Juan 16
16
1<<Noqaman imaypis criyikayämunaykipämi llapan kaykunata nï. 2Sinagögapitapis qarquyäshunkim. Tayta Dios munanqanta rurayanqanta yarparmi wanutsiyäshunki. 3Tsaynö rurayäshunki noqata mana reqimar ni Papänïtapis mana reqirmi. 4Qamkunatam nï ninqänö päsayäshuptiki llapanpis cumplinqanta tantiyakuyänaykipä. Ñöpataqa manam willarqärätsu tsaynö päsayäshunaykipä kanqanta. Peru aywakunäpäna karnam willä.
Espíritu Santu shamunanpä Jesús ninqan
5<<Kananqa mandamaqnï kaqman kutikunäpänam kaykä. Tsaynö kaptinpis maypa aywanäpä kanqanta manam mayqaykipis tapuyämankitsu. 6Tapuyämänaykipa rantinmi tsaykunata ninqäpita llakishqa kaykäyanki. 7Rasunpam nï: Qamkunapäqa mas allim noqa aywakuptï. Mana aywakuptïqa Yanapakuq Espíritu Santu#Juan 14.16; 15.26. manam shamunqatsu. Peru aywakurmi sïqa payta mandamushä.
8<<Espíritu Santu shamurnam runakunata tantiyatsinqa jutsayuq kayanqanta, Tayta Dios munanqannö kawayänanpä kanqanta y juzgashqa kayänanpä kanqanta. 9Noqaman mana criyiyaptinmi jutsayuq kayanqanta tantiyatsinqa. 10Papänï kaqman kutikuptïmi Tayta Dios munanqannö kawayänanpä kanqanta tantiyatsinqa. Kutikuptï mananam rikayämankinatsu. 11Kay patsapa mandaqnin#16.11 Kay patsapa mandaqninpä parlarqa Satanáspämi Jesús parlarqan. vincishqana kaptinmi juzgashqa kayänanpä kanqanta tantiyatsinqa.
12<<Atskarämi qamkunata yachatsinäpä kaykan. Llapanta yachatsiptïqa manam tantiyayämankitsu. 13Peru rasun kaqta tantiyatsikuq Espíritu Santu shamurmi sïqa Diospa willakuyninta llapanta tantiyatsiyäshunki. Payqa manam kikinpa yarpayllanpitatsu tantiyatsiyäshunki, sinöqa ninqäkunallatam. Tsaynöllam ima päsananpä kaqkunatapis tantiyatsiyäshunki. 14Noqa ninqäkunata tantiyatsiyäshunki noqata alabayämänaykipä. 15Papänï ninqankunaqa noqa ninqäkunam kayan. Tsaymi Espíritu Santu ninqäkunata tantiyatsiyäshunaykipä nirqü.
Llakikuyanqanpita kushikuyänanpä Jesús ninqan
16<<Manana rikayämänaykipä pöcullanam faltan. Tsaypita pöcullatanam yapay rikayämanki>>.
17Tsaynö niptinmi discïpulunkuna juknin jukninpis niyarqan: <<Tsaynö ¿imatarä nimantsik? ¿Imanirrä: <Manana rikayämänaykipämi pöcullana faltan> nimantsik? ¿Imanirrä: <Tsaypita pöcullatanam yapay rikayämanki> nimantsik? Tsaynölla ¿imanirrä nimantsik Papänin kaqman aywakunanpä kanqanta? 18<Pöcullanam faltan> ninqanqa ¿ima ninantä? Manam imapita parlanqantapis tantiyantsiktsu>>.
19Discïpulunkuna tapuyta munayanqanta musyarmi Jesús nirqan: <<¿<Manana rikayämänaykipä pöcullanam faltan> y <tsaypita pöcullanam yapay rikayämanki> ninqäpitaku yarpachakuykäyanki? 20Rasunpam nï: Aywakuptïmi Diosta mana cäsuq runakuna kushikuyanqa. Peru qamkunam sïqa llakikur waqayanki. Tsaynö llakikur tsaypitarämi kushikuyanki. 21Warmikuna qeshyakuyänanpä nanaywan waqarpis qeshyakuskirqa kushikurninmi ñakayanqanta yarpäyannatsu. 22Tsaynöllam qamkuna kanan llakikurpis yapay tinkushqa kushikuyanki. Tsay kushikuytaqa manam pipis qechushunkitsu. 23Yapay tinkushqaqa mananam imatapis tapuyämankinatsu.
<<Rasunpam nï: Noqapa jutïchö imatapis mañakuyanqaykitam Papänï qarayäshunki. 24Noqapa jutïchö manam Papänïta imatapis mañakuyankirätsu. Kananpitaqa jutïchö mañakuyay. Mañakurqa chaskiyankim. Tsaynöpam pasaypa kushikuyanki.#Mat. 7.7-11; Stg. 1.5-6.
25<<Kananyaqmi iwalatsikuypa qamkunata yachatsirqü. Peru tsaypitam sïqa mana iwalatsikuypana Tayta Diospa willakuyninta yachatsishayki. 26Tsay witsan manam noqanatsu qamkunapä Papänïta mañakushä, sinöqa kikikikunam jutïchö mañakuyanki. 27Tsaynö mañakuyanki Papänï kuyayäshuptikim. Paymi kuyayäshunki paypita shamunqäta criyir kuyayämaptiki. 28Papänï kaqpita kay patsaman shamushqa karmi Papänï kaqman kutikushä>>.
29Tsaynö niptinmi discïpulunkuna niyarqan: <<¡Kananmi sïqa niyämanqaykita tantiyayä! ¡Mana iwalatsikuypanam parlapaykäyämanki! 30Kananqa musyayämi llapanta musyanqaykita. Tsaymi yachaq kanqaykita pipis tapushunkinatsu. Kananmi sïqa Tayta Dios kaqpita shamunqaykita criyiyä>>.
31Jesúsnam nirqan: <<¿Kananqa criyiyankiku? 32Pöcu tiempullatanam japalläta jaqiskamar wakpa kaypa aywakuyanki. Tsaynö aywakuyaptikipis manam japallätsu kashä, sinöqa Papänïmi noqawan kaykanqa.
33<<Llapan kaykunatam willarqü noqaman criyir alli kawayänaykipä. Kay patsachö kawayanqaykiyaqqa ñakayankirämi. Peru tsaynö kaptinpis valorta tsariyay. Noqam kay patsachö llapan mana allikunata vincirqü>>.#Rom. 8.37; 2Cor. 2.14; 1Juan 5.4-5; Apoc. 3.21; 5.5.
Currently Selected:
Juan 16: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Juan 16
16
1<<Noqaman imaypis criyikayämunaykipämi llapan kaykunata nï. 2Sinagögapitapis qarquyäshunkim. Tayta Dios munanqanta rurayanqanta yarparmi wanutsiyäshunki. 3Tsaynö rurayäshunki noqata mana reqimar ni Papänïtapis mana reqirmi. 4Qamkunatam nï ninqänö päsayäshuptiki llapanpis cumplinqanta tantiyakuyänaykipä. Ñöpataqa manam willarqärätsu tsaynö päsayäshunaykipä kanqanta. Peru aywakunäpäna karnam willä.
Espíritu Santu shamunanpä Jesús ninqan
5<<Kananqa mandamaqnï kaqman kutikunäpänam kaykä. Tsaynö kaptinpis maypa aywanäpä kanqanta manam mayqaykipis tapuyämankitsu. 6Tapuyämänaykipa rantinmi tsaykunata ninqäpita llakishqa kaykäyanki. 7Rasunpam nï: Qamkunapäqa mas allim noqa aywakuptï. Mana aywakuptïqa Yanapakuq Espíritu Santu#Juan 14.16; 15.26. manam shamunqatsu. Peru aywakurmi sïqa payta mandamushä.
8<<Espíritu Santu shamurnam runakunata tantiyatsinqa jutsayuq kayanqanta, Tayta Dios munanqannö kawayänanpä kanqanta y juzgashqa kayänanpä kanqanta. 9Noqaman mana criyiyaptinmi jutsayuq kayanqanta tantiyatsinqa. 10Papänï kaqman kutikuptïmi Tayta Dios munanqannö kawayänanpä kanqanta tantiyatsinqa. Kutikuptï mananam rikayämankinatsu. 11Kay patsapa mandaqnin#16.11 Kay patsapa mandaqninpä parlarqa Satanáspämi Jesús parlarqan. vincishqana kaptinmi juzgashqa kayänanpä kanqanta tantiyatsinqa.
12<<Atskarämi qamkunata yachatsinäpä kaykan. Llapanta yachatsiptïqa manam tantiyayämankitsu. 13Peru rasun kaqta tantiyatsikuq Espíritu Santu shamurmi sïqa Diospa willakuyninta llapanta tantiyatsiyäshunki. Payqa manam kikinpa yarpayllanpitatsu tantiyatsiyäshunki, sinöqa ninqäkunallatam. Tsaynöllam ima päsananpä kaqkunatapis tantiyatsiyäshunki. 14Noqa ninqäkunata tantiyatsiyäshunki noqata alabayämänaykipä. 15Papänï ninqankunaqa noqa ninqäkunam kayan. Tsaymi Espíritu Santu ninqäkunata tantiyatsiyäshunaykipä nirqü.
Llakikuyanqanpita kushikuyänanpä Jesús ninqan
16<<Manana rikayämänaykipä pöcullanam faltan. Tsaypita pöcullatanam yapay rikayämanki>>.
17Tsaynö niptinmi discïpulunkuna juknin jukninpis niyarqan: <<Tsaynö ¿imatarä nimantsik? ¿Imanirrä: <Manana rikayämänaykipämi pöcullana faltan> nimantsik? ¿Imanirrä: <Tsaypita pöcullatanam yapay rikayämanki> nimantsik? Tsaynölla ¿imanirrä nimantsik Papänin kaqman aywakunanpä kanqanta? 18<Pöcullanam faltan> ninqanqa ¿ima ninantä? Manam imapita parlanqantapis tantiyantsiktsu>>.
19Discïpulunkuna tapuyta munayanqanta musyarmi Jesús nirqan: <<¿<Manana rikayämänaykipä pöcullanam faltan> y <tsaypita pöcullanam yapay rikayämanki> ninqäpitaku yarpachakuykäyanki? 20Rasunpam nï: Aywakuptïmi Diosta mana cäsuq runakuna kushikuyanqa. Peru qamkunam sïqa llakikur waqayanki. Tsaynö llakikur tsaypitarämi kushikuyanki. 21Warmikuna qeshyakuyänanpä nanaywan waqarpis qeshyakuskirqa kushikurninmi ñakayanqanta yarpäyannatsu. 22Tsaynöllam qamkuna kanan llakikurpis yapay tinkushqa kushikuyanki. Tsay kushikuytaqa manam pipis qechushunkitsu. 23Yapay tinkushqaqa mananam imatapis tapuyämankinatsu.
<<Rasunpam nï: Noqapa jutïchö imatapis mañakuyanqaykitam Papänï qarayäshunki. 24Noqapa jutïchö manam Papänïta imatapis mañakuyankirätsu. Kananpitaqa jutïchö mañakuyay. Mañakurqa chaskiyankim. Tsaynöpam pasaypa kushikuyanki.#Mat. 7.7-11; Stg. 1.5-6.
25<<Kananyaqmi iwalatsikuypa qamkunata yachatsirqü. Peru tsaypitam sïqa mana iwalatsikuypana Tayta Diospa willakuyninta yachatsishayki. 26Tsay witsan manam noqanatsu qamkunapä Papänïta mañakushä, sinöqa kikikikunam jutïchö mañakuyanki. 27Tsaynö mañakuyanki Papänï kuyayäshuptikim. Paymi kuyayäshunki paypita shamunqäta criyir kuyayämaptiki. 28Papänï kaqpita kay patsaman shamushqa karmi Papänï kaqman kutikushä>>.
29Tsaynö niptinmi discïpulunkuna niyarqan: <<¡Kananmi sïqa niyämanqaykita tantiyayä! ¡Mana iwalatsikuypanam parlapaykäyämanki! 30Kananqa musyayämi llapanta musyanqaykita. Tsaymi yachaq kanqaykita pipis tapushunkinatsu. Kananmi sïqa Tayta Dios kaqpita shamunqaykita criyiyä>>.
31Jesúsnam nirqan: <<¿Kananqa criyiyankiku? 32Pöcu tiempullatanam japalläta jaqiskamar wakpa kaypa aywakuyanki. Tsaynö aywakuyaptikipis manam japallätsu kashä, sinöqa Papänïmi noqawan kaykanqa.
33<<Llapan kaykunatam willarqü noqaman criyir alli kawayänaykipä. Kay patsachö kawayanqaykiyaqqa ñakayankirämi. Peru tsaynö kaptinpis valorta tsariyay. Noqam kay patsachö llapan mana allikunata vincirqü>>.#Rom. 8.37; 2Cor. 2.14; 1Juan 5.4-5; Apoc. 3.21; 5.5.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.