O KEJADIAN 25
25
O Abraham aidifauku ngoihekata mahomoaka
(1Taw. 1:32-33)
1O Abraham wokawingoli de o ngoheka momatengo ami romanga o ngo Ketura. 2Ngoihekata gënanga mongohaka ami ngoha-ngohaka manga roma-romanga: O Zimran, o Yoksan, o Medan, o Midian, o Isybak, deʼ o Suah. 3O Yoksan o Syeba deʼ o Dedan manga ama, deʼ o Dedan ai difauku ganga o Asyur manyawa, o Letus manyawa, deʼ o Leum manyawa. 4O Midian ai ngoha-ngohaka ganga: o Efa, o Efer, o Henokh, o Abida, deʼ o Eldaa. Onanga mata-mata o ngo Ketura ami ngohaka de ami danongo.
5Ngarokä o Abraham wihipuhaka hagala ai arata o Ishakika, 6maöraha ünanga wowangohi ünanga wahidöaka o ngongike ma ngöe aingoha-ngohakika wamömake-make de ai heka-hekata mahomoa. Ipaha wähuloko ai ngoha-ngohaka gënanga imatururu o Kanaan madaera o wange mahiwaroko idaduoka, hupaya iwitingaka ikurutika aingohaka o Ishak.
O Abraham wohonenge deʼ iwilungunu
7-8O Abraham wohonenge ai umuru ikurutil̄eoka, enagënanga o taongo o ratuhu moi deʼ moritumidi deʼ motoa. 9Unanga aingoha-ngohaka iwilungunu, enagënanga o Ishak deʼ o Ismael, o Makhpela ma Arukoka magogere o dumuleoka o Mamre o wange mahiwaroko idaduoka. Mahira o dumule gënanga madutu o Efron o Zohar aingohaka, o Het manyawa, 10#Kej. 23:3-16 mä o Abraham waijaka o Het manyawaka gënanga. O ngo Sara o Abraham ngoi hekatö imi lungunu dokengoka. 11O Abraham de wohonengoka, ma Jou Madutu wihibarakati o Ishak, o Abraham aingohaka. O öraha gënanga o Ishak wogogere imahi tigi-tigika de o humu yahöheto-hetongo ”Unanga Wohitö tailako Ngohi”.
O Ismael aidifauku
(1Taw. 1:28-31)
12O Ismael ganga o Abraham deʼ o ngo Hagar manga ngohaka, o Mesir mangoheka, o ngo Sara ngomi gilaongo gënanga. 13-16O Ismael aingohaka yangimoi de hinoto yäheto-hetongo nenangoka dau itatoro imoteke ima kil̄au: o Nebayot, o Kedar, o Adbeel, o Mibsam, o Misyma, o Duma, o Masa, o Hadad, o Tema, o Yetur, o Nafis deʼ o Kedma. O ngoha-ngohaka gënanga yodadi o ama o berera de o hoana ngimoi de hinoto manga ete de manga tohora, deʼ o kapongo deʼ toönanga manga tau madoomu yahetongo imoteke toönanga manga roma-romanga. 17O Ismael ai umuru o taongo o ratuhu moi de moruange de tumidi maöraha ünanga wohonenge. 18Ai difauku yogogere o Hawila deʼ o Syur madaera mahi dogorona o Mesir o wange mahiwaroko idaduoka yödumutu o Asyurika. Onanga yowango imakoki tingakika de o Abraham aidifauku mahomoa.
O Esau deʼ o Yakub ima kil̄au
19Nënanga o Ishak, o Abraham aingohaka ai wowango majarita. 20O Ishak ai umuru o taongo moruata maöraha ünanga wokawingi de o ngo Ribka, o Laban ngoi hiranga o Betuel ngoi ora, womatengo o Aram manyawa o Mesopotamiaino. 21Karana o ngo Ribka mamakeua o ngohaka, o Ishak womäniata ma Jouika mangale ngoihekata. Deʼ ma Jou wohimoteke o Ishak ai niata, hiädono o ngo Ribka moröehe. 22Munanga moröehe amingohaka ihago, deʼ o ngoha-ngohaka gënanga imakil̄auowahi, önanga imatago-tagoko amingohaka mangï magoronaka. O ngo Ribka motemo, ”Yadodoa hoʼ o hali nënanga kokiani idadi ahidirioka?” Daha munanga mogahoko o hidumutu ma Jouika.
23 #
Rm. 9:12
Ma Jou womitemo munangika,
”O berera de o hoana hinoto naga aningohaka mangï magoronaka;
ngona aha nongohaka o berera de o hoana hinoto imabori haturu;
ai dodoto iholoi wokuata de ai riaka
woria-riaka wï leleani wodödodoto.”
24O ngo Ribka ami öraha yadono momagilianga, deʼ muna mongohaka o nauru yahinoto yohago. 25Woria-riaka hatoli ai doka-dokara, deʼ aikai hokä o juba magö gogo. Hababu gënanga ünanga iwihi romanga o Esau. 26Maöraha o ngohaka mahinotoka womakil̄au, ai giama yasöika o Esau ai bobö. Hababu gënanga ünanga iwihi romanga o Yakub. O Ishak ai umuru o taongo mori butanga maöraha önanga ima kil̄au.
O Esau wahukunu ai haku hokä o ngohaka o riaka
27O ngohaka yahinoto gënanga idogoyolamoko. O Esau wodadi yolimo-limoro o aiwani o honganika deʼ wöigo wogogere o tonaka ilua-luasoka, mä o Yakub ai biaha worïdi deʼ wöigo wogogere o tauoka. 28O Ishak iholoi wïhayangi o Esau hababu o Ishak wöigo wol̄omo o hiode ma akeme. Mä o ngo Ribka iholoi mï hayangi o Yakub.
29O wange moiuku maöraha o Yakub magogiriaka wohakai o gauku otanuma madoka-dokara, o Esau woböa ai niniaino. Unanga duru iwihahini. 30Witemo o Yakubika, ”Ngohi duru ihihahini. Tomagahoko mahuhutulu o tanuma madoka-dokara gënanga.” (Genanga mahababu ünanga iwi hetongo o Edom.)
31O Yakub wohaluhu, ”Kayaoa, itiyakunu nohidöaka ihira ani haku hokä o ngohaka o riaka.”
32O Esau wotemo, ”Haduli okia o haku gënanga ngohino. Ngohi ihihahini yatoka tohonenge!”
33 #
Ibr. 12:16
O Yakub wotemoli, ”Nokoboto ihira kano hihidöaka ani haku ngohino.”
O Esau wokoboto deʼ wihidöaka ai haku o Yakubika. 34De iböto gënanga o Yakub wihidöaka unangika o roti deʼ o hidoku moi o gauku o tanuma madoka-dokara gënanga. O Esau wol̄omo deʼ wokere daha woiki. Hoko gënanga o Esau wolegaikaua ai haku hokä o ngohaka o riaka.
Currently Selected:
O KEJADIAN 25: TLB
Highlight
Share
Copy
Want to have your highlights saved across all your devices? Sign up or sign in
O KEJADIAN 25
25
O Abraham aidifauku ngoihekata mahomoaka
(1Taw. 1:32-33)
1O Abraham wokawingoli de o ngoheka momatengo ami romanga o ngo Ketura. 2Ngoihekata gënanga mongohaka ami ngoha-ngohaka manga roma-romanga: O Zimran, o Yoksan, o Medan, o Midian, o Isybak, deʼ o Suah. 3O Yoksan o Syeba deʼ o Dedan manga ama, deʼ o Dedan ai difauku ganga o Asyur manyawa, o Letus manyawa, deʼ o Leum manyawa. 4O Midian ai ngoha-ngohaka ganga: o Efa, o Efer, o Henokh, o Abida, deʼ o Eldaa. Onanga mata-mata o ngo Ketura ami ngohaka de ami danongo.
5Ngarokä o Abraham wihipuhaka hagala ai arata o Ishakika, 6maöraha ünanga wowangohi ünanga wahidöaka o ngongike ma ngöe aingoha-ngohakika wamömake-make de ai heka-hekata mahomoa. Ipaha wähuloko ai ngoha-ngohaka gënanga imatururu o Kanaan madaera o wange mahiwaroko idaduoka, hupaya iwitingaka ikurutika aingohaka o Ishak.
O Abraham wohonenge deʼ iwilungunu
7-8O Abraham wohonenge ai umuru ikurutil̄eoka, enagënanga o taongo o ratuhu moi deʼ moritumidi deʼ motoa. 9Unanga aingoha-ngohaka iwilungunu, enagënanga o Ishak deʼ o Ismael, o Makhpela ma Arukoka magogere o dumuleoka o Mamre o wange mahiwaroko idaduoka. Mahira o dumule gënanga madutu o Efron o Zohar aingohaka, o Het manyawa, 10#Kej. 23:3-16 mä o Abraham waijaka o Het manyawaka gënanga. O ngo Sara o Abraham ngoi hekatö imi lungunu dokengoka. 11O Abraham de wohonengoka, ma Jou Madutu wihibarakati o Ishak, o Abraham aingohaka. O öraha gënanga o Ishak wogogere imahi tigi-tigika de o humu yahöheto-hetongo ”Unanga Wohitö tailako Ngohi”.
O Ismael aidifauku
(1Taw. 1:28-31)
12O Ismael ganga o Abraham deʼ o ngo Hagar manga ngohaka, o Mesir mangoheka, o ngo Sara ngomi gilaongo gënanga. 13-16O Ismael aingohaka yangimoi de hinoto yäheto-hetongo nenangoka dau itatoro imoteke ima kil̄au: o Nebayot, o Kedar, o Adbeel, o Mibsam, o Misyma, o Duma, o Masa, o Hadad, o Tema, o Yetur, o Nafis deʼ o Kedma. O ngoha-ngohaka gënanga yodadi o ama o berera de o hoana ngimoi de hinoto manga ete de manga tohora, deʼ o kapongo deʼ toönanga manga tau madoomu yahetongo imoteke toönanga manga roma-romanga. 17O Ismael ai umuru o taongo o ratuhu moi de moruange de tumidi maöraha ünanga wohonenge. 18Ai difauku yogogere o Hawila deʼ o Syur madaera mahi dogorona o Mesir o wange mahiwaroko idaduoka yödumutu o Asyurika. Onanga yowango imakoki tingakika de o Abraham aidifauku mahomoa.
O Esau deʼ o Yakub ima kil̄au
19Nënanga o Ishak, o Abraham aingohaka ai wowango majarita. 20O Ishak ai umuru o taongo moruata maöraha ünanga wokawingi de o ngo Ribka, o Laban ngoi hiranga o Betuel ngoi ora, womatengo o Aram manyawa o Mesopotamiaino. 21Karana o ngo Ribka mamakeua o ngohaka, o Ishak womäniata ma Jouika mangale ngoihekata. Deʼ ma Jou wohimoteke o Ishak ai niata, hiädono o ngo Ribka moröehe. 22Munanga moröehe amingohaka ihago, deʼ o ngoha-ngohaka gënanga imakil̄auowahi, önanga imatago-tagoko amingohaka mangï magoronaka. O ngo Ribka motemo, ”Yadodoa hoʼ o hali nënanga kokiani idadi ahidirioka?” Daha munanga mogahoko o hidumutu ma Jouika.
23 #
Rm. 9:12
Ma Jou womitemo munangika,
”O berera de o hoana hinoto naga aningohaka mangï magoronaka;
ngona aha nongohaka o berera de o hoana hinoto imabori haturu;
ai dodoto iholoi wokuata de ai riaka
woria-riaka wï leleani wodödodoto.”
24O ngo Ribka ami öraha yadono momagilianga, deʼ muna mongohaka o nauru yahinoto yohago. 25Woria-riaka hatoli ai doka-dokara, deʼ aikai hokä o juba magö gogo. Hababu gënanga ünanga iwihi romanga o Esau. 26Maöraha o ngohaka mahinotoka womakil̄au, ai giama yasöika o Esau ai bobö. Hababu gënanga ünanga iwihi romanga o Yakub. O Ishak ai umuru o taongo mori butanga maöraha önanga ima kil̄au.
O Esau wahukunu ai haku hokä o ngohaka o riaka
27O ngohaka yahinoto gënanga idogoyolamoko. O Esau wodadi yolimo-limoro o aiwani o honganika deʼ wöigo wogogere o tonaka ilua-luasoka, mä o Yakub ai biaha worïdi deʼ wöigo wogogere o tauoka. 28O Ishak iholoi wïhayangi o Esau hababu o Ishak wöigo wol̄omo o hiode ma akeme. Mä o ngo Ribka iholoi mï hayangi o Yakub.
29O wange moiuku maöraha o Yakub magogiriaka wohakai o gauku otanuma madoka-dokara, o Esau woböa ai niniaino. Unanga duru iwihahini. 30Witemo o Yakubika, ”Ngohi duru ihihahini. Tomagahoko mahuhutulu o tanuma madoka-dokara gënanga.” (Genanga mahababu ünanga iwi hetongo o Edom.)
31O Yakub wohaluhu, ”Kayaoa, itiyakunu nohidöaka ihira ani haku hokä o ngohaka o riaka.”
32O Esau wotemo, ”Haduli okia o haku gënanga ngohino. Ngohi ihihahini yatoka tohonenge!”
33 #
Ibr. 12:16
O Yakub wotemoli, ”Nokoboto ihira kano hihidöaka ani haku ngohino.”
O Esau wokoboto deʼ wihidöaka ai haku o Yakubika. 34De iböto gënanga o Yakub wihidöaka unangika o roti deʼ o hidoku moi o gauku o tanuma madoka-dokara gënanga. O Esau wol̄omo deʼ wokere daha woiki. Hoko gënanga o Esau wolegaikaua ai haku hokä o ngohaka o riaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in