Matias 21
21
Wakutu Yesus osama limau Yerusalem, ngowa'a kawasa 'U puji re silamo'o
(Mrk. 11:1-11; Luk. 19:28-40; Yoh. 12:12-19)
1Wakutu ananga 'aḏi co-cori limau Yerusalem, ananga 'aḏi ngadolo toma gamu Betfage toma Polono Zaitun. Toma ngi'i gena-ge Yesus 'o soma'a 'ai me-mete'e nga muḏiḏi, ananga tagi siḏa. 2Unanga 'o kanau ra ananga gena-ge, “Ngini ni tagi siḏa i'a da'a toma gamu taninga biono. I'a da'a ni oḏi'i keledai rimoi rema ngowa, ngowa'a ya sipiri'u i'a. Na pasala enanga romoḏiḏi ma gumi re na gasa ino 'ane. 3Na'o matengo i'a 'o sano ra ngini mangale 'oru ni 'a'a so'o gena-ge, ni kanau, ‘Ma Jou 'a paralu.’ Ḏua unanga gena-ge 'a dola'aku ua ngini na gasa keledai rimoi rema ngowa.”
4Enanga 'i dadi so'o gena, la sitotomo 'oru ga'a nabi 'a sinubuata pasala ḏua:
5“Siajele ngowa-ngowa'a toma limau Yerusalem.
‘Oḏi'i, ninga 'Olana 'o sapolo ra ngini ino,
Unanga 'ai 'akala re sinyingara 'i mereoso re 'O maholo tala
re 'O mabalene toma keledai rimoi,
toma keledai ra-ramasa ie.’ ”#Za. 9:9
6Dadi 'Ai me-mete'e nga muḏiḏi gena-ge 'aḏi tagi, re ya si'a'a ma tero sa'olo 'oru ga'a Yesus 'o bererongo ra ananga. 7Ananga ya gasa keledai gena-ge rema ngowa. Ḏua ananga ya siwangini manga juba toma keledai romoḏiḏi ma dudunu, kara Yesus 'o mabalene. 8Ngowa'a kawasa ya woi'i manga juba re ya sisela toma ngo'omo. Re 'age rema ngowa'a lelegu ḏi'i 'aḏi tola'a ate ma umanga ya siwangini toma tapaka. 9Ngowa'a kawasa ga'a 'aḏi tagi siḏa-siḏa re ḏi'i ngowa'a kawasa ga'a 'aḏi tu-tuu'u ra Yesus, ananga mo-moini 'aḏi poa'a so'o ne:
“Puji re silamo'o 'Olana Daud 'ai ju'uda!”#21:9: 'Olana Daud 'ai ju'uda ma tero sa'olo: Daud 'ai Ngowa'a Nau'u.
“Sibarakati Unanga ga'a 'o sapolo ra Ma Jou'ongu Madutu 'ai lomanga!”
“Puji re silamo'o Ma Jou'ongu Madutu toma Gau'u!”#Nya. 118:26
10Wakutu Yesus 'o osama limau Yerusalem, ngowa'a mo-moini toma limau gena-ge 'aḏi nyiwere re 'aḏi ma'u sano, “Unanga nena-ne 'a guna?”
11Ngowa'a kawasa ga'a 'aḏi mamete'e ra Unanga 'aḏi sangoro, “Unanga nena-ne Yesus, nabi toma limau Nazaret toma daeraha Galilea ino.”
Yesus 'o osama ra Ma Jou'ongu Madutu 'ai Wala
(Mrk. 11:15-19; Luk. 19:45-48; Yoh. 2:13-22)
12Gena ḏua, Yesus 'o osama ra Ma Jou'ongu Madutu 'ai Wala ma soana re 'O dusu'u ngowa'a ga'a 'aḏi mawu'unu re matibo toma ngi'i gena-ge. Unanga 'a sipagara ngowa-ngowa'a singali-ngali pipisi manga meja re 'a siruba ngowa-ngowa'a mawu'unu namo dara manga bako-bako. 13Ḏua Unanga 'o kanau i'a ra ananga, “Toma Boku 'Ofi-'Ofi 'i silefo mangale Ma Jou'ongu Madutu 'o kanau so'o ne: ‘ 'Ari wala ngowa'a ḏuanga i'a ya silomanga manyiata ma wala.’ Mada'a ngini ni si'a'a ngowa'a to-tori'i manga ngi'i!”#Yes. 56:7; Yer. 7:11
14Ngowa'a hafu re ngowa'a ḇolo 'aḏi sapolo ra Yesus ra Ma Jou'ongu Madutu 'ai Wala ma soana re Unanga ya'u si-la. 15Mada'a 'imam-'imam ma sae'e re guru-guru 'agama, ananga gena-ge 'aḏi ruta ra Yesus. Sababu ananga gena-ge 'aḏi oḏi'i Unanga 'o 'a'a ga'a hera-heranga, re 'isene ngowa 'olo 'aḏi poa'a ra Ma Jou'ongu Madutu 'ai Wala ma soana: “Puji re silamo'o 'Olana Daud 'ai ju'uda!”#21:15: 'Olana Daud 'ai ju'uda ma tero sa'olo: Daud 'ai Ngowa'a Nau'u.
16Dadi ananga 'aḏi sano ra Yesus, “Ngana no 'isene ananga 'aḏi poa'a 'oru?”
Yesus 'a sangoro, “Ya, Ngoi ta 'isene. Tantu ḏua ngini rena baca 'oru ga'a 'i silefo toma Boku 'Ofi-'Ofi so'o ne:
‘Ma Jou'ongu Madutu reno doto'o ngowa 'olo re ngowa kiau di'a 'aḏi puji re silamo'o ti-tiai Unanga.’ ”#Nya. 8:3
17Gena ḏua, Yesus 'o supu sisoi'i tala ananga toma limau Yerusalem re 'O tagi toma gamu Betania re 'O otu toma gamu gena-ge.
Yesus 'a sisasi ate 'ara
(Mrk. 11:12-14, 20-24)
18Ma ḇiḇini ino da-daini i'a moju, wakutu Yesus 'o maḏibo toma limau Yerusalem, toma ngo'omo ma golona, Unanga 'o basono sawini. 19Dadi wakutu Unanga 'o oḏi'i ate 'ara ḏu moi toma ngo'omo ma 'uḏu, Unanga 'o tagi sebanga i'a toma ate gena-ge. Mada'a kalaha ate gena-ge rema ma so'a, Unanga 'a oḏi'i ma sowo'o rimoi i'a mai ua!#21:19 Biasa, na'o ate 'ara rema so'a, 'age sowo'o ceka'a i'a ḏi'i. Ḏua Yesus 'a kanau i'a toma ate gena-ge, “Mulaingi toma 'orasa nena-ne re si'a, ngana kama sowo'o riwara!” Ate gena-ge jau-jau ri wa'alo.
20Wakutu Yesus 'ai me-mete'e ya oḏi'i 'oru 'i dadi gena-ge, ananga 'aḏi heranga masala. Ananga 'aḏi sano, “I'a sa'olo ate are gena-ge ri wa'alo caiti?”
21Yesus 'a sangoro, “Ni ngaku mode-mode'e 'Ari demo-demo nena-ne: Na'o ngini ni ngaku mode-mode'e re na sitaka-taka ua, ngini nga'unu na si'a'a ma tero sa'olo Ngoi ta si'a'a toma ate 'ara nena-ne. Re pa'i gena-ge ḇato ua, ngini nyengara ni kanau kie nena-ne, ‘No malage re no eta'a toma ngoloto.’ Re enanga gena-ge ḏuanga i'a 'i dadi.#Mat. 17:20; 1Kor. 13:2 22Na'o ngini ni ngaku mode-mode'e, 'oru ḇato ngini golo'o taninga nyiata ma dara, ngini ḏuanga i'a na dawongo.”
So-sano mangale Yesus 'ai kuasa
(Mrk. 11:27-33; Luk. 20:1-8)
23Gena ḏua, Yesus dadunu 'o maḏibo re 'o osama ra Ma Jou'ongu Madutu 'ai Wala ma soana, di'a 'O doto'o. Wakutu Unanga 'o doto'o ngowa'a moju, 'imam-'imam ma sae'e re Yahudi manga bi-biri'i 'aḏi sapolo ra Unanga re 'aḏi sano, “No sanga 'Ani kuasa le'a ino, singadolo Ngana no 'a'a mo-moini gena-ge? Re 'a guna 'o pula'a kuasa ra Ngana?”
24Yesus 'a sangoro, “Ngoi ḏi'i mau to sano siḏa ra ngini. Na'o ngini nga'unu na sangoro, kara Ngoi ta siajele 'a guna pula'a kuasa ra Ngoi singadolo Ngoi ta si'a'a mo-moini gena-ge. 25'A Yohanes tukanga baptis, unanga gena-ge 'o sanga 'ai kuasa ra guna ino? Ra Ma Jou'ongu Madutu bolo toma manusia ino?”
Ḏua 'imam-'imam ma sae'e re Yahudi manga bi-biri'i 'aḏi ma'u kanau tamanga sigolona, “Na'o ngene wo sangoro ‘ 'A Yohanes gena-ge 'o sanga kuasa ra Ma Jou'ongu Madutu ino,’ ḏua Unanga 'o sano, ‘Na'o so'o gena-ge, i'a sa'olo ngini ni ngaku Unanga ua?’ 26Mada'a na'o wo sangoro, ‘Unanga 'o sanga kuasa toma manusia ino,’ ngene wo mojongo ngowa'a repe sababu ananga mo-moini 'aḏi ngaku Yohanes gena-ge 'o dadi nabi.”
27Dadi ananga 'aḏi sangoro, “Ngomi ma waro ua.”
Ḏua Yesus 'o kanau ra ananga, “Na'o so'o gena, Ngoi mai ta siajele ua ra ngini mangale Ngoi to sanga kuasa ra guna ino, singadolo nga'unu ta si'a'a mo-moini gena-ge.”
'Ade-'ade mangale ngowa'a nau'u nga muḏiḏi
28Yesus dadunu 'o kanau toma 'imam-'imam ma sae'e re Yahudi manga bi-biri'i, “Ngini ninga 'akala ma sanga sa'olo mangale nena-ne? 'Age rema ḇaḇa matengo ga'a 'ai ngowa'a nau'u nga muḏiḏi. Unanga 'o tagi ra ma ngowa'a nau'u ma ioro re 'o kanau, ‘ 'Ari ngowa'a nau'u, wangere nange-ne ngana no tagi munara toma guḏa 'anggur.’
29Ngowa'a nau'u ma ioro 'a sangoro, ‘Ngoi to oḏu'u.’ Mada'a togumu i'a 'o maḏibanga 'a siḏibo 'ai 'akala re sinyingara re 'o tagi munara toma guḏa 'anggur. 30Gena ḏua, ḇaḇa gena-ge 'o tagi tai ngowa'a ma nongoḏu re 'o kanau so'o gena ḏi'i. Ngowa'a ma nongoḏu gena-ge 'a sangoro, ‘Ya baba.’ Mada'a unanga 'o tagi ua.
31Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?”
Ananga gena-ge ya sangoro, “Ngowa'a nau'u ma ioro.”
Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta;#21:31 “Ma Jou'ongu Madutu 'ai Pareta” ma tero Soroga ma Pareta. Gena-ge ma tero toma bu-bula'a 43. mada'a ngini ua! 32Sababu Yohanes tukanga baptis, unanga ro sapolo re sijumu ra ngini mangale 'ahu ma duhu ga'a mete'e Ma Jou'ongu Madutu 'ai 'akala ma mau. Mada'a ngini ni ngaku ua unanga 'ai do-doto'o. Siḏibo ḏi'i, ngowa'a golo-golo'o balastengi re we-were'a su-sudala, ananga gena-ge raḏi ngaku 'ai do-doto'o. Sidogo ḏi'i, kalaha ngini reni oḏi'i gena-ge, ngini ni maḏibo ua toma ngo'omo boloto re ni ngaku ua moju Yohanes 'ai do-doto'o!”#Luk. 3:12, 7:29-30
'Ade-'ade mangale ngowa'a munara toma guḏa 'anggur
(Mrk. 12:1-12; Luk. 20:9-19)
33Yesus 'o kanau moju, “ 'Isene toma 'ade-'ade ma lelegu rimoi ḏi'i: 'Age rema guḏa ma dutu matengo 'o otomo 'anggur tai guḏa ḇotu moi. Gena ḏua, unanga 'a hisa sigoloḏi re 'o paiti tana'a ma duso'o di'a 'anggur ma sowo'o ma jo-jo'o. Gena ḏua, side'oso wala teru di'a ngowa'a jaga. Togumu i'a, unanga 'o sisewa toma ngowa-ngowa'a munara toma guḏa kara 'o tagi toma nagara lelegu.#Yes. 5:1-2 34Wakutu ma 'orasa 'utu'u 'anggur enanga 'i ngadolo, guḏa ma dutu 'o siḏingoto 'ai budaka-budaka 'aḏi tagi tai ngowa-ngowa'a munara toma guḏa di'a ya 'oro 'ai balangu.
35Mada'a ngowa-ngowa'a munara toma guḏa ya'u cako'o guḏa ma dutu 'ai budaka-budaka gena-ge: Matengo ya'u ca'olo, ma lelegu ya'u sisengene, ma lelegu ya'u poini reo maḏi singadolo 'o sengene. 36Ḏua guḏa ma dutu dadunu siḏingoto 'ai budaka-budaka ma lelegu lebe repe i'a reo ma mulaingi. Mada'a ngowa-ngowa'a munara toma guḏa ya'u 'a'a cira ma tero so'o gena ḏi'i. 37Ma ḏo-ḏogumu tala, guḏa ma dutu 'o siḏingoto 'ai ngowa'a nau'u masiretene. Unanga 'o fikiri so'o ne: ‘Tantu ḏua ngowa-ngowa'a munara toma guḏa, ananga 'aḏi silamo'o 'ai ngowa'a nau'u.’
38Mada'a wakutu ngowa-ngowa'a munara toma guḏa 'aḏi oḏi'i guḏa ma dutu 'ai ngowa'a nau'u 'o sapolo, ananga 'aḏi ma'u kanau matengo re matengo, ‘Unanga nena-ne 'o warisi ma gu-gu'u. Ino ngene wu sisengene unanga, la ngene wa sanga 'ai warisi!’ 39Dadi guḏa ma dutu 'ai ngowa'a nau'u, ananga 'u cako'o re 'u upa'a toma guḏa 'anggur ma di'anga, kara 'u sisengene.”
40Gena ḏua, Yesus 'o sano toma 'imam-'imam ma sae'e re Yahudi manga bi-biri'i, “Dadi, wakutu guḏa ma dutu ḏuanga i'a 'o sapolo, unanga 'o 'a'a 'oru tai ngowa-ngowa'a munara toma guḏa gena-ge?”
41Ananga ya sangoro, “Tantu ḏua unanga ya'u sisengene ngowa-ngowa'a ma jira gena-ge, kara guḏa ma dutu 'o sisewa 'ai guḏa 'anggur toma ngowa'a munara toma guḏa ma lelegu ga'a mau ya pula'a guḏa ma dutu 'ai balangu wakutu 'utu'u ma 'orasa 'i ngadolo.”
42Ḏua Yesus 'o kanau ra ananga, “Tantu ḏua ngini rena baca 'oru ga'a 'i silefo toma Boku 'Ofi-'Ofi so'o ne:
‘Maḏi ga'a wala ma tukanga ya upa'a ḏua,
ma nyonyata maḏi gena-ge ri dadi maḏi ma re'u i'a di'a wala ma bangini.
Gena-ge Ma Jou'ongu Madutu 'ai munara,
re tananga momina 'i rousu masala!’ ”#Nya. 118:22-23
43“Sababu gena-ge, Ngoi to siajele ra ngini nena-ne: Ngini ninga haku sa'olo Ma Jou'ongu Madutu 'ai 'umata, gena-ge Ma Jou'ongu Madutu 'a 'oro re 'A sipula'a di'a bangsa lelegu ga'a manga 'ahu mete'e Ma Jou'ongu Madutu 'ai 'akala ma mau. [44Re ngowa'a 'aḏi eta'a toma maḏi gena-ge 'aḏi wejere rotu-rotu, re ngowa'a ga'a maḏi gena-ge ya'u pe-pe'ara, ananga 'aḏi wejere singadolo 'aḏi dadi korou'u.]”
45Wakutu 'imam-'imam ma sae'e re ngowa'a Farisi ya 'isene Yesus 'ai 'ade-'ade gena-ge, ananga 'aḏi waro Unanga 'o kanau so'o gena-ge mangale ananga. 46Dadi ananga 'aḏi disa ngo'omo di'a cako'o Unanga. Mada'a ananga 'aḏi mojongo ngowa'a repe sababu ananga 'aḏi ngaku Yesus gena-ge 'o dadi nabi.
Currently Selected:
Matias 21: SNT
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society
Matias 21
21
Wakutu Yesus osama limau Yerusalem, ngowa'a kawasa 'U puji re silamo'o
(Mrk. 11:1-11; Luk. 19:28-40; Yoh. 12:12-19)
1Wakutu ananga 'aḏi co-cori limau Yerusalem, ananga 'aḏi ngadolo toma gamu Betfage toma Polono Zaitun. Toma ngi'i gena-ge Yesus 'o soma'a 'ai me-mete'e nga muḏiḏi, ananga tagi siḏa. 2Unanga 'o kanau ra ananga gena-ge, “Ngini ni tagi siḏa i'a da'a toma gamu taninga biono. I'a da'a ni oḏi'i keledai rimoi rema ngowa, ngowa'a ya sipiri'u i'a. Na pasala enanga romoḏiḏi ma gumi re na gasa ino 'ane. 3Na'o matengo i'a 'o sano ra ngini mangale 'oru ni 'a'a so'o gena-ge, ni kanau, ‘Ma Jou 'a paralu.’ Ḏua unanga gena-ge 'a dola'aku ua ngini na gasa keledai rimoi rema ngowa.”
4Enanga 'i dadi so'o gena, la sitotomo 'oru ga'a nabi 'a sinubuata pasala ḏua:
5“Siajele ngowa-ngowa'a toma limau Yerusalem.
‘Oḏi'i, ninga 'Olana 'o sapolo ra ngini ino,
Unanga 'ai 'akala re sinyingara 'i mereoso re 'O maholo tala
re 'O mabalene toma keledai rimoi,
toma keledai ra-ramasa ie.’ ”#Za. 9:9
6Dadi 'Ai me-mete'e nga muḏiḏi gena-ge 'aḏi tagi, re ya si'a'a ma tero sa'olo 'oru ga'a Yesus 'o bererongo ra ananga. 7Ananga ya gasa keledai gena-ge rema ngowa. Ḏua ananga ya siwangini manga juba toma keledai romoḏiḏi ma dudunu, kara Yesus 'o mabalene. 8Ngowa'a kawasa ya woi'i manga juba re ya sisela toma ngo'omo. Re 'age rema ngowa'a lelegu ḏi'i 'aḏi tola'a ate ma umanga ya siwangini toma tapaka. 9Ngowa'a kawasa ga'a 'aḏi tagi siḏa-siḏa re ḏi'i ngowa'a kawasa ga'a 'aḏi tu-tuu'u ra Yesus, ananga mo-moini 'aḏi poa'a so'o ne:
“Puji re silamo'o 'Olana Daud 'ai ju'uda!”#21:9: 'Olana Daud 'ai ju'uda ma tero sa'olo: Daud 'ai Ngowa'a Nau'u.
“Sibarakati Unanga ga'a 'o sapolo ra Ma Jou'ongu Madutu 'ai lomanga!”
“Puji re silamo'o Ma Jou'ongu Madutu toma Gau'u!”#Nya. 118:26
10Wakutu Yesus 'o osama limau Yerusalem, ngowa'a mo-moini toma limau gena-ge 'aḏi nyiwere re 'aḏi ma'u sano, “Unanga nena-ne 'a guna?”
11Ngowa'a kawasa ga'a 'aḏi mamete'e ra Unanga 'aḏi sangoro, “Unanga nena-ne Yesus, nabi toma limau Nazaret toma daeraha Galilea ino.”
Yesus 'o osama ra Ma Jou'ongu Madutu 'ai Wala
(Mrk. 11:15-19; Luk. 19:45-48; Yoh. 2:13-22)
12Gena ḏua, Yesus 'o osama ra Ma Jou'ongu Madutu 'ai Wala ma soana re 'O dusu'u ngowa'a ga'a 'aḏi mawu'unu re matibo toma ngi'i gena-ge. Unanga 'a sipagara ngowa-ngowa'a singali-ngali pipisi manga meja re 'a siruba ngowa-ngowa'a mawu'unu namo dara manga bako-bako. 13Ḏua Unanga 'o kanau i'a ra ananga, “Toma Boku 'Ofi-'Ofi 'i silefo mangale Ma Jou'ongu Madutu 'o kanau so'o ne: ‘ 'Ari wala ngowa'a ḏuanga i'a ya silomanga manyiata ma wala.’ Mada'a ngini ni si'a'a ngowa'a to-tori'i manga ngi'i!”#Yes. 56:7; Yer. 7:11
14Ngowa'a hafu re ngowa'a ḇolo 'aḏi sapolo ra Yesus ra Ma Jou'ongu Madutu 'ai Wala ma soana re Unanga ya'u si-la. 15Mada'a 'imam-'imam ma sae'e re guru-guru 'agama, ananga gena-ge 'aḏi ruta ra Yesus. Sababu ananga gena-ge 'aḏi oḏi'i Unanga 'o 'a'a ga'a hera-heranga, re 'isene ngowa 'olo 'aḏi poa'a ra Ma Jou'ongu Madutu 'ai Wala ma soana: “Puji re silamo'o 'Olana Daud 'ai ju'uda!”#21:15: 'Olana Daud 'ai ju'uda ma tero sa'olo: Daud 'ai Ngowa'a Nau'u.
16Dadi ananga 'aḏi sano ra Yesus, “Ngana no 'isene ananga 'aḏi poa'a 'oru?”
Yesus 'a sangoro, “Ya, Ngoi ta 'isene. Tantu ḏua ngini rena baca 'oru ga'a 'i silefo toma Boku 'Ofi-'Ofi so'o ne:
‘Ma Jou'ongu Madutu reno doto'o ngowa 'olo re ngowa kiau di'a 'aḏi puji re silamo'o ti-tiai Unanga.’ ”#Nya. 8:3
17Gena ḏua, Yesus 'o supu sisoi'i tala ananga toma limau Yerusalem re 'O tagi toma gamu Betania re 'O otu toma gamu gena-ge.
Yesus 'a sisasi ate 'ara
(Mrk. 11:12-14, 20-24)
18Ma ḇiḇini ino da-daini i'a moju, wakutu Yesus 'o maḏibo toma limau Yerusalem, toma ngo'omo ma golona, Unanga 'o basono sawini. 19Dadi wakutu Unanga 'o oḏi'i ate 'ara ḏu moi toma ngo'omo ma 'uḏu, Unanga 'o tagi sebanga i'a toma ate gena-ge. Mada'a kalaha ate gena-ge rema ma so'a, Unanga 'a oḏi'i ma sowo'o rimoi i'a mai ua!#21:19 Biasa, na'o ate 'ara rema so'a, 'age sowo'o ceka'a i'a ḏi'i. Ḏua Yesus 'a kanau i'a toma ate gena-ge, “Mulaingi toma 'orasa nena-ne re si'a, ngana kama sowo'o riwara!” Ate gena-ge jau-jau ri wa'alo.
20Wakutu Yesus 'ai me-mete'e ya oḏi'i 'oru 'i dadi gena-ge, ananga 'aḏi heranga masala. Ananga 'aḏi sano, “I'a sa'olo ate are gena-ge ri wa'alo caiti?”
21Yesus 'a sangoro, “Ni ngaku mode-mode'e 'Ari demo-demo nena-ne: Na'o ngini ni ngaku mode-mode'e re na sitaka-taka ua, ngini nga'unu na si'a'a ma tero sa'olo Ngoi ta si'a'a toma ate 'ara nena-ne. Re pa'i gena-ge ḇato ua, ngini nyengara ni kanau kie nena-ne, ‘No malage re no eta'a toma ngoloto.’ Re enanga gena-ge ḏuanga i'a 'i dadi.#Mat. 17:20; 1Kor. 13:2 22Na'o ngini ni ngaku mode-mode'e, 'oru ḇato ngini golo'o taninga nyiata ma dara, ngini ḏuanga i'a na dawongo.”
So-sano mangale Yesus 'ai kuasa
(Mrk. 11:27-33; Luk. 20:1-8)
23Gena ḏua, Yesus dadunu 'o maḏibo re 'o osama ra Ma Jou'ongu Madutu 'ai Wala ma soana, di'a 'O doto'o. Wakutu Unanga 'o doto'o ngowa'a moju, 'imam-'imam ma sae'e re Yahudi manga bi-biri'i 'aḏi sapolo ra Unanga re 'aḏi sano, “No sanga 'Ani kuasa le'a ino, singadolo Ngana no 'a'a mo-moini gena-ge? Re 'a guna 'o pula'a kuasa ra Ngana?”
24Yesus 'a sangoro, “Ngoi ḏi'i mau to sano siḏa ra ngini. Na'o ngini nga'unu na sangoro, kara Ngoi ta siajele 'a guna pula'a kuasa ra Ngoi singadolo Ngoi ta si'a'a mo-moini gena-ge. 25'A Yohanes tukanga baptis, unanga gena-ge 'o sanga 'ai kuasa ra guna ino? Ra Ma Jou'ongu Madutu bolo toma manusia ino?”
Ḏua 'imam-'imam ma sae'e re Yahudi manga bi-biri'i 'aḏi ma'u kanau tamanga sigolona, “Na'o ngene wo sangoro ‘ 'A Yohanes gena-ge 'o sanga kuasa ra Ma Jou'ongu Madutu ino,’ ḏua Unanga 'o sano, ‘Na'o so'o gena-ge, i'a sa'olo ngini ni ngaku Unanga ua?’ 26Mada'a na'o wo sangoro, ‘Unanga 'o sanga kuasa toma manusia ino,’ ngene wo mojongo ngowa'a repe sababu ananga mo-moini 'aḏi ngaku Yohanes gena-ge 'o dadi nabi.”
27Dadi ananga 'aḏi sangoro, “Ngomi ma waro ua.”
Ḏua Yesus 'o kanau ra ananga, “Na'o so'o gena, Ngoi mai ta siajele ua ra ngini mangale Ngoi to sanga kuasa ra guna ino, singadolo nga'unu ta si'a'a mo-moini gena-ge.”
'Ade-'ade mangale ngowa'a nau'u nga muḏiḏi
28Yesus dadunu 'o kanau toma 'imam-'imam ma sae'e re Yahudi manga bi-biri'i, “Ngini ninga 'akala ma sanga sa'olo mangale nena-ne? 'Age rema ḇaḇa matengo ga'a 'ai ngowa'a nau'u nga muḏiḏi. Unanga 'o tagi ra ma ngowa'a nau'u ma ioro re 'o kanau, ‘ 'Ari ngowa'a nau'u, wangere nange-ne ngana no tagi munara toma guḏa 'anggur.’
29Ngowa'a nau'u ma ioro 'a sangoro, ‘Ngoi to oḏu'u.’ Mada'a togumu i'a 'o maḏibanga 'a siḏibo 'ai 'akala re sinyingara re 'o tagi munara toma guḏa 'anggur. 30Gena ḏua, ḇaḇa gena-ge 'o tagi tai ngowa'a ma nongoḏu re 'o kanau so'o gena ḏi'i. Ngowa'a ma nongoḏu gena-ge 'a sangoro, ‘Ya baba.’ Mada'a unanga 'o tagi ua.
31Nah tai ngowa'a nga muḏiḏi gena-ge 'a guna ga'a 'a mete'e manga ḇaḇa 'ai mau?”
Ananga gena-ge ya sangoro, “Ngowa'a nau'u ma ioro.”
Ḏua, Yesus 'o kanau ra ananga, “Ni ngaku mode'e 'Ari demo nena-ne: Ngowa'a golo-golo'o balastengi re we-were'a su-sudala, ananga gena-ge 'aḏi osama nyo-nyoimi ra Ma Jou'ongu Madutu 'ai Pareta;#21:31 “Ma Jou'ongu Madutu 'ai Pareta” ma tero Soroga ma Pareta. Gena-ge ma tero toma bu-bula'a 43. mada'a ngini ua! 32Sababu Yohanes tukanga baptis, unanga ro sapolo re sijumu ra ngini mangale 'ahu ma duhu ga'a mete'e Ma Jou'ongu Madutu 'ai 'akala ma mau. Mada'a ngini ni ngaku ua unanga 'ai do-doto'o. Siḏibo ḏi'i, ngowa'a golo-golo'o balastengi re we-were'a su-sudala, ananga gena-ge raḏi ngaku 'ai do-doto'o. Sidogo ḏi'i, kalaha ngini reni oḏi'i gena-ge, ngini ni maḏibo ua toma ngo'omo boloto re ni ngaku ua moju Yohanes 'ai do-doto'o!”#Luk. 3:12, 7:29-30
'Ade-'ade mangale ngowa'a munara toma guḏa 'anggur
(Mrk. 12:1-12; Luk. 20:9-19)
33Yesus 'o kanau moju, “ 'Isene toma 'ade-'ade ma lelegu rimoi ḏi'i: 'Age rema guḏa ma dutu matengo 'o otomo 'anggur tai guḏa ḇotu moi. Gena ḏua, unanga 'a hisa sigoloḏi re 'o paiti tana'a ma duso'o di'a 'anggur ma sowo'o ma jo-jo'o. Gena ḏua, side'oso wala teru di'a ngowa'a jaga. Togumu i'a, unanga 'o sisewa toma ngowa-ngowa'a munara toma guḏa kara 'o tagi toma nagara lelegu.#Yes. 5:1-2 34Wakutu ma 'orasa 'utu'u 'anggur enanga 'i ngadolo, guḏa ma dutu 'o siḏingoto 'ai budaka-budaka 'aḏi tagi tai ngowa-ngowa'a munara toma guḏa di'a ya 'oro 'ai balangu.
35Mada'a ngowa-ngowa'a munara toma guḏa ya'u cako'o guḏa ma dutu 'ai budaka-budaka gena-ge: Matengo ya'u ca'olo, ma lelegu ya'u sisengene, ma lelegu ya'u poini reo maḏi singadolo 'o sengene. 36Ḏua guḏa ma dutu dadunu siḏingoto 'ai budaka-budaka ma lelegu lebe repe i'a reo ma mulaingi. Mada'a ngowa-ngowa'a munara toma guḏa ya'u 'a'a cira ma tero so'o gena ḏi'i. 37Ma ḏo-ḏogumu tala, guḏa ma dutu 'o siḏingoto 'ai ngowa'a nau'u masiretene. Unanga 'o fikiri so'o ne: ‘Tantu ḏua ngowa-ngowa'a munara toma guḏa, ananga 'aḏi silamo'o 'ai ngowa'a nau'u.’
38Mada'a wakutu ngowa-ngowa'a munara toma guḏa 'aḏi oḏi'i guḏa ma dutu 'ai ngowa'a nau'u 'o sapolo, ananga 'aḏi ma'u kanau matengo re matengo, ‘Unanga nena-ne 'o warisi ma gu-gu'u. Ino ngene wu sisengene unanga, la ngene wa sanga 'ai warisi!’ 39Dadi guḏa ma dutu 'ai ngowa'a nau'u, ananga 'u cako'o re 'u upa'a toma guḏa 'anggur ma di'anga, kara 'u sisengene.”
40Gena ḏua, Yesus 'o sano toma 'imam-'imam ma sae'e re Yahudi manga bi-biri'i, “Dadi, wakutu guḏa ma dutu ḏuanga i'a 'o sapolo, unanga 'o 'a'a 'oru tai ngowa-ngowa'a munara toma guḏa gena-ge?”
41Ananga ya sangoro, “Tantu ḏua unanga ya'u sisengene ngowa-ngowa'a ma jira gena-ge, kara guḏa ma dutu 'o sisewa 'ai guḏa 'anggur toma ngowa'a munara toma guḏa ma lelegu ga'a mau ya pula'a guḏa ma dutu 'ai balangu wakutu 'utu'u ma 'orasa 'i ngadolo.”
42Ḏua Yesus 'o kanau ra ananga, “Tantu ḏua ngini rena baca 'oru ga'a 'i silefo toma Boku 'Ofi-'Ofi so'o ne:
‘Maḏi ga'a wala ma tukanga ya upa'a ḏua,
ma nyonyata maḏi gena-ge ri dadi maḏi ma re'u i'a di'a wala ma bangini.
Gena-ge Ma Jou'ongu Madutu 'ai munara,
re tananga momina 'i rousu masala!’ ”#Nya. 118:22-23
43“Sababu gena-ge, Ngoi to siajele ra ngini nena-ne: Ngini ninga haku sa'olo Ma Jou'ongu Madutu 'ai 'umata, gena-ge Ma Jou'ongu Madutu 'a 'oro re 'A sipula'a di'a bangsa lelegu ga'a manga 'ahu mete'e Ma Jou'ongu Madutu 'ai 'akala ma mau. [44Re ngowa'a 'aḏi eta'a toma maḏi gena-ge 'aḏi wejere rotu-rotu, re ngowa'a ga'a maḏi gena-ge ya'u pe-pe'ara, ananga 'aḏi wejere singadolo 'aḏi dadi korou'u.]”
45Wakutu 'imam-'imam ma sae'e re ngowa'a Farisi ya 'isene Yesus 'ai 'ade-'ade gena-ge, ananga 'aḏi waro Unanga 'o kanau so'o gena-ge mangale ananga. 46Dadi ananga 'aḏi disa ngo'omo di'a cako'o Unanga. Mada'a ananga 'aḏi mojongo ngowa'a repe sababu ananga 'aḏi ngaku Yesus gena-ge 'o dadi nabi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
2015 © Indonesian Bible Society