YOHANES 13
13
Mawu Yesus nanguhasẹ̌ laedʼu manga muritʼE
1Sahěllo kal᷊imonan Ěllon Pěmamantugẹ̌ Paskah e, Mawu Yesus masingkạ u semben tempone i Sie maněntangu dunia ini kụ mẹ̌sul᷊e su anung AmangʼE. I Sie kụkěndagʼu taumata apan tẹ̌taghuanengʼE su dunia ringangu mang těbe kụkěndagi sire sarang pangěnsueěnge.
2Mawu Yesus dingangu manga muritʼE piạ e i sire měmpẹ̌sẹ̌simokolẹ̌ hẹ̌bi e. Setang e seng namitaugẹ̌ dal᷊ungu naung i Yudas anạ i Simon Iskariot mẹ̌bal᷊ụ u Mawu Yesus.#13:2: Setang ... mẹ̌bal᷊ụ u Mawu Yesus: Arau Setang e seng něnantu u i Yudas anạ i Simon Iskariot sarung měbal᷊ụ u Mawu Yesus. 3Mawu Yesus masingkạ u Ruata i Amang seng bọu něnarakangu kasěllahu kawasanʼE si Sie. I Sie mal᷊aing masingkạ u i Sie kai riměnta wọu anun Duata i Amang kụ sarung mẹ̌sul᷊e kapia su anun Duata. 4U watụ u ene tangu i Sie rimarisị kụ něluạ lahawengʼE, ringangu naměgong u handukẹ̌ su kal᷊uwaengʼE. 5Bọu ene i Sie něndal᷊ingu akẹ su waskom sěmbaụ, kụ nanětạ e nanguhasẹ̌ laedu manga muritʼE kụ niěmmụeng handukẹ̌ papẹ̌gong kal᷊uwaengʼE. 6Ene i Sie nahumpạen Simon Petrus, kụ nẹ̌bera u, ”Mawu kawe unụe Mawu e nanguhasẹ̌be laedẹ̌ku?”
7Mawu Yesus simimbang, ”Sini i kau e mambeng tawe makaěnna apang kụ Takụ nikoạ ini e kai i kau e sarungbe makaěnna.”
8”Kumbahang, Mawu,” ungkuěng i Petrus su Mawu Yesus, ”Měngkatewe kumbahang i Tuang manguhasẹ̌ laedẹ̌ku!”
Kai Mawu Yesus simimbang, ”Kereu Iạ tawe makapěnguhasẹ̌ si kau e ute i kau tawẹ kal᷊ahěmpụ e ringang-Ku.”
9I Simon Petrus nẹ̌berạe u, ”Kamageng kerene, Mawu, abe kětạeng laedẹ̌ku uhaseng, kaiso kawe lima ringangu těmbọku l᷊ai!”
10”Taumata wọu něndenọe sembeng nawurẹ̌si kěbị badange,” ungkuěng u Mawu Yesus si Petrus. ”I sie seng tawahal᷊uasu wurẹ̌siang kapia; kětạbeng laede.#13:10: Su ral᷊ungu winohẹ u nạung pira-pira e tawẹ apa: kětạbeng laede. I kamene sembeng burẹ̌si, kaiso bal᷊inewe kěbị.” (11Mawu Yesus seng nakakasingkạ i sai sarung mẹ̌sunial᷊i Sie. U kai ene hakịu i Sie něhengetang, ”I kamene ini sembeng burẹ̌si, kaiso wal᷊inewe kěbị.”)
12 #
Luk. 22:27
Mawu Yesus bọuten nanguhasẹ̌ laedʼi sire, tangu i Sie saụ e něluhen pakeangʼE kụ naiangke kapia. Mase i Sie něhengetangke si sire, ”I kamene nakaěnnawe kěbị hal᷊ẹ̌ kụ buhụ e Takụ nikoạ si kamene? 13I kamene měkẹ̌kui si Siạ Mananěntiro ringangu Mawu. Kụ mang hinong kerene. 14Kamageng Iạ e kai Mawu ringangu Mananěntironu kụ kawe manguhasẹ̌ laedu, ute i kamene mal᷊aing hinong mẹ̌papanguhasẹ̌ laedʼi kamene sěmbaụ su wal᷊ine. 15Iạ něnul᷊ada mẹ̌kẹ̌koạ kere ini si kamene, tadeạu i kamene mal᷊aing mẹ̌těno mẹ̌koạ apan seng bọu Takụ nikoạ si kamene. 16#Mat. 10:24; Luk. 6:40; Yoh. 15:20 Mambeng kahěnga-hěngang bawera-Ku ini: Sěngkatau ěllange tawe limembo wọu mawune, ringangu sěngkatau rarolohange tawe limembong kasariane wọu měndarolohe. 17Kereu i kamene seng masingkạ u kěbị ene, ute kariangkamang i kamene kereu i kamene makakoạ kerene.
18 #
Mzm. 41:10
Apan seng Takụ niwera ini e wal᷊inewe mạanung kamene kěbị. Iạ masingkạ i sai-sai seng Takụ nịpapile. Arawe apang kụ seng kạbawohẹ su Winohẹ Susi e mang mariadi, mangal᷊ene ’Taumata kụ sěngkakaěng dingang-Ku e, sarung dumokạ si Siạ.’ 19Hal᷊ẹ̌ ini e Takụ ilẹ̌habarẹ̌ si kamene orasẹ̌ ini e, těntal᷊ang tawe nạdiadi, tadeạu kamageng u hal᷊ẹ̌ ene seng mariadi, tangu mangimang bue u kai Iạ e i Sie kụ isẹ̌sěbạ IẠ ENE. 20#Mat. 10:40; Mrk. 9:37; Luk. 9:48, 10:16 U mambeng těngadẹ̌ bawera-Ku ini: I saing kụ manarimạ u taumata Takụ nirolohẹ̌ e ute i sie mal᷊aing manarimạ u Iạ e. Kụ i sai manarimạ u Iạ e manarimạ i Sie kụ seng dimolohʼu Iạ.”
Mawu Yesus měnẹ̌něbal᷊u pẹ̌sasunial᷊ẹ̌ baugu watangengʼE
(Mat. 26:20-25; Mrk. 14:17-21; Luk. 22:21-23)
21Sarạeng Mawu Yesus něhengetang kerene, naungʼE mambeng kiměndung tạ sihinge. Bọu e i Sie něhengetang, ”Těnga-těngadẹ̌ bawera-Ku ini: Sěngkatau wọʼi kamene sarung mẹ̌bal᷊ụ u Iạ e.”
22Manga muritʼE němpẹ̌papandạ e sěmbaụ su wal᷊ine měngkạherang ual᷊ingu wěga wue měnsang kai i sai su timonanʼE. 23Muritẹ̌ ikẹ̌kěndagʼu Mawu Yesus e mạiang su koaneng u Mawu Yesus. 24Ene i Simon Petrus e něnidạ e si sie apakịbal᷊o su Mawu Yesus měnsang kai i sai tẹ̌timonaěngʼE.
25Tangu muritẹ̌ ene nẹ̌těngkasěngkelẹ̌ su Mawu Yesus kụ nakiwal᷊o, ”Kai i sai ene, Mawu?”
26Mawu Yesus simimbang, ”I sain Takụ pẹ̌gěllikangu borotẹ̌ bọu niuno su ral᷊ungu mangko, ute i sie taumatane.” Tangu Mawu Yesus něngal᷊ạ e borotẹ̌ sěmpědi, niunone su ral᷊ungu mangko; mase nionggọ e si Yudas anạ i Simon Iskariot. 27Lẹ̌pasewe i Yudas bọu rimaẹ borotẹ̌ ene, setang e nẹ̌karadiahangke su ral᷊ungu naunge. Mase Mawu Yesus něhengetangke si sie, ”Lighạ e koạ apang sarung koatengu e.” 28Tạ u sarang sěngkatau wọu i sire mạhungkaěng sene nakahěngangu kawe unụe Mawu Yesus něhengetang kerene si Yudas. 29Piạ u mạngěnna u Mawu Yesus dimolohʼi Yudas apạmělli apan hinong gausang baugu sal᷊imbang ene, arau mẹ̌gěllịu roitẹ̌ pẹ̌kadodọ su taumata kasiang – batụu i Yudas kai měngangumpaedẹ̌ doitʼu l᷊awọ e.
30Bọuten i Yudas něnarimạ u borotẹ̌ ene tangu i sie měngkatewe ringangu simẹ̌bang. Kụ ěllo e nahěbi e.
Tita wuhu
31Sarạeng i Yudas nal᷊intụ, ene Mawu Yesus něhengetangke, ”Orasẹ̌ ini Ahusʼu Taumata e seng niapakawantugẹ̌, kụ Duata e niapakawantugẹ̌ ual᷊ingu i Sie. 32Kereu Mawu Ruata e niapakawantugẹ̌ ual᷊ingu i Sie, ute i Sie mal᷊aing sarung iapakawantugu Ruata lumiun batangengʼE sẹ̌sane. Dingangu Mawu Ruata e měngkatewe seng lighạ mapakawantugʼi Sie. 33#Yoh. 7:34 Manga anạ-Ku, Iạ e sembeng tawẹ karěngụe sini ringangi kamene. I kamene sarung mẹ̌deạ Siạ, kai kerẹewe seng bọu Takụ nipaul᷊ị su manga měngangawasan tau Yahudi, kerene lai Takụ ipaul᷊ị si kamene kěbị; su tampạ Takụ tamaiang, i kamene tawe makakarěnta. 34#Yoh. 15:12, 17; 1Yoh. 3:23; 2Yoh. 5 Tita wuhu Takụ onggotang si kamene: Pẹ̌kakakěndagẹ̌ko i kamene sěmbaụ su wal᷊ine. Kerẹewe Iạ seng kiměndagʼi kamene, kerene lai i kamene hinon měmpẹ̌kakěndagẹ̌. 35Kereu i kamene lawọbe měmpẹ̌kẹ̌kakěndagẹ̌ e ute kal᷊awọu taumata e sarungbe makakasingkạ u i kamene kawe muritẹ̌-Ku.”
Tẹ̌bal᷊ʼu i Petrus sarung mẹ̌sunial᷊u Mawu Yesus
(Mat. 26:31-35; Mrk. 14:27-31; Luk. 22:31-34)
36”Mawu, Mawu kai makoạ sol᷊ong a?” kakiwal᷊on Simon Petrus su Mawu Yesus. Ungkuěng Mawu Yesus, ”Suapan Takụ dal᷊engang, i kau tawe makatol᷊e Siạ. Hẹ̌dowen mahi i kau sarung makatol᷊e Siạ e.”
37”Mawu, kawe unụe iạ tawe makatol᷊e su Mawu orasẹ̌ ini?” ungkuěngkewen Petrus. ”Iạ e sadia mate waugʼu Mawu!”
38Mawu Yesus simimbang, ”Kahěngang ngae i kau sadia mate waugu Iạ? Kasingkạko, manụ deng tawe kimẹ̌kukụ e i kau seng těllun sul᷊e nẹ̌sunial᷊u Iạ e.”
Currently Selected:
YOHANES 13: SXN
Highlight
Share
Copy
Want to have your highlights saved across all your devices? Sign up or sign in
YOHANES 13
13
Mawu Yesus nanguhasẹ̌ laedʼu manga muritʼE
1Sahěllo kal᷊imonan Ěllon Pěmamantugẹ̌ Paskah e, Mawu Yesus masingkạ u semben tempone i Sie maněntangu dunia ini kụ mẹ̌sul᷊e su anung AmangʼE. I Sie kụkěndagʼu taumata apan tẹ̌taghuanengʼE su dunia ringangu mang těbe kụkěndagi sire sarang pangěnsueěnge.
2Mawu Yesus dingangu manga muritʼE piạ e i sire měmpẹ̌sẹ̌simokolẹ̌ hẹ̌bi e. Setang e seng namitaugẹ̌ dal᷊ungu naung i Yudas anạ i Simon Iskariot mẹ̌bal᷊ụ u Mawu Yesus.#13:2: Setang ... mẹ̌bal᷊ụ u Mawu Yesus: Arau Setang e seng něnantu u i Yudas anạ i Simon Iskariot sarung měbal᷊ụ u Mawu Yesus. 3Mawu Yesus masingkạ u Ruata i Amang seng bọu něnarakangu kasěllahu kawasanʼE si Sie. I Sie mal᷊aing masingkạ u i Sie kai riměnta wọu anun Duata i Amang kụ sarung mẹ̌sul᷊e kapia su anun Duata. 4U watụ u ene tangu i Sie rimarisị kụ něluạ lahawengʼE, ringangu naměgong u handukẹ̌ su kal᷊uwaengʼE. 5Bọu ene i Sie něndal᷊ingu akẹ su waskom sěmbaụ, kụ nanětạ e nanguhasẹ̌ laedu manga muritʼE kụ niěmmụeng handukẹ̌ papẹ̌gong kal᷊uwaengʼE. 6Ene i Sie nahumpạen Simon Petrus, kụ nẹ̌bera u, ”Mawu kawe unụe Mawu e nanguhasẹ̌be laedẹ̌ku?”
7Mawu Yesus simimbang, ”Sini i kau e mambeng tawe makaěnna apang kụ Takụ nikoạ ini e kai i kau e sarungbe makaěnna.”
8”Kumbahang, Mawu,” ungkuěng i Petrus su Mawu Yesus, ”Měngkatewe kumbahang i Tuang manguhasẹ̌ laedẹ̌ku!”
Kai Mawu Yesus simimbang, ”Kereu Iạ tawe makapěnguhasẹ̌ si kau e ute i kau tawẹ kal᷊ahěmpụ e ringang-Ku.”
9I Simon Petrus nẹ̌berạe u, ”Kamageng kerene, Mawu, abe kětạeng laedẹ̌ku uhaseng, kaiso kawe lima ringangu těmbọku l᷊ai!”
10”Taumata wọu něndenọe sembeng nawurẹ̌si kěbị badange,” ungkuěng u Mawu Yesus si Petrus. ”I sie seng tawahal᷊uasu wurẹ̌siang kapia; kětạbeng laede.#13:10: Su ral᷊ungu winohẹ u nạung pira-pira e tawẹ apa: kětạbeng laede. I kamene sembeng burẹ̌si, kaiso bal᷊inewe kěbị.” (11Mawu Yesus seng nakakasingkạ i sai sarung mẹ̌sunial᷊i Sie. U kai ene hakịu i Sie něhengetang, ”I kamene ini sembeng burẹ̌si, kaiso wal᷊inewe kěbị.”)
12 #
Luk. 22:27
Mawu Yesus bọuten nanguhasẹ̌ laedʼi sire, tangu i Sie saụ e něluhen pakeangʼE kụ naiangke kapia. Mase i Sie něhengetangke si sire, ”I kamene nakaěnnawe kěbị hal᷊ẹ̌ kụ buhụ e Takụ nikoạ si kamene? 13I kamene měkẹ̌kui si Siạ Mananěntiro ringangu Mawu. Kụ mang hinong kerene. 14Kamageng Iạ e kai Mawu ringangu Mananěntironu kụ kawe manguhasẹ̌ laedu, ute i kamene mal᷊aing hinong mẹ̌papanguhasẹ̌ laedʼi kamene sěmbaụ su wal᷊ine. 15Iạ něnul᷊ada mẹ̌kẹ̌koạ kere ini si kamene, tadeạu i kamene mal᷊aing mẹ̌těno mẹ̌koạ apan seng bọu Takụ nikoạ si kamene. 16#Mat. 10:24; Luk. 6:40; Yoh. 15:20 Mambeng kahěnga-hěngang bawera-Ku ini: Sěngkatau ěllange tawe limembo wọu mawune, ringangu sěngkatau rarolohange tawe limembong kasariane wọu měndarolohe. 17Kereu i kamene seng masingkạ u kěbị ene, ute kariangkamang i kamene kereu i kamene makakoạ kerene.
18 #
Mzm. 41:10
Apan seng Takụ niwera ini e wal᷊inewe mạanung kamene kěbị. Iạ masingkạ i sai-sai seng Takụ nịpapile. Arawe apang kụ seng kạbawohẹ su Winohẹ Susi e mang mariadi, mangal᷊ene ’Taumata kụ sěngkakaěng dingang-Ku e, sarung dumokạ si Siạ.’ 19Hal᷊ẹ̌ ini e Takụ ilẹ̌habarẹ̌ si kamene orasẹ̌ ini e, těntal᷊ang tawe nạdiadi, tadeạu kamageng u hal᷊ẹ̌ ene seng mariadi, tangu mangimang bue u kai Iạ e i Sie kụ isẹ̌sěbạ IẠ ENE. 20#Mat. 10:40; Mrk. 9:37; Luk. 9:48, 10:16 U mambeng těngadẹ̌ bawera-Ku ini: I saing kụ manarimạ u taumata Takụ nirolohẹ̌ e ute i sie mal᷊aing manarimạ u Iạ e. Kụ i sai manarimạ u Iạ e manarimạ i Sie kụ seng dimolohʼu Iạ.”
Mawu Yesus měnẹ̌něbal᷊u pẹ̌sasunial᷊ẹ̌ baugu watangengʼE
(Mat. 26:20-25; Mrk. 14:17-21; Luk. 22:21-23)
21Sarạeng Mawu Yesus něhengetang kerene, naungʼE mambeng kiměndung tạ sihinge. Bọu e i Sie něhengetang, ”Těnga-těngadẹ̌ bawera-Ku ini: Sěngkatau wọʼi kamene sarung mẹ̌bal᷊ụ u Iạ e.”
22Manga muritʼE němpẹ̌papandạ e sěmbaụ su wal᷊ine měngkạherang ual᷊ingu wěga wue měnsang kai i sai su timonanʼE. 23Muritẹ̌ ikẹ̌kěndagʼu Mawu Yesus e mạiang su koaneng u Mawu Yesus. 24Ene i Simon Petrus e něnidạ e si sie apakịbal᷊o su Mawu Yesus měnsang kai i sai tẹ̌timonaěngʼE.
25Tangu muritẹ̌ ene nẹ̌těngkasěngkelẹ̌ su Mawu Yesus kụ nakiwal᷊o, ”Kai i sai ene, Mawu?”
26Mawu Yesus simimbang, ”I sain Takụ pẹ̌gěllikangu borotẹ̌ bọu niuno su ral᷊ungu mangko, ute i sie taumatane.” Tangu Mawu Yesus něngal᷊ạ e borotẹ̌ sěmpědi, niunone su ral᷊ungu mangko; mase nionggọ e si Yudas anạ i Simon Iskariot. 27Lẹ̌pasewe i Yudas bọu rimaẹ borotẹ̌ ene, setang e nẹ̌karadiahangke su ral᷊ungu naunge. Mase Mawu Yesus něhengetangke si sie, ”Lighạ e koạ apang sarung koatengu e.” 28Tạ u sarang sěngkatau wọu i sire mạhungkaěng sene nakahěngangu kawe unụe Mawu Yesus něhengetang kerene si Yudas. 29Piạ u mạngěnna u Mawu Yesus dimolohʼi Yudas apạmělli apan hinong gausang baugu sal᷊imbang ene, arau mẹ̌gěllịu roitẹ̌ pẹ̌kadodọ su taumata kasiang – batụu i Yudas kai měngangumpaedẹ̌ doitʼu l᷊awọ e.
30Bọuten i Yudas něnarimạ u borotẹ̌ ene tangu i sie měngkatewe ringangu simẹ̌bang. Kụ ěllo e nahěbi e.
Tita wuhu
31Sarạeng i Yudas nal᷊intụ, ene Mawu Yesus něhengetangke, ”Orasẹ̌ ini Ahusʼu Taumata e seng niapakawantugẹ̌, kụ Duata e niapakawantugẹ̌ ual᷊ingu i Sie. 32Kereu Mawu Ruata e niapakawantugẹ̌ ual᷊ingu i Sie, ute i Sie mal᷊aing sarung iapakawantugu Ruata lumiun batangengʼE sẹ̌sane. Dingangu Mawu Ruata e měngkatewe seng lighạ mapakawantugʼi Sie. 33#Yoh. 7:34 Manga anạ-Ku, Iạ e sembeng tawẹ karěngụe sini ringangi kamene. I kamene sarung mẹ̌deạ Siạ, kai kerẹewe seng bọu Takụ nipaul᷊ị su manga měngangawasan tau Yahudi, kerene lai Takụ ipaul᷊ị si kamene kěbị; su tampạ Takụ tamaiang, i kamene tawe makakarěnta. 34#Yoh. 15:12, 17; 1Yoh. 3:23; 2Yoh. 5 Tita wuhu Takụ onggotang si kamene: Pẹ̌kakakěndagẹ̌ko i kamene sěmbaụ su wal᷊ine. Kerẹewe Iạ seng kiměndagʼi kamene, kerene lai i kamene hinon měmpẹ̌kakěndagẹ̌. 35Kereu i kamene lawọbe měmpẹ̌kẹ̌kakěndagẹ̌ e ute kal᷊awọu taumata e sarungbe makakasingkạ u i kamene kawe muritẹ̌-Ku.”
Tẹ̌bal᷊ʼu i Petrus sarung mẹ̌sunial᷊u Mawu Yesus
(Mat. 26:31-35; Mrk. 14:27-31; Luk. 22:31-34)
36”Mawu, Mawu kai makoạ sol᷊ong a?” kakiwal᷊on Simon Petrus su Mawu Yesus. Ungkuěng Mawu Yesus, ”Suapan Takụ dal᷊engang, i kau tawe makatol᷊e Siạ. Hẹ̌dowen mahi i kau sarung makatol᷊e Siạ e.”
37”Mawu, kawe unụe iạ tawe makatol᷊e su Mawu orasẹ̌ ini?” ungkuěngkewen Petrus. ”Iạ e sadia mate waugʼu Mawu!”
38Mawu Yesus simimbang, ”Kahěngang ngae i kau sadia mate waugu Iạ? Kasingkạko, manụ deng tawe kimẹ̌kukụ e i kau seng těllun sul᷊e nẹ̌sunial᷊u Iạ e.”
Currently Selected:
:
Highlight
Share
Copy
Want to have your highlights saved across all your devices? Sign up or sign in