O MARKUS 8
8
O Yesus wahiol̄omo o nyawa yaribuhu iata
(Mat. 15:32-39)
1Ipahaika tedekanua, nagali o nyawa manga ngöe o doomu moi yaino imatoomuino. Karana önanga manga inomo koiwa, o Yesus wä ahoko iwinöninïki deʼ wätëmo, 2”Ngohi tädora o nyawa manga ngöe nënanga. O wange hange iböto madekana önanga dede Ngohi, deʼ o öraha nënanga önanga manga inomo koiwa. 3Nako Ngohi tä huloko önanga yolio de manga mämata madol̄a koiwa, önanga aha yokiditoko o ngëkomo mahi goronaka. Dahaoli manga hidogoronaka naga magö gurutoka de yaino.”
4O Yesus iwinöninïki yohaluhu, ”O ngï mahoanoka itingakino nënanga kiaka o nyawa yakunu yamäke o inomo laʼ mangale yä wedono o nyawa manga ngöe nënanga?”
5”Naga hoko kia mangöe o roti nginioka?” o Yesus wä leha.
”Tumidi,” önanga yohaluhu.
6Ho o Yesus wähuloko o nyawa yowöe-wöe gënanga yogogeruku o tonaka mal̄okuoka, dahaö Unanga wal̄ë o roti tumidi gënanga deʼ wotemo sukur ma Jou Madutuika. Ipaha Unanga wa bëla-bëlaka o roti gënanga de Ai giama deʼ wohidöaka iwinöninïkika la hikodoku o nyawaika. Ho iwinöninïki yadiai hokoganga. 7Onanga manga nawoko ma alu-aluhu o ngai muruono nagali. O Yesus wotemo sukur ma Jou Madutuika mangale o nawoko gënanga, daha wähuloko iwinöninïki ihikodoku manawokoli gënanga. 8-9Onanga yol̄omo hiädono yäpunuhu – yatakihiri naga o nyawa yaribuhu iata yol̄omo. I paha iwinöninïki o Yesus yatoomu o inomo maboloi – o karaja tumidi iömanga. Deʼ o Yesus wähuloko o nyawa yowöe-wöe gënanga yolio, 10deʼ Unanga de iwinöninïki yoharene o ngotiril̄e deʼ yoiki o Dalmanuta madaeraika.
O Farisi manyawa yogähoko o Yesus wodiai nonako ihëra-hëranga
(Mat. 16:1-4)
11 #
Mat. 12:38; Luk. 11:16 Yamuruono naga o Farisi manyawa yoböa o Yesusika, deʼ muläenge imateke ributu de Unanga laʼ mangale yalingi-lingiri Ai howono. Onanga yogahoko o Yesus wodiai i hëra-hëranga hokä o nonako Unanga ma Jou Madutuoka de waino. 12#Mat. 12:39; Luk. 11:29 O Yesus womaridemo howohaluhu, ”Okia mahababu o nyawa o öraha nënanga yogahoko Ngohi todiai ihëra-hëranga? Kowali! Ngohi aha tahi döakua o nonako marupa hoko gënanga onangika!”
13Ho o Yesus wamal̄aika önanga, deʼ woharene o ngotiril̄e; ipaha imä jobo o taaga gënanga mahonongaika.
O Farisi manyawa deʼ o Herodes manga ragi
(Mat. 16:5-12)
14Iwinöninïki o Yesus yawohanga imä gao o roti yäwëdono. Onanga duga-duga o gahumu moi manga roti o ngotiroka. 15#Luk. 12:1 ”Nimahi dodiai itike o Farisi manyawa manga ragi deʼ o Herodes ai ragika,” o Yesus wätemo onangika.
16Ho iwinö ninïki o Yesus gënanga muläenge ima koke temo mangale o hali gënanga. Onanga yotemo, ”Unanga wotemo hoko gënanga, hababu koiwa nanga roti.”
17O Yesus wanäko okia önanga imakokeleha. Hababu gënanga Unanga wäleha onangika, ”Yadodoa hongini nima kokeleha mangale koiwa o roti? Boteka ngini nianäkoua deʼ nimangarati owahi? Hoko gënanga mabongono niadibanga? 18#Yer. 5:21; Yeh. 12:2; Mark. 4:12 Ngini de nialakoka – yadodoa ho niamäkeua? Ngini de niangaukoka – yadodoa ho niihenua? Ngini niohiningaua 19o roti motoa gënanga kiaka Ngohi tabëla-bëlaka laʼ mangale o nyawa yaribuhu motoa? O karaja muruono i ömanga mainomo maboloi ngini niatoomu?”
”Ngimoi de hinoto,” önanga yohaluhu.
20”Deʼ maöraha Ngohi tabëla-bëlaka o roti tumidi laʼ mangale o nyawa yaribuhu iata,” o Yesus wälehali, ö karaja muruono ma inomo maboloi ngini niatoomu?”
”Tumidi,” önanga yohaluhu.
21”Aa, ngini koni mangarati owahi?” o Yesus wätemoli.
O Yesus wihitogumu wopilo-piloko o Betsaida makotaka
22Onanga imahiädono o Betsaida makotaika. Genangokadau o nyawa iwiao womatëngo wopilo-piloko o Yesusika, deʼ yogahoko hupaya Unanga wïpal̄anga o nyawa wopilo-piloko gënanga laʼ wihi togumu. 23Ho o Yesus wasö o nyawa wopilo-piloko gënanga aigiama deʼ wïtuda ünanga o kota gënanga maporetika. Ipaha o Yesus waobiri o nyawa gënanga ailako. Unanga wögelenga Ai giama o nyawa gënanga ailakouku, deʼ wïleha unangika, ”Kayakunu ngona namäke okianaga o öraha nënanga?”
24O nyawa gënanga womälega mahimangika, dahaö wotemo, ”Ia. Ngohi tämäke o nyawa yotagi-tagi; mä onanga tä lega-lega hokä o gota.”
25O Yesus wogelengaoli Ai giama o nyawa gënanga ailakouku. Nënanga mamoi o nyawa gënanga wohidailako womälega wohi dodiaino. Ai lako itogumu, deʼ unanga wamäke mata-mata de duru itiai. 26De ika o Yesus wïtemo unangika, ”Nolio, deʼ uha noma kilioro o kotaika gënanga.”
O Petrus aimangaku mangale o Yesus
(Mat. 16:13-20; Luk. 9:18-21)
27O Yesus deʼ iwinöninïki yoiki o kapo-kapongika o Kaisaria Filipi magilolitino. O ngëkomo mahoanika o Yesus wäleha onangika, ”Imoteke o nyawa yato, o naguna Ngohi nënanga?”
28 #
Mark. 6:14-15; Luk. 9:7-8 Onanga yohaluhu, ”Naga yato: O Yohanis Wo ohi-ohiki; nagaoli yato o Elia, deʼ mahomoali yato: o nabi moi.”
29 #
Yoh. 6:68-69
”Mä imoteke ngini mahirete, Ngohi nënanga o naguna?” o Yesus woleha.
O Petrus wohaluhu, ”Bapa Ngona ganga o Koano Wohi hohalamati!”
30De ika o Yesus wäpoma önanga, hupaya o nagonaikadika ma uha ihi ngahu mangale Ai diri.
O Yesus wohiade-ade mangale Ai hangihara deʼ Ai honenge
(Mat. 16:21-28; Luk. 9:22-27)
31Ipaha de gënanga, o Yesus womuläenge wädotoko iwinöninïki, ahaö o Nyawa manga Ngohaka kokiani watagongo o hangihara mangöe, deʼ o tutuda-tutuda, o imam-imam manga häeke, deʼ o agama maguru-guru aha iwilawani. Unanga aha iwitoma, mä o wange hangeoka Unanga aha womomikoli. 32De wohi totiaika duru o Yesus wohi ngahu o hali gënanga iwinöninïkika. De o Petrus witauru o Yesus aidatekoka, deʼ wïtaaere o Yesus. 33Mä o Yesus womä lega aiporetoko deʼ wäpulono iwinöninïkiika, deʼ witaaere o Petrus, ”Noiki nenangoka, Nogoda-goda! Ani dibanga gënanga o nyawa madibanga; ma Jou Madutua ai dibanga!”
34 #
Mat. 10:38; Luk. 14:27 I paha o Yesus wäahoko o nyawa yowöe-wöe genangoka kamamoi deʼ iwinöninïki. Ika de wätemo onangika, ”O nyawa yomau ihinïki Ngohi, kokiani yawohanga manga paralu mata-mata, ipaha yamoku manga salib, deʼ gila-gila ihi nïki Ngohi. 35#Mat. 10:39; Luk. 17:33; Yoh. 12:25 Hababu o nyawayomau yöriwo manga ngango, aha ihihanga manga ngango. Mä o nyawa ihidöaka mangangango mangale Ngohi deʼ mangale o Abari ma Oa ma Jou Madutuino, aha yahihalamati. 36Okia mautumu o nyawaika, nako mata-mataika o dunia nënanga idadi kato önanga, mä onanga manga ngango ihihanga? 37Kayakunu o ngango gënanga ihitagali de okianaga moi?
38Nako womatëngo iwimal̄eke ihihigoungu Ngohi deʼ Ahi dodötoko de o dorou maorahoka nënanga, o Nyawa manga Ngohakö aha iwimal̄eke wahigoungu o nyawa gënanga, maorahoka Unanga ahao woböa de ai Ama Ai kuaha, imakinïki de o malaekat-malaekat yotebi-tebini.”
Currently Selected:
O MARKUS 8: TLB
Highlight
Share
Copy
Want to have your highlights saved across all your devices? Sign up or sign in
O MARKUS 8
8
O Yesus wahiol̄omo o nyawa yaribuhu iata
(Mat. 15:32-39)
1Ipahaika tedekanua, nagali o nyawa manga ngöe o doomu moi yaino imatoomuino. Karana önanga manga inomo koiwa, o Yesus wä ahoko iwinöninïki deʼ wätëmo, 2”Ngohi tädora o nyawa manga ngöe nënanga. O wange hange iböto madekana önanga dede Ngohi, deʼ o öraha nënanga önanga manga inomo koiwa. 3Nako Ngohi tä huloko önanga yolio de manga mämata madol̄a koiwa, önanga aha yokiditoko o ngëkomo mahi goronaka. Dahaoli manga hidogoronaka naga magö gurutoka de yaino.”
4O Yesus iwinöninïki yohaluhu, ”O ngï mahoanoka itingakino nënanga kiaka o nyawa yakunu yamäke o inomo laʼ mangale yä wedono o nyawa manga ngöe nënanga?”
5”Naga hoko kia mangöe o roti nginioka?” o Yesus wä leha.
”Tumidi,” önanga yohaluhu.
6Ho o Yesus wähuloko o nyawa yowöe-wöe gënanga yogogeruku o tonaka mal̄okuoka, dahaö Unanga wal̄ë o roti tumidi gënanga deʼ wotemo sukur ma Jou Madutuika. Ipaha Unanga wa bëla-bëlaka o roti gënanga de Ai giama deʼ wohidöaka iwinöninïkika la hikodoku o nyawaika. Ho iwinöninïki yadiai hokoganga. 7Onanga manga nawoko ma alu-aluhu o ngai muruono nagali. O Yesus wotemo sukur ma Jou Madutuika mangale o nawoko gënanga, daha wähuloko iwinöninïki ihikodoku manawokoli gënanga. 8-9Onanga yol̄omo hiädono yäpunuhu – yatakihiri naga o nyawa yaribuhu iata yol̄omo. I paha iwinöninïki o Yesus yatoomu o inomo maboloi – o karaja tumidi iömanga. Deʼ o Yesus wähuloko o nyawa yowöe-wöe gënanga yolio, 10deʼ Unanga de iwinöninïki yoharene o ngotiril̄e deʼ yoiki o Dalmanuta madaeraika.
O Farisi manyawa yogähoko o Yesus wodiai nonako ihëra-hëranga
(Mat. 16:1-4)
11 #
Mat. 12:38; Luk. 11:16 Yamuruono naga o Farisi manyawa yoböa o Yesusika, deʼ muläenge imateke ributu de Unanga laʼ mangale yalingi-lingiri Ai howono. Onanga yogahoko o Yesus wodiai i hëra-hëranga hokä o nonako Unanga ma Jou Madutuoka de waino. 12#Mat. 12:39; Luk. 11:29 O Yesus womaridemo howohaluhu, ”Okia mahababu o nyawa o öraha nënanga yogahoko Ngohi todiai ihëra-hëranga? Kowali! Ngohi aha tahi döakua o nonako marupa hoko gënanga onangika!”
13Ho o Yesus wamal̄aika önanga, deʼ woharene o ngotiril̄e; ipaha imä jobo o taaga gënanga mahonongaika.
O Farisi manyawa deʼ o Herodes manga ragi
(Mat. 16:5-12)
14Iwinöninïki o Yesus yawohanga imä gao o roti yäwëdono. Onanga duga-duga o gahumu moi manga roti o ngotiroka. 15#Luk. 12:1 ”Nimahi dodiai itike o Farisi manyawa manga ragi deʼ o Herodes ai ragika,” o Yesus wätemo onangika.
16Ho iwinö ninïki o Yesus gënanga muläenge ima koke temo mangale o hali gënanga. Onanga yotemo, ”Unanga wotemo hoko gënanga, hababu koiwa nanga roti.”
17O Yesus wanäko okia önanga imakokeleha. Hababu gënanga Unanga wäleha onangika, ”Yadodoa hongini nima kokeleha mangale koiwa o roti? Boteka ngini nianäkoua deʼ nimangarati owahi? Hoko gënanga mabongono niadibanga? 18#Yer. 5:21; Yeh. 12:2; Mark. 4:12 Ngini de nialakoka – yadodoa ho niamäkeua? Ngini de niangaukoka – yadodoa ho niihenua? Ngini niohiningaua 19o roti motoa gënanga kiaka Ngohi tabëla-bëlaka laʼ mangale o nyawa yaribuhu motoa? O karaja muruono i ömanga mainomo maboloi ngini niatoomu?”
”Ngimoi de hinoto,” önanga yohaluhu.
20”Deʼ maöraha Ngohi tabëla-bëlaka o roti tumidi laʼ mangale o nyawa yaribuhu iata,” o Yesus wälehali, ö karaja muruono ma inomo maboloi ngini niatoomu?”
”Tumidi,” önanga yohaluhu.
21”Aa, ngini koni mangarati owahi?” o Yesus wätemoli.
O Yesus wihitogumu wopilo-piloko o Betsaida makotaka
22Onanga imahiädono o Betsaida makotaika. Genangokadau o nyawa iwiao womatëngo wopilo-piloko o Yesusika, deʼ yogahoko hupaya Unanga wïpal̄anga o nyawa wopilo-piloko gënanga laʼ wihi togumu. 23Ho o Yesus wasö o nyawa wopilo-piloko gënanga aigiama deʼ wïtuda ünanga o kota gënanga maporetika. Ipaha o Yesus waobiri o nyawa gënanga ailako. Unanga wögelenga Ai giama o nyawa gënanga ailakouku, deʼ wïleha unangika, ”Kayakunu ngona namäke okianaga o öraha nënanga?”
24O nyawa gënanga womälega mahimangika, dahaö wotemo, ”Ia. Ngohi tämäke o nyawa yotagi-tagi; mä onanga tä lega-lega hokä o gota.”
25O Yesus wogelengaoli Ai giama o nyawa gënanga ailakouku. Nënanga mamoi o nyawa gënanga wohidailako womälega wohi dodiaino. Ai lako itogumu, deʼ unanga wamäke mata-mata de duru itiai. 26De ika o Yesus wïtemo unangika, ”Nolio, deʼ uha noma kilioro o kotaika gënanga.”
O Petrus aimangaku mangale o Yesus
(Mat. 16:13-20; Luk. 9:18-21)
27O Yesus deʼ iwinöninïki yoiki o kapo-kapongika o Kaisaria Filipi magilolitino. O ngëkomo mahoanika o Yesus wäleha onangika, ”Imoteke o nyawa yato, o naguna Ngohi nënanga?”
28 #
Mark. 6:14-15; Luk. 9:7-8 Onanga yohaluhu, ”Naga yato: O Yohanis Wo ohi-ohiki; nagaoli yato o Elia, deʼ mahomoali yato: o nabi moi.”
29 #
Yoh. 6:68-69
”Mä imoteke ngini mahirete, Ngohi nënanga o naguna?” o Yesus woleha.
O Petrus wohaluhu, ”Bapa Ngona ganga o Koano Wohi hohalamati!”
30De ika o Yesus wäpoma önanga, hupaya o nagonaikadika ma uha ihi ngahu mangale Ai diri.
O Yesus wohiade-ade mangale Ai hangihara deʼ Ai honenge
(Mat. 16:21-28; Luk. 9:22-27)
31Ipaha de gënanga, o Yesus womuläenge wädotoko iwinöninïki, ahaö o Nyawa manga Ngohaka kokiani watagongo o hangihara mangöe, deʼ o tutuda-tutuda, o imam-imam manga häeke, deʼ o agama maguru-guru aha iwilawani. Unanga aha iwitoma, mä o wange hangeoka Unanga aha womomikoli. 32De wohi totiaika duru o Yesus wohi ngahu o hali gënanga iwinöninïkika. De o Petrus witauru o Yesus aidatekoka, deʼ wïtaaere o Yesus. 33Mä o Yesus womä lega aiporetoko deʼ wäpulono iwinöninïkiika, deʼ witaaere o Petrus, ”Noiki nenangoka, Nogoda-goda! Ani dibanga gënanga o nyawa madibanga; ma Jou Madutua ai dibanga!”
34 #
Mat. 10:38; Luk. 14:27 I paha o Yesus wäahoko o nyawa yowöe-wöe genangoka kamamoi deʼ iwinöninïki. Ika de wätemo onangika, ”O nyawa yomau ihinïki Ngohi, kokiani yawohanga manga paralu mata-mata, ipaha yamoku manga salib, deʼ gila-gila ihi nïki Ngohi. 35#Mat. 10:39; Luk. 17:33; Yoh. 12:25 Hababu o nyawayomau yöriwo manga ngango, aha ihihanga manga ngango. Mä o nyawa ihidöaka mangangango mangale Ngohi deʼ mangale o Abari ma Oa ma Jou Madutuino, aha yahihalamati. 36Okia mautumu o nyawaika, nako mata-mataika o dunia nënanga idadi kato önanga, mä onanga manga ngango ihihanga? 37Kayakunu o ngango gënanga ihitagali de okianaga moi?
38Nako womatëngo iwimal̄eke ihihigoungu Ngohi deʼ Ahi dodötoko de o dorou maorahoka nënanga, o Nyawa manga Ngohakö aha iwimal̄eke wahigoungu o nyawa gënanga, maorahoka Unanga ahao woböa de ai Ama Ai kuaha, imakinïki de o malaekat-malaekat yotebi-tebini.”
Currently Selected:
:
Highlight
Share
Copy
Want to have your highlights saved across all your devices? Sign up or sign in