O KELUARAN 5
5
O Musa deʼ o Harun iwi himanga o Mesir ma koano
1De ipaha o Musa deʼ o Harun yöiki iwï himanga o Mesir mangakoano deʼ yotemo, ”Hoko nënanga ma Jou Aipareta, o Israeloka manga Jou Madutu, ’Nä higumal̄a Ahi nyawa yöiki hupaya önanga yakunu ihi huba ihi horomati Ngohino o tonaka ikokakahaoka.”
2”O naguna gënanga ma Jou,” ma koano woleha. ”Yadodoa ngohi kokiani tï haduli nanga deʼ tahi gumal̄a o Israel manyawa yöiki? Ngohi tï nakoua ma Jou gënanga, deʼ o Israel ma nyawa ta higumal̄aua yöiki.”
3O Musa deʼ o Harun yo temo, ”O Ibrani manyawa manga Jou Madutu womahi matokoka Ai diri ngomino. Nomï higumal̄a ngomi miöiki o tonaka ikokakahaika magurutika o wange hange madodagi hupaya mihi huba mia huhuba ma Jouika, tongomi mia Jou Madutu. Nako ngomi miadiaiua gënanga, ngomi aha womï toma deʼ o panyake ekola o parangi.”
4Ma koano wätemo o Musa deʼ o Harunika, ”Yadodoa ho ngini nia diai o nyawa geönanga yolegaikaua toönanga manga karajanga? Niä huloko o gogilaongo gënanga yo karajanga! 5O nyawa geönanga yowoëoka holoi manga gegetongo. Deʼ öraha nanga ngini nimau hupaya önanga yamal̄a yokarajanga!”
6O wange genangö o Mesir manyawa yotö tailako deʼ o Israel manyawa manga mandor-mandoro ya make o pareta ma koanoino, 7”Ibötohi nia hidöaka o gandum ma röehe ma doolenge o Israel ma nyawaika gënanga hupaya yodiai otela. Mal̄aikala önanga yoiki imä lingiri mahirete. 8Mä niä huloko önanga yodiai o tela ikurangua ma ge getongo de ihö hira-hira. Onanga yomau ima totebeturu dika; gënanga ma hababu önanga kahoko genangika yotaiana hupaya hä higumal̄a yöiki hupaya ihi huba o huhuba toönanga manga Jou Madutuika. 9Niä pakisa o nyawa gëonanga yokarajanga iholoi i tubuho, hupaya önanga yotasibu de o karajanga deʼ manga öraha koiwa mangale ihi gihene o jarita-jarita ielu-eluku.”
10O Mesir manyawa yotö tailako deʼ o Israeloka manga mandor-mandoro gënanga yohupu daha yä temo o Israel manyawaika, ”Ma koano wohi pareta hupaya ngini inihi döakokaua o gandum ma röehe ma doolenge. 11Ngini kokiani nimä lingiri mahirete o kiaka dika, mä nio hohininga, o tela ngini nidodiai yakunua ikuranga de i hö hira-hira.” 12Done o Israel manyawa yoiki yö dagi-dagi o Mesir matonaka yamode-modeke mangale imadoomu o gandum ma röehe ma doolenge. 13Yotö tailako kahoko genangika yä gegoto hupaya o wange ihi getongo önanga yodiai o tela imatero mangöe hokä maöraha önanga yahi döakohi o gandum ma röehe madoolenge. 14Yotö tailako gënanga yägohara o Israeloka yomando-mandoro yähulokika yotö tailako o karajanga. Onanga yoleha, ”Yadodoa ho öraha nanga ani nyawa yodiaiua o tela imatero mangoë hokä mahira?”
15Daha o Israeloka yomandor-mandoro yoiki iwï himanga ma koano deʼ yotaiana, ”Yadodoaho Koano nodiai hoko nënanga ngomino? 16Ngomi imihi döakua o gandum maröehe madoolenge, mä imï pakisa midiai o tela! Oraha nanga ngomi imï goha-gohara enahioko Koano ani pegawe-pegawe yahowono!”
17Ma koano wohaluhu, ”Ngini itiai inïtebeturu deʼ nioluku nikarajanga. Genanga mahababu ngini nimahi dëmo ngohino hupaya nioiki nihi huba o huhuba nia Jouika. 18Nioiki nikarajangoli. O gandum maröehe madoolenge aha inihi döakua nginika, mä ngini kahirahi kokiani nidiai o tela imaketero mangoë.” 19O mandor-mandoro gënanga imanako önanga o huha magoronaka maöraha yahingahu o Israel manyawa kokiani yodiai o tela kahirahi mangöe hokä ipaha-paha.
20Maöraha önanga yohupu o kadatoino, önanga ima kamake de o Musa deʼ o Harun magogiriaka yädodamä önanga. 21O mandor-mandoro gënanga yato, ”Ma Jou wohi öriki nia manarama! Unanga aha winï hukumu ngini! Ngini nidadi o hababu ngomi ma koano womïdohata deʼ ai pegawe-pegawe, hiädono önanga yomau imï toma ngomi.”
O Musa wotaiana ma Jouika
22Daha o Musa wïhimangoli ma Jou deʼ wotemo, ”Jou, yadodoaho o Israel manyawa Nähidiai mamodorouino gënanga? Yadodoa ho Ngona nohihuloko ngohi nenangino? 23De maöraha ngohi tïhimanga ma koano deʼ totemo-temo tao Ani romanga, ünanga womulaenge wä aniaya o Israel manyawa nënanga. Deʼ Ngona kö kia-kiaua nodiai mangale näriwo önanga.”
24Daha ma Jou wïtemo o Musaika, ”Oraha nanga ngona aha namake sarakia Ngohi todiai okianaga ma koanoika. Unanga aha Tïpakisa wälapahi Ahi nyawa. Igou-goungu, ünanga Tïpakisa aha wäduhu önanga o bereraka nënanga.”
Currently Selected:
O KELUARAN 5: TLB
Highlight
Share
Copy
Want to have your highlights saved across all your devices? Sign up or sign in
O KELUARAN 5
5
O Musa deʼ o Harun iwi himanga o Mesir ma koano
1De ipaha o Musa deʼ o Harun yöiki iwï himanga o Mesir mangakoano deʼ yotemo, ”Hoko nënanga ma Jou Aipareta, o Israeloka manga Jou Madutu, ’Nä higumal̄a Ahi nyawa yöiki hupaya önanga yakunu ihi huba ihi horomati Ngohino o tonaka ikokakahaoka.”
2”O naguna gënanga ma Jou,” ma koano woleha. ”Yadodoa ngohi kokiani tï haduli nanga deʼ tahi gumal̄a o Israel manyawa yöiki? Ngohi tï nakoua ma Jou gënanga, deʼ o Israel ma nyawa ta higumal̄aua yöiki.”
3O Musa deʼ o Harun yo temo, ”O Ibrani manyawa manga Jou Madutu womahi matokoka Ai diri ngomino. Nomï higumal̄a ngomi miöiki o tonaka ikokakahaika magurutika o wange hange madodagi hupaya mihi huba mia huhuba ma Jouika, tongomi mia Jou Madutu. Nako ngomi miadiaiua gënanga, ngomi aha womï toma deʼ o panyake ekola o parangi.”
4Ma koano wätemo o Musa deʼ o Harunika, ”Yadodoa ho ngini nia diai o nyawa geönanga yolegaikaua toönanga manga karajanga? Niä huloko o gogilaongo gënanga yo karajanga! 5O nyawa geönanga yowoëoka holoi manga gegetongo. Deʼ öraha nanga ngini nimau hupaya önanga yamal̄a yokarajanga!”
6O wange genangö o Mesir manyawa yotö tailako deʼ o Israel manyawa manga mandor-mandoro ya make o pareta ma koanoino, 7”Ibötohi nia hidöaka o gandum ma röehe ma doolenge o Israel ma nyawaika gënanga hupaya yodiai otela. Mal̄aikala önanga yoiki imä lingiri mahirete. 8Mä niä huloko önanga yodiai o tela ikurangua ma ge getongo de ihö hira-hira. Onanga yomau ima totebeturu dika; gënanga ma hababu önanga kahoko genangika yotaiana hupaya hä higumal̄a yöiki hupaya ihi huba o huhuba toönanga manga Jou Madutuika. 9Niä pakisa o nyawa gëonanga yokarajanga iholoi i tubuho, hupaya önanga yotasibu de o karajanga deʼ manga öraha koiwa mangale ihi gihene o jarita-jarita ielu-eluku.”
10O Mesir manyawa yotö tailako deʼ o Israeloka manga mandor-mandoro gënanga yohupu daha yä temo o Israel manyawaika, ”Ma koano wohi pareta hupaya ngini inihi döakokaua o gandum ma röehe ma doolenge. 11Ngini kokiani nimä lingiri mahirete o kiaka dika, mä nio hohininga, o tela ngini nidodiai yakunua ikuranga de i hö hira-hira.” 12Done o Israel manyawa yoiki yö dagi-dagi o Mesir matonaka yamode-modeke mangale imadoomu o gandum ma röehe ma doolenge. 13Yotö tailako kahoko genangika yä gegoto hupaya o wange ihi getongo önanga yodiai o tela imatero mangöe hokä maöraha önanga yahi döakohi o gandum ma röehe madoolenge. 14Yotö tailako gënanga yägohara o Israeloka yomando-mandoro yähulokika yotö tailako o karajanga. Onanga yoleha, ”Yadodoa ho öraha nanga ani nyawa yodiaiua o tela imatero mangoë hokä mahira?”
15Daha o Israeloka yomandor-mandoro yoiki iwï himanga ma koano deʼ yotaiana, ”Yadodoaho Koano nodiai hoko nënanga ngomino? 16Ngomi imihi döakua o gandum maröehe madoolenge, mä imï pakisa midiai o tela! Oraha nanga ngomi imï goha-gohara enahioko Koano ani pegawe-pegawe yahowono!”
17Ma koano wohaluhu, ”Ngini itiai inïtebeturu deʼ nioluku nikarajanga. Genanga mahababu ngini nimahi dëmo ngohino hupaya nioiki nihi huba o huhuba nia Jouika. 18Nioiki nikarajangoli. O gandum maröehe madoolenge aha inihi döakua nginika, mä ngini kahirahi kokiani nidiai o tela imaketero mangoë.” 19O mandor-mandoro gënanga imanako önanga o huha magoronaka maöraha yahingahu o Israel manyawa kokiani yodiai o tela kahirahi mangöe hokä ipaha-paha.
20Maöraha önanga yohupu o kadatoino, önanga ima kamake de o Musa deʼ o Harun magogiriaka yädodamä önanga. 21O mandor-mandoro gënanga yato, ”Ma Jou wohi öriki nia manarama! Unanga aha winï hukumu ngini! Ngini nidadi o hababu ngomi ma koano womïdohata deʼ ai pegawe-pegawe, hiädono önanga yomau imï toma ngomi.”
O Musa wotaiana ma Jouika
22Daha o Musa wïhimangoli ma Jou deʼ wotemo, ”Jou, yadodoaho o Israel manyawa Nähidiai mamodorouino gënanga? Yadodoa ho Ngona nohihuloko ngohi nenangino? 23De maöraha ngohi tïhimanga ma koano deʼ totemo-temo tao Ani romanga, ünanga womulaenge wä aniaya o Israel manyawa nënanga. Deʼ Ngona kö kia-kiaua nodiai mangale näriwo önanga.”
24Daha ma Jou wïtemo o Musaika, ”Oraha nanga ngona aha namake sarakia Ngohi todiai okianaga ma koanoika. Unanga aha Tïpakisa wälapahi Ahi nyawa. Igou-goungu, ünanga Tïpakisa aha wäduhu önanga o bereraka nënanga.”
Currently Selected:
:
Highlight
Share
Copy
Want to have your highlights saved across all your devices? Sign up or sign in