YOHANES 14
14
Mawu Yesus lal᷊anna matuddan Iamangnga
1“Arie naungngu suminggawangnga,” wisara Mawu Yesus si mangitou. “Pangimante Ruata, wuṛṛu pangimante si Ya'u lai. 2Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi. 3Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu. 4Watukku tampa i Ya'u umamatta i yamiu lai masingkattu lal᷊anne.”
5See i Tomas nabbisara Mawu Yesus, “Mawu, i yami wagga suapa Mawu inai, ereapa i yami maasingkattu lal᷊anne?”
6Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u. 7Unnu wisara i yamiu maaillal᷊a si Ya'u, i yamiu lai maaillal᷊a Iamang-Ku. Orassa indi yamiu naaillal᷊ate si Tou, wuṛṛu suete naasilo si Tou.”
8Ne i Filipus nabbisara Mawu Yesus, “Mawu ta'ea'a Iamangnga udde si yami tadea'u i yami maasunnate.”
9Arawe Mawu Yesus sinumimbakka, “Mal᷊annute i Ya'u su sambau ringanni yamiu, i yamiu taambe lai naaillal᷊a si Ya'u, Filipus? Taumata apan naasilote si Ya'u, naasilote lai Iamangnga. Ereapa i'o wotongnge mabbisara, ‘Ta'ea'a Iamangnga si yami’? 10Filipus! I'o tawe mangngimanna, manungku i Ya'u su sambau ringannu Iamangnga, wuṛṛu Iamangnga su sambau ringang-Ku? Apa niwisara-U si'o, tawe niwisara-U wuassu wadang-Ku sassane. Iamangnga apan sidutu su sambau ringang-Ku ete i Tou apan nammanara sarangkanambone udde. 11Pangimante si Ya'u, manungku i Ya'u su sambau ringannu Iamangnga wuṛṛu Iamangnga su sambau ringang-Ku. Ara'e amungkangngu tawe, pangimante, ana waugu al᷊awo'u inolaang-Ku apan suete niola-U. 12Mangke atonna wisara-U indi; Taumata apan mangngimanna si Ya'u, sarun tumuṛṛutta apa apan suete Ta'u niola'a, – ewe'e i tou sarun ma'ola'a lembon ahewal᷊anne lai – ana waugu i Ya'u inai ringannu Iamangnga. 13Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a. 14Al᷊awo'u apa apan raddoronganni yamiu sulal᷊ummu arang-Ku, sarun olaang-Ku.”
Mawu Yesus na'iren darantan Ghaṛṛahon Ruata
15“Amungkangngu i yamiu marangngu si Ya'u, i yamiu sarun tumuṛṛutta manga parenta-U. 16I Ya'u sarun madorongnga su Iamangnga, wuṛṛu i Tou sarun manganggilla si yamiu Mattatul᷊ungnga waine, apan sarun matana'a ringanni yamiu saran mal᷊annu-l᷊annu. 17I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.
18I yamiu tawe itantang-Ku sassane ere asisi tim pal᷊ussa. I Ya'u sarun mabelengnga ringanni yamiu. 19Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka. 20Napawe nia'omante allo udde, i yamiu sarun maasingkatta manungku i Ya'u uaaukka ringannu Iamangnga, wuṛṛu i yamiu uaaukka ringang-Ku, wuṛṛu i Ya'u uaaukka ringanni yamiu.
21Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”
22I Yudas (wal᷊ine i Yudas Iskariot) naiwal᷊o Mawu Yesus, “Mawu, anio Mawu mapaal᷊iatta'u riri-Nu si yami wuṛṛu tawe su runia?”
23Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou. 24Taumata apan tawe mandangngu si Ya'u, tawe tumuṛṛutta al᷊aṛṛa-U. Al᷊aṛṛa'a apan niaringiṛṛanni yamiu udde, wal᷊ine wuassia-U, ewe'e wuassu Iamangnga apan nandolo-U.
25Sarangkanambone udde suete niwal᷊o-U si yamiu, tantal᷊anna i Ya'u ta'e su sambau ringanni yamiu. 26Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.
27Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta. 28Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U. 29I Ya'u mamasingkattu udde si yamiu orassa indi, tantal᷊anna sarangkanambone udde taambe mariaddi, tadea'u napawe mariaddite, i yamiu sarun mangngimanna. 30I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U. 31Arawe sarangkanambone udde sarun mariaddi tadea'u runia maatutukka manungku i Ya'u marangngu Iamangnga wuṛṛu tuttuṛṛutta al᷊awo'u apa apan nirolokku Iamangnga si Ya'u.
Ne, wette i ite inaite mangingkatta wua isindi.”
Currently Selected:
YOHANES 14: LAITLD
Highlight
Share
Copy
Want to have your highlights saved across all your devices? Sign up or sign in
YOHANES 14
14
Mawu Yesus lal᷊anna matuddan Iamangnga
1“Arie naungngu suminggawangnga,” wisara Mawu Yesus si mangitou. “Pangimante Ruata, wuṛṛu pangimante si Ya'u lai. 2Su wal᷊en Iamang-Ku manambo tampa atatanaanna. I Ya'u inai watukku tampa udde manaddia tampang kamiu. I Ya'u tawe mabbisara aroddi si yamiu amungkangngu udde tawe mariaddi. 3Napawe i Ya'u suete nanaddia tampang kamiu, i Ya'u sarun mabelengnga wuṛṛu manal᷊oho si yamiu, tadea'u suapa i Ya'u isudde, isudde lai yamiu. 4Watukku tampa i Ya'u umamatta i yamiu lai masingkattu lal᷊anne.”
5See i Tomas nabbisara Mawu Yesus, “Mawu, i yami wagga suapa Mawu inai, ereapa i yami maasingkattu lal᷊anne?”
6Mawu Yesus sinumimbakka, “Ete i Ya'u lal᷊anna ipa'illal᷊a Ruata wuṛṛu see maasomba wiakka. Tawe saran sangkatou wotongnge rumanta ringannu Iamangnga, amungkangngu tawe umamatta lumiu si Ya'u. 7Unnu wisara i yamiu maaillal᷊a si Ya'u, i yamiu lai maaillal᷊a Iamang-Ku. Orassa indi yamiu naaillal᷊ate si Tou, wuṛṛu suete naasilo si Tou.”
8Ne i Filipus nabbisara Mawu Yesus, “Mawu ta'ea'a Iamangnga udde si yami tadea'u i yami maasunnate.”
9Arawe Mawu Yesus sinumimbakka, “Mal᷊annute i Ya'u su sambau ringanni yamiu, i yamiu taambe lai naaillal᷊a si Ya'u, Filipus? Taumata apan naasilote si Ya'u, naasilote lai Iamangnga. Ereapa i'o wotongnge mabbisara, ‘Ta'ea'a Iamangnga si yami’? 10Filipus! I'o tawe mangngimanna, manungku i Ya'u su sambau ringannu Iamangnga, wuṛṛu Iamangnga su sambau ringang-Ku? Apa niwisara-U si'o, tawe niwisara-U wuassu wadang-Ku sassane. Iamangnga apan sidutu su sambau ringang-Ku ete i Tou apan nammanara sarangkanambone udde. 11Pangimante si Ya'u, manungku i Ya'u su sambau ringannu Iamangnga wuṛṛu Iamangnga su sambau ringang-Ku. Ara'e amungkangngu tawe, pangimante, ana waugu al᷊awo'u inolaang-Ku apan suete niola-U. 12Mangke atonna wisara-U indi; Taumata apan mangngimanna si Ya'u, sarun tumuṛṛutta apa apan suete Ta'u niola'a, – ewe'e i tou sarun ma'ola'a lembon ahewal᷊anne lai – ana waugu i Ya'u inai ringannu Iamangnga. 13Wuṛṛu al᷊awo'u apa apan raddoronganni yamiu sulal᷊ummu arang-Ku, udde sarun olaang-Ku lai si yamiu, tadea'u Iamangnga wantuhanna sulal᷊ummu Ana'a. 14Al᷊awo'u apa apan raddoronganni yamiu sulal᷊ummu arang-Ku, sarun olaang-Ku.”
Mawu Yesus na'iren darantan Ghaṛṛahon Ruata
15“Amungkangngu i yamiu marangngu si Ya'u, i yamiu sarun tumuṛṛutta manga parenta-U. 16I Ya'u sarun madorongnga su Iamangnga, wuṛṛu i Tou sarun manganggilla si yamiu Mattatul᷊ungnga waine, apan sarun matana'a ringanni yamiu saran mal᷊annu-l᷊annu. 17I Tou udde Ghaṛṛahon Ruata apan sarun mapaal᷊iatta'u atatul᷊iddu Ruata. Runia maddirin Tou, ana waugu tawe maasilo wuṛṛu tawe maaillal᷊a si Tou. Arawe i yamiu ma'aillal᷊a si Tou, ana waugu i Tou uatana'a su sambau ringanni yamiu wuṛṛu uaaukka ringanni yamiu.
18I yamiu tawe itantang-Ku sassane ere asisi tim pal᷊ussa. I Ya'u sarun mabelengnga ringanni yamiu. 19Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka. 20Napawe nia'omante allo udde, i yamiu sarun maasingkatta manungku i Ya'u uaaukka ringannu Iamangnga, wuṛṛu i yamiu uaaukka ringang-Ku, wuṛṛu i Ya'u uaaukka ringanni yamiu.
21Taumata apan tuttuṛṛutta manga parenta-U wuṛṛu ma'ola'a, i tou marangngu si Ya'u. Iamang-Ku sarun mandangngu taumata apan mandangngu si Ya'u. I Ya'u lai sarun mandangngu taumata udde wuṛṛu mapaal᷊iatta'u riri-U si Tou.”
22I Yudas (wal᷊ine i Yudas Iskariot) naiwal᷊o Mawu Yesus, “Mawu, anio Mawu mapaal᷊iatta'u riri-Nu si yami wuṛṛu tawe su runia?”
23Mawu Yesus sinumimbakka, “Taumata apan mandangngu si Ya'u, sarun tumuṛṛutta al᷊aṛṛa-U. Iamang-Ku sarun mandangngu si tou. Iamang-Ku wuṛṛu i Ya'u sarun rumanta ringanni tou wuṛṛu matana'a su sampunna ringanni tou. 24Taumata apan tawe mandangngu si Ya'u, tawe tumuṛṛutta al᷊aṛṛa-U. Al᷊aṛṛa'a apan niaringiṛṛanni yamiu udde, wal᷊ine wuassia-U, ewe'e wuassu Iamangnga apan nandolo-U.
25Sarangkanambone udde suete niwal᷊o-U si yamiu, tantal᷊anna i Ya'u ta'e su sambau ringanni yamiu. 26Arawe Ghaṛṛahon Ruata, Mattatul᷊ungnga apan sarun irolokku Iamangnga sulal᷊ummu arang-Ku, ete i Tou apan mangaṛṛa'a si yamiu su ola'u sarangkanambone wuṛṛu mapaanaungnga su ola'u sarangkanambone apan suete Ta'u niapaasingkatta si yamiu.
27Al᷊al᷊uassa Ta'u itantangnga si yamiu. Al᷊al᷊ua-U sassane apan Ta'u nionggolla si yamiu. Ta'u nionggolla udde wal᷊ine ere nionggolu runia indi si yamiu. Arie passinggawangnga, arie pa'ata'utta. 28Yamiu suete naaringikka si Ya'u mabbisara, ‘I Ya'u sarun manantangngi yamiu, arawe i Ya'u sarun mabelengnga apia ringanni yamiu’. Amungkangngu i yamiu mandangngu si Ya'u, i yamiu sarun lumuassa ana waugu i Ya'u inai ringannu Iamangnga, ana waugu Iamangnga magewal᷊anna wuassia-U. 29I Ya'u mamasingkattu udde si yamiu orassa indi, tantal᷊anna sarangkanambone udde taambe mariaddi, tadea'u napawe mariaddite, i yamiu sarun mangngimanna. 30I Ya'u tate mabbisara manambo lai ringanni yamiu, ana waugu nia'omante tempone tembonannu runia indi rumanta. Arawe i tou tawe uataṛṛino su riri-U. 31Arawe sarangkanambone udde sarun mariaddi tadea'u runia maatutukka manungku i Ya'u marangngu Iamangnga wuṛṛu tuttuṛṛutta al᷊awo'u apa apan nirolokku Iamangnga si Ya'u.
Ne, wette i ite inaite mangingkatta wua isindi.”
Currently Selected:
:
Highlight
Share
Copy
Want to have your highlights saved across all your devices? Sign up or sign in