LUKAS 24
24
Pẹ̌bawangung u Mawu Yesus
(Mat. 28:1-10; Mrk. 16:1-8; Yoh. 20:1-10)
1Su ěllon Misa, mal᷊uka-l᷊ukadẹ̌, manga wawine ene nakoạ sarang kubul᷊ẹ̌ nẹ̌bawa manga rampa kụ seng nisạdiang sire. 2Nikaěbakengi sire watu l᷊ahěping kubul᷊ẹ̌ seng limunggi. 3Mase i sire nahunsuẹ̌ su ral᷊ungu kubul᷊ẹ̌ ene, kai i sire tawe nakaěbạ badangu Mawu Yesus sene. 4Kapạhundarisị e sene i sire ringangu němpẹ̌bingọ mạngěnna hal᷊ẹ̌ ene, sěngkělěndịu piạ duang katau ringangu pakeange kụkuhenabẹ̌ dụdarisị děduhʼi sire. 5I sire něngkatakụ kahěngang, kụ nẹ̌tumpěkuhẹ̌ sarang ěntana, apidʼu i rẹ̌dua ene nẹ̌bera si sire, ”Unụe i kamene mědẹ̌deạ taumata wiahẹ̌ sutal᷊oarang taumata nate? 6#Mat. 16:21, 17:22-23, 20:18-19; Mrk. 8:31, 9:31, 10:33-34; Luk. 9:22, 18:31-33 I Sie tawẹ dịe sini, i Sie seng nẹ̌bangung! Tahěndungẹ e apang kụ seng niweranʼE si kamene su tempong i Sie wẹ̌dang su Galilea, 7u ’Ahusʼu Taumata e harusẹ̌ isarakang su l᷊imang tau warạdosa, mase ikuruisẹ̌ dingangu su katěllu ěllone i Sie sarung mẹ̌bangung.’ ”
8Tangu manga wawine ene nakatahěndungke apan niwerang Mawu Yesus. 9Sarạeng něngkawal᷊ị bọu kubul᷊ẹ̌, i sire němpẹ̌běkeng kěbị apan nariadi ene si sire muritʼE mapul᷊o ěsa ringangu apan tumatol᷊ene lai wal᷊ine. 10Manga wawine kụ němpẹ̌běkeng kěbị ene su manga muritʼi Yesus ute kai: I Maria Magdalena, Yohana ringangu i Maria i ninang i Yakobus, dingangkewelain manga wawine wal᷊ine kụ nạung dingangkewen sire. 11Kutẹu nạung manga rarolohang ene mạngiral᷊ing u manga wawine ene kětạeng mẹ̌bẹ̌běkeng apan tạ gunane. I sire tawe měmpangimangu wẹ̌keng manga wawine ene. 12Arawe i Petrus nẹ̌bangung dingangu timal᷊ang sarang kubul᷊ẹ̌. Apidʼu kakạkowọe i sie kạdal᷊ingene sarang dal᷊unge kụ kinasilone kětạeng hekạ sasapụ sene. I Petrus měngkatewe naherang kụ napul᷊ẹ dingangu naunge mạdal᷊ingung kěbị apan seng nariadi.#24:12: Su ral᷊ungu winohẹ pira-pira tawẹ apa ayetẹ̌ 12.
Sutal᷊oaran dal᷊eng sarang Emaus
(Mrk. 16:12-13)
13Su ěllo ene lai, piạ duang katau tumatol᷊e si Yesus kạpahundal᷊enge sarang soa sěmbaụ, kụ arenge Emaus, mangawe mapul᷊o ěsa su kilo metere karaune wọu Yerusalem. 14I rẹ̌dua kạpahundal᷊enge mahumbisaran mạanung kěbị hal᷊ẹ̌ kụ seng nariadi ene. 15Ene kạpahumbisarane i rẹ̌dua ringangu kapẹ̌bawukane ěnna, i Yesus sẹ̌sane riměnta kụ dimal᷊eng sěngkaral᷊eng dingang i sire. 16I sire nakasilo si Yesus, kai piạko apa nakatuẹ̌ hakịu i sire ta nakakiral᷊a si Sie. 17Mase Mawu Yesus něhengetang, ”Kai apạe ipạhumbisaran dua su tal᷊oaran dal᷊eng ini e?”
I rẹ̌dua timaing dingangu ghati mal᷊ěhubẹ̌. 18Mase sěngkatau wọʼi sire, arenge i Kleopas, nakiwal᷊o si Yesus, ”I Tuang sẹ̌sane tau raghị su Yerusalem kụ běgang hal᷊ẹ̌ nariadi paị sene samurine ini?”
19”Hal᷊ẹ̌ u apa ngae?” angkuěng i Yesus,
”Hal᷊ẹ̌ nariadi su Mawu Yesus tau Nazaret e,” sasimbahi rẹ̌dua, ”I Sie kai nabi. Manga waweranʼE ringangu manga kakanoạʼE makawasa kahěngang baẹ tumuhụ tingirangu Ruata ore lai tumuhụ tingirangu kěbị taumata. 20Manga imang těmbonange ringangu manga pangahạ u wanuang kitẹ seng nanarakang i Sie mědeạu pinakihukungu papate, ringangu i sire seng nanguruisẹ̌ si Sie. 21Sěmbal᷊iau i kami mělẹ̌harapẹ̌ u kai i Sie sarung měliwirʼu tau Israel! Dingangu sahěllo ini kai seng katěllu ěllone wọu karariadin hal᷊ẹ̌ ene. 22Ringangu l᷊ai pirang katau wawine wọu tal᷊oarang kami seng napakahěkosẹ̌ si kami. Mal᷊uka-l᷊ukadẹ̌ kahěngang i sire seng sarang kubul᷊ẹ̌, 23kai tawe nakaěbạ badange paị sene. Mase i sire něngkawal᷊ị dingangu němpẹ̌bera u i sire nakasilo malạekatẹ̌ kụ manga malạekatẹ̌ e němpẹ̌bera u i Yesus kai wiahẹ̌. 24Pirang katau wọʼi kami e makoạ sarang kubul᷊ẹ̌ kụ nakaěbạ u apạewen nịbawerang manga wawine ene mang kahěngang kerene, kětạeng i sire ta nakasilo si Yesus.”
25Mase i Yesus něhengetang si sire, ”I kamene mambeng longong! Měngkate tumanịu mal᷊ongge mahimangu kěbị apan niwerang manga nabi. 26Bal᷊inewe Ratun Sal᷊amatẹ̌ e kai hinong mẹ̌tatahangu sunsara kal᷊imona wuhụe makaẹ̌ba kawawantugʼE?” 27Samurine i Yesus nanualagẹ̌ si rẹ̌dua apan mạbawohẹ su ral᷊ungu Winohẹ Susi mạanum batangengʼE manětạ bọu manga bukẹ̌ i Musa ringangu bukẹ̌ u manga nabi.
28Kạpahumbisarane tangu i sire kakạdanineng soa tẹ̌timonaěng i sire. I Yesus kai kere makịěnna u al᷊ingkai manẹ̌pasu raral᷊enge, 29kutẹu i rẹ̌dua e kawe mạmaedẹ̌ si Sie. ”Katanạe ringangi kandua,” angkuěng i rẹ̌dua si Sie, ”u ini e seng kakạbawěllone kụ seng manětạ mạděndung lai.” Tangu i Yesus simuẹ̌ e mědeạu mẹ̌tanạ dingangi rẹ̌dua. 30Su tempon mạiang kạpahungkaěnge ringangi rẹ̌dua, i Yesus nangal᷊ạ e borotẹ̌, nakitarimakasẹ su Mawu Ruata, mase nịkakakěmpange mase nionggọe si rẹ̌dua. 31Ene nakakiral᷊ạe i rẹ̌dua u ene kawe nạung i Yesus. Kutẹu i Sie kawe naghěngging bọu matan dẹ̌dua. 32Angkuěng i rẹ̌dua, sěngkatau su wal᷊ine, ”Bal᷊inewe pěndangu naung i kaduạ e mẹ̌sul᷊ungu lụhune su tempon i Sie mẹ̌bẹ̌bisara ringangi kadua sutal᷊oaran dal᷊eng dingangu manualagʼu ral᷊ohon Winohẹ Susi e si kadua e?”
33Orasẹ̌ ene lai i rẹ̌dua měngkatewe němpẹ̌buạ mase němpẹ̌sul᷊e sarang Yerusalem. Paị sene i rẹ̌dua nakahombang si sire mapul᷊o ẹ̌sa muritʼi Yesus němpẹ̌komol᷊ẹ̌ dingangu manga ringangi sire wal᷊ine. 34I sire e němpẹ̌bera, ”Mambeng kahěngang Mawu e seng nẹ̌biahẹ̌ kapia. I Sie seng nẹ̌těngkatodẹ u watangengʼE si Simon!”
35I rẹ̌dua muritʼi Yesus kụ buhu rarěnta ene ute němpẹ̌bẹ̌kẹen ěbạ i rẹ̌dua sutal᷊oaran daral᷊engang, dingangu kereapa i rẹ̌dua nakakiral᷊a Mawu su tempon i Sie mạngompeng borotẹ̌.
Mawu Yesus mẹ̌těngkatodẹu watangengʼE su manga muritʼE
(Mat. 28:16-20; Mrk. 16:14-18; Yoh. 20:19-23; MMR. 1:6-8)
36I sire wẹ̌dang kạpahumbisarane, sěngkělěndịu i Yesus sẹ̌sane rimarisị sutal᷊oaran sire dingangu nẹ̌bera, ”Pẹ̌darame si kamene!”#24:36: Su winohẹ pira-pira tawẹ apa: ringangu nẹ̌bera, ”Pẹ̌darame si kamene!”
37I sire himěkosẹ̌ dingangu něngkatakụ u mạngiral᷊ing i sire kai nakasilo himukudẹ̌. 38Kai i Yesus něhengetang, ”Unụe i kamene něngkatakụ? Unụe piạ pẹ̌bawimbong su ral᷊ungu naung i kamene? 39Kakělla l᷊ima-Ku ringangu tatingangko laedẹ̌-Ku. Kěngkasingkạko u mambeng Iạ sẹ̌saku. Pěnaghipọe ringangu tahěndungeko, watụ u himukudẹ̌ e tawẹ gẹ̌sine arau ruhine kere kinasilong kamene si Siạ.”
40Mawu Yesus něhengetang kerene apidu nanodẹ u l᷊imanʼE ringangu l᷊aedʼE#24:40: Su winohẹ pira-pira tawẹ apa ayetẹ̌ 40. si sire. 41Kụ piạ i sire měngkai wẹ̌dang tawe měmpangimang ual᷊ingken mạhěmpal᷊iun dal᷊uase ringangu kal᷊aherange, tangu i Yesus nakiwal᷊ọe si sire, ”Kụ bědangben piạ kaěng i kamene sini e?” 42Kụ ene i sire němpangonggọen kinạ goreng sěmpotọ si Sie. 43Mawu Yesus dimaẹ kinạ ene, mase nikinạe su těngon sire.
44Bọu ene i Sie něhengetang si sire, ”Hal᷊ẹ̌ tamaị ini e sembeng Takụ nihabarẹ̌ si kamene piạ Iạ deng dingangi kamene u kěbị apang kụ mạbawohẹ mạanun Iạ e su ral᷊ungu manga bukẹ̌ i Musa, manga nabi ringangu Mazmur harusẹ̌ mariadi.”
45Mase i Yesus namukạ e tiněnnan sire mẹ̌deạu i sire makaěnna timonan Binohẹ Susi e. 46Mase i Yesus něhengetang si sire, ”Su ral᷊ungu Winohẹ Susi e mạbawohẹ u Ratun Sal᷊amatẹ̌ e harusẹ̌ mẹ̌tatahangu sunsara ringangu harusẹ̌ mẹ̌bangung kapia wọu papate su ěllo katěllune. 47Kerene lai su ral᷊ungu arengu Ratun Sal᷊amatẹ̌ e hinong ihabarẹ̌ su patikụ umatẹ̌ u taumata harusẹ̌ pěmpẹ̌tobatẹ̌ batụu Mawu Ruata e mangampung kal᷊awọu rosa. Ringangu habarẹ̌ e hinon ipẹ̌dal᷊ahabarẹ̌ manětạ bọu Yerusalem. 48I kamene e sahidine wọu kěbị ene. 49#MMR. 1:4 Dingangu Iạ e sẹ̌saku sarung měndolohẹ̌ sarang anung kamene apạeweng nikẹ̌don Amang. Kai i kamene pakatatapẹ̌ bue měmpangampal᷊ẹ̌ su soa ini sarang i kamene kawuakengu kawasa wọu anun Mawu Ruata.”
Mawu Yesus nasapuạ sarang sorga
(Mrk. 16:19-20; MMR. 1:9-11)
50 #
MMR. 1:9-11
Bọu ene i Yesus nẹ̌bawa si sire niapasẹ̌bang bọu soa sarang Betania. Sene i Sie něhengkẹ u l᷊imanʼE, mase něngal᷊amatẹ̌ si sire. 51I Sie kapẹ̌koạe kerene, apidu i Sie nasapuạ sol᷊ong sorga, mase naghea wọʼi sire.#24:51: Su winohẹ pira-pira tawẹ apa: nasapuạ sol᷊ong sorga, mase naghea wọʼi sire. 52I sire nětěngkasumagẹ̌ němpẹ̌suba si Sie, bọu ene němpẹ̌sul᷊e sarang Yerusalem dingangu ral᷊uasẹ̌ tawẹ sihinge, 53dingangu měngkatewe měmpẹ̌dẹ̌dalo Mawu Ruata su Wal᷊em Mawu e.
Currently Selected:
LUKAS 24: SXN
Highlight
Share
Copy
Want to have your highlights saved across all your devices? Sign up or sign in
LUKAS 24
24
Pẹ̌bawangung u Mawu Yesus
(Mat. 28:1-10; Mrk. 16:1-8; Yoh. 20:1-10)
1Su ěllon Misa, mal᷊uka-l᷊ukadẹ̌, manga wawine ene nakoạ sarang kubul᷊ẹ̌ nẹ̌bawa manga rampa kụ seng nisạdiang sire. 2Nikaěbakengi sire watu l᷊ahěping kubul᷊ẹ̌ seng limunggi. 3Mase i sire nahunsuẹ̌ su ral᷊ungu kubul᷊ẹ̌ ene, kai i sire tawe nakaěbạ badangu Mawu Yesus sene. 4Kapạhundarisị e sene i sire ringangu němpẹ̌bingọ mạngěnna hal᷊ẹ̌ ene, sěngkělěndịu piạ duang katau ringangu pakeange kụkuhenabẹ̌ dụdarisị děduhʼi sire. 5I sire něngkatakụ kahěngang, kụ nẹ̌tumpěkuhẹ̌ sarang ěntana, apidʼu i rẹ̌dua ene nẹ̌bera si sire, ”Unụe i kamene mědẹ̌deạ taumata wiahẹ̌ sutal᷊oarang taumata nate? 6#Mat. 16:21, 17:22-23, 20:18-19; Mrk. 8:31, 9:31, 10:33-34; Luk. 9:22, 18:31-33 I Sie tawẹ dịe sini, i Sie seng nẹ̌bangung! Tahěndungẹ e apang kụ seng niweranʼE si kamene su tempong i Sie wẹ̌dang su Galilea, 7u ’Ahusʼu Taumata e harusẹ̌ isarakang su l᷊imang tau warạdosa, mase ikuruisẹ̌ dingangu su katěllu ěllone i Sie sarung mẹ̌bangung.’ ”
8Tangu manga wawine ene nakatahěndungke apan niwerang Mawu Yesus. 9Sarạeng něngkawal᷊ị bọu kubul᷊ẹ̌, i sire němpẹ̌běkeng kěbị apan nariadi ene si sire muritʼE mapul᷊o ěsa ringangu apan tumatol᷊ene lai wal᷊ine. 10Manga wawine kụ němpẹ̌běkeng kěbị ene su manga muritʼi Yesus ute kai: I Maria Magdalena, Yohana ringangu i Maria i ninang i Yakobus, dingangkewelain manga wawine wal᷊ine kụ nạung dingangkewen sire. 11Kutẹu nạung manga rarolohang ene mạngiral᷊ing u manga wawine ene kětạeng mẹ̌bẹ̌běkeng apan tạ gunane. I sire tawe měmpangimangu wẹ̌keng manga wawine ene. 12Arawe i Petrus nẹ̌bangung dingangu timal᷊ang sarang kubul᷊ẹ̌. Apidʼu kakạkowọe i sie kạdal᷊ingene sarang dal᷊unge kụ kinasilone kětạeng hekạ sasapụ sene. I Petrus měngkatewe naherang kụ napul᷊ẹ dingangu naunge mạdal᷊ingung kěbị apan seng nariadi.#24:12: Su ral᷊ungu winohẹ pira-pira tawẹ apa ayetẹ̌ 12.
Sutal᷊oaran dal᷊eng sarang Emaus
(Mrk. 16:12-13)
13Su ěllo ene lai, piạ duang katau tumatol᷊e si Yesus kạpahundal᷊enge sarang soa sěmbaụ, kụ arenge Emaus, mangawe mapul᷊o ěsa su kilo metere karaune wọu Yerusalem. 14I rẹ̌dua kạpahundal᷊enge mahumbisaran mạanung kěbị hal᷊ẹ̌ kụ seng nariadi ene. 15Ene kạpahumbisarane i rẹ̌dua ringangu kapẹ̌bawukane ěnna, i Yesus sẹ̌sane riměnta kụ dimal᷊eng sěngkaral᷊eng dingang i sire. 16I sire nakasilo si Yesus, kai piạko apa nakatuẹ̌ hakịu i sire ta nakakiral᷊a si Sie. 17Mase Mawu Yesus něhengetang, ”Kai apạe ipạhumbisaran dua su tal᷊oaran dal᷊eng ini e?”
I rẹ̌dua timaing dingangu ghati mal᷊ěhubẹ̌. 18Mase sěngkatau wọʼi sire, arenge i Kleopas, nakiwal᷊o si Yesus, ”I Tuang sẹ̌sane tau raghị su Yerusalem kụ běgang hal᷊ẹ̌ nariadi paị sene samurine ini?”
19”Hal᷊ẹ̌ u apa ngae?” angkuěng i Yesus,
”Hal᷊ẹ̌ nariadi su Mawu Yesus tau Nazaret e,” sasimbahi rẹ̌dua, ”I Sie kai nabi. Manga waweranʼE ringangu manga kakanoạʼE makawasa kahěngang baẹ tumuhụ tingirangu Ruata ore lai tumuhụ tingirangu kěbị taumata. 20Manga imang těmbonange ringangu manga pangahạ u wanuang kitẹ seng nanarakang i Sie mědeạu pinakihukungu papate, ringangu i sire seng nanguruisẹ̌ si Sie. 21Sěmbal᷊iau i kami mělẹ̌harapẹ̌ u kai i Sie sarung měliwirʼu tau Israel! Dingangu sahěllo ini kai seng katěllu ěllone wọu karariadin hal᷊ẹ̌ ene. 22Ringangu l᷊ai pirang katau wawine wọu tal᷊oarang kami seng napakahěkosẹ̌ si kami. Mal᷊uka-l᷊ukadẹ̌ kahěngang i sire seng sarang kubul᷊ẹ̌, 23kai tawe nakaěbạ badange paị sene. Mase i sire něngkawal᷊ị dingangu němpẹ̌bera u i sire nakasilo malạekatẹ̌ kụ manga malạekatẹ̌ e němpẹ̌bera u i Yesus kai wiahẹ̌. 24Pirang katau wọʼi kami e makoạ sarang kubul᷊ẹ̌ kụ nakaěbạ u apạewen nịbawerang manga wawine ene mang kahěngang kerene, kětạeng i sire ta nakasilo si Yesus.”
25Mase i Yesus něhengetang si sire, ”I kamene mambeng longong! Měngkate tumanịu mal᷊ongge mahimangu kěbị apan niwerang manga nabi. 26Bal᷊inewe Ratun Sal᷊amatẹ̌ e kai hinong mẹ̌tatahangu sunsara kal᷊imona wuhụe makaẹ̌ba kawawantugʼE?” 27Samurine i Yesus nanualagẹ̌ si rẹ̌dua apan mạbawohẹ su ral᷊ungu Winohẹ Susi mạanum batangengʼE manětạ bọu manga bukẹ̌ i Musa ringangu bukẹ̌ u manga nabi.
28Kạpahumbisarane tangu i sire kakạdanineng soa tẹ̌timonaěng i sire. I Yesus kai kere makịěnna u al᷊ingkai manẹ̌pasu raral᷊enge, 29kutẹu i rẹ̌dua e kawe mạmaedẹ̌ si Sie. ”Katanạe ringangi kandua,” angkuěng i rẹ̌dua si Sie, ”u ini e seng kakạbawěllone kụ seng manětạ mạděndung lai.” Tangu i Yesus simuẹ̌ e mědeạu mẹ̌tanạ dingangi rẹ̌dua. 30Su tempon mạiang kạpahungkaěnge ringangi rẹ̌dua, i Yesus nangal᷊ạ e borotẹ̌, nakitarimakasẹ su Mawu Ruata, mase nịkakakěmpange mase nionggọe si rẹ̌dua. 31Ene nakakiral᷊ạe i rẹ̌dua u ene kawe nạung i Yesus. Kutẹu i Sie kawe naghěngging bọu matan dẹ̌dua. 32Angkuěng i rẹ̌dua, sěngkatau su wal᷊ine, ”Bal᷊inewe pěndangu naung i kaduạ e mẹ̌sul᷊ungu lụhune su tempon i Sie mẹ̌bẹ̌bisara ringangi kadua sutal᷊oaran dal᷊eng dingangu manualagʼu ral᷊ohon Winohẹ Susi e si kadua e?”
33Orasẹ̌ ene lai i rẹ̌dua měngkatewe němpẹ̌buạ mase němpẹ̌sul᷊e sarang Yerusalem. Paị sene i rẹ̌dua nakahombang si sire mapul᷊o ẹ̌sa muritʼi Yesus němpẹ̌komol᷊ẹ̌ dingangu manga ringangi sire wal᷊ine. 34I sire e němpẹ̌bera, ”Mambeng kahěngang Mawu e seng nẹ̌biahẹ̌ kapia. I Sie seng nẹ̌těngkatodẹ u watangengʼE si Simon!”
35I rẹ̌dua muritʼi Yesus kụ buhu rarěnta ene ute němpẹ̌bẹ̌kẹen ěbạ i rẹ̌dua sutal᷊oaran daral᷊engang, dingangu kereapa i rẹ̌dua nakakiral᷊a Mawu su tempon i Sie mạngompeng borotẹ̌.
Mawu Yesus mẹ̌těngkatodẹu watangengʼE su manga muritʼE
(Mat. 28:16-20; Mrk. 16:14-18; Yoh. 20:19-23; MMR. 1:6-8)
36I sire wẹ̌dang kạpahumbisarane, sěngkělěndịu i Yesus sẹ̌sane rimarisị sutal᷊oaran sire dingangu nẹ̌bera, ”Pẹ̌darame si kamene!”#24:36: Su winohẹ pira-pira tawẹ apa: ringangu nẹ̌bera, ”Pẹ̌darame si kamene!”
37I sire himěkosẹ̌ dingangu něngkatakụ u mạngiral᷊ing i sire kai nakasilo himukudẹ̌. 38Kai i Yesus něhengetang, ”Unụe i kamene něngkatakụ? Unụe piạ pẹ̌bawimbong su ral᷊ungu naung i kamene? 39Kakělla l᷊ima-Ku ringangu tatingangko laedẹ̌-Ku. Kěngkasingkạko u mambeng Iạ sẹ̌saku. Pěnaghipọe ringangu tahěndungeko, watụ u himukudẹ̌ e tawẹ gẹ̌sine arau ruhine kere kinasilong kamene si Siạ.”
40Mawu Yesus něhengetang kerene apidu nanodẹ u l᷊imanʼE ringangu l᷊aedʼE#24:40: Su winohẹ pira-pira tawẹ apa ayetẹ̌ 40. si sire. 41Kụ piạ i sire měngkai wẹ̌dang tawe měmpangimang ual᷊ingken mạhěmpal᷊iun dal᷊uase ringangu kal᷊aherange, tangu i Yesus nakiwal᷊ọe si sire, ”Kụ bědangben piạ kaěng i kamene sini e?” 42Kụ ene i sire němpangonggọen kinạ goreng sěmpotọ si Sie. 43Mawu Yesus dimaẹ kinạ ene, mase nikinạe su těngon sire.
44Bọu ene i Sie něhengetang si sire, ”Hal᷊ẹ̌ tamaị ini e sembeng Takụ nihabarẹ̌ si kamene piạ Iạ deng dingangi kamene u kěbị apang kụ mạbawohẹ mạanun Iạ e su ral᷊ungu manga bukẹ̌ i Musa, manga nabi ringangu Mazmur harusẹ̌ mariadi.”
45Mase i Yesus namukạ e tiněnnan sire mẹ̌deạu i sire makaěnna timonan Binohẹ Susi e. 46Mase i Yesus něhengetang si sire, ”Su ral᷊ungu Winohẹ Susi e mạbawohẹ u Ratun Sal᷊amatẹ̌ e harusẹ̌ mẹ̌tatahangu sunsara ringangu harusẹ̌ mẹ̌bangung kapia wọu papate su ěllo katěllune. 47Kerene lai su ral᷊ungu arengu Ratun Sal᷊amatẹ̌ e hinong ihabarẹ̌ su patikụ umatẹ̌ u taumata harusẹ̌ pěmpẹ̌tobatẹ̌ batụu Mawu Ruata e mangampung kal᷊awọu rosa. Ringangu habarẹ̌ e hinon ipẹ̌dal᷊ahabarẹ̌ manětạ bọu Yerusalem. 48I kamene e sahidine wọu kěbị ene. 49#MMR. 1:4 Dingangu Iạ e sẹ̌saku sarung měndolohẹ̌ sarang anung kamene apạeweng nikẹ̌don Amang. Kai i kamene pakatatapẹ̌ bue měmpangampal᷊ẹ̌ su soa ini sarang i kamene kawuakengu kawasa wọu anun Mawu Ruata.”
Mawu Yesus nasapuạ sarang sorga
(Mrk. 16:19-20; MMR. 1:9-11)
50 #
MMR. 1:9-11
Bọu ene i Yesus nẹ̌bawa si sire niapasẹ̌bang bọu soa sarang Betania. Sene i Sie něhengkẹ u l᷊imanʼE, mase něngal᷊amatẹ̌ si sire. 51I Sie kapẹ̌koạe kerene, apidu i Sie nasapuạ sol᷊ong sorga, mase naghea wọʼi sire.#24:51: Su winohẹ pira-pira tawẹ apa: nasapuạ sol᷊ong sorga, mase naghea wọʼi sire. 52I sire nětěngkasumagẹ̌ němpẹ̌suba si Sie, bọu ene němpẹ̌sul᷊e sarang Yerusalem dingangu ral᷊uasẹ̌ tawẹ sihinge, 53dingangu měngkatewe měmpẹ̌dẹ̌dalo Mawu Ruata su Wal᷊em Mawu e.
Currently Selected:
:
Highlight
Share
Copy
Want to have your highlights saved across all your devices? Sign up or sign in