LUKAS 13
13
Amungkangngu tawe mawal᷊u wuassu rosa sarun mawinasa
1Su tempo udde taumata nabbati'a Mawu Yesus su ola'u manga pira taumatan Galilea apan nipatem Pilatus, su tempo i mangitou mangngapiddu sasamba su Ruata. 2Naaringikka watti'a udde, Mawu Yesus nabbisara, “Ana waugu taumatan Galilea nipate ereudde, i yamiu massunna udde tatialane i mangitou lembo marosa wuassu manga taumatan Galilea waine? 3Atonna-tonna tawe! Arawe paanaunge: amungkangngu i yamiu tawe mawal᷊u wuassu manga rosang kamiu, sarangkanambone sarun mate lai ere i mangitou. 4Ereapa lai ringannu sire mapul᷊o ual᷊u taumata apan nate su Siloam, su tempo menara udde nema'a si mangitou? I yamiu massunna udde ere sambau tanda manungku i mangitou arosanne wuassu manga taumata waine apan uatana'a su Yerusalem? 5Atonna-tonna tawe! Paassa lai ya'u mabal᷊o: Amungkangngu i yamiu tawe mawal᷊u wuassu manga rosang kamiu, i yamiu sarangkanambone mate lai ere i mangitou.”
Sasumandingngu alu ara apan tawe mabua
6Wua'udde Mawu Yesus nabbati'u sasumandingnga indi, “Pia sangkatou taumata uatahuanna alu ara su waillu anggorene. Su sambau allo i tou inaite maddea'a wuang kalu udde, arawe tawe naasomba saran sambau. 7Nariaddi i tou nabbisara su mabbawaille udde, ‘Pa'ellega, tallute tonna i ya'u ruddanta maddea'a wuang kalu ara indi, arawe tawe naasomba saran sambau. Tuwangke alu udde! I tou tumba'u mangnginsue anna sulal᷊ummu leta'a!’ 8Arawe mabbawailla udde sinumimbakka, ‘Wala'e lai i tou mabbiakka tumuwo santonna indi, mawu. I Ya'u sarun mamasolla leta'a uapal᷊iwutta si tou wuṛṛu pupuṛṛanna. 9Asinungka i tou mabua tonna suhati. Arawe amungkangngu tawe, wotongngete mawu mandolokka mapatuwangngi tou.’ ”
Mawu Yesus napaapian sangkatou wawine uaal᷊udungnga su allon Sabatta
10Su sambau allon Sabatta, Mawu Yesus mangngaṛṛa'a su wal᷊em pattataṛṛamawuanna. 11Isudde pia wawine mapul᷊ote ual᷊u su tonnane marada'a, ana waugu pia ghaṛṛaho lal᷊eo sulal᷊ummu wadangnge. Wawine udde uaal᷊udungnga wuṛṛu tawe maararisikka matul᷊ida. 12Napawe Mawu Yesus naasilo si tou, winagoante i tou, “Inangnga i'o mapia wuassu radangngu!” 13See Mawu Yesus namita wawine udde, ne su orassa udde lai i tou naararisikka matul᷊ida see nadalote Ruata.
14Piaṛṛa'u wal᷊em pattataṛṛamawuanna udde namul᷊o, ana waugu Mawu Yesus napaapian taumata su allon Sabatta, ana waugu udde i tou nabbisara su manga taumata, “Pia annummu allo ipammanara; rantate su miallo-miallo udde see iapaapia, imabaṛṛangnga su allon Sabatta!”
15Mawu sinumimbakka, “Lilangkamal᷊e'a i yamiu indi! Su allon Sabatta anambon taumata mammallossu sapi ara'e keledai wuassu tandangnge wuṛṛu ia'apidda su liudde ana iapa'inumma. 16Ne, orassa indi pia sangkatou wawine papapulunni Abraham, apan mapul᷊ote ual᷊u su tonnane al᷊annune aiitannu Setanna. Apa i tou tawe iapaapallossa wuassu aiitta udde su allon Sabatta?” 17Sasimbakku Mawu Yesus udde naasili atonna manga ro'amme; arawe anambon taumata waine lulluassa naasilo al᷊awo'u al᷊aṛṛindu'a apan niola'u Mawu Yesus.
Sasumandingngu watun sawi
(Mat. 13:31-32; Mrk. 4:30-32)
18Mawu Yesus naiwal᷊o, “Napawe Ruata mamarenta, ereapa olangnge? Ringannu apa i Ya'u wotongnge manumandingnga? 19Olangnge ere sasumandingnga indi. Sambau watun sawi niapiddu sangkatou taumata nisuanne su waille. Watune udde tinumuwo see naola'a alu, wuṛṛu manga manu'a na'ola'a sal᷊akke su manga rannang kalu udde.”
Sasumandingngu ragi
(Mat. 13:33)
20Paassa lai Mawu Yesus naiwal᷊o, “Amungkangngu Ruata mamarenta, ringannu apa i Ya'u manumandingngu olangnge? 21Olangnge ere ragi apan nianun sangkatou wawine see niompelu taponna appatu pul᷊o su liteṛṛene, na'oman sara tinumuwo.”
Ngara apan maṛṛiputta
(Mat. 7:13-14, 21-23)
22Sulal᷊ummu amatanna watukku Yerusalem, Mawu Yesus sinumabbi manga soa wuṛṛu manga ampungnga lapiddu mangngaṛṛa'a. 23See pia taumata naiwal᷊o si Tou, “Iamangnga, apa tumba'u matul᷊ungnga taumata masal᷊amatta?”
Mawu Yesus sinumimbakka, 24“Pattinsahadde sumutta malliu ngara apan maṛṛiputta. Ana waugu naunge! Manambo taumata maddea'a sumutta arawe tawe maasutta. 25Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’ 26I yamiu sarun sumimbakka, ‘I yami sueten inumanna wuṛṛu na'inumma su sambau ringannu Mawu, wuṛṛu Mawu suete nangaṛṛa'a lai su manga lal᷊anna su soang kami!’ 27Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’ 28Su tempo i yamiu naasilo si Abraham, si Ishak wuṛṛu si Yakub wuṛṛu anambon manga nabi lulluassa sulal᷊ummu Runia Wakku Ruata, i yamiu sarun lumuai wuṛṛu matataṛṛangnga susa ana waugu i yamiu sassane nillimbuaṛṛanna watukku liudde! 29Manga taumata sarun rumanta wuassu ra'i wuṛṛu waṛṛatta, wuassu sawannakka wuṛṛu timukka, wuṛṛu sarun lumuassa sulal᷊ummu Runia Wakku Ruata. 30Atonna-tonna, pia taumata panginsueanne sarun maola'a taumata paarorone, wuṛṛu pia taumata apan paarorone sarun maola'a panginsueanne.”
Mawu Yesus niumakkannu Yerusalem
(Mat. 23:37-39)
31Su tempo udde lai, pia manga pira taumatan Farisi nirumanta ringannu Mawu Yesus wuṛṛu nabbisara, “Arie paatana'a isindi! Roote su tampa waine, ana waugu Herodes pia pandumma mamate Si'o.”
32Mawu Yesus sinumimbakka, “Roote wal᷊oa'a su taumata apan tawe gunane udde, ‘Allo indi wuṛṛu tiṛṛabbi i Ya'u mallimbuakka ghaṛṛaho lal᷊eo wuṛṛu mapaapian taumata marada'a, arawe su allo atallune i Ya'u sarun manginsue manara-U.’ 33Salaiwe aroddi i Ya'u ṛinone manassukku lai amatang-Ku allo indi, tiṛṛabbi wuṛṛu tillorega, ana waugu lal᷊eo sangkatou nabi pateanna su liuddu Yerusalem.
34Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri! 35Ana waugu udde Ruata tate lai maṛṛundingannu. Paasingkate, manattakka orassa indi i'o tate lai maasilo si Ya'u, ma'oman sara i'o mabbisara, ‘Nial᷊amatannte i Tou apan nirumanta ringannu arannu Mawu.’ ”
Currently Selected:
LUKAS 13: LAITLD
Highlight
Share
Copy
Want to have your highlights saved across all your devices? Sign up or sign in
LUKAS 13
13
Amungkangngu tawe mawal᷊u wuassu rosa sarun mawinasa
1Su tempo udde taumata nabbati'a Mawu Yesus su ola'u manga pira taumatan Galilea apan nipatem Pilatus, su tempo i mangitou mangngapiddu sasamba su Ruata. 2Naaringikka watti'a udde, Mawu Yesus nabbisara, “Ana waugu taumatan Galilea nipate ereudde, i yamiu massunna udde tatialane i mangitou lembo marosa wuassu manga taumatan Galilea waine? 3Atonna-tonna tawe! Arawe paanaunge: amungkangngu i yamiu tawe mawal᷊u wuassu manga rosang kamiu, sarangkanambone sarun mate lai ere i mangitou. 4Ereapa lai ringannu sire mapul᷊o ual᷊u taumata apan nate su Siloam, su tempo menara udde nema'a si mangitou? I yamiu massunna udde ere sambau tanda manungku i mangitou arosanne wuassu manga taumata waine apan uatana'a su Yerusalem? 5Atonna-tonna tawe! Paassa lai ya'u mabal᷊o: Amungkangngu i yamiu tawe mawal᷊u wuassu manga rosang kamiu, i yamiu sarangkanambone mate lai ere i mangitou.”
Sasumandingngu alu ara apan tawe mabua
6Wua'udde Mawu Yesus nabbati'u sasumandingnga indi, “Pia sangkatou taumata uatahuanna alu ara su waillu anggorene. Su sambau allo i tou inaite maddea'a wuang kalu udde, arawe tawe naasomba saran sambau. 7Nariaddi i tou nabbisara su mabbawaille udde, ‘Pa'ellega, tallute tonna i ya'u ruddanta maddea'a wuang kalu ara indi, arawe tawe naasomba saran sambau. Tuwangke alu udde! I tou tumba'u mangnginsue anna sulal᷊ummu leta'a!’ 8Arawe mabbawailla udde sinumimbakka, ‘Wala'e lai i tou mabbiakka tumuwo santonna indi, mawu. I Ya'u sarun mamasolla leta'a uapal᷊iwutta si tou wuṛṛu pupuṛṛanna. 9Asinungka i tou mabua tonna suhati. Arawe amungkangngu tawe, wotongngete mawu mandolokka mapatuwangngi tou.’ ”
Mawu Yesus napaapian sangkatou wawine uaal᷊udungnga su allon Sabatta
10Su sambau allon Sabatta, Mawu Yesus mangngaṛṛa'a su wal᷊em pattataṛṛamawuanna. 11Isudde pia wawine mapul᷊ote ual᷊u su tonnane marada'a, ana waugu pia ghaṛṛaho lal᷊eo sulal᷊ummu wadangnge. Wawine udde uaal᷊udungnga wuṛṛu tawe maararisikka matul᷊ida. 12Napawe Mawu Yesus naasilo si tou, winagoante i tou, “Inangnga i'o mapia wuassu radangngu!” 13See Mawu Yesus namita wawine udde, ne su orassa udde lai i tou naararisikka matul᷊ida see nadalote Ruata.
14Piaṛṛa'u wal᷊em pattataṛṛamawuanna udde namul᷊o, ana waugu Mawu Yesus napaapian taumata su allon Sabatta, ana waugu udde i tou nabbisara su manga taumata, “Pia annummu allo ipammanara; rantate su miallo-miallo udde see iapaapia, imabaṛṛangnga su allon Sabatta!”
15Mawu sinumimbakka, “Lilangkamal᷊e'a i yamiu indi! Su allon Sabatta anambon taumata mammallossu sapi ara'e keledai wuassu tandangnge wuṛṛu ia'apidda su liudde ana iapa'inumma. 16Ne, orassa indi pia sangkatou wawine papapulunni Abraham, apan mapul᷊ote ual᷊u su tonnane al᷊annune aiitannu Setanna. Apa i tou tawe iapaapallossa wuassu aiitta udde su allon Sabatta?” 17Sasimbakku Mawu Yesus udde naasili atonna manga ro'amme; arawe anambon taumata waine lulluassa naasilo al᷊awo'u al᷊aṛṛindu'a apan niola'u Mawu Yesus.
Sasumandingngu watun sawi
(Mat. 13:31-32; Mrk. 4:30-32)
18Mawu Yesus naiwal᷊o, “Napawe Ruata mamarenta, ereapa olangnge? Ringannu apa i Ya'u wotongnge manumandingnga? 19Olangnge ere sasumandingnga indi. Sambau watun sawi niapiddu sangkatou taumata nisuanne su waille. Watune udde tinumuwo see naola'a alu, wuṛṛu manga manu'a na'ola'a sal᷊akke su manga rannang kalu udde.”
Sasumandingngu ragi
(Mat. 13:33)
20Paassa lai Mawu Yesus naiwal᷊o, “Amungkangngu Ruata mamarenta, ringannu apa i Ya'u manumandingngu olangnge? 21Olangnge ere ragi apan nianun sangkatou wawine see niompelu taponna appatu pul᷊o su liteṛṛene, na'oman sara tinumuwo.”
Ngara apan maṛṛiputta
(Mat. 7:13-14, 21-23)
22Sulal᷊ummu amatanna watukku Yerusalem, Mawu Yesus sinumabbi manga soa wuṛṛu manga ampungnga lapiddu mangngaṛṛa'a. 23See pia taumata naiwal᷊o si Tou, “Iamangnga, apa tumba'u matul᷊ungnga taumata masal᷊amatta?”
Mawu Yesus sinumimbakka, 24“Pattinsahadde sumutta malliu ngara apan maṛṛiputta. Ana waugu naunge! Manambo taumata maddea'a sumutta arawe tawe maasutta. 25Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’ 26I yamiu sarun sumimbakka, ‘I yami sueten inumanna wuṛṛu na'inumma su sambau ringannu Mawu, wuṛṛu Mawu suete nangaṛṛa'a lai su manga lal᷊anna su soang kami!’ 27Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’ 28Su tempo i yamiu naasilo si Abraham, si Ishak wuṛṛu si Yakub wuṛṛu anambon manga nabi lulluassa sulal᷊ummu Runia Wakku Ruata, i yamiu sarun lumuai wuṛṛu matataṛṛangnga susa ana waugu i yamiu sassane nillimbuaṛṛanna watukku liudde! 29Manga taumata sarun rumanta wuassu ra'i wuṛṛu waṛṛatta, wuassu sawannakka wuṛṛu timukka, wuṛṛu sarun lumuassa sulal᷊ummu Runia Wakku Ruata. 30Atonna-tonna, pia taumata panginsueanne sarun maola'a taumata paarorone, wuṛṛu pia taumata apan paarorone sarun maola'a panginsueanne.”
Mawu Yesus niumakkannu Yerusalem
(Mat. 23:37-39)
31Su tempo udde lai, pia manga pira taumatan Farisi nirumanta ringannu Mawu Yesus wuṛṛu nabbisara, “Arie paatana'a isindi! Roote su tampa waine, ana waugu Herodes pia pandumma mamate Si'o.”
32Mawu Yesus sinumimbakka, “Roote wal᷊oa'a su taumata apan tawe gunane udde, ‘Allo indi wuṛṛu tiṛṛabbi i Ya'u mallimbuakka ghaṛṛaho lal᷊eo wuṛṛu mapaapian taumata marada'a, arawe su allo atallune i Ya'u sarun manginsue manara-U.’ 33Salaiwe aroddi i Ya'u ṛinone manassukku lai amatang-Ku allo indi, tiṛṛabbi wuṛṛu tillorega, ana waugu lal᷊eo sangkatou nabi pateanna su liuddu Yerusalem.
34Yerusalem, Yerusalem! Manga nabi suete nipatenu! Manga ralol᷊oṛṛannu Ruata suete tinuntungannu watu na'oman sara nate! Paapirate i ya'u ma'apulu mangammullu anambon tumana'u soa indi ere inangngu manu'a mangooppa manga anangnge sulal᷊ummu papaidde, arawe i'o maddiri! 35Ana waugu udde Ruata tate lai maṛṛundingannu. Paasingkate, manattakka orassa indi i'o tate lai maasilo si Ya'u, ma'oman sara i'o mabbisara, ‘Nial᷊amatannte i Tou apan nirumanta ringannu arannu Mawu.’ ”
Currently Selected:
:
Highlight
Share
Copy
Want to have your highlights saved across all your devices? Sign up or sign in