Juan 13
13
Discïpulunkunapa chakinta Jesús awinqan
1 Pascua fiesta manarä qallaptinmi Jesús musyarqanna kay patsapita Papänin kaqman aywakunanpäna kanqanta. Tsaynö kaykarpis payman criyiqkunataqa imaypis kuyanqannöllam kuyarqan.
2Discïpulunkunawan Jesús manarä merendayaptinmi Simónpa tsurin Judas Iscariotita diablu yarpayta qoshqana karqan Jesústa rantikunanpä. 3Jesús musyarqanmi llapantapis poderninman Papänin churanqanta. Tsaynöllam musyarqan pay kaqpita shamunqanta y pay kaqman kutinanpä kanqanta. 4Mikuykäyanqanpita sharkurnam janan röpanta jipiskir toällata tseqllanman watakurqan. 5Tsaypitanam lavatoriuman yakuta wiñaskir discïpulunkunapa chakinta awirqan. Awiskirnam tseqllanpita toällata jipiskir sëcaparqan.
6Simón Pedrupa chakinta awinanpä kaykaptinmi Pedro nirqan: <<Taytay, ¿imanöpatä qamqa chakïta awipamankiman?>>
7Jesúsnam nirqan: <<Imanir awinqäta kanan mana tantiyarpis tsaypitarämi tantiyanki>>.
8Pedrunam nirqan: <<Taytay, chakïtaqa imaypis manam awipamankimantsu>>.
Jesúsnam nirqan: <<Chakikita mana awiptïqa manam discïpulütsu kanki>>.
9Tsaymi Simón Pedro nirqan: <<Taytay, tsayöraqa ama chakillällataqa awipamaytsu, sinöqa makïtapis umätapis awipaykallämay>>.
10Jesúsnam nirqan: <<Pipis bäñakushqana karqa chakillantanam awikun. Qamkunaqa jutsaykikunapita limpiunam kayanki. Tsaynö karpis manam llapaykitsu limpiu kaykäyanki>>.
11Tsaynö nirqan juk discïpulun payta rantikunanpä kanqanta musyarmi.
12Discïpulunkunapa chakinta awiskirnam lloqtinqan röpanta jatikurkur mësaman yapay jamakurqan. Tsaypitanam nirqan: <<¿Tantiyayankiku imanir chakikikunata awinqäta? 13Yachatsikuq kanqäta y Señorniki kanqäta niyämar rasun kaqtam niyämanki. 14Noqa yachatsikuqniki y Señorniki kaykar chakikikunata awiykaptïqa qamkunapis chakikikunata jukniki juknikipis awipänakuyanki. 15Tsaynö rurarqü noqata rikamar qamkunapis rurayänaykipämi.#13.15 Tsay witsan esclävukunallam pipatapis chakinta awiyaq. Tsaymi kay textuchö Jesucristo nirqan esclävunö humillakur juknintsik juknintsik yanapanakunantsikpä.#Mat. 20.28; Mar. 10.45; Luc. 22.27. 16Rasunpam nï: Sirviqqa manam patronninpita mas poderyuqtsu.#Mat. 10.24; Luc. 6.40; Juan 15.20. Tsaynöllam willakuq aywaqpis mandaqninpita mas poderyuqtsu.#13.16 Jesucristuqa patronnin kaykarpis esclävunömi discïpulunkunata sirvirqan. Tsaynöllam discïpulunkunapis runa mayinkunata sirviyanman. 17Kay ninqäta tantiyar cumplirqa kushishqam kawayanki.
18<<Manam llapaykipätsu tsaynö nï. Noqa musyämi mayqan discïpulükunata akranqätapis. Tayta Diospa palabranmi nin: <Noqawan mikuykarpis conträmi shärishqa>.#Sal. 41.9. Tsay qellqashqa kaykaqmi cumplinqa. 19Manarä cumpliptinmi qamkunata willaykä tsaynö kananpä kanqanta. Ninqänölla cumpliptinmi noqa kanqäta musyayanki#13.19 Noqa kanqäta nirqa Jesucristo tantiyatsirqan kikin Dios kanqantam. Tsaypita masta musyanaykipä liyinki Éxo. 3.14; Juan 10.30-33..
20<<Rasunpam nï: Mandanqä runakunata chaskiqkunaqa noqatam chaskiyäman. Noqata chaskimaqkunaqa mandamaqnïtapis chaskiyanmi>>.#Mat. 10.40; Mar. 9.37; Luc. 9.48; 10.16.
Judas rantikunanpä kanqanta willanqan
Mateo 26.20-25; Marcos 14.17-21; Lucas 22.21-23
21Tsaynö nirmi Jesús pasaypa llakikur nirqan: <<Rasunpam nï: Qamkunapita juknikim prësu tsariyämänanpä entregamanqa>>.
22Mayqanpä ninqantapis mana musyarmi discïpulunkuna juknin jukninpis rikapänakuyarqan. 23Tsay höram Jesúspa kuyay discïpulun lädunchö kaykarqan. 24Paytam Simón Pedro sëñasllapa nirqan mayqanpä parlanqantapis Jesústa tapunanpä. 25Tsaymi kuyanqan discïpulun Jesúsman tikraykur tapurqan: <<Taytay, ¿mayqäkunapätä nikanki?>>
26Jesúsnam nirqan: <<Tantata tullpurkur makyanqä kaqmi kanqa>>.
Tsaynö nirmi tantata tullpurkur Simónpa tsurin Judas Iscariotita makyarqan. 27Tsay tantata chaskiskiptinmi Judasman Satanás yaykurqan. Tsaymi Jesús nirqan: <<Ruranaykipä kaqta ras ruray>>.
28Peru manam mayqan discïpulunkunapis imanir tsaynö ninqanta tantiyarqantsu. 29Qellay tsaraq kaptinmi wakin yarpäyarqan Pascua fiestapä rantipakuq Jesús mandaykanqanta. Wakinnam yarpäyarqan pobrikunata yanapananpä mandanqanta. 30Tantata mikuskirnam Judasqa ras aywakurqan. Tsay höra patsa tsakashqanam karqan.
Mushuq mandamientuta Jesús yachatsinqan
31Judas yarquskiptinnam Jesús nirqan: <<Höra chämushqanam Runapa Tsurin glorificashqa kananpä#13.31 Glorificashqa kananpä kanqanta nirqa Jesucristo wanunanpä, kawamunanpä, Tayta Diosman kutikunanpä y llapanpäpis poderyuq kananpä kanqantam nirqan.. 32Tayta Diosta Runapa Tsurin glorificaptinmi#13.32 Tayta Diosta Runapa Tsurin glorificaptinmi ninqanqa Tayta Dios munanqannö wanuptïmi ninanmi. Runapa Tsurintapis Tayta Dios glorificanqa. Manaräpis aykätam tsaynö glorificanqa.
33<<Kuyay wamräkuna, qamkunapita aywakunäpänam kaykä. Israel autoridäkunata ninqänöllam qamkunatapis nï: Ashimarpis noqa aywanqä kaqman manam aywayta puëdiyankitsu.#Juan 7.34.
34<<Qamkunata kuyanqänö jukniki juknikipis kuyanakuyanki. Kay ninqäkunaqa mushuq mandamientum.#Juan 15.12, 17; 1Juan 3.23; 2Juan 5. 35Tsaynö kuyanakuyaptikim pïmaypis musyayanqa discïpulükuna kayanqaykita>>.
Pedro ñëgananpä kanqanta Jesús ninqan
Mateo 26.31-35; Marcos 14.27-31; Lucas 22.31-34
36Simón Pedrunam tapurqan: <<Taytay, ¿maypatä aywanki?>>
Jesúsnam nirqan: <<Noqa aywanqä kaqman manam aywayankirätsu. Tsaypitarämi aywayanki>>.
37Pedrunam nirqan: <<Taytay, ¿imanirtä qamwan kanan aywämantsu? Qam raykurmi wanushäpis>>.
38Tsaymi Jesús nirqan: <<¿Rasunpaku noqa raykur wanunaykipä listu kaykanki? Rasunpam nï: Gällu manarä cantaptinmi kimsa kuti ñëgamanki>>.
Currently Selected:
Juan 13: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Juan 13
13
Discïpulunkunapa chakinta Jesús awinqan
1 Pascua fiesta manarä qallaptinmi Jesús musyarqanna kay patsapita Papänin kaqman aywakunanpäna kanqanta. Tsaynö kaykarpis payman criyiqkunataqa imaypis kuyanqannöllam kuyarqan.
2Discïpulunkunawan Jesús manarä merendayaptinmi Simónpa tsurin Judas Iscariotita diablu yarpayta qoshqana karqan Jesústa rantikunanpä. 3Jesús musyarqanmi llapantapis poderninman Papänin churanqanta. Tsaynöllam musyarqan pay kaqpita shamunqanta y pay kaqman kutinanpä kanqanta. 4Mikuykäyanqanpita sharkurnam janan röpanta jipiskir toällata tseqllanman watakurqan. 5Tsaypitanam lavatoriuman yakuta wiñaskir discïpulunkunapa chakinta awirqan. Awiskirnam tseqllanpita toällata jipiskir sëcaparqan.
6Simón Pedrupa chakinta awinanpä kaykaptinmi Pedro nirqan: <<Taytay, ¿imanöpatä qamqa chakïta awipamankiman?>>
7Jesúsnam nirqan: <<Imanir awinqäta kanan mana tantiyarpis tsaypitarämi tantiyanki>>.
8Pedrunam nirqan: <<Taytay, chakïtaqa imaypis manam awipamankimantsu>>.
Jesúsnam nirqan: <<Chakikita mana awiptïqa manam discïpulütsu kanki>>.
9Tsaymi Simón Pedro nirqan: <<Taytay, tsayöraqa ama chakillällataqa awipamaytsu, sinöqa makïtapis umätapis awipaykallämay>>.
10Jesúsnam nirqan: <<Pipis bäñakushqana karqa chakillantanam awikun. Qamkunaqa jutsaykikunapita limpiunam kayanki. Tsaynö karpis manam llapaykitsu limpiu kaykäyanki>>.
11Tsaynö nirqan juk discïpulun payta rantikunanpä kanqanta musyarmi.
12Discïpulunkunapa chakinta awiskirnam lloqtinqan röpanta jatikurkur mësaman yapay jamakurqan. Tsaypitanam nirqan: <<¿Tantiyayankiku imanir chakikikunata awinqäta? 13Yachatsikuq kanqäta y Señorniki kanqäta niyämar rasun kaqtam niyämanki. 14Noqa yachatsikuqniki y Señorniki kaykar chakikikunata awiykaptïqa qamkunapis chakikikunata jukniki juknikipis awipänakuyanki. 15Tsaynö rurarqü noqata rikamar qamkunapis rurayänaykipämi.#13.15 Tsay witsan esclävukunallam pipatapis chakinta awiyaq. Tsaymi kay textuchö Jesucristo nirqan esclävunö humillakur juknintsik juknintsik yanapanakunantsikpä.#Mat. 20.28; Mar. 10.45; Luc. 22.27. 16Rasunpam nï: Sirviqqa manam patronninpita mas poderyuqtsu.#Mat. 10.24; Luc. 6.40; Juan 15.20. Tsaynöllam willakuq aywaqpis mandaqninpita mas poderyuqtsu.#13.16 Jesucristuqa patronnin kaykarpis esclävunömi discïpulunkunata sirvirqan. Tsaynöllam discïpulunkunapis runa mayinkunata sirviyanman. 17Kay ninqäta tantiyar cumplirqa kushishqam kawayanki.
18<<Manam llapaykipätsu tsaynö nï. Noqa musyämi mayqan discïpulükunata akranqätapis. Tayta Diospa palabranmi nin: <Noqawan mikuykarpis conträmi shärishqa>.#Sal. 41.9. Tsay qellqashqa kaykaqmi cumplinqa. 19Manarä cumpliptinmi qamkunata willaykä tsaynö kananpä kanqanta. Ninqänölla cumpliptinmi noqa kanqäta musyayanki#13.19 Noqa kanqäta nirqa Jesucristo tantiyatsirqan kikin Dios kanqantam. Tsaypita masta musyanaykipä liyinki Éxo. 3.14; Juan 10.30-33..
20<<Rasunpam nï: Mandanqä runakunata chaskiqkunaqa noqatam chaskiyäman. Noqata chaskimaqkunaqa mandamaqnïtapis chaskiyanmi>>.#Mat. 10.40; Mar. 9.37; Luc. 9.48; 10.16.
Judas rantikunanpä kanqanta willanqan
Mateo 26.20-25; Marcos 14.17-21; Lucas 22.21-23
21Tsaynö nirmi Jesús pasaypa llakikur nirqan: <<Rasunpam nï: Qamkunapita juknikim prësu tsariyämänanpä entregamanqa>>.
22Mayqanpä ninqantapis mana musyarmi discïpulunkuna juknin jukninpis rikapänakuyarqan. 23Tsay höram Jesúspa kuyay discïpulun lädunchö kaykarqan. 24Paytam Simón Pedro sëñasllapa nirqan mayqanpä parlanqantapis Jesústa tapunanpä. 25Tsaymi kuyanqan discïpulun Jesúsman tikraykur tapurqan: <<Taytay, ¿mayqäkunapätä nikanki?>>
26Jesúsnam nirqan: <<Tantata tullpurkur makyanqä kaqmi kanqa>>.
Tsaynö nirmi tantata tullpurkur Simónpa tsurin Judas Iscariotita makyarqan. 27Tsay tantata chaskiskiptinmi Judasman Satanás yaykurqan. Tsaymi Jesús nirqan: <<Ruranaykipä kaqta ras ruray>>.
28Peru manam mayqan discïpulunkunapis imanir tsaynö ninqanta tantiyarqantsu. 29Qellay tsaraq kaptinmi wakin yarpäyarqan Pascua fiestapä rantipakuq Jesús mandaykanqanta. Wakinnam yarpäyarqan pobrikunata yanapananpä mandanqanta. 30Tantata mikuskirnam Judasqa ras aywakurqan. Tsay höra patsa tsakashqanam karqan.
Mushuq mandamientuta Jesús yachatsinqan
31Judas yarquskiptinnam Jesús nirqan: <<Höra chämushqanam Runapa Tsurin glorificashqa kananpä#13.31 Glorificashqa kananpä kanqanta nirqa Jesucristo wanunanpä, kawamunanpä, Tayta Diosman kutikunanpä y llapanpäpis poderyuq kananpä kanqantam nirqan.. 32Tayta Diosta Runapa Tsurin glorificaptinmi#13.32 Tayta Diosta Runapa Tsurin glorificaptinmi ninqanqa Tayta Dios munanqannö wanuptïmi ninanmi. Runapa Tsurintapis Tayta Dios glorificanqa. Manaräpis aykätam tsaynö glorificanqa.
33<<Kuyay wamräkuna, qamkunapita aywakunäpänam kaykä. Israel autoridäkunata ninqänöllam qamkunatapis nï: Ashimarpis noqa aywanqä kaqman manam aywayta puëdiyankitsu.#Juan 7.34.
34<<Qamkunata kuyanqänö jukniki juknikipis kuyanakuyanki. Kay ninqäkunaqa mushuq mandamientum.#Juan 15.12, 17; 1Juan 3.23; 2Juan 5. 35Tsaynö kuyanakuyaptikim pïmaypis musyayanqa discïpulükuna kayanqaykita>>.
Pedro ñëgananpä kanqanta Jesús ninqan
Mateo 26.31-35; Marcos 14.27-31; Lucas 22.31-34
36Simón Pedrunam tapurqan: <<Taytay, ¿maypatä aywanki?>>
Jesúsnam nirqan: <<Noqa aywanqä kaqman manam aywayankirätsu. Tsaypitarämi aywayanki>>.
37Pedrunam nirqan: <<Taytay, ¿imanirtä qamwan kanan aywämantsu? Qam raykurmi wanushäpis>>.
38Tsaymi Jesús nirqan: <<¿Rasunpaku noqa raykur wanunaykipä listu kaykanki? Rasunpam nï: Gällu manarä cantaptinmi kimsa kuti ñëgamanki>>.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.