O KEJADIAN 27
27
O Ishak wihibarakati o Yakub
1O Wange moiuku, maöraha o Ishak iwi perekioka deʼ wopilokoka, wïahoko o Esau, aingohaka mariaka, daha wïtemo unangika, ”Ahingohaka!”
”Iya, Ama,” o Esau wohaluhu.
2O Ishak wïtemo, ”Ngona nohiöriki ngohi ihiperekioka deʼ yakunu dika aha ngohi towango itedekanokaua. 3Hoʼ nal̄ë ani toimi mal̄eha deʼ ani toimi madoto, noiki nolingiri o aiwani o dutu moi o honganika. 4Nahakai nahemo-hemoro hokä ngohi tö igo-igo, daha nao ngohino. Ngohi taol̄omo iböto, aha ngohi tonihidöaka ahibarakati ngonaika ihira de tohonenge.”
5O Ishak de o Esau manga ade-ade gënanga o ngo Ribka moihi gihe-gihene. Done de ipahaika o Esau womäjobo wolimoro, 6o ngo Ribka mï temo o Yakobika, ”Nënanga dahao ngohi toihene ani ama wïtemo o Esauika hoko nënanga, 7’Nolingiri o aiwani o dutu moi deʼ nahakai nahemo-hemoro mangale ngohi. De iböto ngohi taol̄omo, aha tonihi döaka ahibarakati ngonaika ma Jou Ai himangoka, ihira de ngohi tohonenge.’ 8Aa, ahingohaka,” o ngo Ribka motemoli, ”noihene deʼ nadiai okia ngohi taheto-hetongo nënanga. 9Noiki nanga duba mangïika, deʼ nairiki o kabingi mangohaka o dutu hinoto maboburere, hupaya ngohi tahakai idadi o inomo woigo-igo ani ama. 10De ipahaika nao unangika hupaya waol̄omo, deʼ iböto gënanga ünanga aha wohidöaka ai barakati ngonaika ihira de wohonenge.”
11Mä o Yakub womitemo ngoi ayoika, ”Meme, koigoungua o Esau ai röehe magögogo, enahioko tongohi ahi röehe kowali? 12Uha-uha ahi ama wapal̄anga ahi röehe deʼ wohiöriki ngohi tï tipu; done ünanga wohihidöakua o barakati, mä ngohi wohilolai.”
13Ngoi ayo mïbaluhu, ”Uha ohawatere, Ngohaka. Mal̄aika ngohi tatagongo hagala malolai. Nadiai dika okia ngohi taheto-hetongo, noiki nal̄ë o kabingi gënanga.” 14De ipaha o Yakub wal̄ë o kabingi gënanga deʼ wao ngoi ayoika, daha o ngo Ribka mahakai o inomo o Ishak wöigo-igo. 15De ipaha o ngo Ribka mal̄ë o Esau ai pakeanga duru marorahai, wagögogonika o tauoka, daha mihipake o Yakubika. 16Munanga mohihawo ö o kabingi mangohaka makai o Yakub ai giama deʼ ai tomarino igögogoua gënanga. 17De ipaha mihidöaka o Yakubika o hakai ihemo-hemoro gënanga deʼ oroti madodiaiuku gënanga.
18De iböto gënanga o Yakub womäjobo ai amaika deʼ wïtemo, ”Baba!”
”Iya,” o Ishak wohaluhu, ”o naguna ngona, o Esau ekola o Yakub?”
19O Yakub wohaluhu, ”O Esau, ama aningohaka mariaka; anibehehongo baba ngohi tadiaioka. Nogogeruku deʼ nol̄omo o hiode ma akeme ngohi toao-aoino nënanga, hupaya baba yakunu nohihi barakati ngohi.”
20O Ishak wotemo, ”Duru majapati namake, Ngohaka.”
O Yakub wohaluhu, ”Karana ma Jou Madutu nïhuba-huba baba wohïriwoka ngohi.”
21Daha o Ishak wïtemo o Yakubika, ”Naino nomahi tigi-tigino hupaya ngohi yakunu tonipal̄anga. Igoungu ngona o Esau?” 22O Yakub womahi tigi ai amaika deʼ ai ama gënanga wïpal̄a-nga de wïtemo, ”O ilingi hokä o Yakub ai ilingi, mä anigiama hokä to Esau ai giama.” 23O Ishak winakoua o Yakub karana ai giama magögogo hokä o Esau ai giama. Mä maöraha o Iskhak womau wihibarakati o Yakub, 24ünanga kawolehali mamoiohi, ”Igoungu ngona o Esau?”
”Igoungu,” o Yakub wohaluhu.
25De ipaha o Ishak wïtemo, ”Nohihi döaka o hiode ma akeme gënanga. De iböto ngohi tol̄omo aha ngohi tonihi döaka ahi barakati ngonaika.” O Yakub wihidöaka o hiode ma akeme gënanga unangika deʼ o angguruö mahuhutulu mangale waokere. 26De ipaha ai ama wïtemo unangika, ”Naino nomahi tigi-tigiino hongoli, Ngohaka, deʼ nohi ame ngohi.” 27#Ibr. 11:20 Maöraha o Yakub womahitigi mangale wïame wiwutiti, o Ishak wa ame o Esau ai pakeanga mabounu, ipaha wihibarakati ünanga. O Ishak wato, ”Ahingohaka ai bounu mahemoro hokä o hongana mabounu ma Jou wohibö barakatioka. 28Tanu ma Jou Madutu wonihidöaka ngonaika o dumunitara o dihanguku, deʼ yadiai mata-mata anidumule iburere! Tanu Ünanga wonihi döaka ngonaika o gandum deʼ o angguru de maboboloi! 29#Kej. 12:13 Tanu hagala o berera de o hoana yodadi ani gilaongo, deʼ hagala o hoana de o berera imaponu ngonaika. Tanu ngona näkuaha mata-mata ani riadodoto, deʼ ngoni ayo ami difauku yatila-bukuku inihuba ani himangoka. Tanu yobodito mata-mata o nyawa inilololai ngona, deʼ yamake o barakati mata-mata o nyawa inihibobarakati ngona.”
O Esau wogahoko o barakati o Ishakino
30De iböto o Ishak wihidöaka ai barakati deʼ o Yakub woikoka, hokokiaua ai riaka o Esau wolimoro wolio. 31Unangö wohakai o inomo mahemo-hemoro daha wao ai amaika, wïtemo, ”Nogogeruku, Baba, deʼ naol̄omo o hiode ma akeme ngohi toao-ao mangale ngona Baba, hupaya Baba yakunu nohihi barakati ngohi.”
32”Onaguna ngona?” o Ishak woleha.
”O Esau aningohaka mariaka Baba,” wohaluhu.
33O Ishak imulaenge ihahara ai röehe mata-mataika, deʼ ünanga woleha, ”Nako hoko gënanga, o naguna wotagokoka o aiwani deʼ wao ngohino kangano? Ngona noböauwahi ngohi taol̄omoka. Daha ngohi tihidöakoka ahi barakati mabobaha unangika, deʼ o öraha nënanga o barakati gënanga idadioka toünanga madutu kahi ado-adonika.”
34De ipaha o Esau woihene gënanga, ünanga woari kahä kuatil̄e deʼ ai hininga mahiri, daha wotemo, ”Nohihi barakati ngohiö, Baba!”
35O Ishak wïtemo, ”Ani dodoto wainoka nengino deʼ wohi tipu ngohi. Ünanga wal̄ëoka o barakati imoteke madiai aha ngohi tonihi döaka ngonaika.”
36 #
Kej. 25:29-34
O Esau wotemo, ”Nenanga wohigali mahinotoka ünanga wohi tipu ngohi. Ipatutu ai romanga o Yakub. Unanga wal̄ëoka ahi haku hokä o ngohaka o riaka, deʼ o öraha nanga ünanga wa l̄ëoli o barakati idadadi tongohi. Boteka Baba koiwa anibarakati mahomoa ngohino?”
37O Ishak wïbaluhu, ”Ngohi tihidadioka ünanga anituanga deʼ mata-mata ai roriadodoto ngohi tadiai ai gilaongo. Ngohi tihidöakoka unangika o gandum o angguru. O oraha nënanga koiwaka kökia-kiaokaua yakunu ngohi tadiai ngonaika, Ngohaka!”
38 #
Ibr. 12:17
O Esau woluku wamal̄a wogahoko ai amaika, ”Boteka Baba duga-duga anibarakati kamoi dika? Nohihibarakati ngohiö Baba!” Ipaha womulaenge ünanga woarioli.
39 #
Ibr. 11:20
De ipaha o Ishak wïtemo unangika,
”Aha koiwa naga o dumunitara o dihanguku ngonaika,
aha koiwa naga o dumule maboburere idadi tongona.
40 #
Kej. 36:8; 2Kok. 8:20 Ngona aha nowango de ani oworo
maidadi anidodoto ai gilaongo
mä maöraha ngona nomalawani
ngona aha ai kuahaino nolapahi.”
41Done o Esau wïdohata o Yakub karana ai ama wihidöakoka ai barakati ai dodotika gënanga. Ai hiningaka, ”Itedekanokaua mia ama wohonenge deʼ miahuha ipahaka, o Yakub aha ngohi tïtoma!”
O Ishak wihuloko o Yakub woiki o Labanika
42Maöraha o ngo Ribka moihene mangale ai datoro madorou o Esau gënanga, munanga mohuloko iwiahoko o Yakub deʼ mïtemo, ”Noihene, ani riaka o Esau ai dumutu womahi balahi ai hininga mahiri deʼ wonitoma ngona. 43Aa, nadiai okia taheto-hetongo nënanga. Noiki tai-taiti ahirangika o Laban o Haran mabereraka, 44deʼ nogogere dede ünanga mangale öraha muruono naga madekana, hiädono ani riaka ai dohata ihihanga, 45deʼ ünanga wawohanga okia ngona nadodiaioka unangika. Ipahaika ngohi aha tähuloko o nyawa iniao inihigilio unenangino. Ngohi toluku ahingohaka inihinoto nihihanga ka o wange gënanga.”
46De o ngo Ribka mïtemo o Ishakika, ”Täigo okaua deʼ tägihounu tämake o Esau ai heka-hekata o hoana de o berera mahomoaino gënanga. Nako o Yakubö wokawingi de o Het manyawa mamoholehe iholoi yaoa ngohi tohonenge dika.”
Currently Selected:
O KEJADIAN 27: TLB
Highlight
Share
Copy
Want to have your highlights saved across all your devices? Sign up or sign in
O KEJADIAN 27
27
O Ishak wihibarakati o Yakub
1O Wange moiuku, maöraha o Ishak iwi perekioka deʼ wopilokoka, wïahoko o Esau, aingohaka mariaka, daha wïtemo unangika, ”Ahingohaka!”
”Iya, Ama,” o Esau wohaluhu.
2O Ishak wïtemo, ”Ngona nohiöriki ngohi ihiperekioka deʼ yakunu dika aha ngohi towango itedekanokaua. 3Hoʼ nal̄ë ani toimi mal̄eha deʼ ani toimi madoto, noiki nolingiri o aiwani o dutu moi o honganika. 4Nahakai nahemo-hemoro hokä ngohi tö igo-igo, daha nao ngohino. Ngohi taol̄omo iböto, aha ngohi tonihidöaka ahibarakati ngonaika ihira de tohonenge.”
5O Ishak de o Esau manga ade-ade gënanga o ngo Ribka moihi gihe-gihene. Done de ipahaika o Esau womäjobo wolimoro, 6o ngo Ribka mï temo o Yakobika, ”Nënanga dahao ngohi toihene ani ama wïtemo o Esauika hoko nënanga, 7’Nolingiri o aiwani o dutu moi deʼ nahakai nahemo-hemoro mangale ngohi. De iböto ngohi taol̄omo, aha tonihi döaka ahibarakati ngonaika ma Jou Ai himangoka, ihira de ngohi tohonenge.’ 8Aa, ahingohaka,” o ngo Ribka motemoli, ”noihene deʼ nadiai okia ngohi taheto-hetongo nënanga. 9Noiki nanga duba mangïika, deʼ nairiki o kabingi mangohaka o dutu hinoto maboburere, hupaya ngohi tahakai idadi o inomo woigo-igo ani ama. 10De ipahaika nao unangika hupaya waol̄omo, deʼ iböto gënanga ünanga aha wohidöaka ai barakati ngonaika ihira de wohonenge.”
11Mä o Yakub womitemo ngoi ayoika, ”Meme, koigoungua o Esau ai röehe magögogo, enahioko tongohi ahi röehe kowali? 12Uha-uha ahi ama wapal̄anga ahi röehe deʼ wohiöriki ngohi tï tipu; done ünanga wohihidöakua o barakati, mä ngohi wohilolai.”
13Ngoi ayo mïbaluhu, ”Uha ohawatere, Ngohaka. Mal̄aika ngohi tatagongo hagala malolai. Nadiai dika okia ngohi taheto-hetongo, noiki nal̄ë o kabingi gënanga.” 14De ipaha o Yakub wal̄ë o kabingi gënanga deʼ wao ngoi ayoika, daha o ngo Ribka mahakai o inomo o Ishak wöigo-igo. 15De ipaha o ngo Ribka mal̄ë o Esau ai pakeanga duru marorahai, wagögogonika o tauoka, daha mihipake o Yakubika. 16Munanga mohihawo ö o kabingi mangohaka makai o Yakub ai giama deʼ ai tomarino igögogoua gënanga. 17De ipaha mihidöaka o Yakubika o hakai ihemo-hemoro gënanga deʼ oroti madodiaiuku gënanga.
18De iböto gënanga o Yakub womäjobo ai amaika deʼ wïtemo, ”Baba!”
”Iya,” o Ishak wohaluhu, ”o naguna ngona, o Esau ekola o Yakub?”
19O Yakub wohaluhu, ”O Esau, ama aningohaka mariaka; anibehehongo baba ngohi tadiaioka. Nogogeruku deʼ nol̄omo o hiode ma akeme ngohi toao-aoino nënanga, hupaya baba yakunu nohihi barakati ngohi.”
20O Ishak wotemo, ”Duru majapati namake, Ngohaka.”
O Yakub wohaluhu, ”Karana ma Jou Madutu nïhuba-huba baba wohïriwoka ngohi.”
21Daha o Ishak wïtemo o Yakubika, ”Naino nomahi tigi-tigino hupaya ngohi yakunu tonipal̄anga. Igoungu ngona o Esau?” 22O Yakub womahi tigi ai amaika deʼ ai ama gënanga wïpal̄a-nga de wïtemo, ”O ilingi hokä o Yakub ai ilingi, mä anigiama hokä to Esau ai giama.” 23O Ishak winakoua o Yakub karana ai giama magögogo hokä o Esau ai giama. Mä maöraha o Iskhak womau wihibarakati o Yakub, 24ünanga kawolehali mamoiohi, ”Igoungu ngona o Esau?”
”Igoungu,” o Yakub wohaluhu.
25De ipaha o Ishak wïtemo, ”Nohihi döaka o hiode ma akeme gënanga. De iböto ngohi tol̄omo aha ngohi tonihi döaka ahi barakati ngonaika.” O Yakub wihidöaka o hiode ma akeme gënanga unangika deʼ o angguruö mahuhutulu mangale waokere. 26De ipaha ai ama wïtemo unangika, ”Naino nomahi tigi-tigiino hongoli, Ngohaka, deʼ nohi ame ngohi.” 27#Ibr. 11:20 Maöraha o Yakub womahitigi mangale wïame wiwutiti, o Ishak wa ame o Esau ai pakeanga mabounu, ipaha wihibarakati ünanga. O Ishak wato, ”Ahingohaka ai bounu mahemoro hokä o hongana mabounu ma Jou wohibö barakatioka. 28Tanu ma Jou Madutu wonihidöaka ngonaika o dumunitara o dihanguku, deʼ yadiai mata-mata anidumule iburere! Tanu Ünanga wonihi döaka ngonaika o gandum deʼ o angguru de maboboloi! 29#Kej. 12:13 Tanu hagala o berera de o hoana yodadi ani gilaongo, deʼ hagala o hoana de o berera imaponu ngonaika. Tanu ngona näkuaha mata-mata ani riadodoto, deʼ ngoni ayo ami difauku yatila-bukuku inihuba ani himangoka. Tanu yobodito mata-mata o nyawa inilololai ngona, deʼ yamake o barakati mata-mata o nyawa inihibobarakati ngona.”
O Esau wogahoko o barakati o Ishakino
30De iböto o Ishak wihidöaka ai barakati deʼ o Yakub woikoka, hokokiaua ai riaka o Esau wolimoro wolio. 31Unangö wohakai o inomo mahemo-hemoro daha wao ai amaika, wïtemo, ”Nogogeruku, Baba, deʼ naol̄omo o hiode ma akeme ngohi toao-ao mangale ngona Baba, hupaya Baba yakunu nohihi barakati ngohi.”
32”Onaguna ngona?” o Ishak woleha.
”O Esau aningohaka mariaka Baba,” wohaluhu.
33O Ishak imulaenge ihahara ai röehe mata-mataika, deʼ ünanga woleha, ”Nako hoko gënanga, o naguna wotagokoka o aiwani deʼ wao ngohino kangano? Ngona noböauwahi ngohi taol̄omoka. Daha ngohi tihidöakoka ahi barakati mabobaha unangika, deʼ o öraha nënanga o barakati gënanga idadioka toünanga madutu kahi ado-adonika.”
34De ipaha o Esau woihene gënanga, ünanga woari kahä kuatil̄e deʼ ai hininga mahiri, daha wotemo, ”Nohihi barakati ngohiö, Baba!”
35O Ishak wïtemo, ”Ani dodoto wainoka nengino deʼ wohi tipu ngohi. Ünanga wal̄ëoka o barakati imoteke madiai aha ngohi tonihi döaka ngonaika.”
36 #
Kej. 25:29-34
O Esau wotemo, ”Nenanga wohigali mahinotoka ünanga wohi tipu ngohi. Ipatutu ai romanga o Yakub. Unanga wal̄ëoka ahi haku hokä o ngohaka o riaka, deʼ o öraha nanga ünanga wa l̄ëoli o barakati idadadi tongohi. Boteka Baba koiwa anibarakati mahomoa ngohino?”
37O Ishak wïbaluhu, ”Ngohi tihidadioka ünanga anituanga deʼ mata-mata ai roriadodoto ngohi tadiai ai gilaongo. Ngohi tihidöakoka unangika o gandum o angguru. O oraha nënanga koiwaka kökia-kiaokaua yakunu ngohi tadiai ngonaika, Ngohaka!”
38 #
Ibr. 12:17
O Esau woluku wamal̄a wogahoko ai amaika, ”Boteka Baba duga-duga anibarakati kamoi dika? Nohihibarakati ngohiö Baba!” Ipaha womulaenge ünanga woarioli.
39 #
Ibr. 11:20
De ipaha o Ishak wïtemo unangika,
”Aha koiwa naga o dumunitara o dihanguku ngonaika,
aha koiwa naga o dumule maboburere idadi tongona.
40 #
Kej. 36:8; 2Kok. 8:20 Ngona aha nowango de ani oworo
maidadi anidodoto ai gilaongo
mä maöraha ngona nomalawani
ngona aha ai kuahaino nolapahi.”
41Done o Esau wïdohata o Yakub karana ai ama wihidöakoka ai barakati ai dodotika gënanga. Ai hiningaka, ”Itedekanokaua mia ama wohonenge deʼ miahuha ipahaka, o Yakub aha ngohi tïtoma!”
O Ishak wihuloko o Yakub woiki o Labanika
42Maöraha o ngo Ribka moihene mangale ai datoro madorou o Esau gënanga, munanga mohuloko iwiahoko o Yakub deʼ mïtemo, ”Noihene, ani riaka o Esau ai dumutu womahi balahi ai hininga mahiri deʼ wonitoma ngona. 43Aa, nadiai okia taheto-hetongo nënanga. Noiki tai-taiti ahirangika o Laban o Haran mabereraka, 44deʼ nogogere dede ünanga mangale öraha muruono naga madekana, hiädono ani riaka ai dohata ihihanga, 45deʼ ünanga wawohanga okia ngona nadodiaioka unangika. Ipahaika ngohi aha tähuloko o nyawa iniao inihigilio unenangino. Ngohi toluku ahingohaka inihinoto nihihanga ka o wange gënanga.”
46De o ngo Ribka mïtemo o Ishakika, ”Täigo okaua deʼ tägihounu tämake o Esau ai heka-hekata o hoana de o berera mahomoaino gënanga. Nako o Yakubö wokawingi de o Het manyawa mamoholehe iholoi yaoa ngohi tohonenge dika.”
Currently Selected:
:
Highlight
Share
Copy
Want to have your highlights saved across all your devices? Sign up or sign in