O LUKAS 9
9
O Yesus wähuloko iwinöninïki yangimoi de yahinoto
(Mat. 10:5-15; Mark. 6:7-13)
1O Yesus wä ahoko iwinöninïki yangimoi de yahinoto, daha wahi döaka onangika o kuaha la yaduhu o womaha madorou deʼ i hi togumu o panyake. 2Ipaha Unanga wähuloko önanga yoiki yahi togumu o nyawa yopopanyake deʼ ihingahu o abari mangale sarakia ma Jou Madutu wopareta hokä o Koano. 3#Luk. 10:4-11 ”Uha niao okia naga niadodagioka,” o Yesus wätemo onangika. ”Uha nimägao o diki-diki, ekola o hadaka mapopoje, ekola o inomo, ekola o tiwi, ekola o pakeanga hinoto. 4Kiaka dika ngini inïtarima, nigogere genangoka hiädono ngini niamal̄a o kota gënanga. 5#Kis. 13:51 Deʼ kiaka ngini inï tarimaua, maöraha ngini niamal̄a o kota gënanga, niaparihuku nia l̄ou mahoatil̄e makafo, hokä o hohininga onangika.”
6Iwinöninïki o Yesus imäjobo, daha yoiki o kapongo-kapongoika la ihi ngahu o Abari ma Oa gënanga deʼ yahitogumu o nyawa yopopanyake kiaka de kiaka dika.
O Herodes wobingu
(Mat. 14:1-12; Mark. 6:14-29)
7 #
Mat. 16:14; Mark. 8:28; Luk. 9:19 Maöraha o Herodes, wopopareta o Galileaka, woihene mangale mata-mata idädadi gënanga, ünanga wobingu. Hababu naga utu yotemo o Yohanis Wo ohi-ohiki wowangokali. 8Nagaoli yotemo o Elia woböakali. O nyawa mahomoali yotemo, o nabi-nabi kahuruonino womatëngo wowangoli. 9O Herodes wotemo, ”Ngohi tähulokoka o nyawa yatobiki o Yohanis aihäeke. Mä o nyawa nënanga imoteke madiai o naguna Unanga gënanga? Naga mangöe toihenoka mangale Unanga.” De o Herodes wohi dailako la mangale wïmäke o Yesus.
O Yesus wahi ol̄omo o nyawa yäribuhu motoa
(Mat. 14:13-21; Mark. 6:30-44; Yoh. 6:1-14)
10O Yesus airasul-rasul imakilioro deʼ yoade-ade o Yesusika mata-mata önanga yadodiaioka. O Yesus wahigaro önanga, la woiki dede önanga imatingaka o Betsaida makotaika. 11Mä maöraha o nyawa ihiöriki mangale o hali gënanga, önanga iwinïki o Yesus. Unanga wätarima önanga, daha wä ade-ade onangika mangale sarakia ma Jou Madutu wopareta hokä o Koano. Deʼ Unangö wahitogumu o nyawa yopopanyake manga hidogoronaka.
12Maöraha owange imuläenge itumunu, yangimoi de yahinoto o Yesus iwinöninïki yaino o Yesusino deʼ yotemo, ”Bapa, o ngï nënanga imatingakino. Iholoi yaoa Bapa nähuloko o nyawa ne önanga yoiki, hupaya önanga yakunu imälingiri o inomo deʼ o dodogumu o kapo-kapongika deʼ o kapongo-kapongoika i kilolitino nënanga.”
13Mä o Yesus wohaluhu, ”Ngini dika niahiol̄omo önanga.”
Iwinöninïki o Yesus yato, ”Ngomi duga-duga miaroti motoa deʼ o nawoko ngai hinoto. Boteka ngomi kokiani mioiki mi ija o inomo la mangale o nyawa mata-mata nënanga?” 14(Yatakihiri naga yaribuhu motoa o nau-nauru genangoka.)
O Yesus wätemo iwinöninïkika, ”Niä huloko o nyawa ne önanga yogogere imatotoomu, yatakihiri yamoritoa o doomu moi.”
15Iwinöninïki o Yesus gënanga yadiai okia o Yesus wahetongoka onangika. 16Daha o Yesus wal̄ë o roti motoa deʼ o nawoko o ngai hinoto gënanga, ipaha womamataga o dihangil̄e deʼ wotemo tarima kasi ma Jou Madutuika. Ipaha de gënanga Unanga wabëla-bëlaka o roti deʼ o nawoko gënanga de Ai giama daha wohidöaka iwinöninïkika la ihikodoku o nyawa yowöe-wöeika gënanga. 17Onanga mata-mata yol̄omo hiädono yäpunuhu. Daha iwinö ninïki o Yesus yatoomu o inomo gënanga maboloi mangöe o karaja ngimoi de hinoto.
O Petrus aimangaku mangale o Yesus
(Mat. 16:13-19; Mark. 8:27-29)
18O wange moiuku, maöraha o Yesus magogiriaka womäniata womatëngoka, de ipaha iwinöninïki yaino Unangino. O Yesus wäleha onangika, ”Imoteke o nyawa yato, Ngohi nënanga o naguna?”
19 #
Mat. 14:1-2; Mark. 6:14-15; Luk. 9:7-8 Onanga yohaluhu, ”Naga yato o Yohanis Wo ohi-ohiki. Nagaö yato o Elia, mahomoali yato o nabi kahuruonino womatëngo wowangoli.”
20 #
Yoh. 6:68-69
”Mä imoteke ngini mahirete, Ngohi nënanga o naguna?” o Yesus woleha.
O Petrus wohaluhu, ”Bapa Ngona o Koano Wohihohalamati ma Jou Madutu wohijäjajioka.”
O Yesus wohi ade-ade mangale Ai hangihara deʼ Ai honenge
(Mat. 16:21-28; Mark. 8:31–9:1)
21Daha o Yesus wätemo iwinöninïkika, ”O nagonaika dika mahakali-kali uha nihingahu o hali gënanga.” 22O Yesus wotemoli, ”O nyawa manga Ngohaka marai kokiani mangöe o huha watagongo deʼ o tutuda-tutuda deʼ o imam-imam manga häeke, daha o agama maguru-guru aha iwilawani imateke ributu. Unanga aha iwitoma, mä o wange hangeoka aha iwihimomikoli.”
23 #
Mat. 10:38; Luk. 14:27 Ipaha o Yesus wätemo o nyawaika mata-mata naga ima toomuino genangoka, ”O nyawa yomau ihinïki Ngohi, kokiani yawohanga manga diri mahirete maparalu, yamoku manga salib o wange higeto-getongo, deʼ madodogumua ihinïki Ngohi. 24#Mat. 10:39; Luk. 17:33; Yoh. 12:25 Hababu o nyawa yomau yöriwo manga ngango, aha manga ngango ihihanga. Mä o nyawa ihihuba manga ngango mangale Ngohi ahiparalu, aha manga ngango ihalamati. 25Okia aiutumu womatëngo nako dunia mata-mata nënanga idadi katoünanga, mä unanga aingango ibodito deʼ ihihanga? 26Nako o nyawa yämal̄eke ima ngaku mangale Ngohi deʼ Ahi dodötoko, o Nyawa manga Ngohakö aha iwimal̄eke womangaku o nyawa geönanga, maöraha Unanga woböa aha de Ai kuaha, deʼ Ai Ama aikuaha, de o malaekat-malaekat yotebi-tebini manga kuaha! 27La nihiöriki: nengokadau niahidogoronaka naga yohonengua nako önanga yamäke owahi ma Jou Madutu wopareta.”
O Yesus wihimulia
(Mat. 17:1-8; Mark. 9:2-8)
28 #
2Pet. 1:17-18
O Yesus wädotoko o hali gënanga done o minggu moi ipahaika Unanga wäao o Petrus, o Yohanis deʼ o Yakobus o l̄okuil̄e la womäniata. 29Magogiria o Yesus womäniata genangoka Ai biono ingali, deʼ aipakeanga iarehe de ileto-letongo. 30-31Itodokanino o nyawa yahinoto, gënanga o Musa deʼ o Elia ihimatoko manga diri de o horoga macahaya. Onanga imateke ade-ade de o Yesus mangale Ai honenge kiaka itedekanokaua aha idadi o Yerusalemoka. 32O öraha gënanga o Petrus deʼ aidodiawo yäkiokoka, mä itodokanino yomomiki, deʼ iwimäke o Yesus wocahaya, deʼ o nyawa yahinoto gënanga imaokoino dede Unanga. 33Maöraha o nyawa yahinoto gënanga yomau iwimal̄a o Yesus, o Petrus wotemo o Yesusika, ”Bapa Guru, duru irahai ngone nenangoka. Kayaoa de ngomi mihigoko o tau gahumu hange: moi tongona Tuanga, moi to Musa deʼ moioli to Elia.” (O Petrus wotemo hoko gënanga mawomangaratiua okia wotemo.)
34O Petrus magogiria kawo temo-temohi, moi o lobi iböa, deʼ yähawo önanga hiädono o Petrus de aidodiawo yohawana. 35#Yes. 42:1; Mat. 3:17, 12:18; Mark. 1:11; Luk. 3:22 I paha o lobino gënanga yoihene o ilingi mabetongo, ”Nënanga Ahi Ngohaka ti iri-iriki. Niwihi gihene Unanga!”
36O ilingi gënanga imatogumu ipaha, önanga iwimäke o Yesus womatëngokahi genangoka. Iwinöninïki o Yesus imarïrïdoka mangale mata-mata gënanga, deʼ o nagonaikaö de ihi ngahua, okia önanga yamäke-mäkeoka.
O Yesus wihi togumu o ngohaka womatëngo iwï ngohamika o womaha madorou
(Mat. 17:14-18; Mark. 9:14-27)
37Yarehino mawange o Yesus deʼ iwinöninïki yaruange gënanga o l̄okuku de youti, deʼ o nyawa yowöe-wöe yoböa o Yesusika. 38Womatëngo o nauru yowöe-wöe gënanga manga hidogoronaka wopöaka, ”Bapa Guru, nohiriwo nilega ahingohaka – ünanga woma tëngo-tëngoka ahingohaka! 39Nako o womaha madorou iwï ngino, ünanga itodokanino wopöaka deʼ airöehe itiri-tirihoka hiädono aiuru iabo. O womaha madorou gënanga kahoko genangika iwihangihara ünanga deʼ ioluku ihupu unangoka! 40Ngohi togahokoka ininöninïki Bapa yaduhu o womaha madorou gënanga, mä onanga yakunua.”
41O Yesus wohaluhu, ”Goguleua ngini nënanga. Ngini duru o nyawa nitötobalawani deʼ ningakua! Hiädono muruonoka Ngohi kokiani togogere dede ngini deʼ tosabari nginika? Nïao nengino ani ngohaka gënanga!”
42De o ngohaka gënanga womadagi wïdumutu o Yesus, o womaha madorou gënanga iwihi boha deʼ airöehe itiri-tirihoka. Mä o Yesus wapareta o womaha madorou gënanga ihupu deʼ o ngohaka gënanga wotogumu. De o ngohaka gënanga wï hilapahioli aiamaika. 43Mata-mata o nyawa yohëranga yamäke ma Jou Madutu ai kuaha hoko gënanga ma amoko.
O Yesus wohi ade-adeoli mangale Ai honenge
(Mat. 17:22-23; Mark. 9:30-32)
Maöraha o nyawa kayo hëra-hërangohi yamäke mata-mata wadodiai, o Yesus wätemo iwinöninïkika, 44”Nia tailako nihidodiai de uha niawohanga Ahi demo-demo nënanga. O Nyawa manga Ngohaka aha iwi hilapahi o nyawa manga kuahaika.” 45Mä iwinö ninïki o Yesus gënanga imangaratiua Ai demo gënanga. O hali gënanga warahasia onangika hupaya önanga imangaratiua. Mä onanga yohawana yoleha o hali gënanga Unangika.
O nagona i holoi yolamoko?
(Mat. 18:1-5; Mark. 9:33-37)
46 #
Luk. 22:24
Iwinöninïki o Yesus manga hidogoronaka ipuda o ributu mangale manga hidogoronaka o nagona iholoi yolamoko. 47O Yesus wohi öriki to önanga manga dibanga, hababu gënanga Unanga wa l̄ë o ngohaka mai teteke womatëngo, deʼ o ngohaka gënanga wïokoil̄e Ai datekoka. 48#Mat. 10:40; Luk. 10:16; Yoh. 13:20 Daha Unanga wätemo iwinöninïkika, ”O nyawa yätarima o ngohaka nënanga karana Ngohi, mamangarati ihitarima Ngohi. Deʼ o nyawa hitotarima Ngohi, iwitarima Unanga wohihö hulo-huloko Ngohi. Hababu o nyawa yo ete-eteke niahidogoronaka, geünanga iholoi woamoko!”
O nyawa inï lawanua ngini, inihi böa nginika
(Mark. 9:38-40)
49O Yohanis wotemo, ”Tuanga, ngomi miämäke o nyawa yaduhu o hetanga de Tongona Ani romanga, deʼ ngomi miwïduhunu ünanga, hababu ünanga ngone inoua.”
50”Uha niwïduhunu ünanga,” o Yesus wïtemo o Yohanisika deʼ iwinöninïki o Yesus mahomoahi, ”hababu o nyawa inïlawanua, mamangarati inihi böa ngini.”
Moi o kapongo o Samaria mabereraka yoluku iwi tarima o Yesus
51Maöraha itigioka o Yesus iwigoraka ohorogaika, Unanga waputuhu la woiki o Yerusalemika. 52Ho Unanga wähuloko o nyawa yoiki yohira, Unanga woturu. O nyawa wähulo-huloko gënanga yoiki, de yowohama o kapongo moi o Samaria mabereraka la yasadia o Yesus aikia honanga. 53Mä o nyawa o kapongoka gënanga yoluku iwitarima o Yesus, hababu inyata-nyata duru Unanga aidumutu o Yerusalemika. 54#2Kok. 1:9-16 Maöraha iwinöninïki o Yesus enagënanga o Yakobus deʼ o Yohanis ihiöriki o hali gënanga, önanga yotemo, ”Jou, boteka Jou nomau, ngomi migahoko o uku iuti o dihanguku la yäbinahaka o nyawa ne önanga?”
55O Yesus womaiduloko, daha wängamo önanga. 56Ipaha de gënanga önanga yoiki o kapongo mahomoaika.
O nyawa yomau yodadi iwinöninïki o Yesus
(Mat. 8:19-22)
57O Yesus deʼ iwinöninïki magogiria ihigila-gila manga dodagi, naga o nyawa iwitemo o Yesusika, ”Bapa, ngohi tomau toninïki Bapa kiaika dika!”
58O Yesus wohaluhu, ”O kaho honganika de ma arukoka, deʼ o totaleo de maigutoka, mä o Nyawa manga Ngohaka koiwa Ai ngï womahi ruba-ruba.” 59Daha o Yesus wïtemo woma tengoli, ”Nohi nïki Ngohi.”
Mä o nyawa gënanga wotemo, ”Bapa nohihi gumal̄a ngohi toliohi la tilungunohi ahiama.”
60O Yesus wohaluhu, ”Mal̄aika o nyawa yohone-honengoka yälungunu mahirete manga nyawa yohone-honengoka. Mä ngona, noiki deʼ nohingahu-ngahu o abari ma Jou Madutu womulaengoka wopareta.”
61 #
1Kok. 19:20
Naga o womatëngo mahomoa wotemo, ”Bapa ngohi tomau toninïki Bapa, mä nohihi gumal̄a ngohi toliohi la tomahi ngahuohi.”
62O Yesus wïtemo o nyawaika gënanga, ”O nyawa yomulaengoka yopajeko, de ima lega manga poretoko, ipatutua yodadi o gegetongo ma Jou Madutu aiumati.”
Currently Selected:
O LUKAS 9: TLB
Highlight
Share
Copy
Want to have your highlights saved across all your devices? Sign up or sign in
O LUKAS 9
9
O Yesus wähuloko iwinöninïki yangimoi de yahinoto
(Mat. 10:5-15; Mark. 6:7-13)
1O Yesus wä ahoko iwinöninïki yangimoi de yahinoto, daha wahi döaka onangika o kuaha la yaduhu o womaha madorou deʼ i hi togumu o panyake. 2Ipaha Unanga wähuloko önanga yoiki yahi togumu o nyawa yopopanyake deʼ ihingahu o abari mangale sarakia ma Jou Madutu wopareta hokä o Koano. 3#Luk. 10:4-11 ”Uha niao okia naga niadodagioka,” o Yesus wätemo onangika. ”Uha nimägao o diki-diki, ekola o hadaka mapopoje, ekola o inomo, ekola o tiwi, ekola o pakeanga hinoto. 4Kiaka dika ngini inïtarima, nigogere genangoka hiädono ngini niamal̄a o kota gënanga. 5#Kis. 13:51 Deʼ kiaka ngini inï tarimaua, maöraha ngini niamal̄a o kota gënanga, niaparihuku nia l̄ou mahoatil̄e makafo, hokä o hohininga onangika.”
6Iwinöninïki o Yesus imäjobo, daha yoiki o kapongo-kapongoika la ihi ngahu o Abari ma Oa gënanga deʼ yahitogumu o nyawa yopopanyake kiaka de kiaka dika.
O Herodes wobingu
(Mat. 14:1-12; Mark. 6:14-29)
7 #
Mat. 16:14; Mark. 8:28; Luk. 9:19 Maöraha o Herodes, wopopareta o Galileaka, woihene mangale mata-mata idädadi gënanga, ünanga wobingu. Hababu naga utu yotemo o Yohanis Wo ohi-ohiki wowangokali. 8Nagaoli yotemo o Elia woböakali. O nyawa mahomoali yotemo, o nabi-nabi kahuruonino womatëngo wowangoli. 9O Herodes wotemo, ”Ngohi tähulokoka o nyawa yatobiki o Yohanis aihäeke. Mä o nyawa nënanga imoteke madiai o naguna Unanga gënanga? Naga mangöe toihenoka mangale Unanga.” De o Herodes wohi dailako la mangale wïmäke o Yesus.
O Yesus wahi ol̄omo o nyawa yäribuhu motoa
(Mat. 14:13-21; Mark. 6:30-44; Yoh. 6:1-14)
10O Yesus airasul-rasul imakilioro deʼ yoade-ade o Yesusika mata-mata önanga yadodiaioka. O Yesus wahigaro önanga, la woiki dede önanga imatingaka o Betsaida makotaika. 11Mä maöraha o nyawa ihiöriki mangale o hali gënanga, önanga iwinïki o Yesus. Unanga wätarima önanga, daha wä ade-ade onangika mangale sarakia ma Jou Madutu wopareta hokä o Koano. Deʼ Unangö wahitogumu o nyawa yopopanyake manga hidogoronaka.
12Maöraha owange imuläenge itumunu, yangimoi de yahinoto o Yesus iwinöninïki yaino o Yesusino deʼ yotemo, ”Bapa, o ngï nënanga imatingakino. Iholoi yaoa Bapa nähuloko o nyawa ne önanga yoiki, hupaya önanga yakunu imälingiri o inomo deʼ o dodogumu o kapo-kapongika deʼ o kapongo-kapongoika i kilolitino nënanga.”
13Mä o Yesus wohaluhu, ”Ngini dika niahiol̄omo önanga.”
Iwinöninïki o Yesus yato, ”Ngomi duga-duga miaroti motoa deʼ o nawoko ngai hinoto. Boteka ngomi kokiani mioiki mi ija o inomo la mangale o nyawa mata-mata nënanga?” 14(Yatakihiri naga yaribuhu motoa o nau-nauru genangoka.)
O Yesus wätemo iwinöninïkika, ”Niä huloko o nyawa ne önanga yogogere imatotoomu, yatakihiri yamoritoa o doomu moi.”
15Iwinöninïki o Yesus gënanga yadiai okia o Yesus wahetongoka onangika. 16Daha o Yesus wal̄ë o roti motoa deʼ o nawoko o ngai hinoto gënanga, ipaha womamataga o dihangil̄e deʼ wotemo tarima kasi ma Jou Madutuika. Ipaha de gënanga Unanga wabëla-bëlaka o roti deʼ o nawoko gënanga de Ai giama daha wohidöaka iwinöninïkika la ihikodoku o nyawa yowöe-wöeika gënanga. 17Onanga mata-mata yol̄omo hiädono yäpunuhu. Daha iwinö ninïki o Yesus yatoomu o inomo gënanga maboloi mangöe o karaja ngimoi de hinoto.
O Petrus aimangaku mangale o Yesus
(Mat. 16:13-19; Mark. 8:27-29)
18O wange moiuku, maöraha o Yesus magogiriaka womäniata womatëngoka, de ipaha iwinöninïki yaino Unangino. O Yesus wäleha onangika, ”Imoteke o nyawa yato, Ngohi nënanga o naguna?”
19 #
Mat. 14:1-2; Mark. 6:14-15; Luk. 9:7-8 Onanga yohaluhu, ”Naga yato o Yohanis Wo ohi-ohiki. Nagaö yato o Elia, mahomoali yato o nabi kahuruonino womatëngo wowangoli.”
20 #
Yoh. 6:68-69
”Mä imoteke ngini mahirete, Ngohi nënanga o naguna?” o Yesus woleha.
O Petrus wohaluhu, ”Bapa Ngona o Koano Wohihohalamati ma Jou Madutu wohijäjajioka.”
O Yesus wohi ade-ade mangale Ai hangihara deʼ Ai honenge
(Mat. 16:21-28; Mark. 8:31–9:1)
21Daha o Yesus wätemo iwinöninïkika, ”O nagonaika dika mahakali-kali uha nihingahu o hali gënanga.” 22O Yesus wotemoli, ”O nyawa manga Ngohaka marai kokiani mangöe o huha watagongo deʼ o tutuda-tutuda deʼ o imam-imam manga häeke, daha o agama maguru-guru aha iwilawani imateke ributu. Unanga aha iwitoma, mä o wange hangeoka aha iwihimomikoli.”
23 #
Mat. 10:38; Luk. 14:27 Ipaha o Yesus wätemo o nyawaika mata-mata naga ima toomuino genangoka, ”O nyawa yomau ihinïki Ngohi, kokiani yawohanga manga diri mahirete maparalu, yamoku manga salib o wange higeto-getongo, deʼ madodogumua ihinïki Ngohi. 24#Mat. 10:39; Luk. 17:33; Yoh. 12:25 Hababu o nyawa yomau yöriwo manga ngango, aha manga ngango ihihanga. Mä o nyawa ihihuba manga ngango mangale Ngohi ahiparalu, aha manga ngango ihalamati. 25Okia aiutumu womatëngo nako dunia mata-mata nënanga idadi katoünanga, mä unanga aingango ibodito deʼ ihihanga? 26Nako o nyawa yämal̄eke ima ngaku mangale Ngohi deʼ Ahi dodötoko, o Nyawa manga Ngohakö aha iwimal̄eke womangaku o nyawa geönanga, maöraha Unanga woböa aha de Ai kuaha, deʼ Ai Ama aikuaha, de o malaekat-malaekat yotebi-tebini manga kuaha! 27La nihiöriki: nengokadau niahidogoronaka naga yohonengua nako önanga yamäke owahi ma Jou Madutu wopareta.”
O Yesus wihimulia
(Mat. 17:1-8; Mark. 9:2-8)
28 #
2Pet. 1:17-18
O Yesus wädotoko o hali gënanga done o minggu moi ipahaika Unanga wäao o Petrus, o Yohanis deʼ o Yakobus o l̄okuil̄e la womäniata. 29Magogiria o Yesus womäniata genangoka Ai biono ingali, deʼ aipakeanga iarehe de ileto-letongo. 30-31Itodokanino o nyawa yahinoto, gënanga o Musa deʼ o Elia ihimatoko manga diri de o horoga macahaya. Onanga imateke ade-ade de o Yesus mangale Ai honenge kiaka itedekanokaua aha idadi o Yerusalemoka. 32O öraha gënanga o Petrus deʼ aidodiawo yäkiokoka, mä itodokanino yomomiki, deʼ iwimäke o Yesus wocahaya, deʼ o nyawa yahinoto gënanga imaokoino dede Unanga. 33Maöraha o nyawa yahinoto gënanga yomau iwimal̄a o Yesus, o Petrus wotemo o Yesusika, ”Bapa Guru, duru irahai ngone nenangoka. Kayaoa de ngomi mihigoko o tau gahumu hange: moi tongona Tuanga, moi to Musa deʼ moioli to Elia.” (O Petrus wotemo hoko gënanga mawomangaratiua okia wotemo.)
34O Petrus magogiria kawo temo-temohi, moi o lobi iböa, deʼ yähawo önanga hiädono o Petrus de aidodiawo yohawana. 35#Yes. 42:1; Mat. 3:17, 12:18; Mark. 1:11; Luk. 3:22 I paha o lobino gënanga yoihene o ilingi mabetongo, ”Nënanga Ahi Ngohaka ti iri-iriki. Niwihi gihene Unanga!”
36O ilingi gënanga imatogumu ipaha, önanga iwimäke o Yesus womatëngokahi genangoka. Iwinöninïki o Yesus imarïrïdoka mangale mata-mata gënanga, deʼ o nagonaikaö de ihi ngahua, okia önanga yamäke-mäkeoka.
O Yesus wihi togumu o ngohaka womatëngo iwï ngohamika o womaha madorou
(Mat. 17:14-18; Mark. 9:14-27)
37Yarehino mawange o Yesus deʼ iwinöninïki yaruange gënanga o l̄okuku de youti, deʼ o nyawa yowöe-wöe yoböa o Yesusika. 38Womatëngo o nauru yowöe-wöe gënanga manga hidogoronaka wopöaka, ”Bapa Guru, nohiriwo nilega ahingohaka – ünanga woma tëngo-tëngoka ahingohaka! 39Nako o womaha madorou iwï ngino, ünanga itodokanino wopöaka deʼ airöehe itiri-tirihoka hiädono aiuru iabo. O womaha madorou gënanga kahoko genangika iwihangihara ünanga deʼ ioluku ihupu unangoka! 40Ngohi togahokoka ininöninïki Bapa yaduhu o womaha madorou gënanga, mä onanga yakunua.”
41O Yesus wohaluhu, ”Goguleua ngini nënanga. Ngini duru o nyawa nitötobalawani deʼ ningakua! Hiädono muruonoka Ngohi kokiani togogere dede ngini deʼ tosabari nginika? Nïao nengino ani ngohaka gënanga!”
42De o ngohaka gënanga womadagi wïdumutu o Yesus, o womaha madorou gënanga iwihi boha deʼ airöehe itiri-tirihoka. Mä o Yesus wapareta o womaha madorou gënanga ihupu deʼ o ngohaka gënanga wotogumu. De o ngohaka gënanga wï hilapahioli aiamaika. 43Mata-mata o nyawa yohëranga yamäke ma Jou Madutu ai kuaha hoko gënanga ma amoko.
O Yesus wohi ade-adeoli mangale Ai honenge
(Mat. 17:22-23; Mark. 9:30-32)
Maöraha o nyawa kayo hëra-hërangohi yamäke mata-mata wadodiai, o Yesus wätemo iwinöninïkika, 44”Nia tailako nihidodiai de uha niawohanga Ahi demo-demo nënanga. O Nyawa manga Ngohaka aha iwi hilapahi o nyawa manga kuahaika.” 45Mä iwinö ninïki o Yesus gënanga imangaratiua Ai demo gënanga. O hali gënanga warahasia onangika hupaya önanga imangaratiua. Mä onanga yohawana yoleha o hali gënanga Unangika.
O nagona i holoi yolamoko?
(Mat. 18:1-5; Mark. 9:33-37)
46 #
Luk. 22:24
Iwinöninïki o Yesus manga hidogoronaka ipuda o ributu mangale manga hidogoronaka o nagona iholoi yolamoko. 47O Yesus wohi öriki to önanga manga dibanga, hababu gënanga Unanga wa l̄ë o ngohaka mai teteke womatëngo, deʼ o ngohaka gënanga wïokoil̄e Ai datekoka. 48#Mat. 10:40; Luk. 10:16; Yoh. 13:20 Daha Unanga wätemo iwinöninïkika, ”O nyawa yätarima o ngohaka nënanga karana Ngohi, mamangarati ihitarima Ngohi. Deʼ o nyawa hitotarima Ngohi, iwitarima Unanga wohihö hulo-huloko Ngohi. Hababu o nyawa yo ete-eteke niahidogoronaka, geünanga iholoi woamoko!”
O nyawa inï lawanua ngini, inihi böa nginika
(Mark. 9:38-40)
49O Yohanis wotemo, ”Tuanga, ngomi miämäke o nyawa yaduhu o hetanga de Tongona Ani romanga, deʼ ngomi miwïduhunu ünanga, hababu ünanga ngone inoua.”
50”Uha niwïduhunu ünanga,” o Yesus wïtemo o Yohanisika deʼ iwinöninïki o Yesus mahomoahi, ”hababu o nyawa inïlawanua, mamangarati inihi böa ngini.”
Moi o kapongo o Samaria mabereraka yoluku iwi tarima o Yesus
51Maöraha itigioka o Yesus iwigoraka ohorogaika, Unanga waputuhu la woiki o Yerusalemika. 52Ho Unanga wähuloko o nyawa yoiki yohira, Unanga woturu. O nyawa wähulo-huloko gënanga yoiki, de yowohama o kapongo moi o Samaria mabereraka la yasadia o Yesus aikia honanga. 53Mä o nyawa o kapongoka gënanga yoluku iwitarima o Yesus, hababu inyata-nyata duru Unanga aidumutu o Yerusalemika. 54#2Kok. 1:9-16 Maöraha iwinöninïki o Yesus enagënanga o Yakobus deʼ o Yohanis ihiöriki o hali gënanga, önanga yotemo, ”Jou, boteka Jou nomau, ngomi migahoko o uku iuti o dihanguku la yäbinahaka o nyawa ne önanga?”
55O Yesus womaiduloko, daha wängamo önanga. 56Ipaha de gënanga önanga yoiki o kapongo mahomoaika.
O nyawa yomau yodadi iwinöninïki o Yesus
(Mat. 8:19-22)
57O Yesus deʼ iwinöninïki magogiria ihigila-gila manga dodagi, naga o nyawa iwitemo o Yesusika, ”Bapa, ngohi tomau toninïki Bapa kiaika dika!”
58O Yesus wohaluhu, ”O kaho honganika de ma arukoka, deʼ o totaleo de maigutoka, mä o Nyawa manga Ngohaka koiwa Ai ngï womahi ruba-ruba.” 59Daha o Yesus wïtemo woma tengoli, ”Nohi nïki Ngohi.”
Mä o nyawa gënanga wotemo, ”Bapa nohihi gumal̄a ngohi toliohi la tilungunohi ahiama.”
60O Yesus wohaluhu, ”Mal̄aika o nyawa yohone-honengoka yälungunu mahirete manga nyawa yohone-honengoka. Mä ngona, noiki deʼ nohingahu-ngahu o abari ma Jou Madutu womulaengoka wopareta.”
61 #
1Kok. 19:20
Naga o womatëngo mahomoa wotemo, ”Bapa ngohi tomau toninïki Bapa, mä nohihi gumal̄a ngohi toliohi la tomahi ngahuohi.”
62O Yesus wïtemo o nyawaika gënanga, ”O nyawa yomulaengoka yopajeko, de ima lega manga poretoko, ipatutua yodadi o gegetongo ma Jou Madutu aiumati.”
Currently Selected:
:
Highlight
Share
Copy
Want to have your highlights saved across all your devices? Sign up or sign in