O LUKAS 2
2
O Yesus womakil̄au
(Mat. 1:18-25)
1O öraha gënanga ma Kaisar Agustus wohipareta hupaya mata-mata o kawaha o Roma ma Popareta magoronaka ihingohama manga romanga la yäetongo. 2O gegetongo madodihiraka nënanga ihidagi maöraha o Kirenius wodadi gubernur o Siria mabereraka. 3Mata-mata o nyawa o öraha gënanga yoiki moi-moi manga bereraika la ihingohama manga romanga.
4O Yusuf ö womäjobo o Nazaret o Galilea madaeraoka, de o Betlehemika o Yudea mabereraka, ma Koano Daud aingï womakil̄au; hababu o Yusuf o Daud aidifauku. 5O Yusuf wohingohama manga romanga, de o ngo Maria ngoi mamane kiaka münanga o ngohaka mohiaoka. 6Maöraha önanga imahiädono o Betlehemika amiöraha imahiädono o ngo Maria momägilianga. 7Münanga momägilianga moi o ngohaka o nauru, ami ngohaka mariaka. O ngohaka gënanga iwihawoino de o ngöere, daha iwikelengauku, o aiwani mainomo mangïoka ihinaoil̄e de o gandum maröehe; hababu önanga imämäkeua dodogumu mangï.
O aiwani magogöana deʼ o malaekat
8O hutu gënanga naga o aiwani yogöa-göana magogiria yögöana manga duba-duba o daera gënanga magol̄owaka. 9Itodokanino ma Jou aimalaekat imahimatoko onangika, deʼ o dararono ma Jouino maletongo yadihiwara yahitararono önanga deʼ onanga duru yohawana. 10Mä o malaekat gënanga itemo, ”Uha nihawana! Hababu ngohi toböa tinïgao o abari maoa mangale ngini – o abari gënanga yadiai mata-mata o nyawa duru yomörene. 11O wange nënanga o Daud aibereraka womakil̄auoka ma Koano Winihihohalamati enagënanga o Kristus, ma Jou. 12Nënanga ainonako: Ngini aha niwimäke womatëngo o ngohaka magil̄au iwihawoino de o ngöere, deʼ womaidu o aiwani mainomo mangï magoronaka.”
13Itodokanino o malaekat gënanga yanïkino mangöe o malaekat mahomoa iwipuji ma Jou Madutu. Onanga yotemo,
14”O puji ma Jou Madutuika o dihanga ikokurutil̄eoka!
Deʼ o dunia mal̄okuoka, yohalamati o nyawa yasosanangi ma Jou aihininga!”
15Ipaha o malaekat-malaekat yämal̄a o aiwani yogöa-göana deʼ imakilioro o horogaika, o aiwani yogöa-göana gënanga imaketemo, ”Niaino ngone hoiki o Betlehemika deʼ hölega okianaga idädadi gënanga, kiaka ma Jou wonahingahu ngoneino.”
16Onanga imataiti yoiki, daha yämäke o ngo Maria deʼ o Yusuf, de mangohaka magil̄au gënanga womäiduiha o aiwani mainomo mangï magoronaka.
17Maöraha o aiwani yogöa-göana iwimäke o ngohaka magil̄au gënanga, önanga yoade-ade okia o malaekat-malaekat yahetongoka mangale o ngohaka magil̄au gënanga. 18Deʼ mata-mata o nyawa yohëranga yoihene o aiwani yogöa-göana manga ade-ade gënanga. 19Mä o ngo Maria magogono mata-mata gënanga amihininga magoronaka deʼ matötakihiri. 20O aiwani yogöa-göana gënanga imakilioro o momo i gogol̄owaika daha iwipuji deʼ iwihimulia ma Jou Madutu, karana mata-mata okia yoihenoka deʼ yamäkeoka, i tiai hokä o malaekat yahetongo.
O Yesus airomanga i hidöaka
21 #
Im. 12:3; Luk. 1:31 Ai umuru o wange tufange iböto, o ngohaka gënanga iwihuna. Deʼ onanga iwihiromanga o Yesus, o romanga kiaka o malaekat ihidöaka unangika, ihira de ngoi ayo mihiao unanga amiröehoka.
O Yesus iwihi lapahi ma Jouika ma Jou ai Tauoka
22 #
Im. 12:6-8
Yadonoka maöraha o Yusuf deʼ o ngo Maria yadiai o debini ma adati imoteke o Musa aitita. Hoʼ onanga iwiao o ngohaka gënanga o Yerusalemika la iwihilapahi ma Jouika. 23#Kel. 13:2, 12 Hababu ma Jou ai Titaoka itulihi hokonënanga, ”O ngohaka o nauru mariaka mahigetongo, kokiani ihilapahi ma Jouika.” 24Onangö manga dungutu ihihuba mangahuhuba, enagënanga o habi moi o pombo furu ekola o dutu hinoto o namo dara mangohaka, hokä higogeroka ma Jou ai Titaoka.
25Oraha gënanga o Yerusalemoka naga womatëngo o bereki airomanga o Simeon. Unanga o nyawa maoa, de wïmodongo ma Jou Madutu deʼ wototamä maöraha ma Jou Madutu wahihalamati o Israel manyawa. Ma Jou Madutu ai Womaha dede ünanga 26deʼ ma Jou Madutu ai Womaha iwihingahuoka unangika, ünanga aha wohonengua, nako wïmäkeuwahi o Koano Wohihohalamati ma Jou wahijäjajioka. 27Mangale ma Jou Madutu ai Womaha matutuda, o Simeon wowohama ma Jou ai Tauika. Oraha gënanga o Yusuf deʼ o ngo Maria iwiao iwihingohama o Yesus, ka aiete-etekohi gënanga la yadiai o agama mamau-mau, kiaka hiparetaka o agama matitaka. 28O Simeon wil̄ë o ngohaka gënanga deʼ wïtotiri daha wïpuji ma Jou Madutu,
29”Orahanënanga, Jou, ngona natotomoka Ani jaji.
Mal̄aikala Ani gilaongo nënanga tohonenge de ahihininga i rïdi.
30Hababu ahi lako mahirete ngohi tamäkeoka o Juru Halamati Ngonaino.
31O Juru Halamati gënanga Ngona nasadiaka hagala o hoana de o berera manyawa manga himangoka:
32 #
Yes. 42:6, 49:6, 52:10 hokä o dararono yatararono o hoana de o berera mahomoa
mangale yoböa Ngonaika;
o dararono genangala ohoromati iao Ani umati o Israel manyawaika.”
33Ai ama deʼ ngoi ayo o ngohaka gënanga, yohëranga okia o Simeon wotemo mangale toönanga manga ngohaka. 34O Simeon wahi barakati önanga, deʼ o ngo Maria o ngohaka gënanga ngoi ayoika womitemo, ”O ngohaka nënanga ma Jou Madutu wïirikoka la wahibinaha deʼ wahihalamati o Israel manyawa manga ngöe. Unanga aha wodadi o nonako ma Jouino, aha iwilawani manga ngöe o nyawa, 35deʼ hoko gënanga ikilianga to önanga manga hininga madol̄a. O hininga mahuha aha yatohoko anihininga hokä o oworo madoto-doto.”
36Naga momatengoli manabi o ngoheka duru imiperekioka. Ami romanga o ngo Hana o Fanuel ngoi ora o Asyer aibätuku. O taongo tumidi mokawingino, 37o ngo Hana mofäo, deʼ oraha gënanga amiumuru o taongo mori tufange de iata. Komaiwa münanga matingaka ma Jou ai Tau. O hutu deʼ o wange münanga moleleani genangoka ma Jou Madutuika, de momäniata deʼ mopuaha. 38Imateke korona öraha genangö münanga moböa, daha mïpuji ma Jou Madutu deʼ mohi ade-ade mangale o ngohaka gënanga o nyawa mata-mataika, kiaka yödodamä maöraha ma Jou Madutu walapahi o Yerusalem.
I ma kilioro o Nazaretika
39 #
Mat. 2:23
I paha o Yusuf deʼ o ngo Maria yadiaioka mata-mata ma Jou ai Tita yahipatu-patutoka, önanga yolio o Nazaretika o Galileaoka. 40O ngohaka gënanga idogo-dogo wolamoko deʼ wokuata. Unanga duru wosawaro deʼ ma Jou Madutu duru wïdora Unanga.
O Yesus ma Jou ai Tauoka
41 #
Kel. 12:1-27; Ul. 16:1-8 O taongo higëto-gëtongo o Yesus aidimono yoiki o Yerusalemika la ihirame o Paskah ma Wange ma Amoko. 42Deʼ maöraha o Yesus aiumuru o taongo ngimoi de hinoto, önanga yoiki o rameika gënanga imoteke mabiaha. 43O rame gënanga ipaha önanga yolio, mä o Yesus o ngohaka gënanga kawogögogerohi o Yerusalemoka, deʼ aiama de ngoiayo ihiorikua. 44Onanga yatobote Unanga wänïkoka Ai dodiawo yowöe-wöe. Yotagi o wange moi iböto de ahaö önanga iwilingiri Unanga manga riadodoto deʼ imakokanäko manga hidogoronaka. 45Mä onanga iwimäkeua hoʼ onanga imakilioro o Yerusalemika iwilingiri Unanga. 46O wange hange iböto iwilingiri de ahaö iwimäke Unanga ma Jou ai Tau magoronaka. Unanga magogiria wogogeruku wohigihene o agama maguru-guru deʼ manga loleha-loleha Unangika. 47Mata-mata o nyawa yoihe-ihene Ai bobaluhu gënanga yohëranga karana wosawaro wöbaluhu. 48Ai dimono mayohëranga iwimäke Unanga. Ngoi ayo mïtemo Unangika, ”Ngohaka, yadodoa honodiai hoko nënanga ngomino? Ani ama deʼ ngoni ayo mia hininga ihuha mini lingiri Ngona!”
49O Yesus wohaluhu, ”Yadodoa ho ahi ama deʼ Ngohi ayo nihi lingiri Ngohi? Okia ho ahiama deʼ Ngohiayo nianäkoua Ngohi kokiani naga Ahi Ama aitau magoronaka?” 50Mä onanga imangaratiua o Yesus ai bobaluhu.
51Ipaha o Yesus wolio dede önanga o Nazaretika, deʼ wahimoteke onangika. Mata-mata o hali nënanga ngoi ayo magogono ami hiningaka. 52#1Sam. 2:26; Ams. 3:4 O Yesus i dogo-dogo wolamoko deʼ idogo wosawaro, de ma Jou Madutu wïdora Unanga deʼ o nyawa iwï igo.
Currently Selected:
O LUKAS 2: TLB
Highlight
Share
Copy
Want to have your highlights saved across all your devices? Sign up or sign in
