MARKUS 16
16
Deside Isa idup malik
(Mat. 28:1-8; Luk. 24:1-12; Yah. 20:1-10)
1Sewaktu jelo Sabat sampun liwat, Mariam Magdalena, Mariam inaqne Yakub, dait Salome lumbar beli ramuan-ramuan jari minyakin jenazah Deside Isa. 2Masih aru gati sewaktu baruq tiwoq jelo, léq jelo Ahad, ie pade lumbar ojok makam. 3-4Léq tengaq langan ie pade bebase sopoq kance saq lainne, “Sai gen ngalihang ite batu pengimpet lawang makam?” Séngaq batu nike beléq gati. Laguq sewaktu dateng léq derike ie pade serioq batu nike sampun ngalih. 5Beterus ie pade tame ojok dalem makam nike. Léq dalemne léq sedi kanan, ie pade serioq sopoq dengan bajang saq ngengadu jubah putéq kenyeke melinggih, dait ie pade tinjot.
6Dengan bajang nike bebase, “Ndaq takut! Tiang taoq side pade boyaq Deside Isa dengan Nazaret saq sampun tepakuq léq kayuq salib nike. Ie ndéq araq léq deriki. Ie sampun idup! Silaq serioq, niki taoq Ie tesaréang siq ie pade. 7#Mat. 26:32; Mrk. 14:28 Mangkin silaq lumbar, kabarang tipaq pengiring-pengiring-Ne, dait Petrus éndah. Pade badaq, ‘Ie sampun senjuluq side pade lumbar ojok Galilea. Léq derike side pade gen serioq Ie, maraq saq sampun Ie manikang léq side.’ ”
8Beterus ie pade sugul léman makam nike terus pelai lantaran tinjot dait takut. Ie pade ndéq bebase napi-napi léq sai juaq lantaran takut.
Secare singket ie pade nyampéang selapuq pesen nike tipaq Petrus dait batur-baturne. Sesampun nike Deside Isa mésaq siq perantarean pengiring-pengiring-Ne beriteang léman Timuq ojok Bat berite saq suci dait saq ndéq bau tebinaseang mengenai keselametan saq kekel nike.
Deside Isa nyatayang diriq léq Mariam Magdalena
(Mat. 28:9-10; Yah. 20:11-18)
9Sesampun Deside Isa idup léman ninggal, masih aru gati léq jelo ahad, penembéq gati Deside Isa nyatayang diriq tipaq Mariam Magdalena. Léman Mariam nike Deside Isa sampun nyugulang pituq roh jahat. 10Make Mariam Magdalena lumbar badaqang peristiwe nike tipaq dengan-dengan saq tetep ngiring Deside Isa, saq kenyeke bedukecite dait nangis. 11Laguq sewaktu ie pade dengah bahwe Deside Isa sampun idup dait bahwe Mariam sampun serioq Ie, ie pade ndéq percaye.
Deside Isa nyatayang diriq-Ne tipaq due pengiring-Ne
(Luk. 24:13-35)
12Sesampun nike Ie nyatayang diriq siq rue saq lain tipaq due dengan léman ie pade, sewaktu deduaqne dalem kelampan ojok luah kote. 13Jari ie pade tulak dait badaq hal nike tipaq saq lain-lainne. Laguq ie pade ndéq percaye.
Deside Isa nyatayang diriq-Ne léq pengiring-pengiring-Ne
(Mat. 28:16-20; Luk. 24:36-49; Yah. 20:19-23; Kis. 1:6-8)
14Ahirne Deside Isa nyatayang diriq léq solas pengiring-Ne sewaktu ie pade kenyeke bekelor. Ie pade teperinget siq Deside Isa séngaq ie pade kurang iman dait pagah gati sehingge ndéq percaye léq dengan-dengan saq sampun serioq mésaq bahwe Deside Isa idup. 15#Kis. 1:8 Beterus Deside Isa bemanik léq ie pade, “Silaq lumbar ojok seantéro dunie dait beriteang Kabar Solah léman Allah tipaq selapuq mahluk. 16Dengan saq percaye dait tebaptis gen selamet, laguq dengan saq ndéq percaye gen tehukum. 17Sebagé bukti bahwe ie pade percaye, dengan-dengan nike gen sediq roh jahat kadu aran Tiang; ie pade gen ngeraos kadu macem-macem base saq ndéq ie pade kenal. 18Lamun ie pade negel ulah atao nginem racun, ie pade ndéq gen celake. Lamun ie pade noloq imene léq atas dengan-dengan saq sakit, dengan-dengan nike gen selah.”
Deside Isa taék ojok sorge
(Luk. 24:50-53; Kis. 1:9-11)
19 #
Kis. 1:9-11
Sesampun Junjungan Saq Mulie Deside Isa bebaos kance ie pade, Ie kerangkatan ojok sorge. Léq derike Ie mréntah bareng kance Allah. 20Make pengiring-pengiring-Ne lumbar dait nyampéang Kabar Solah léman Allah ojok mbé-mbé. Dait Tuhan éndah bekarye bareng kance ie pade, dait tebuktiang siq tande-tande ajaip bahwe berite saq ie pade sampéang nike mule kenaq.
Currently Selected:
MARKUS 16: LAISAS
Highlight
Share
Copy
Want to have your highlights saved across all your devices? Sign up or sign in
MARKUS 16
16
Deside Isa idup malik
(Mat. 28:1-8; Luk. 24:1-12; Yah. 20:1-10)
1Sewaktu jelo Sabat sampun liwat, Mariam Magdalena, Mariam inaqne Yakub, dait Salome lumbar beli ramuan-ramuan jari minyakin jenazah Deside Isa. 2Masih aru gati sewaktu baruq tiwoq jelo, léq jelo Ahad, ie pade lumbar ojok makam. 3-4Léq tengaq langan ie pade bebase sopoq kance saq lainne, “Sai gen ngalihang ite batu pengimpet lawang makam?” Séngaq batu nike beléq gati. Laguq sewaktu dateng léq derike ie pade serioq batu nike sampun ngalih. 5Beterus ie pade tame ojok dalem makam nike. Léq dalemne léq sedi kanan, ie pade serioq sopoq dengan bajang saq ngengadu jubah putéq kenyeke melinggih, dait ie pade tinjot.
6Dengan bajang nike bebase, “Ndaq takut! Tiang taoq side pade boyaq Deside Isa dengan Nazaret saq sampun tepakuq léq kayuq salib nike. Ie ndéq araq léq deriki. Ie sampun idup! Silaq serioq, niki taoq Ie tesaréang siq ie pade. 7#Mat. 26:32; Mrk. 14:28 Mangkin silaq lumbar, kabarang tipaq pengiring-pengiring-Ne, dait Petrus éndah. Pade badaq, ‘Ie sampun senjuluq side pade lumbar ojok Galilea. Léq derike side pade gen serioq Ie, maraq saq sampun Ie manikang léq side.’ ”
8Beterus ie pade sugul léman makam nike terus pelai lantaran tinjot dait takut. Ie pade ndéq bebase napi-napi léq sai juaq lantaran takut.
Secare singket ie pade nyampéang selapuq pesen nike tipaq Petrus dait batur-baturne. Sesampun nike Deside Isa mésaq siq perantarean pengiring-pengiring-Ne beriteang léman Timuq ojok Bat berite saq suci dait saq ndéq bau tebinaseang mengenai keselametan saq kekel nike.
Deside Isa nyatayang diriq léq Mariam Magdalena
(Mat. 28:9-10; Yah. 20:11-18)
9Sesampun Deside Isa idup léman ninggal, masih aru gati léq jelo ahad, penembéq gati Deside Isa nyatayang diriq tipaq Mariam Magdalena. Léman Mariam nike Deside Isa sampun nyugulang pituq roh jahat. 10Make Mariam Magdalena lumbar badaqang peristiwe nike tipaq dengan-dengan saq tetep ngiring Deside Isa, saq kenyeke bedukecite dait nangis. 11Laguq sewaktu ie pade dengah bahwe Deside Isa sampun idup dait bahwe Mariam sampun serioq Ie, ie pade ndéq percaye.
Deside Isa nyatayang diriq-Ne tipaq due pengiring-Ne
(Luk. 24:13-35)
12Sesampun nike Ie nyatayang diriq siq rue saq lain tipaq due dengan léman ie pade, sewaktu deduaqne dalem kelampan ojok luah kote. 13Jari ie pade tulak dait badaq hal nike tipaq saq lain-lainne. Laguq ie pade ndéq percaye.
Deside Isa nyatayang diriq-Ne léq pengiring-pengiring-Ne
(Mat. 28:16-20; Luk. 24:36-49; Yah. 20:19-23; Kis. 1:6-8)
14Ahirne Deside Isa nyatayang diriq léq solas pengiring-Ne sewaktu ie pade kenyeke bekelor. Ie pade teperinget siq Deside Isa séngaq ie pade kurang iman dait pagah gati sehingge ndéq percaye léq dengan-dengan saq sampun serioq mésaq bahwe Deside Isa idup. 15#Kis. 1:8 Beterus Deside Isa bemanik léq ie pade, “Silaq lumbar ojok seantéro dunie dait beriteang Kabar Solah léman Allah tipaq selapuq mahluk. 16Dengan saq percaye dait tebaptis gen selamet, laguq dengan saq ndéq percaye gen tehukum. 17Sebagé bukti bahwe ie pade percaye, dengan-dengan nike gen sediq roh jahat kadu aran Tiang; ie pade gen ngeraos kadu macem-macem base saq ndéq ie pade kenal. 18Lamun ie pade negel ulah atao nginem racun, ie pade ndéq gen celake. Lamun ie pade noloq imene léq atas dengan-dengan saq sakit, dengan-dengan nike gen selah.”
Deside Isa taék ojok sorge
(Luk. 24:50-53; Kis. 1:9-11)
19 #
Kis. 1:9-11
Sesampun Junjungan Saq Mulie Deside Isa bebaos kance ie pade, Ie kerangkatan ojok sorge. Léq derike Ie mréntah bareng kance Allah. 20Make pengiring-pengiring-Ne lumbar dait nyampéang Kabar Solah léman Allah ojok mbé-mbé. Dait Tuhan éndah bekarye bareng kance ie pade, dait tebuktiang siq tande-tande ajaip bahwe berite saq ie pade sampéang nike mule kenaq.
Currently Selected:
:
Highlight
Share
Copy
Want to have your highlights saved across all your devices? Sign up or sign in