YOHANES 18
18
Mawu Yesus sinametta
(Mat. 26:47-56; Mrk. 14:43-50; Luk. 22:47-53)
1Napawe Mawu Yesus sueten inumal᷊iomanna aroddi, i Tou wuṛṛu manga mallal᷊aṛṛenggen-Ne inaite su samba'an Sal᷊ukku Kidron. Isudde pia sambau wailla, ne Mawu Yesus wuṛṛu manga mallal᷊aṛṛenggen-Ne sinumuttate su wailla udde. 2I Yudas mandal᷊al᷊eo udde, masingkattu tampa udde; ana waugu Mawu Yesus masokkate maammulu manga mallal᷊aṛṛenggen-Ne isudde. 3Ne i Yudas inaite su tampa udde wuṛṛu uaapiddu sangkawiliṛṛanna tantaran Romawi wuṛṛu manga pira mandariaga Wal᷊e Mawu apan nirolokku manga imam tembonanne wuṛṛu manga taumatan Farisi. I mangitou uaapiddu ahidda, lentera wuṛṛu auttutta. 4Mawu Yesus masingkattu sarangkanambone apan sarun mariaddi su watangan-Ne. Ne i Tou nangundanite manga taumata udde wuṛṛu naiwal᷊o, “I yamiu maddea'a sisai?”
5“Mawu Yesus, taumata Nazaret,” sasimbakki mangitou.
“Ete i Ya'u indi,” sasimbakku Mawu Yesus.
I Yudas mamamate udde uarisikka isudde ringanni mangitou. 6Su tempo Mawu Yesus nabbisara si mangitou, “Ete i Ya'u indi,” i mangitou sarangkanambone sinumoṛṛota see naṛṛa'a su leta'a. 7Paassa lai Mawu Yesus naiwal᷊o si mangitou, “I yamiu maddea'a sisai?”
“Mawu Yesus taumata Nazaret,” sasimbakki mangitou.
8“Suete niwal᷊o-U ete i Ya'u indi,” unnu Mawu Yesus. “Wuṛṛu amungkangngu atonna i Ya'u radeaanni yamiu, wala'e i mangitou waine indi inai.” ( 9Ringannu nabbisara aroddi, natipusse apa apan suete niwisara Mawu Yesus paarorone: “Iamangnga, wuassu manga taumata apan nionggolu Iamangnga si Ya'u, tawe saran sangkatou apan mawul᷊i.”)
10I Simon Petrus apan uaapiddu hal᷊ele sammata, sinawutta see namuulla allangngu imam bahewa na'oman sara naṛṛassatta tal᷊ingane aikkatanna. Arannu allangnga udde i Malkus. 11Ne Mawu Yesus nabbisara si Petrus, “Sutta'a apia hal᷊elenu su romane! Apa i'o maṛṛingidda i Ya'u tawe maainumma ua'en asasusa apan nionggolu Iamangnga si Ya'u?”
Mawu Yesus niapidda sinumaruanna si Hanas
12See manga tantaran Romawi wuṛṛu piaṛṛangnge see manga mandariagan Yahudi nanametta wuṛṛu naṛṛapussa Mawu Yesus. 13Paarorone i mangitou nangapiddu Mawu Yesus ringanni Hanas, la'iananni Kayafas. I Kayafas eteudde sangkatou imam bahewa su tonna udde. 14Wuṛṛu ete i tou apan nanantiro manga tembonannu Yahudi, manungku mappianne sangkatou mate hunane su anambon walahanna.
I Petrus nassinaaddu Mawu Yesus
(Mat. 26:69-70; Mrk. 14:66-68; Luk. 22:55-57)
15I Simon Petrus wuṛṛu sangkatou mallal᷊aṛṛenggenna waine tinumantalongnga Mawu Yesus. Mallal᷊aṛṛenggenna waine indi asingkatannu imam bahewa; nariaddi i tou sinumutta su sambau ringannu Mawu Yesus su rallakku wal᷊en imam bahewa, 16arawe i Petrus uaraṛṛaddo su liudde, su ngara. Wua'udde mallal᷊aṛṛenggenna apan baine udde sinumabangnga wuṛṛu nagahatto mangangimbe wawine apan uariaga ngara, see nangapiddi Petrus sinumutta sulal᷊umme. 17Mangangimbe wawine apan uariaga ngara udde nabbisara si Petrus, “Ei, wal᷊inewe i'o lai sangkatou wuassu wallattu mallal᷊aṛṛenggennu taumata udde?”
“Wal᷊ine,” sasimbakki Petrus.
18Orassa udde runia masunge, nariaddi manga mangangimbe wuṛṛu manga mandariaga suete naṛṛunuttu putungnga wuassu waṛṛa see i mangitou manningikke isudde. I Petrus inai lai poiaroddi wuṛṛu nirumarisikka manningikke su sambau ringanni mangitou.
Imam bahewa naiwal᷊o Mawu Yesus
(Mat. 26:59-66; Mrk. 14:55-64; Luk. 22:66-71)
19Imam wahewa naiwal᷊o Mawu Yesus su ola'u manga mallal᷊aṛṛenggen-Ne wuṛṛu su ola'u al᷊aṛṛang-Nge. 20Mawu Yesus sinumimbakka, “I Ya'u sidutu mabbisara ringannu uahahati su saruannu awadaalla. I Ya'u sidutu mangngaṛṛa'a su manga wal᷊em pattataṛṛamawuanna wuṛṛu su Wal᷊e Ruata, su tampan taumatan Yahudi wiasane maammula. Taambe saran paassa i Ya'u mabbisara ringannu itattullampingnga. 21Nariaddi anio ituangnga maiwal᷊o si Ya'u? Paiwal᷊ote si mangitou apan suete naaringikka si Ya'u mangngaṛṛa'a. I mangitou masingkatte apa apan niwisara-U.”
22Napawe Mawu Yesus suete nabbisara aroddi, sangkatou su wallattu mandariaga isudde namero si Tou wuṛṛu nabbisara, “Waṛṛani atonna I'o mabbisara aroddi su imam bahewa!”
23Mawu Yesus sinumimbakka, “Amungkangngu i Ya'u mabatti'u wisara nassal᷊a, wal᷊oa'e isindi suapa sal᷊ane! Arawe amungkangngu niwisara-U udde atonna, anio i'o namero si Ya'u?”
24Wua'udde i Hanas nandolokku taumata nangapiddu Mawu Yesus ringannu ṛaṛṛapusanna watukku Imam Bahewa Kayafas.
I Petrus nassinaaddu Mawu Yesus apia
(Mat. 26:71-75; Mrk. 14:69-72; Luk. 22:58-62)
25I Simon Petrus ta'e lai uarisikka manningikka isudde. Manga taumata nabbisara si tou, “Wal᷊inewe i'o lai mallal᷊aṛṛenggennu taumata udde?” Arawe i Petrus nassinaadda, unni tou, “Wal᷊ine!”
26Sangkatou allangngu imam bahewa, eteudde walahannu taumata tal᷊ingane niponggo'i Petrus, nabbisara, “Wal᷊inewe i ya'u naasilo si'o su wailla udde suadio'a ringanni Tou?”
27See i Petrus nassinaadde apia, “Tawe” – wuṛṛu naṛṛino su orassa udde lai manu'a niumu'u.
Mawu Yesus sinumaruanna si Pilatus
(Mat. 27:1-2, 11-14; Mrk. 15:1-5; Luk. 23:1-5)
28Rua'allo maṛṛanggapa i mangitou nangapiddu Mawu Yesus wuassu wal᷊en Kayafas watukku wal᷊en gubernure. Manga taumatan Yahudi sassane tawe sinumutta sulal᷊ummu wal᷊en araratuanna, tadea'u i mangitou tawe mabbal᷊i marosa su ola'u agama, ana waugu i mangitou lai inai umanna annu Paskah. 29Ana waugu udde i Pilatus sinumabangnga ringanni mangitou wuṛṛu naiwal᷊o, “Apa alaenu su ola'u taumata indi?”
30I mangitou sinumimbakka, “Unnu wisara i Tou tawe sal᷊ane, i yami tawe nangapiddi Tou ringannu Iamangnga Gubernure.”
31I Pilatus nabbisara si mangitou, “Apira'e i Tou wuṛṛu parikisete i Tou tumuṛṛuttu titanu sassane!”
Arawe manga taumatan Yahudi udde sinumimbakka, “I yami tawe maṛṛuumannu taumata ma'oman sara mate.” ( 32Indi mariaddi tadea'u matipusse apa apan niapaasingkattu Mawu Yesus su ola'u i Tou sarun mate.)
33I Pilatus sinumutta apia su wal᷊ene see namaggo Mawu Yesus wuṛṛu naiwal᷊o, “Atonna I'o ratun taumatan Yahudi?”
34Mawu Yesus sinumimbakka, “Apa aiwal᷊o indi wuassi'o sassane ara'e pia taumata waine apan suete namasingkatta si'o su ola'u riri-U?”
35I Pilatus sinumimbakka, “Antimannu ya'u indi taumatan Yahudi? Apan nanantillu riri-Nu si ya'u udde walahannu sassane wuṛṛu manga imam tembonanne. Apa apan suete niolangngu?”
36Mawu Yesus nabbisara, “Araratuang-Ku wal᷊ine wuassu runia indi. Unnu wisara araratuang-Ku wuassu runia indi, manga taumata-U sarun mando'appa, tadea'u i Ya'u tawe itantilla su manga tembonannu Yahudi. Arawe atonna araratuang-Ku wal᷊ine wuassu runia indi!”
37Ne i Pilatus naiwal᷊o si Tou, “Amungkangngu aroddi, I'o indi ratu?”
Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”
38I Pilatus naiwal᷊o si Tou, “Apa atappasannu atatul᷊idda?”
Mawu Yesus iṛṛuumanna pateanna
(Mat. 27:15-31; Mrk. 15:6-20; Luk. 23:13-25)
See i Pilatus sinumabangnga apia wuassu wal᷊en araratuanna wuṛṛu nabbisara su manga taumatan Yahudi, “I Ya'u tawe naasomba saran sambau pasasal᷊an taumata indi. 39Arawe tumuṛṛuttu inanaramannu, i ya'u wiasane mammallossu sangkatou taumatan ṛuumanna su Allo Wahewam Paskah. I yamiu maapulu tadea'u i ya'u mamallossu ratun taumatan Yahudi si yamiu?”
40I mangitou sinumimbakka ringannu u'ui, “Tawe, arie i Tou, ewe'e i Barabas!” (I Barabas udde, sangkatou taṛṛa rampassa.)
Currently Selected:
YOHANES 18: LAITLD
Highlight
Share
Copy
Want to have your highlights saved across all your devices? Sign up or sign in
YOHANES 18
18
Mawu Yesus sinametta
(Mat. 26:47-56; Mrk. 14:43-50; Luk. 22:47-53)
1Napawe Mawu Yesus sueten inumal᷊iomanna aroddi, i Tou wuṛṛu manga mallal᷊aṛṛenggen-Ne inaite su samba'an Sal᷊ukku Kidron. Isudde pia sambau wailla, ne Mawu Yesus wuṛṛu manga mallal᷊aṛṛenggen-Ne sinumuttate su wailla udde. 2I Yudas mandal᷊al᷊eo udde, masingkattu tampa udde; ana waugu Mawu Yesus masokkate maammulu manga mallal᷊aṛṛenggen-Ne isudde. 3Ne i Yudas inaite su tampa udde wuṛṛu uaapiddu sangkawiliṛṛanna tantaran Romawi wuṛṛu manga pira mandariaga Wal᷊e Mawu apan nirolokku manga imam tembonanne wuṛṛu manga taumatan Farisi. I mangitou uaapiddu ahidda, lentera wuṛṛu auttutta. 4Mawu Yesus masingkattu sarangkanambone apan sarun mariaddi su watangan-Ne. Ne i Tou nangundanite manga taumata udde wuṛṛu naiwal᷊o, “I yamiu maddea'a sisai?”
5“Mawu Yesus, taumata Nazaret,” sasimbakki mangitou.
“Ete i Ya'u indi,” sasimbakku Mawu Yesus.
I Yudas mamamate udde uarisikka isudde ringanni mangitou. 6Su tempo Mawu Yesus nabbisara si mangitou, “Ete i Ya'u indi,” i mangitou sarangkanambone sinumoṛṛota see naṛṛa'a su leta'a. 7Paassa lai Mawu Yesus naiwal᷊o si mangitou, “I yamiu maddea'a sisai?”
“Mawu Yesus taumata Nazaret,” sasimbakki mangitou.
8“Suete niwal᷊o-U ete i Ya'u indi,” unnu Mawu Yesus. “Wuṛṛu amungkangngu atonna i Ya'u radeaanni yamiu, wala'e i mangitou waine indi inai.” ( 9Ringannu nabbisara aroddi, natipusse apa apan suete niwisara Mawu Yesus paarorone: “Iamangnga, wuassu manga taumata apan nionggolu Iamangnga si Ya'u, tawe saran sangkatou apan mawul᷊i.”)
10I Simon Petrus apan uaapiddu hal᷊ele sammata, sinawutta see namuulla allangngu imam bahewa na'oman sara naṛṛassatta tal᷊ingane aikkatanna. Arannu allangnga udde i Malkus. 11Ne Mawu Yesus nabbisara si Petrus, “Sutta'a apia hal᷊elenu su romane! Apa i'o maṛṛingidda i Ya'u tawe maainumma ua'en asasusa apan nionggolu Iamangnga si Ya'u?”
Mawu Yesus niapidda sinumaruanna si Hanas
12See manga tantaran Romawi wuṛṛu piaṛṛangnge see manga mandariagan Yahudi nanametta wuṛṛu naṛṛapussa Mawu Yesus. 13Paarorone i mangitou nangapiddu Mawu Yesus ringanni Hanas, la'iananni Kayafas. I Kayafas eteudde sangkatou imam bahewa su tonna udde. 14Wuṛṛu ete i tou apan nanantiro manga tembonannu Yahudi, manungku mappianne sangkatou mate hunane su anambon walahanna.
I Petrus nassinaaddu Mawu Yesus
(Mat. 26:69-70; Mrk. 14:66-68; Luk. 22:55-57)
15I Simon Petrus wuṛṛu sangkatou mallal᷊aṛṛenggenna waine tinumantalongnga Mawu Yesus. Mallal᷊aṛṛenggenna waine indi asingkatannu imam bahewa; nariaddi i tou sinumutta su sambau ringannu Mawu Yesus su rallakku wal᷊en imam bahewa, 16arawe i Petrus uaraṛṛaddo su liudde, su ngara. Wua'udde mallal᷊aṛṛenggenna apan baine udde sinumabangnga wuṛṛu nagahatto mangangimbe wawine apan uariaga ngara, see nangapiddi Petrus sinumutta sulal᷊umme. 17Mangangimbe wawine apan uariaga ngara udde nabbisara si Petrus, “Ei, wal᷊inewe i'o lai sangkatou wuassu wallattu mallal᷊aṛṛenggennu taumata udde?”
“Wal᷊ine,” sasimbakki Petrus.
18Orassa udde runia masunge, nariaddi manga mangangimbe wuṛṛu manga mandariaga suete naṛṛunuttu putungnga wuassu waṛṛa see i mangitou manningikke isudde. I Petrus inai lai poiaroddi wuṛṛu nirumarisikka manningikke su sambau ringanni mangitou.
Imam bahewa naiwal᷊o Mawu Yesus
(Mat. 26:59-66; Mrk. 14:55-64; Luk. 22:66-71)
19Imam wahewa naiwal᷊o Mawu Yesus su ola'u manga mallal᷊aṛṛenggen-Ne wuṛṛu su ola'u al᷊aṛṛang-Nge. 20Mawu Yesus sinumimbakka, “I Ya'u sidutu mabbisara ringannu uahahati su saruannu awadaalla. I Ya'u sidutu mangngaṛṛa'a su manga wal᷊em pattataṛṛamawuanna wuṛṛu su Wal᷊e Ruata, su tampan taumatan Yahudi wiasane maammula. Taambe saran paassa i Ya'u mabbisara ringannu itattullampingnga. 21Nariaddi anio ituangnga maiwal᷊o si Ya'u? Paiwal᷊ote si mangitou apan suete naaringikka si Ya'u mangngaṛṛa'a. I mangitou masingkatte apa apan niwisara-U.”
22Napawe Mawu Yesus suete nabbisara aroddi, sangkatou su wallattu mandariaga isudde namero si Tou wuṛṛu nabbisara, “Waṛṛani atonna I'o mabbisara aroddi su imam bahewa!”
23Mawu Yesus sinumimbakka, “Amungkangngu i Ya'u mabatti'u wisara nassal᷊a, wal᷊oa'e isindi suapa sal᷊ane! Arawe amungkangngu niwisara-U udde atonna, anio i'o namero si Ya'u?”
24Wua'udde i Hanas nandolokku taumata nangapiddu Mawu Yesus ringannu ṛaṛṛapusanna watukku Imam Bahewa Kayafas.
I Petrus nassinaaddu Mawu Yesus apia
(Mat. 26:71-75; Mrk. 14:69-72; Luk. 22:58-62)
25I Simon Petrus ta'e lai uarisikka manningikka isudde. Manga taumata nabbisara si tou, “Wal᷊inewe i'o lai mallal᷊aṛṛenggennu taumata udde?” Arawe i Petrus nassinaadda, unni tou, “Wal᷊ine!”
26Sangkatou allangngu imam bahewa, eteudde walahannu taumata tal᷊ingane niponggo'i Petrus, nabbisara, “Wal᷊inewe i ya'u naasilo si'o su wailla udde suadio'a ringanni Tou?”
27See i Petrus nassinaadde apia, “Tawe” – wuṛṛu naṛṛino su orassa udde lai manu'a niumu'u.
Mawu Yesus sinumaruanna si Pilatus
(Mat. 27:1-2, 11-14; Mrk. 15:1-5; Luk. 23:1-5)
28Rua'allo maṛṛanggapa i mangitou nangapiddu Mawu Yesus wuassu wal᷊en Kayafas watukku wal᷊en gubernure. Manga taumatan Yahudi sassane tawe sinumutta sulal᷊ummu wal᷊en araratuanna, tadea'u i mangitou tawe mabbal᷊i marosa su ola'u agama, ana waugu i mangitou lai inai umanna annu Paskah. 29Ana waugu udde i Pilatus sinumabangnga ringanni mangitou wuṛṛu naiwal᷊o, “Apa alaenu su ola'u taumata indi?”
30I mangitou sinumimbakka, “Unnu wisara i Tou tawe sal᷊ane, i yami tawe nangapiddi Tou ringannu Iamangnga Gubernure.”
31I Pilatus nabbisara si mangitou, “Apira'e i Tou wuṛṛu parikisete i Tou tumuṛṛuttu titanu sassane!”
Arawe manga taumatan Yahudi udde sinumimbakka, “I yami tawe maṛṛuumannu taumata ma'oman sara mate.” ( 32Indi mariaddi tadea'u matipusse apa apan niapaasingkattu Mawu Yesus su ola'u i Tou sarun mate.)
33I Pilatus sinumutta apia su wal᷊ene see namaggo Mawu Yesus wuṛṛu naiwal᷊o, “Atonna I'o ratun taumatan Yahudi?”
34Mawu Yesus sinumimbakka, “Apa aiwal᷊o indi wuassi'o sassane ara'e pia taumata waine apan suete namasingkatta si'o su ola'u riri-U?”
35I Pilatus sinumimbakka, “Antimannu ya'u indi taumatan Yahudi? Apan nanantillu riri-Nu si ya'u udde walahannu sassane wuṛṛu manga imam tembonanne. Apa apan suete niolangngu?”
36Mawu Yesus nabbisara, “Araratuang-Ku wal᷊ine wuassu runia indi. Unnu wisara araratuang-Ku wuassu runia indi, manga taumata-U sarun mando'appa, tadea'u i Ya'u tawe itantilla su manga tembonannu Yahudi. Arawe atonna araratuang-Ku wal᷊ine wuassu runia indi!”
37Ne i Pilatus naiwal᷊o si Tou, “Amungkangngu aroddi, I'o indi ratu?”
Mawu Yesus sinumimbakka, “I'o nabal᷊o manungku i Ya'u indi ratu. I Ya'u niasungkangnga wuṛṛu nirumanta su runia indi ringannu sambau pandumma, eteudde mangonggolu tatiala su ola'u atatul᷊idda. Taumata apan wuassu atatul᷊idda udde maddaringikka si Ya'u.”
38I Pilatus naiwal᷊o si Tou, “Apa atappasannu atatul᷊idda?”
Mawu Yesus iṛṛuumanna pateanna
(Mat. 27:15-31; Mrk. 15:6-20; Luk. 23:13-25)
See i Pilatus sinumabangnga apia wuassu wal᷊en araratuanna wuṛṛu nabbisara su manga taumatan Yahudi, “I Ya'u tawe naasomba saran sambau pasasal᷊an taumata indi. 39Arawe tumuṛṛuttu inanaramannu, i ya'u wiasane mammallossu sangkatou taumatan ṛuumanna su Allo Wahewam Paskah. I yamiu maapulu tadea'u i ya'u mamallossu ratun taumatan Yahudi si yamiu?”
40I mangitou sinumimbakka ringannu u'ui, “Tawe, arie i Tou, ewe'e i Barabas!” (I Barabas udde, sangkatou taṛṛa rampassa.)
Currently Selected:
:
Highlight
Share
Copy
Want to have your highlights saved across all your devices? Sign up or sign in