O LUKAS 1
1
Madodihira
1Teofilus nobobarija,
Manga ngöe o nyawa ihi dailakoka yatulihö de yödatoro hagala okia naga i dädadioka nanga hidogoronaka. 2Onanga yatulihi ima däene de o nyawa yamäke-mäke mahirete okia naga idädadioka gënanga muläenge mahira de inä ade-ade ngoneino, deʼ i paha ihi ngangahu toëna maabari. 3Ngohi tatailakoka tohidodiai mata-mata idädadioka gënanga matitioka de yaino, de ipaha, ngohi tapulono kayaoa hötatulihi o bukuika tohidodiai tatatoro la mangale ngona Tuanga. 4Ngohi tadiai gënanga hupaya Tuanga nanäko, okia inï dotokoka ngonaika Tuanga, marai itiai.
Ihingahu o Yohanis Wo ohi-ohiki womakil̄au
5 #
1Taw. 24:10
Maöraha o Herodes wodadi o koano o Yudea mabereraka, naga womatëngo ma imam airomanga o Zakharia. Unanga wowohama o Abia ma imam-imam manga dodoomu. Ngoi hekata ami romanga o ngo Elisabet, o imam manga difaukuoli. 6O giahekata gënanga manga wowango ma Jou Madutu aihininga yasanangi. Yahinotö yamoteke mata-mata ma Jou aipareta deʼ Aitita yangodumu. 7Onanga manga ngohaka koiwa hababu o ngo Elisabet mofätua deʼ onanga yahinotö yäperekioka.
8O wange moiuku, maöraha o Abia aidodoomu yamäke o hidoku, o Zakharia wohidagi o manarama hokä ma imam ma Jou Madutu aihimangoka. 9De o undi kiaka biaha o imam-imam yadiai, o Zakharia iwitumutu la wowohama ma Jou ai Tau magoronaika deʼ wotuhuku o manyanyi. 10Magogiriaka o manyanyi maduhuku idiai, o nyawa yowöe-wöe imä niata maporetoka. 11O öraha gënanga ma Jou aimalaekat imahimatoko madiri o Zakhariaika. O malaekat gënanga imaokoino o mëja o manyanyi yatuhu-tuhuku mangï manirakoka. 12Maöraha o Zakharia wamäke o malaekat gënanga, ünanga wobingu deʼ wohawana. 13Mä o malaekat gënanga iwitemo, ”Uha nohawana, Zakharia! Ma Jou Madutu woihenoka anihubayanga. Ngoni hekata o ngo Elisabet aha momagilianga womatëngo o ngohaka o nauru. Ngona kokiani nihiromanga o Yohanis unangika. 14Ngona aha duru nomörene deʼ manga ngöe o nyawa aha yomore-morene nako o ngohaka gënanga womakil̄au! 15#Bil. 6:3 Unanga aha wodadi o nyawa yolago-agomo imoteke ma Jou ailolegaka, deʼ unanga yakunua o angguru wokere ekola o daluku ibiha-biha. Kade womakil̄au ünanga aha ma Jou Madutu ai Womaha iwikuaha. 16Manga ngöe o Israel manyawa aha wätuda imakilioro ma Jou Madutuika, to önanga manga Jou. 17#Mal. 4:5-6 Unanga aha wodadi ma Jou ai huhuloko wokua-kuata deʼ wokuaha hokä o Elia. Unanga aha wahikadame o ngohaka de o ama, deʼ o nyawa yototo motekua aha wätuda imakilioro o dibanga madiai mangekomika. De hokogënanga ünanga wasadia o umati moi, kiaka i böbötoka mangale ma Jou.”
18”Sarakia ngohi tohiöriki o hali gënanga aha idadi?” o Zakharia woleha o malaekatika gënanga. ”Ngohi ihi perekioka, deʼ ngohi hekata mä imiperekioka.”
19 #
Dan. 8:16, 9:21 O malaekat gënanga wohaluhu, ”Ngohi nënanga o Gabriel. Ngohi tileleani ma Jou Madutu deʼ Unanga wohihuloko ngohi tohi ädono o abari maoa nënanga ngonaika. 20Okia ngohi tahetongo, aha idadi maorahoka. Mä karana ngona nongakua, ngona aha nakunua notemo; ngona aha nomou hiädono okia tahëto-hëtongoka gënanga idadi.”
21O öraha gënanga, o nyawa kaiwi dodamäohi o Zakharia. Onanga yohëranga yadodoa ho ünanga hokogënanga aidëkana ma Jou ai Tau magoronaka. 22Deʼ maöraha ünanga wohupu, ünanga wakunua wotemo onangika. Unanga de ai giama wo tumu-tumutu, deʼ kahirahi womou. De o nyawa geönanga mayanäko, ünanga wamäkeoka okianaga moi ihëra-hëranga ma Jou ai Tau magoronaka.
23De ipaha imatäka aimanarama maöraha ma Jou ai Tauoka, o Zakhariaö ma wolio ai tauika. 24Ipahaika i tedekanua, ngoihekata o ngo Elisabet o ngohaka mohiao, daha kamomagögogono o tauoka o mede motoaino madëkana. 25Münanga motemo, ”Mabobahaka ma Jou wohiriwo ngohi deʼ waehe ahi mal̄eke.”
I hi ngahu o Yesus woma kil̄au
26Maöraha o ngo Elisabet mohiaoka o ngohaka o mede butanga, ma Jou Madutu wahuloko o malaekat Gabriel i oiki o Nazaretika moi o kota o Galilea madaeraoka. 27#Mat. 1:18 O Gabriel iwihuloko o moholehika momatëngo, amiromanga o ngo Maria. O moholehe gënanga momaneoka de womatëngo airomanga o Yusuf ma Koano Daud ai difauku. 28O malaekat gënanga yaika o ngo Mariaika deʼ imitemo, ”Halamati, ngona wonihi barakati ma Jou de madodagi kabiahaua! Ma Jou naga dede ngona!”
29Moihene o malaekat gënanga mademo, o ngo Maria imitodokana, hiädono amihiningaka ileha-leha okia madungutu o tabea nënanga. 30De o malaekat gënanga imitemo o ngo Mariaika, ”Uha nohawana, Maria, hababu ngona ma Jou Madutu ai hininga yadäene. 31#Mat. 1:21 Ngona aha o ngohaka nohiao de nongohaka womatëngo o ngohaka, de kokiani ngona nihiromanga o Yesus. 32#2Sam. 7:12, 13, 16; Yes. 9:7 Unanga aha wodadi womulia deʼ aha iwihetongo ma Jou Madutu wokö Kurutil̄e ai Ngohaka. Ma Jou Madutu aha wihidadi Unanga o koano hokä ma Koano Daud, aiete de aitohora. 33Deʼ Unanga aha wäpareta o Yakub aidifauku kahi ado-adonika hokä o koano. Ai Pareta aha mabaha koiwa.”
34”Mä ngohi o moholehe maboro,” o ngo Maria motemo o malaekatika gënanga, ”Sarakia o hali gënanga yakunu i dadi?”
35O malaekat gënanga imïbaluhu, ”Ma Jou Madutu ai Womaha aha iböa ngonaino, deʼ ma Jou Madutu aikuaha aha inihawo ngona. Gënanga mahababu o ngohaka aha womakokil̄au gënanga aha iwihetongo wo Tebini, ma Jou Madutu ai Ngohaka. 36Nohininga: O ngo Elisabet, ngoni riadodoto gënanga o ngohaka mohi aoka o mede butanga, ngarokö münanga imi perekioka deʼ o nyawa yato mofätua. 37#Kej. 18:14 Hababu ke ma Jou Madutu koiwa la naga idadiua.”
38Daha o ngo Maria motemo, ”Ngohi nënanga ma Jou aigilaongo; mal̄aika la idadi ngohino hokä ngona nahetongoka.” Daha o malaekat gënanga woiki womimal̄aika o ngo Maria.
O ngo Maria momi ädono o ngo Elisabet
39Iböto de gënanga momataiti o ngo Maria moiki o kota moika o Yudea madaera i l̄oku-l̄okuoka. 40Münanga moiki o Zakharia aitauika, deʼ maöraha mowohama münanga momitabea o ngo Elisabet. 41Deʼ hokogënanga o ngo Elisabet moihene o ngo Maria amitabea, o ngohaka doka o ngo Elisabet amiröehoka gënanga imakëlu. De o ngo Elisabet ma Jou Madutu ai Womaha i mi kuaha, 42daha mopöaka, ”Ngona duru inihibarakati o ngongoheka mata-mata manga hidogoronaka! Iwihi barakati o ngohaka aha ngona nihingohaka gënanga! 43O nagona ngohi nënanga hiädono ma Jou ngoi ayo noböa ngohino? 44Hokogënanga ngohi toihene anitabea, o ngohaka ahiröehe magoronaka gënanga imakëlu imore-morene. 45Noutumu ngona, karana nongaku okia ma Jou wahetongo ngonaika gënanga aha idadi!”
O ngo Maria ami sukur mademo
46 #
1Sam. 2:1-10
O ngo Maria motemo,
”Ahi hininga tïpuji ma Jou,
47deʼ ahi jiwa kai more-morene karana ma Jou Madutu ahi Juru Halamati.
48 #
1Sam. 1:11
Unanga wohihininga ngohi, Ai gilaongo kotoböbaragunaua!
Muläenge o öraha nënanga mata-mata o hoana de o berera, yahetongo ngohi toutumu.
49Karana ma Jou Madutu Duru woko Kuaha wodiai o hali ma ago-agomo ngohino.
I Tebini Ai romanga.
50O ahali de o ahaluku ma Jou de Ai hayanga de Ai dora
o nyawaika iwï modo-modongo Unangika.
51De Ai giama i poputurungu Unanga wahigerewoto o nyawa manga hininga i kokurutil̄e,
deʼ waruae toönanga manga datoro.
52 #
Ayb. 5:11, 12:19 O kokoano wahiguti manga kuruhi i momuliaka
deʼ o nyawa yobobaragunaua wahikurutil̄e.
53O nyawa yähähahini aha yäpunuhu de hagala o oa-oa,
yokaya-kaya wäduhu de manga kia-kiaua.
54Unanga wäriwo o Israeloka Ai gilaongo,
imoteke Ai jaji wadodiai de nangaete de nangatohora.
55 #
Kej. 17:7
Ma Jou wawohangua Ai jaji, Unanga aihininga imura o Abrahamika
deʼ ai difauku kahiado-adonika.”
56Done ho mede hange madëkana o ngo Maria mogogere de o ngo Elisabet, dahaö münanga molio ami tauika.
O Yohanis Wo ohi-ohiki woma kil̄au
57Ami öraha yadonoka o ngo Elisabet momägilianga. Münanga amingohaka imakil̄au o ngohaka o nauru. 58Ima kokadateke deʼ amiriadodoto yoihene hokokia ma Jou aioa o ngo Elisabetika, deʼ onanga mayomörene dede münanga.
59 #
Im. 12:3
Maöraha o ngohaka magil̄au gënanga maumuru o wange tufange, önanga yaino la ünanga iwihuna. Onanga yomau o ngohaka magil̄au gënanga iwihiromanga o Zakharia imoteke aiama airomanga, 60mä ngoi ayo mato, ”Kowali! Unanga kokiani hihiromanga o Yohanis.”
61”Moiua aniriadodotino manga romanga hokogënanga,” önanga yotemo munangika. 62Hoʼ iwïmou-mou önanga yoleha o Zakhariaika o romanga okia iwihi romanga aingohakika.
63O Zakharia wogahoko o aoto mabelaka de o dudulihi, daha wotulihi, ”Ai romanga o Yohanis.” Onanga mata-mata yohëranga. 64Oraha gënanga dika o Zakharia wakunoli wotemo deʼ ma Jou Madutu wïpuji. 65Ima kokadateke mata-mata yohawana, deʼ o abari gënanga yodogilianga o Yudea i l̄oku-l̄okuoka madaera mata-mataika. 66Mata-mata o nyawa yoihe-ihene o hali gënanga manga hiningaka ileha, ”Aha wodadi okia o ngohaka gënanga?” Hababu ma Jou iwitomoteke ünanga.
O Zakharia wohingahu o abari ma Jouino
67O Zakharia o ngohaka gënanga aiama, ma Jou Madutu ai Womaha iwikuaha hiädono ünanga wohingahu o behehongo ma Jouino. Unanga wotemo,
68”Niaino ngone hïpuji ma Jou, o Israeloka manga Jou Madutu!
Unanga woböaka wäriwo Ai umati deʼ wätuhuhu önanga.
69Unanga wonahidöaka o Juru Halamati wopoputurungu,
Ai gilaongo, o Daud aidifauku.
70Kahuruonino ainabi-nabi wäiri-irikoka, ihingahu, ma Jou wohidöakoka Ai jaji
71la wonahihalamati ngone nanga haturü manga giama ma hoatoka,
deʼ o nyawa inädoha-dohata manga kuahaino.
72La wohimatoko Ai hininga mamura nanga ete de nanga tohoraika,
Ai jaji i tebi-tebini gënanga aha watotomo.
73-74Unanga wokoboto o Abraham nanga amaika,
deʼ wojaji la wonahihalamati nanga haturü manga giama mahoatoka,
hupaya ngone hohawanua hileleani Unanga
75salalu homahi gilaongo Unangika deʼ hasanangi Ai hininga
nanga wowango magurutu.
76 #
Mal. 3:1
Ngona, hei ahingohaka, aha ini hetongo ma Jou Madutu wokö Kurutil̄e ainabi.
Ngona ini huloko ma Jou nihihira la nohi pairi Ai ngëkomo,
77la wohingahu Ai umatika önanga aha yahihalamati,
nako ma Jou Madutu wä apongoka toonanga manga baradoha.
78Nanga Jou ai hininga imura deʼ wotodora;
Unanga woböa matiti wonahihalamati ngone.
Hokä o wange malako i böa o ngorumino,
79 #
Yes. 9:2
hoko genangala Unanga wohidöaka Ai dararono o nyawa mata-mataika
yowango o huhutu deʼ o modongo magoronaka.
Unanga wonä tuda ngone o ngekomika
madumutu o dameika.”
80O Zakharia aingohaka gënanga idogo wolamoko deʼ i dogo ikuata ai womaha. Unanga wogogere o tonaka makö kakahaka, hiädono maöraha yadono ünanga womahi matoko ai diri o Israel manyawaika.
Currently Selected:
O LUKAS 1: TLB
Highlight
Share
Copy
Want to have your highlights saved across all your devices? Sign up or sign in
O LUKAS 1
1
Madodihira
1Teofilus nobobarija,
Manga ngöe o nyawa ihi dailakoka yatulihö de yödatoro hagala okia naga i dädadioka nanga hidogoronaka. 2Onanga yatulihi ima däene de o nyawa yamäke-mäke mahirete okia naga idädadioka gënanga muläenge mahira de inä ade-ade ngoneino, deʼ i paha ihi ngangahu toëna maabari. 3Ngohi tatailakoka tohidodiai mata-mata idädadioka gënanga matitioka de yaino, de ipaha, ngohi tapulono kayaoa hötatulihi o bukuika tohidodiai tatatoro la mangale ngona Tuanga. 4Ngohi tadiai gënanga hupaya Tuanga nanäko, okia inï dotokoka ngonaika Tuanga, marai itiai.
Ihingahu o Yohanis Wo ohi-ohiki womakil̄au
5 #
1Taw. 24:10
Maöraha o Herodes wodadi o koano o Yudea mabereraka, naga womatëngo ma imam airomanga o Zakharia. Unanga wowohama o Abia ma imam-imam manga dodoomu. Ngoi hekata ami romanga o ngo Elisabet, o imam manga difaukuoli. 6O giahekata gënanga manga wowango ma Jou Madutu aihininga yasanangi. Yahinotö yamoteke mata-mata ma Jou aipareta deʼ Aitita yangodumu. 7Onanga manga ngohaka koiwa hababu o ngo Elisabet mofätua deʼ onanga yahinotö yäperekioka.
8O wange moiuku, maöraha o Abia aidodoomu yamäke o hidoku, o Zakharia wohidagi o manarama hokä ma imam ma Jou Madutu aihimangoka. 9De o undi kiaka biaha o imam-imam yadiai, o Zakharia iwitumutu la wowohama ma Jou ai Tau magoronaika deʼ wotuhuku o manyanyi. 10Magogiriaka o manyanyi maduhuku idiai, o nyawa yowöe-wöe imä niata maporetoka. 11O öraha gënanga ma Jou aimalaekat imahimatoko madiri o Zakhariaika. O malaekat gënanga imaokoino o mëja o manyanyi yatuhu-tuhuku mangï manirakoka. 12Maöraha o Zakharia wamäke o malaekat gënanga, ünanga wobingu deʼ wohawana. 13Mä o malaekat gënanga iwitemo, ”Uha nohawana, Zakharia! Ma Jou Madutu woihenoka anihubayanga. Ngoni hekata o ngo Elisabet aha momagilianga womatëngo o ngohaka o nauru. Ngona kokiani nihiromanga o Yohanis unangika. 14Ngona aha duru nomörene deʼ manga ngöe o nyawa aha yomore-morene nako o ngohaka gënanga womakil̄au! 15#Bil. 6:3 Unanga aha wodadi o nyawa yolago-agomo imoteke ma Jou ailolegaka, deʼ unanga yakunua o angguru wokere ekola o daluku ibiha-biha. Kade womakil̄au ünanga aha ma Jou Madutu ai Womaha iwikuaha. 16Manga ngöe o Israel manyawa aha wätuda imakilioro ma Jou Madutuika, to önanga manga Jou. 17#Mal. 4:5-6 Unanga aha wodadi ma Jou ai huhuloko wokua-kuata deʼ wokuaha hokä o Elia. Unanga aha wahikadame o ngohaka de o ama, deʼ o nyawa yototo motekua aha wätuda imakilioro o dibanga madiai mangekomika. De hokogënanga ünanga wasadia o umati moi, kiaka i böbötoka mangale ma Jou.”
18”Sarakia ngohi tohiöriki o hali gënanga aha idadi?” o Zakharia woleha o malaekatika gënanga. ”Ngohi ihi perekioka, deʼ ngohi hekata mä imiperekioka.”
19 #
Dan. 8:16, 9:21 O malaekat gënanga wohaluhu, ”Ngohi nënanga o Gabriel. Ngohi tileleani ma Jou Madutu deʼ Unanga wohihuloko ngohi tohi ädono o abari maoa nënanga ngonaika. 20Okia ngohi tahetongo, aha idadi maorahoka. Mä karana ngona nongakua, ngona aha nakunua notemo; ngona aha nomou hiädono okia tahëto-hëtongoka gënanga idadi.”
21O öraha gënanga, o nyawa kaiwi dodamäohi o Zakharia. Onanga yohëranga yadodoa ho ünanga hokogënanga aidëkana ma Jou ai Tau magoronaka. 22Deʼ maöraha ünanga wohupu, ünanga wakunua wotemo onangika. Unanga de ai giama wo tumu-tumutu, deʼ kahirahi womou. De o nyawa geönanga mayanäko, ünanga wamäkeoka okianaga moi ihëra-hëranga ma Jou ai Tau magoronaka.
23De ipaha imatäka aimanarama maöraha ma Jou ai Tauoka, o Zakhariaö ma wolio ai tauika. 24Ipahaika i tedekanua, ngoihekata o ngo Elisabet o ngohaka mohiao, daha kamomagögogono o tauoka o mede motoaino madëkana. 25Münanga motemo, ”Mabobahaka ma Jou wohiriwo ngohi deʼ waehe ahi mal̄eke.”
I hi ngahu o Yesus woma kil̄au
26Maöraha o ngo Elisabet mohiaoka o ngohaka o mede butanga, ma Jou Madutu wahuloko o malaekat Gabriel i oiki o Nazaretika moi o kota o Galilea madaeraoka. 27#Mat. 1:18 O Gabriel iwihuloko o moholehika momatëngo, amiromanga o ngo Maria. O moholehe gënanga momaneoka de womatëngo airomanga o Yusuf ma Koano Daud ai difauku. 28O malaekat gënanga yaika o ngo Mariaika deʼ imitemo, ”Halamati, ngona wonihi barakati ma Jou de madodagi kabiahaua! Ma Jou naga dede ngona!”
29Moihene o malaekat gënanga mademo, o ngo Maria imitodokana, hiädono amihiningaka ileha-leha okia madungutu o tabea nënanga. 30De o malaekat gënanga imitemo o ngo Mariaika, ”Uha nohawana, Maria, hababu ngona ma Jou Madutu ai hininga yadäene. 31#Mat. 1:21 Ngona aha o ngohaka nohiao de nongohaka womatëngo o ngohaka, de kokiani ngona nihiromanga o Yesus. 32#2Sam. 7:12, 13, 16; Yes. 9:7 Unanga aha wodadi womulia deʼ aha iwihetongo ma Jou Madutu wokö Kurutil̄e ai Ngohaka. Ma Jou Madutu aha wihidadi Unanga o koano hokä ma Koano Daud, aiete de aitohora. 33Deʼ Unanga aha wäpareta o Yakub aidifauku kahi ado-adonika hokä o koano. Ai Pareta aha mabaha koiwa.”
34”Mä ngohi o moholehe maboro,” o ngo Maria motemo o malaekatika gënanga, ”Sarakia o hali gënanga yakunu i dadi?”
35O malaekat gënanga imïbaluhu, ”Ma Jou Madutu ai Womaha aha iböa ngonaino, deʼ ma Jou Madutu aikuaha aha inihawo ngona. Gënanga mahababu o ngohaka aha womakokil̄au gënanga aha iwihetongo wo Tebini, ma Jou Madutu ai Ngohaka. 36Nohininga: O ngo Elisabet, ngoni riadodoto gënanga o ngohaka mohi aoka o mede butanga, ngarokö münanga imi perekioka deʼ o nyawa yato mofätua. 37#Kej. 18:14 Hababu ke ma Jou Madutu koiwa la naga idadiua.”
38Daha o ngo Maria motemo, ”Ngohi nënanga ma Jou aigilaongo; mal̄aika la idadi ngohino hokä ngona nahetongoka.” Daha o malaekat gënanga woiki womimal̄aika o ngo Maria.
O ngo Maria momi ädono o ngo Elisabet
39Iböto de gënanga momataiti o ngo Maria moiki o kota moika o Yudea madaera i l̄oku-l̄okuoka. 40Münanga moiki o Zakharia aitauika, deʼ maöraha mowohama münanga momitabea o ngo Elisabet. 41Deʼ hokogënanga o ngo Elisabet moihene o ngo Maria amitabea, o ngohaka doka o ngo Elisabet amiröehoka gënanga imakëlu. De o ngo Elisabet ma Jou Madutu ai Womaha i mi kuaha, 42daha mopöaka, ”Ngona duru inihibarakati o ngongoheka mata-mata manga hidogoronaka! Iwihi barakati o ngohaka aha ngona nihingohaka gënanga! 43O nagona ngohi nënanga hiädono ma Jou ngoi ayo noböa ngohino? 44Hokogënanga ngohi toihene anitabea, o ngohaka ahiröehe magoronaka gënanga imakëlu imore-morene. 45Noutumu ngona, karana nongaku okia ma Jou wahetongo ngonaika gënanga aha idadi!”
O ngo Maria ami sukur mademo
46 #
1Sam. 2:1-10
O ngo Maria motemo,
”Ahi hininga tïpuji ma Jou,
47deʼ ahi jiwa kai more-morene karana ma Jou Madutu ahi Juru Halamati.
48 #
1Sam. 1:11
Unanga wohihininga ngohi, Ai gilaongo kotoböbaragunaua!
Muläenge o öraha nënanga mata-mata o hoana de o berera, yahetongo ngohi toutumu.
49Karana ma Jou Madutu Duru woko Kuaha wodiai o hali ma ago-agomo ngohino.
I Tebini Ai romanga.
50O ahali de o ahaluku ma Jou de Ai hayanga de Ai dora
o nyawaika iwï modo-modongo Unangika.
51De Ai giama i poputurungu Unanga wahigerewoto o nyawa manga hininga i kokurutil̄e,
deʼ waruae toönanga manga datoro.
52 #
Ayb. 5:11, 12:19 O kokoano wahiguti manga kuruhi i momuliaka
deʼ o nyawa yobobaragunaua wahikurutil̄e.
53O nyawa yähähahini aha yäpunuhu de hagala o oa-oa,
yokaya-kaya wäduhu de manga kia-kiaua.
54Unanga wäriwo o Israeloka Ai gilaongo,
imoteke Ai jaji wadodiai de nangaete de nangatohora.
55 #
Kej. 17:7
Ma Jou wawohangua Ai jaji, Unanga aihininga imura o Abrahamika
deʼ ai difauku kahiado-adonika.”
56Done ho mede hange madëkana o ngo Maria mogogere de o ngo Elisabet, dahaö münanga molio ami tauika.
O Yohanis Wo ohi-ohiki woma kil̄au
57Ami öraha yadonoka o ngo Elisabet momägilianga. Münanga amingohaka imakil̄au o ngohaka o nauru. 58Ima kokadateke deʼ amiriadodoto yoihene hokokia ma Jou aioa o ngo Elisabetika, deʼ onanga mayomörene dede münanga.
59 #
Im. 12:3
Maöraha o ngohaka magil̄au gënanga maumuru o wange tufange, önanga yaino la ünanga iwihuna. Onanga yomau o ngohaka magil̄au gënanga iwihiromanga o Zakharia imoteke aiama airomanga, 60mä ngoi ayo mato, ”Kowali! Unanga kokiani hihiromanga o Yohanis.”
61”Moiua aniriadodotino manga romanga hokogënanga,” önanga yotemo munangika. 62Hoʼ iwïmou-mou önanga yoleha o Zakhariaika o romanga okia iwihi romanga aingohakika.
63O Zakharia wogahoko o aoto mabelaka de o dudulihi, daha wotulihi, ”Ai romanga o Yohanis.” Onanga mata-mata yohëranga. 64Oraha gënanga dika o Zakharia wakunoli wotemo deʼ ma Jou Madutu wïpuji. 65Ima kokadateke mata-mata yohawana, deʼ o abari gënanga yodogilianga o Yudea i l̄oku-l̄okuoka madaera mata-mataika. 66Mata-mata o nyawa yoihe-ihene o hali gënanga manga hiningaka ileha, ”Aha wodadi okia o ngohaka gënanga?” Hababu ma Jou iwitomoteke ünanga.
O Zakharia wohingahu o abari ma Jouino
67O Zakharia o ngohaka gënanga aiama, ma Jou Madutu ai Womaha iwikuaha hiädono ünanga wohingahu o behehongo ma Jouino. Unanga wotemo,
68”Niaino ngone hïpuji ma Jou, o Israeloka manga Jou Madutu!
Unanga woböaka wäriwo Ai umati deʼ wätuhuhu önanga.
69Unanga wonahidöaka o Juru Halamati wopoputurungu,
Ai gilaongo, o Daud aidifauku.
70Kahuruonino ainabi-nabi wäiri-irikoka, ihingahu, ma Jou wohidöakoka Ai jaji
71la wonahihalamati ngone nanga haturü manga giama ma hoatoka,
deʼ o nyawa inädoha-dohata manga kuahaino.
72La wohimatoko Ai hininga mamura nanga ete de nanga tohoraika,
Ai jaji i tebi-tebini gënanga aha watotomo.
73-74Unanga wokoboto o Abraham nanga amaika,
deʼ wojaji la wonahihalamati nanga haturü manga giama mahoatoka,
hupaya ngone hohawanua hileleani Unanga
75salalu homahi gilaongo Unangika deʼ hasanangi Ai hininga
nanga wowango magurutu.
76 #
Mal. 3:1
Ngona, hei ahingohaka, aha ini hetongo ma Jou Madutu wokö Kurutil̄e ainabi.
Ngona ini huloko ma Jou nihihira la nohi pairi Ai ngëkomo,
77la wohingahu Ai umatika önanga aha yahihalamati,
nako ma Jou Madutu wä apongoka toonanga manga baradoha.
78Nanga Jou ai hininga imura deʼ wotodora;
Unanga woböa matiti wonahihalamati ngone.
Hokä o wange malako i böa o ngorumino,
79 #
Yes. 9:2
hoko genangala Unanga wohidöaka Ai dararono o nyawa mata-mataika
yowango o huhutu deʼ o modongo magoronaka.
Unanga wonä tuda ngone o ngekomika
madumutu o dameika.”
80O Zakharia aingohaka gënanga idogo wolamoko deʼ i dogo ikuata ai womaha. Unanga wogogere o tonaka makö kakahaka, hiädono maöraha yadono ünanga womahi matoko ai diri o Israel manyawaika.
Currently Selected:
:
Highlight
Share
Copy
Want to have your highlights saved across all your devices? Sign up or sign in