aḏi masai'i re mabere ie toma kie kau'u rimoi re toma ngi'i gena-ge ngowa'a lelegu cua, pa'i ananga ḇato. 2Yesus 'ai rupa 'i ngali ra ananga nga ḏu'ange manga biono: 'Ai biono ma tarangi ma tero wangere ma la'o, re 'Ai pakeanga 'i dadi buḏo jama-jamanga. 3Gena ḏua, Yesus 'ai me-mete'e nga ḏu'ange, ananga 'aḏi oḏi'i 'a Musa re 'a Elia, 'aḏi makanau ra Yesus. 4Petrus 'o kanau i'a ra Yesus, “Ma Jou, rousu madutu ngene 'ane-ne. Na'o Ma Jou no nyanyaḏi, ngoi to side'oso suyu'u ḏu ro'ange toma ngi'i nena-ne: ḏu moi di'a Ma Jou, ḏu moi di'a Musa re ḏu moi ḏi'i di'a Elia.”
5Wakutu 'a Petrus 'o ka-kanau moju, kakamo lai tarangi ya'u sao ananga re toma kakamo gena-ge ma dara 'aḏi 'isene iḏingi ma betongo so'o ne: “Unanga nena-ne 'Ari Ngowa'a Nau'u ga'a Tu dadalara, Ngoi 'ari 'akala re sinyingara ma sanangi Ta sipa'ala ra Unanga. Ni 'isene Unanga!”#2Ptr. 1:17-18 #Do. 22:2; Nya. 2:7; Yes. 42:1; Mat. 3:17, 12:18; Mrk. 1:11; Luk. 3:22; Dad. 18:15
6Wakutu Yesus 'ai me-mete'e 'aḏi 'isene so'o gena, ananga 'aḏi dadi mojongo lai siḏi re 'aḏi ruba paga-pagara manga biono tala toma tana'a. 7Mada'a Yesus 'o sapolo re 'O cigi ananga re 'O kanau, “Ni momi'i, ni mojongo awa!” 8Wakutu ananga 'aḏi momi'i 'aḏi oḏi'i ngowa'a lelegu ua, pa'i Yesus masiretene.
9Wakutu ananga 'aḏi 'uci da'u kie tala, Yesus 'o sipo-poma ra ananga, “Awa ni sijarita ra guna ḇato mangale 'oru ga'a ni oḏi'i nange-ge singadolo Ngoi, Manusia ma Ngowa'a Nau'u, dadunu to 'ahu moju toma ngowa'a senge-sengene manga sigolona.”
10Yesus 'ai me-mete'e 'aḏi sano ra Unanga, “I'a sa'olo guru-guru 'agama 'aḏi kanau mangale nabi Elia balasu sapolo siḏa, kara 'O Mesias 'o sapolo?”#Mal. 4:5
11Yesus 'a sangoro, “Mode-mode'e nabi Elia ḏuanga i'a 'o sapolo, re unanga 'o sidiai 'ori i'a mo-moini di'a 'O Mesias. 12Mada'a Ngoi to siajele ra ngini nena-ne: Elia ro sapolo, mada'a ngowa'a 'aḏi nana'o unanga ua re 'aḏi 'a'a cira ra unanga mete'e ananga manga mau ḇato. So'o gena ḏi'i, ananga ḏuanga i'a 'aḏi 'a'a cira ra Ngoi, Manusia ma Ngowa'a Nau'u, mete'e ananga manga mau.”#Mat. 11:14
13Ḏua Yesus 'ai me-mete'e ya sahe wakutu Unanga 'o kanau mangale nabi Elia ga'a ro sapolo, 'Ai maksudu Yohanes tukanga baptis.
Yesus 'o si-la ngowa 'olo matengo roh ma jira 'u dungosama
(Mrk. 9:14-29; Luk. 9:37-43a)
14Wakutu Yesus re 'Ai me-mete'e nga ḏu'ange ananga 'aḏi maḏibo i'a toma ngowa'a kawasa gena-ge, na-nau'u matengo 'o sapolo re 'o maḏipolono ra Yesus 'ai biono. 15Unanga 'o kanau, “Jou, no sijumu 'Ani 'akala re sinyingara ma la-la tari ngowa'a na-nau'u. Unanga 'o sarasone re 'o basono sangisara lai siḏi. Dadi soi rai o'o i'a unanga 'o eta'a toma u'u re toma ḇanyo. 16Ngoi reto gasa unanga Tani me-mete'e, mada'a unanga ananga 'u si-la yoḏu'u.”
17Yesus 'a sangoro, “Ngini mode-mode'e ngowa-ngowa'a ga'a ni ngaku Ngoi ua re ni iranga ninga ngo'omo! Singadolo ma di'ara ngau moju, Ngoi balasu to tegoro marimoi ra ngini?! Singadolo ma di'ara ngau moju, Ngoi to sidodai 'Ari 'akala ḇanyo ra ngini?! Gasa ino ngowa 'olo gena-ge!” 18Gena ḏua, Yesus 'a soma'a roh ma jira, ga'a 'i osama toma ngowa 'olo gena-ge, 'i supu. Dadi roh ma jira gena-ge 'i supu. Toma 'orasa gena-ge ḏua, ngowa 'olo gena-ge ro la.
19Gena ḏua, wakutu Yesus pa'i 'o matengo ḇato, 'Ai me-mete'e 'aḏi sapolo ra Unanga re 'aḏi sano, “I'a sa'olo ngomi mi dusu'u yoḏu'u roh ma jira gena-ge?”
20Yesus 'a sangoro, “Sababu ngini ninga ngo-ngaku pa'i ceka'a ua. Ni ngaku mode-mode'e 'Ari demo-demo nena-ne: Na'o ngini ninga ngo-ngaku ma lamo'o sa'olo gisisi lai ceka'a ngai moi, ngini nga'unu kanau toma kie nena-ne ‘Malage i'a da'a’ re tantu ḏua enanga 'i malage. Na'o ngini ninga ngo-ngaku so'o gena, 'oru ḇato ngini nga'unu na 'a'a!” #Mat. 21:21; Mrk. 11:23; 1Kor. 13:2 [ 21Mada'a roh ma jira so'o nena-ne, ngini nyengara na dusu'u pa'i ni manyiata re puasa ḇato.]
Yesus 'o kanau moju mangale 'Ai se-sengene
(Mrk. 9:30-32; Luk. 9:43b-45)
22Wakutu Yesus re 'Ai me-mete'e, ananga 'aḏi malomu toma Galilea, Yesus 'o kanau ra ananga, “Ngoi, Manusia ma Ngowa'a Nau'u ḏuanga i'a sipula'a toma manusia ma kuasa. 23Ngoi, ananga Ri sisengene, mada'a toma wangere ma soi ro'ange, Ngoi dadunu to 'ahu moju.”
Re 'Ai me-mete'e 'aḏi garura madutu.
Ma Jou'ongu Madutu 'ai Wala ma balastengi
24Wakutu Yesus re 'Ai me-mete'e, ananga 'aḏi ngadolo toma limau Kapernaum, ngowa'a ga'a lomu balastengi di'a Ma Jou'ongu Madutu 'ai Wala, ananga 'aḏi sapolo re sano ra Petrus, “ 'Ani guru 'o fangu bolo ua balastengi di'a Ma Jou'ongu Madutu 'ai Wala?”#Sup. 30:13, 38:26
25Petrus 'a sangoro i'a, “Unanga 'a fangu!”
Wakutu Petrus 'o ḏibo ino 'o osama toma wala ma dara, Yesus 'o sano ra unanga siḏa, “Simon, mete'e 'ani wo-waro: 'a guna fangu balastengi re bea toma 'olana-'olana dungia nena-ne, manga rayata bolo ngowa'a sa-sapolo ino?”
26Petrus 'a sangoro, “Ngowa'a sa-sapolo ino.”
Yesus 'o kanau, “Na'o so'o gena, rayata paralu ua fangu balastengi. 27Mada'a awa ngene wa'u caḏabi ngowa-ngowa'a ga'a lomu balastengi gena-ge. Dadi, ngana si'a toma talaga di'a no ga-gawolo nyao'o. Re ngana no 'oro nyao'o ga'a na tuono ma mulaingi re ngana no sanga pipisi-pipisi toma nyao'o ma madanga. Pipisi-pipisi gena-ge 'i site-tero ngene nga muḏiḏi nanga balastengi di'a Ma Jou'ongu Madutu 'ai Wala. Ḏua ngana no pula'a pipisi-pipisi gena-ge toma ngowa'a ga'a lomu balastengi di'a Ma Jou'ongu Madutu 'ai Wala.”
Currently Selected:
Matias 17: SNT
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society
Matias 17
17
'U simulia Yesus
(Mrk. 9:2-13; Luk. 9:28-36)
1Wangere rarama palisi'i i'a Yesus 'o gasa 'a Petrus, 'a Yakobus re 'a Yohanes, ananga nga muḏiḏi gena-ge gia nongoḏu. Ananga 'aḏi masai'i re mabere ie toma kie kau'u rimoi re toma ngi'i gena-ge ngowa'a lelegu cua, pa'i ananga ḇato. 2Yesus 'ai rupa 'i ngali ra ananga nga ḏu'ange manga biono: 'Ai biono ma tarangi ma tero wangere ma la'o, re 'Ai pakeanga 'i dadi buḏo jama-jamanga. 3Gena ḏua, Yesus 'ai me-mete'e nga ḏu'ange, ananga 'aḏi oḏi'i 'a Musa re 'a Elia, 'aḏi makanau ra Yesus. 4Petrus 'o kanau i'a ra Yesus, “Ma Jou, rousu madutu ngene 'ane-ne. Na'o Ma Jou no nyanyaḏi, ngoi to side'oso suyu'u ḏu ro'ange toma ngi'i nena-ne: ḏu moi di'a Ma Jou, ḏu moi di'a Musa re ḏu moi ḏi'i di'a Elia.”
5Wakutu 'a Petrus 'o ka-kanau moju, kakamo lai tarangi ya'u sao ananga re toma kakamo gena-ge ma dara 'aḏi 'isene iḏingi ma betongo so'o ne: “Unanga nena-ne 'Ari Ngowa'a Nau'u ga'a Tu dadalara, Ngoi 'ari 'akala re sinyingara ma sanangi Ta sipa'ala ra Unanga. Ni 'isene Unanga!”#2Ptr. 1:17-18 #Do. 22:2; Nya. 2:7; Yes. 42:1; Mat. 3:17, 12:18; Mrk. 1:11; Luk. 3:22; Dad. 18:15
6Wakutu Yesus 'ai me-mete'e 'aḏi 'isene so'o gena, ananga 'aḏi dadi mojongo lai siḏi re 'aḏi ruba paga-pagara manga biono tala toma tana'a. 7Mada'a Yesus 'o sapolo re 'O cigi ananga re 'O kanau, “Ni momi'i, ni mojongo awa!” 8Wakutu ananga 'aḏi momi'i 'aḏi oḏi'i ngowa'a lelegu ua, pa'i Yesus masiretene.
9Wakutu ananga 'aḏi 'uci da'u kie tala, Yesus 'o sipo-poma ra ananga, “Awa ni sijarita ra guna ḇato mangale 'oru ga'a ni oḏi'i nange-ge singadolo Ngoi, Manusia ma Ngowa'a Nau'u, dadunu to 'ahu moju toma ngowa'a senge-sengene manga sigolona.”
10Yesus 'ai me-mete'e 'aḏi sano ra Unanga, “I'a sa'olo guru-guru 'agama 'aḏi kanau mangale nabi Elia balasu sapolo siḏa, kara 'O Mesias 'o sapolo?”#Mal. 4:5
11Yesus 'a sangoro, “Mode-mode'e nabi Elia ḏuanga i'a 'o sapolo, re unanga 'o sidiai 'ori i'a mo-moini di'a 'O Mesias. 12Mada'a Ngoi to siajele ra ngini nena-ne: Elia ro sapolo, mada'a ngowa'a 'aḏi nana'o unanga ua re 'aḏi 'a'a cira ra unanga mete'e ananga manga mau ḇato. So'o gena ḏi'i, ananga ḏuanga i'a 'aḏi 'a'a cira ra Ngoi, Manusia ma Ngowa'a Nau'u, mete'e ananga manga mau.”#Mat. 11:14
13Ḏua Yesus 'ai me-mete'e ya sahe wakutu Unanga 'o kanau mangale nabi Elia ga'a ro sapolo, 'Ai maksudu Yohanes tukanga baptis.
Yesus 'o si-la ngowa 'olo matengo roh ma jira 'u dungosama
(Mrk. 9:14-29; Luk. 9:37-43a)
14Wakutu Yesus re 'Ai me-mete'e nga ḏu'ange ananga 'aḏi maḏibo i'a toma ngowa'a kawasa gena-ge, na-nau'u matengo 'o sapolo re 'o maḏipolono ra Yesus 'ai biono. 15Unanga 'o kanau, “Jou, no sijumu 'Ani 'akala re sinyingara ma la-la tari ngowa'a na-nau'u. Unanga 'o sarasone re 'o basono sangisara lai siḏi. Dadi soi rai o'o i'a unanga 'o eta'a toma u'u re toma ḇanyo. 16Ngoi reto gasa unanga Tani me-mete'e, mada'a unanga ananga 'u si-la yoḏu'u.”
17Yesus 'a sangoro, “Ngini mode-mode'e ngowa-ngowa'a ga'a ni ngaku Ngoi ua re ni iranga ninga ngo'omo! Singadolo ma di'ara ngau moju, Ngoi balasu to tegoro marimoi ra ngini?! Singadolo ma di'ara ngau moju, Ngoi to sidodai 'Ari 'akala ḇanyo ra ngini?! Gasa ino ngowa 'olo gena-ge!” 18Gena ḏua, Yesus 'a soma'a roh ma jira, ga'a 'i osama toma ngowa 'olo gena-ge, 'i supu. Dadi roh ma jira gena-ge 'i supu. Toma 'orasa gena-ge ḏua, ngowa 'olo gena-ge ro la.
19Gena ḏua, wakutu Yesus pa'i 'o matengo ḇato, 'Ai me-mete'e 'aḏi sapolo ra Unanga re 'aḏi sano, “I'a sa'olo ngomi mi dusu'u yoḏu'u roh ma jira gena-ge?”
20Yesus 'a sangoro, “Sababu ngini ninga ngo-ngaku pa'i ceka'a ua. Ni ngaku mode-mode'e 'Ari demo-demo nena-ne: Na'o ngini ninga ngo-ngaku ma lamo'o sa'olo gisisi lai ceka'a ngai moi, ngini nga'unu kanau toma kie nena-ne ‘Malage i'a da'a’ re tantu ḏua enanga 'i malage. Na'o ngini ninga ngo-ngaku so'o gena, 'oru ḇato ngini nga'unu na 'a'a!” #Mat. 21:21; Mrk. 11:23; 1Kor. 13:2 [ 21Mada'a roh ma jira so'o nena-ne, ngini nyengara na dusu'u pa'i ni manyiata re puasa ḇato.]
Yesus 'o kanau moju mangale 'Ai se-sengene
(Mrk. 9:30-32; Luk. 9:43b-45)
22Wakutu Yesus re 'Ai me-mete'e, ananga 'aḏi malomu toma Galilea, Yesus 'o kanau ra ananga, “Ngoi, Manusia ma Ngowa'a Nau'u ḏuanga i'a sipula'a toma manusia ma kuasa. 23Ngoi, ananga Ri sisengene, mada'a toma wangere ma soi ro'ange, Ngoi dadunu to 'ahu moju.”
Re 'Ai me-mete'e 'aḏi garura madutu.
Ma Jou'ongu Madutu 'ai Wala ma balastengi
24Wakutu Yesus re 'Ai me-mete'e, ananga 'aḏi ngadolo toma limau Kapernaum, ngowa'a ga'a lomu balastengi di'a Ma Jou'ongu Madutu 'ai Wala, ananga 'aḏi sapolo re sano ra Petrus, “ 'Ani guru 'o fangu bolo ua balastengi di'a Ma Jou'ongu Madutu 'ai Wala?”#Sup. 30:13, 38:26
25Petrus 'a sangoro i'a, “Unanga 'a fangu!”
Wakutu Petrus 'o ḏibo ino 'o osama toma wala ma dara, Yesus 'o sano ra unanga siḏa, “Simon, mete'e 'ani wo-waro: 'a guna fangu balastengi re bea toma 'olana-'olana dungia nena-ne, manga rayata bolo ngowa'a sa-sapolo ino?”
26Petrus 'a sangoro, “Ngowa'a sa-sapolo ino.”
Yesus 'o kanau, “Na'o so'o gena, rayata paralu ua fangu balastengi. 27Mada'a awa ngene wa'u caḏabi ngowa-ngowa'a ga'a lomu balastengi gena-ge. Dadi, ngana si'a toma talaga di'a no ga-gawolo nyao'o. Re ngana no 'oro nyao'o ga'a na tuono ma mulaingi re ngana no sanga pipisi-pipisi toma nyao'o ma madanga. Pipisi-pipisi gena-ge 'i site-tero ngene nga muḏiḏi nanga balastengi di'a Ma Jou'ongu Madutu 'ai Wala. Ḏua ngana no pula'a pipisi-pipisi gena-ge toma ngowa'a ga'a lomu balastengi di'a Ma Jou'ongu Madutu 'ai Wala.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society