MARKUS 13
13
I Yesus mul᷊uhabari hal᷊i u kaghaghoghahu Wal᷊e-Ngu Mawu
(Mat. 24:1-2; Luk. 21:5-6)
1Su tempo I Yesus nanintang u Wal᷊e-Ngu Mawu, singkatau bou manga tumatuhu-E nangul᷊i, “Tuang Guru, kenang putuhung kakakoa u Wal᷊e-Ngu Mawu e'e. Tuhungete manga watunge. Wal᷊inge gampang kasidadae!”
2I Yesus nusumimbahi, “I kau seng nakawua kirapa aru kakakoa u Wal᷊e-Ngu Mawu ko l᷊abo e'e? Takoae sarang manga simbau bou watu ngu wal᷊e e'e ko matatana mal᷊ahunsuri su tampae. Kaul᷊ie sarung i iopehi.”
Kasasusa l᷊au papahang
(Mat. 24:3-14; Luk. 21:7-19)
3Bou e I Yesus nakoa sarang wul᷊uru Zaitun, dang nukumangiang#13:3: dang nukumangiang: su tempo e'e tau Yahudi mukumangiang boko manintiro. su tampa mutatingo ngu Wal᷊e-Ngu Mawu. Bou e'e i Petrus, i Yakobus, i Yohanes l᷊au i Andreas nunusumongo sarang koa-E guna ngu mudidato dingang-E sisane. 4I sire nangul᷊i si Sie, “Kenang I Tuang pangul᷊i si kami, kangereng temponge e'e sarung mariadi? L᷊au manga tatia apa ko nanul᷊ara himoneu seng tempo nge?”
5“Pakaingati,” angkung I Yesus, “Kumbahang i kumu sarang kaakal᷊eng. 6Sarung maul᷊i taumata sumongo mupake u areng-Ku dingang nangul᷊i seng Ia I Sie! bou e'e mangakal᷊i taumata maul᷊i. 7Boko i kumu makaringihi tingihi u l᷊utang l᷊au manga habari u parang, kumbahang mataku. Manga hal᷊i mang mambeng mariadi, kateho e'e wal᷊ingewe seng tempo nge mukiamati. 8Bangsa simbau sarung dumarisi mundoka bangsa ko wal᷊inge. Negara simbau sarung mangalo mundoka negara ko wal᷊inge. Suapang tampa sarung pia rinuhi dingang u kal᷊ahutung. Kaul᷊ie e'e wuhue panitakenge, musul᷊ung u pundang u kal᷊iki susingkatau kokowawine su tempo mahinding.
9 #
Mat. 10:17-20; Luk. 12:11-12 I kumu mambeng pakatatiho, watu u i kumu sarung samekang dang wawaneng su pangadilang. I kumu sarung rarihang su manga wal᷊e pukakal᷊iomanengang. I kumu sarung wawaneng pupasaruang su manga tumbonang u l᷊au su manga ratu ual᷊ingu i kumu ko tumuhu si Sia. Dang e'e tempo ngi kumu tadea pangonggo u wuke hal᷊i u Ia si sire. 10Habari Mapia bou Mawu Ruata e'e mambeng i pul᷊ahabari horo su kaul᷊i u bangsa. 11Dang boko i kumu samekang l᷊au bawaneng sarang pangadilang, kumbahang ghumagha apa hino nge i didato ngi kumu. Boko seng su tempo nge mudidato, pudidatote apa ko nipakatitong si kumu su temponge. Watu u kaul᷊i u manga didato ko ridato ngu e'e wal᷊ingewe didato ngu sisane ngu, kateho ko nusumongo bou Roh u Mawu Ruata. 12Taumata sarung musingking u ana u simbaue tadeau pakipate. E'e l᷊ai sarung mariadi su tal᷊oara ngi amang dingang u anae. Manga ana sarung mundoka si mamange-papange l᷊au manarakang i sire tadeau pakipate. 13#Mat. 10:22I kumu sarung i pubinsi u kaul᷊iu taumata ual᷊ingu i kumu tumatuhu-Ku. Arawe taumata ko mutatahang sarang panginsuenge, sarung i pakasal᷊amati.”
Kal᷊al᷊ai ko makawinasa
(Mat. 24:15-28; Luk. 21:20-24)
14 #
Dan. 9:27, 11:31, 12:11 “I kumu sarung makawua kal᷊al᷊ai ko makawinasa, risirisi su tampa ko i larang si sie. (Nota su ko mubasa: Putuhung ko apa mangal᷊enge!) Su tempo e'e taumata ko ene su Yudea mambeng tal᷊ang sarang wul᷊ure. 15#Luk. 17:31Taumata ko su wawo u atu u wal᷊e kumbahang l᷊umintu l᷊au sumu su l᷊al᷊ung u wal᷊e, guna ngu mangal᷊a manga apa-apa. 16Taumata ko su anseri kumbahang musul᷊e mangal᷊a jubange. 17Wal᷊inge gampang katital᷊ie l᷊ou-l᷊ou e'e su manga kowawine ko pia kal᷊uwaenge dang ima ko mborong kapupasusu ngu ana! 18Pukal᷊iomaneng ko tadeau manga hal᷊i e'e kumbahang mariadi su tempo ngu tahiti. 19#Dan. 12:1; Kl᷊h. 7:14Su l᷊ou-l᷊ou ko matital᷊i e sarung pia kasasusa ko mborong ta paghisa na nariadi, mborong bou tita u Mawu Ruata nukoa dunia sarang l᷊ou i'i, dang sarung ta mariadi l᷊ai. 20Kere botonge Mawu Ruata ta mupakapol᷊o ngu tempo e'e kuteu takoae sarang manga singkatau makasal᷊amati. Kateho ual᷊ingu umat-E, Mawu Ruata nupakapol᷊o u tempo e'e.
21Su tempo e'e boko singkatau mangul᷊i si kumu, ‘Tuhungete Ratung manal᷊amati e'e ene su si'i arako tuhunge I Sie ene su se'e!’ – Kumbahang mangimang su taumata e'e. 22Watu u manga sihingu mananal᷊amati dingang u manga mahang nabi sarung sumongo. I sire sarung mukoa manga hal᷊i ko takoe sul᷊unge dang kaul᷊i u ko makal᷊aherang tadeau mangakal᷊i kere botonge sarang umat u Mawu Ruata l᷊ai. 23Inau, pakal᷊aingati! Kaul᷊ie seng bou Daku nipakatitong si kumu su horo u hal᷊i e'e mariadi.”
Sasongo ngu Ahusu Taumata
(Mat. 24:29-31; Luk. 21:25-28)
24 #
Yes. 13:10; Yeh. 32:7; Yl. 2:10,31, 3:15; Kl᷊h. 6:12 “Mal᷊iu tempo kasasusa e'e, matangutiti sarung mutingkarundung, l᷊au wul᷊ang seng l᷊ai ta suminang. 25#Yes. 34:4; Yl. 2:10; Kl᷊h. 6:13Manga wituing sarung manawo bou l᷊angi, l᷊au apang mangangawasa ngu kinuang sarung mukalabulu. 26#Dan. 7:13; Kl᷊h. 1:7Su tempo e'e ana u taumata sarung i kawua sumongo su l᷊al᷊ung u winawa dingang u kawasa l᷊abo l᷊au kawawantughi. 27I Sie sarung mundoi u manga mal᷊aikate pangomol᷊i umati ko nipile-Nge bou pa u wukungu dunia, bou pondol᷊u dunia sarang pondol᷊u l᷊angi.”
Tintiro bou kau ara
(Mat. 24:32-35; Luk. 21:29-33)
28“Pangal᷊ako tintiro bou kau ara. Boko manga lelange ko dadio ko ijo l᷊au mal᷊owo, dang manita mutuwo, i kumu matitong himoneu tempo ngu titi seng masandighi. 29Kere'e l᷊ai boko i kumu makawua kaul᷊i e'e mariadi, i kumu matitong temponge seng masandighi kahingang.#13:29: temponge seng masandighi kahingang: arako I Sie seng masandighi, seng masandighi ruminta. 30Katitongte! Kaul᷊i hal᷊i i'i sarung mariadi su horo u manga taumata ko wiahi orasi i'i masue mate. 31L᷊angi dingang u dunia sarung mailang, arawe didato-Ku tatapi sarang kal᷊iwuenge.”
Takoae sarang singkatau matitong l᷊ou dingang u orase
(Mat. 24:36-44)
32 #
Mat. 24:36
“Maneng we kere'e, takoae sarang manga singkatau matitong kangereng l᷊ounge arako kangereng orase. Manga mal᷊aikati su sorga wugha dang Ahus-E mang l᷊ai wugha, kitang I Yamang sisane nge matitong. 33Inau i kumu mambeng pundiaga dingang u pakal᷊aingati, watu u i kumu wughangu kangereng temponge. 34#Luk. 12:36-38Kakakoae musul᷊ung u singkatau ko nanintang u wal᷊enge bou e'e nurumal᷊eng nakoa sarang tampa marau. I sie nuparenta su manga paparentange pangurusi wal᷊enge, l᷊au nangonggo u hal᷊i si sire singkatau-singkatau. Sumundadiaga tukari nitanatange tadeau pundiaga tukari pakapia-pia. 35Watu'u e'e i kumu mambeng pakadadiaga, watu u i kumu wugha kangereng tataghuang u wal᷊e e'e sarung musul᷊e – pari su wawul᷊aeng, pari su kal᷊uarange, pari su kalonge, arako pari su tempo ngu matangutiti maburesi. 36Boko i sie singkahuwiu nusumongo, kumbahang sarang i sie makahombang si kumu mborong katikie. 37Apang ko Daku i habari si kumu i'i, Daku i habari l᷊ai su manga taumata: pakadadiagate!”
Currently Selected:
MARKUS 13: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
MARKUS 13
13
I Yesus mul᷊uhabari hal᷊i u kaghaghoghahu Wal᷊e-Ngu Mawu
(Mat. 24:1-2; Luk. 21:5-6)
1Su tempo I Yesus nanintang u Wal᷊e-Ngu Mawu, singkatau bou manga tumatuhu-E nangul᷊i, “Tuang Guru, kenang putuhung kakakoa u Wal᷊e-Ngu Mawu e'e. Tuhungete manga watunge. Wal᷊inge gampang kasidadae!”
2I Yesus nusumimbahi, “I kau seng nakawua kirapa aru kakakoa u Wal᷊e-Ngu Mawu ko l᷊abo e'e? Takoae sarang manga simbau bou watu ngu wal᷊e e'e ko matatana mal᷊ahunsuri su tampae. Kaul᷊ie sarung i iopehi.”
Kasasusa l᷊au papahang
(Mat. 24:3-14; Luk. 21:7-19)
3Bou e I Yesus nakoa sarang wul᷊uru Zaitun, dang nukumangiang#13:3: dang nukumangiang: su tempo e'e tau Yahudi mukumangiang boko manintiro. su tampa mutatingo ngu Wal᷊e-Ngu Mawu. Bou e'e i Petrus, i Yakobus, i Yohanes l᷊au i Andreas nunusumongo sarang koa-E guna ngu mudidato dingang-E sisane. 4I sire nangul᷊i si Sie, “Kenang I Tuang pangul᷊i si kami, kangereng temponge e'e sarung mariadi? L᷊au manga tatia apa ko nanul᷊ara himoneu seng tempo nge?”
5“Pakaingati,” angkung I Yesus, “Kumbahang i kumu sarang kaakal᷊eng. 6Sarung maul᷊i taumata sumongo mupake u areng-Ku dingang nangul᷊i seng Ia I Sie! bou e'e mangakal᷊i taumata maul᷊i. 7Boko i kumu makaringihi tingihi u l᷊utang l᷊au manga habari u parang, kumbahang mataku. Manga hal᷊i mang mambeng mariadi, kateho e'e wal᷊ingewe seng tempo nge mukiamati. 8Bangsa simbau sarung dumarisi mundoka bangsa ko wal᷊inge. Negara simbau sarung mangalo mundoka negara ko wal᷊inge. Suapang tampa sarung pia rinuhi dingang u kal᷊ahutung. Kaul᷊ie e'e wuhue panitakenge, musul᷊ung u pundang u kal᷊iki susingkatau kokowawine su tempo mahinding.
9 #
Mat. 10:17-20; Luk. 12:11-12 I kumu mambeng pakatatiho, watu u i kumu sarung samekang dang wawaneng su pangadilang. I kumu sarung rarihang su manga wal᷊e pukakal᷊iomanengang. I kumu sarung wawaneng pupasaruang su manga tumbonang u l᷊au su manga ratu ual᷊ingu i kumu ko tumuhu si Sia. Dang e'e tempo ngi kumu tadea pangonggo u wuke hal᷊i u Ia si sire. 10Habari Mapia bou Mawu Ruata e'e mambeng i pul᷊ahabari horo su kaul᷊i u bangsa. 11Dang boko i kumu samekang l᷊au bawaneng sarang pangadilang, kumbahang ghumagha apa hino nge i didato ngi kumu. Boko seng su tempo nge mudidato, pudidatote apa ko nipakatitong si kumu su temponge. Watu u kaul᷊i u manga didato ko ridato ngu e'e wal᷊ingewe didato ngu sisane ngu, kateho ko nusumongo bou Roh u Mawu Ruata. 12Taumata sarung musingking u ana u simbaue tadeau pakipate. E'e l᷊ai sarung mariadi su tal᷊oara ngi amang dingang u anae. Manga ana sarung mundoka si mamange-papange l᷊au manarakang i sire tadeau pakipate. 13#Mat. 10:22I kumu sarung i pubinsi u kaul᷊iu taumata ual᷊ingu i kumu tumatuhu-Ku. Arawe taumata ko mutatahang sarang panginsuenge, sarung i pakasal᷊amati.”
Kal᷊al᷊ai ko makawinasa
(Mat. 24:15-28; Luk. 21:20-24)
14 #
Dan. 9:27, 11:31, 12:11 “I kumu sarung makawua kal᷊al᷊ai ko makawinasa, risirisi su tampa ko i larang si sie. (Nota su ko mubasa: Putuhung ko apa mangal᷊enge!) Su tempo e'e taumata ko ene su Yudea mambeng tal᷊ang sarang wul᷊ure. 15#Luk. 17:31Taumata ko su wawo u atu u wal᷊e kumbahang l᷊umintu l᷊au sumu su l᷊al᷊ung u wal᷊e, guna ngu mangal᷊a manga apa-apa. 16Taumata ko su anseri kumbahang musul᷊e mangal᷊a jubange. 17Wal᷊inge gampang katital᷊ie l᷊ou-l᷊ou e'e su manga kowawine ko pia kal᷊uwaenge dang ima ko mborong kapupasusu ngu ana! 18Pukal᷊iomaneng ko tadeau manga hal᷊i e'e kumbahang mariadi su tempo ngu tahiti. 19#Dan. 12:1; Kl᷊h. 7:14Su l᷊ou-l᷊ou ko matital᷊i e sarung pia kasasusa ko mborong ta paghisa na nariadi, mborong bou tita u Mawu Ruata nukoa dunia sarang l᷊ou i'i, dang sarung ta mariadi l᷊ai. 20Kere botonge Mawu Ruata ta mupakapol᷊o ngu tempo e'e kuteu takoae sarang manga singkatau makasal᷊amati. Kateho ual᷊ingu umat-E, Mawu Ruata nupakapol᷊o u tempo e'e.
21Su tempo e'e boko singkatau mangul᷊i si kumu, ‘Tuhungete Ratung manal᷊amati e'e ene su si'i arako tuhunge I Sie ene su se'e!’ – Kumbahang mangimang su taumata e'e. 22Watu u manga sihingu mananal᷊amati dingang u manga mahang nabi sarung sumongo. I sire sarung mukoa manga hal᷊i ko takoe sul᷊unge dang kaul᷊i u ko makal᷊aherang tadeau mangakal᷊i kere botonge sarang umat u Mawu Ruata l᷊ai. 23Inau, pakal᷊aingati! Kaul᷊ie seng bou Daku nipakatitong si kumu su horo u hal᷊i e'e mariadi.”
Sasongo ngu Ahusu Taumata
(Mat. 24:29-31; Luk. 21:25-28)
24 #
Yes. 13:10; Yeh. 32:7; Yl. 2:10,31, 3:15; Kl᷊h. 6:12 “Mal᷊iu tempo kasasusa e'e, matangutiti sarung mutingkarundung, l᷊au wul᷊ang seng l᷊ai ta suminang. 25#Yes. 34:4; Yl. 2:10; Kl᷊h. 6:13Manga wituing sarung manawo bou l᷊angi, l᷊au apang mangangawasa ngu kinuang sarung mukalabulu. 26#Dan. 7:13; Kl᷊h. 1:7Su tempo e'e ana u taumata sarung i kawua sumongo su l᷊al᷊ung u winawa dingang u kawasa l᷊abo l᷊au kawawantughi. 27I Sie sarung mundoi u manga mal᷊aikate pangomol᷊i umati ko nipile-Nge bou pa u wukungu dunia, bou pondol᷊u dunia sarang pondol᷊u l᷊angi.”
Tintiro bou kau ara
(Mat. 24:32-35; Luk. 21:29-33)
28“Pangal᷊ako tintiro bou kau ara. Boko manga lelange ko dadio ko ijo l᷊au mal᷊owo, dang manita mutuwo, i kumu matitong himoneu tempo ngu titi seng masandighi. 29Kere'e l᷊ai boko i kumu makawua kaul᷊i e'e mariadi, i kumu matitong temponge seng masandighi kahingang.#13:29: temponge seng masandighi kahingang: arako I Sie seng masandighi, seng masandighi ruminta. 30Katitongte! Kaul᷊i hal᷊i i'i sarung mariadi su horo u manga taumata ko wiahi orasi i'i masue mate. 31L᷊angi dingang u dunia sarung mailang, arawe didato-Ku tatapi sarang kal᷊iwuenge.”
Takoae sarang singkatau matitong l᷊ou dingang u orase
(Mat. 24:36-44)
32 #
Mat. 24:36
“Maneng we kere'e, takoae sarang manga singkatau matitong kangereng l᷊ounge arako kangereng orase. Manga mal᷊aikati su sorga wugha dang Ahus-E mang l᷊ai wugha, kitang I Yamang sisane nge matitong. 33Inau i kumu mambeng pundiaga dingang u pakal᷊aingati, watu u i kumu wughangu kangereng temponge. 34#Luk. 12:36-38Kakakoae musul᷊ung u singkatau ko nanintang u wal᷊enge bou e'e nurumal᷊eng nakoa sarang tampa marau. I sie nuparenta su manga paparentange pangurusi wal᷊enge, l᷊au nangonggo u hal᷊i si sire singkatau-singkatau. Sumundadiaga tukari nitanatange tadeau pundiaga tukari pakapia-pia. 35Watu'u e'e i kumu mambeng pakadadiaga, watu u i kumu wugha kangereng tataghuang u wal᷊e e'e sarung musul᷊e – pari su wawul᷊aeng, pari su kal᷊uarange, pari su kalonge, arako pari su tempo ngu matangutiti maburesi. 36Boko i sie singkahuwiu nusumongo, kumbahang sarang i sie makahombang si kumu mborong katikie. 37Apang ko Daku i habari si kumu i'i, Daku i habari l᷊ai su manga taumata: pakadadiagate!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)