MARKUS 7
7
Tundungu adati upung ghaghurang
(Mat. 15:1-9)
1Manga taumata ngu Farisi singgapang dingang i sire pirangkatau meteri u agama bou Yerusalem, nusumongo si Yesus. 2I sire nakawua manga tumatuhu I Yesus pirang katau kakange dingang u l᷊ima makotori kere tuntukangu agama, mangal᷊enge ta nanguhasi l᷊ima horo tumuhu atorang u agama.
3Taumata ngu Farisi, kere e l᷊ai tau Yahudi, i sire mararingihi kahingang tumuhu adati iupung i sire. I sire ta kumang, boko mmborong ta manguhasi l᷊ima tumuhu atorang ko nitantu. 4Manga apang ko nil᷊uangeng su pasari mborong ta kanengang, boko ta uhaseng horo.#7:4: Su l᷊al᷊ung u wohe horo pia manga didato: dang l᷊al᷊okang. Dang maul᷊i l᷊ai atorang kowal᷊inge bou iupung i sire ko nihinggonang i sire matoghasi, kere atorang manguhasi galasi, wohosi, dingang u manga sal᷊iumpuhi bou witu.#7:4: Su l᷊al᷊ung u wohe horo pia manga didato: dang l᷊al᷊okang.
5Ual᷊ingu e'e manga tau Farisi dingang u manga meteru agama e'e nukina si Yesus. “Nakurawe manga tumatuhu U e'e nukumang dingang u l᷊ima ta niuhasi? Nakurawe i sire ta nutumuhu adati upung i kite?”
6 #
Yes. 29:13
I Yesus nusumimbahi, “I kumu manga taumata ko tal᷊umpangki! Mang nuhino apang ko niul᷊i i Yesaya bou hal᷊i i kumu,
‘Mawu Ruata nuwisara kiri i,
Manga umati e'e kitang manumba si Sia dingang u didato,
arawe naung i sire marau ngu Ia.
7Takoae mangal᷊enge i sire manumba si Sia,
watu u atorang u taumata i tintiro ngi sire
kere kakakoa u atorang-Ku!’
8Apang parenta ngu Mawu Ruata ta pandungang i kumu, dang apang atorang u taumata hinggonang i kumu mapia pia.”
9Bou e'e I Yesus nangul᷊i l᷊ai, “Kere'e kapandenge i kumu mutiho u parenta ngu Mawu Ruata tadeau ta mamilo tintiro ngi kumu. 10#Kel. 20:12, 21:17; Im. 20:9; Ul. 5:16I Musa seng nuparenta ngu i'i, ‘Pangadati si papa ngu dingang u si mamangu,’ dang ‘I sai-sai musughal᷊i si papa nge dingang i mama nge, mambeng i hukung pakapate.’ 11Kateho i kumu manintiro, boko taumata mudidato su ghaghurang e, ‘Apang daku i onggo si papa l᷊au si mama, seng mbuae daku nisumba su Mawu Ruata,’ 12Kute i kumu nupakal᷊iu taumata e'e bou tanggunang e mutul᷊ung i papa nge sirerua ngi mamange. 13Inau bou tintiro ngu sisane ko itintirong i kumu su manga taumata, i kumu mupakailang u didato ngu Mawu Ruata. Mborong maul᷊i hal᷊i ko kiri i ko koateng i kumu.”
Hal᷊i ko makal᷊amuhu taumata
(Mat. 15:10-20)
14Bou e'e sau paghisa I Yesus nukui taumata maul᷊i e'e dingang nangul᷊i si sire, “Daringihe ko tadeau makahingang! 15Takoae manga apa bou l᷊ikure e ko mataho su taumata makal᷊amuhu taumata. Katewe su simbukange, ko mal᷊ua bou singkatau, e'e makal᷊amuhu si sie. 16[Inau, boko pia tul᷊i, pundaringihi.]”
17Su tempo I Yesus nanintang u taumata maul᷊i e'e dang nusumu su l᷊al᷊ung u wal᷊e, manga tumatuhu-E nukina si Sie mangal᷊engu papinintu e'e. 18Kuteu I Yesus nuwisara si sire, “Apa i kumu mang mborong ta nakahingang? Apa i kumu ta makahingang himoneu ko sumu su singkatau ta makal᷊amuhu taumata e'e? 19Watu u ko sumu e'e ta mataho sunaung, kateho nataho su tiang, mmbuhue sau sumuwang.” Dingangu e'e I Yesus nul᷊ahe himoneu kaul᷊i puwawiahi ta koae ko dal᷊ai.
20Bou e'e I Yesus sau nangul᷊i, “Ko sumuwang bou taumata, ko e'e makal᷊amuhu si sie. 21Watu u bou ral᷊unge, mangal᷊enge bou l᷊al᷊ung u naung, l᷊umitou sipirang ko dal᷊ai ko makakoa taumata mal᷊amuhu, manako mamate, 22mawuang, mul᷊eo, muhinakang, dang mukoa kaul᷊i u apang ko dal᷊ai, manganggang, takoae adate, mananoi, maoboti dang ta kal᷊ahabareng. 23Kaul᷊iu apang ko dal᷊ai e'e nutumimbul᷊i bou l᷊al᷊ung u naung, dang e'e makal᷊amuhu taumata.”
Pangangimang u singkatau ko kowawine
(Mat. 15:21-28)
24Bou e'e I Yesus nanintang u tampa e'e, dang nakoa sarang soa masandighu Tirus. I Sie nusumu su wal᷊e simbau dang mutiho mandiri pia taumata ko matitong I Sie ko ene su se'e. Kateho I Sie mang ta nakapamuningu badange. 25Pia ghaghurang ko kowawine simbau, ana e ko kowawine nikasukangu roh ko dal᷊ai, nakaringihi si Yesus. I sie nunusumongo sarang koa I Yesus dingang nusuba su sarung-E, 26dingang nundo si Yesus panguseri roh ko dal᷊ai bou anae e'e. Kowawine e'e wal᷊inge tau Yahudi, ko nipahinding su Fenisia su wanuang Siria. 27I Yesus nangul᷊i si sie, “Mangarario mambeng i pakang horo. Dal᷊ai mangal᷊a kang u mangarario tadeau iteleri su kapuna.”
28Kowawine e'e nusumimbahi, “Tuang, manga kapuna sul᷊ungang u meda mang l᷊ai kumang l᷊emo u kang ko i rume u mangarario!”
29Bou e'e I Yesus nangul᷊i si sie, “Ual᷊ingu sasimbahu e'e dakoe kapul᷊e'e, roh ko dal᷊ai e'e seng nusumuwang bou ana u!”
30Kowawine e'e napul᷊e. Suwal᷊e i sie nakahombang anae kal᷊al᷊oka sural᷊okang, dang roh ko dal᷊ai tinga-tingari seng tarie bou ana e'e.
I Yesus nupakaul᷊e ngu singkatau ko bobo, dingang u ko wenggeli
31Bou e'e I Yesus nanintang wanua ngu Tirus, nanurusi l᷊al᷊al᷊engang-E, nul᷊umiu Sidon sarang rano Galilea. I Sie tumuhu l᷊al᷊eng bou tampa soa mapul᷊o. 32Su se'e taumata numbawa sarang koa I Yesus singkatau ko bobo dingang u ko wenggeli. I sire mundo si Yesus pamilo u l᷊ima nge su tau e'e. 33I Yesus numbawa tau e'e nihae sisanenge bou taumata maul᷊i, mbuhue namilo tal᷊imborong-E su tul᷊ing u tamata e'e duambuka. Bou e'e I Yesus nanguru dingang u namilo u l᷊ima-Nge su lilangu tau e'e. 34Bou e'e I Yesus nutumingara sarang l᷊angi, wuhue nusuminda mal᷊al᷊ung dingang nangul᷊i su tau e'e “Efata,” mangal᷊enge “Kawukate!”
35Tul᷊ingu tau e'e nal᷊oahi dang lilange sau nasikome, dang i sie seng nanita makadidato mapia. 36Bou e'e I Yesus nul᷊arang si sire kaul᷊ie muwuke ngu hal᷊i e'e si sai-sai. Kateho manamba I Yesus mul᷊arang, i sire kasaunge l᷊ai muwuke. 37Dang maul᷊i manga taumata ko nakaringihi e'e naherang. I sire nangul᷊i, “Kauli-ulie seng nikoa-E pakapia! Nangilebe l᷊ai I Sie nukoa u taumata wenggeli nakaringihi dang tau bobo nakadidato!”
Currently Selected:
MARKUS 7: LAISXN
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)
MARKUS 7
7
Tundungu adati upung ghaghurang
(Mat. 15:1-9)
1Manga taumata ngu Farisi singgapang dingang i sire pirangkatau meteri u agama bou Yerusalem, nusumongo si Yesus. 2I sire nakawua manga tumatuhu I Yesus pirang katau kakange dingang u l᷊ima makotori kere tuntukangu agama, mangal᷊enge ta nanguhasi l᷊ima horo tumuhu atorang u agama.
3Taumata ngu Farisi, kere e l᷊ai tau Yahudi, i sire mararingihi kahingang tumuhu adati iupung i sire. I sire ta kumang, boko mmborong ta manguhasi l᷊ima tumuhu atorang ko nitantu. 4Manga apang ko nil᷊uangeng su pasari mborong ta kanengang, boko ta uhaseng horo.#7:4: Su l᷊al᷊ung u wohe horo pia manga didato: dang l᷊al᷊okang. Dang maul᷊i l᷊ai atorang kowal᷊inge bou iupung i sire ko nihinggonang i sire matoghasi, kere atorang manguhasi galasi, wohosi, dingang u manga sal᷊iumpuhi bou witu.#7:4: Su l᷊al᷊ung u wohe horo pia manga didato: dang l᷊al᷊okang.
5Ual᷊ingu e'e manga tau Farisi dingang u manga meteru agama e'e nukina si Yesus. “Nakurawe manga tumatuhu U e'e nukumang dingang u l᷊ima ta niuhasi? Nakurawe i sire ta nutumuhu adati upung i kite?”
6 #
Yes. 29:13
I Yesus nusumimbahi, “I kumu manga taumata ko tal᷊umpangki! Mang nuhino apang ko niul᷊i i Yesaya bou hal᷊i i kumu,
‘Mawu Ruata nuwisara kiri i,
Manga umati e'e kitang manumba si Sia dingang u didato,
arawe naung i sire marau ngu Ia.
7Takoae mangal᷊enge i sire manumba si Sia,
watu u atorang u taumata i tintiro ngi sire
kere kakakoa u atorang-Ku!’
8Apang parenta ngu Mawu Ruata ta pandungang i kumu, dang apang atorang u taumata hinggonang i kumu mapia pia.”
9Bou e'e I Yesus nangul᷊i l᷊ai, “Kere'e kapandenge i kumu mutiho u parenta ngu Mawu Ruata tadeau ta mamilo tintiro ngi kumu. 10#Kel. 20:12, 21:17; Im. 20:9; Ul. 5:16I Musa seng nuparenta ngu i'i, ‘Pangadati si papa ngu dingang u si mamangu,’ dang ‘I sai-sai musughal᷊i si papa nge dingang i mama nge, mambeng i hukung pakapate.’ 11Kateho i kumu manintiro, boko taumata mudidato su ghaghurang e, ‘Apang daku i onggo si papa l᷊au si mama, seng mbuae daku nisumba su Mawu Ruata,’ 12Kute i kumu nupakal᷊iu taumata e'e bou tanggunang e mutul᷊ung i papa nge sirerua ngi mamange. 13Inau bou tintiro ngu sisane ko itintirong i kumu su manga taumata, i kumu mupakailang u didato ngu Mawu Ruata. Mborong maul᷊i hal᷊i ko kiri i ko koateng i kumu.”
Hal᷊i ko makal᷊amuhu taumata
(Mat. 15:10-20)
14Bou e'e sau paghisa I Yesus nukui taumata maul᷊i e'e dingang nangul᷊i si sire, “Daringihe ko tadeau makahingang! 15Takoae manga apa bou l᷊ikure e ko mataho su taumata makal᷊amuhu taumata. Katewe su simbukange, ko mal᷊ua bou singkatau, e'e makal᷊amuhu si sie. 16[Inau, boko pia tul᷊i, pundaringihi.]”
17Su tempo I Yesus nanintang u taumata maul᷊i e'e dang nusumu su l᷊al᷊ung u wal᷊e, manga tumatuhu-E nukina si Sie mangal᷊engu papinintu e'e. 18Kuteu I Yesus nuwisara si sire, “Apa i kumu mang mborong ta nakahingang? Apa i kumu ta makahingang himoneu ko sumu su singkatau ta makal᷊amuhu taumata e'e? 19Watu u ko sumu e'e ta mataho sunaung, kateho nataho su tiang, mmbuhue sau sumuwang.” Dingangu e'e I Yesus nul᷊ahe himoneu kaul᷊i puwawiahi ta koae ko dal᷊ai.
20Bou e'e I Yesus sau nangul᷊i, “Ko sumuwang bou taumata, ko e'e makal᷊amuhu si sie. 21Watu u bou ral᷊unge, mangal᷊enge bou l᷊al᷊ung u naung, l᷊umitou sipirang ko dal᷊ai ko makakoa taumata mal᷊amuhu, manako mamate, 22mawuang, mul᷊eo, muhinakang, dang mukoa kaul᷊i u apang ko dal᷊ai, manganggang, takoae adate, mananoi, maoboti dang ta kal᷊ahabareng. 23Kaul᷊iu apang ko dal᷊ai e'e nutumimbul᷊i bou l᷊al᷊ung u naung, dang e'e makal᷊amuhu taumata.”
Pangangimang u singkatau ko kowawine
(Mat. 15:21-28)
24Bou e'e I Yesus nanintang u tampa e'e, dang nakoa sarang soa masandighu Tirus. I Sie nusumu su wal᷊e simbau dang mutiho mandiri pia taumata ko matitong I Sie ko ene su se'e. Kateho I Sie mang ta nakapamuningu badange. 25Pia ghaghurang ko kowawine simbau, ana e ko kowawine nikasukangu roh ko dal᷊ai, nakaringihi si Yesus. I sie nunusumongo sarang koa I Yesus dingang nusuba su sarung-E, 26dingang nundo si Yesus panguseri roh ko dal᷊ai bou anae e'e. Kowawine e'e wal᷊inge tau Yahudi, ko nipahinding su Fenisia su wanuang Siria. 27I Yesus nangul᷊i si sie, “Mangarario mambeng i pakang horo. Dal᷊ai mangal᷊a kang u mangarario tadeau iteleri su kapuna.”
28Kowawine e'e nusumimbahi, “Tuang, manga kapuna sul᷊ungang u meda mang l᷊ai kumang l᷊emo u kang ko i rume u mangarario!”
29Bou e'e I Yesus nangul᷊i si sie, “Ual᷊ingu sasimbahu e'e dakoe kapul᷊e'e, roh ko dal᷊ai e'e seng nusumuwang bou ana u!”
30Kowawine e'e napul᷊e. Suwal᷊e i sie nakahombang anae kal᷊al᷊oka sural᷊okang, dang roh ko dal᷊ai tinga-tingari seng tarie bou ana e'e.
I Yesus nupakaul᷊e ngu singkatau ko bobo, dingang u ko wenggeli
31Bou e'e I Yesus nanintang wanua ngu Tirus, nanurusi l᷊al᷊al᷊engang-E, nul᷊umiu Sidon sarang rano Galilea. I Sie tumuhu l᷊al᷊eng bou tampa soa mapul᷊o. 32Su se'e taumata numbawa sarang koa I Yesus singkatau ko bobo dingang u ko wenggeli. I sire mundo si Yesus pamilo u l᷊ima nge su tau e'e. 33I Yesus numbawa tau e'e nihae sisanenge bou taumata maul᷊i, mbuhue namilo tal᷊imborong-E su tul᷊ing u tamata e'e duambuka. Bou e'e I Yesus nanguru dingang u namilo u l᷊ima-Nge su lilangu tau e'e. 34Bou e'e I Yesus nutumingara sarang l᷊angi, wuhue nusuminda mal᷊al᷊ung dingang nangul᷊i su tau e'e “Efata,” mangal᷊enge “Kawukate!”
35Tul᷊ingu tau e'e nal᷊oahi dang lilange sau nasikome, dang i sie seng nanita makadidato mapia. 36Bou e'e I Yesus nul᷊arang si sire kaul᷊ie muwuke ngu hal᷊i e'e si sai-sai. Kateho manamba I Yesus mul᷊arang, i sire kasaunge l᷊ai muwuke. 37Dang maul᷊i manga taumata ko nakaringihi e'e naherang. I sire nangul᷊i, “Kauli-ulie seng nikoa-E pakapia! Nangilebe l᷊ai I Sie nukoa u taumata wenggeli nakaringihi dang tau bobo nakadidato!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
2014 Indonesian Bible Society (Lembaga Alkitab Indonesia)