Luka 17
17
Sikhunguvanyiso
(Matewu 18:6-7,21-22; Marko 9:42)
1Jesu a di embela vapizane vaye, khuye: “Sikhunguvanyiso kha si vhikedwi, aholu libango khya wule a si girago. 2Gudiri tshukwana a hungwe thamoni giwindri nya gikhongolo nya gitshindro, a rinywe nondrwani, guvbindra gu khunguvanyisa gimwegyo basi nya sanana sesi. 3Dzi woneleni! Wa gu hosedwa khu ndriyago, mu kawuke. A gu dzi sodzisa, mu tsetselele. 4A gu gu hosela livbandre na dzimbili dzinyondro khu litshigu, a gu tela livbandre na dzimbili dzinyondro ata, khuye: ‘Nyi ngu dzi laya’, u na mu tsetselela.”
5Vapostoli va di mu embela, khavo: “Pfhumu, engedzela gukhodwa gwathu.” 6Pfhumu a di va hakha, khuye: “Nari pwani mu na ni gukhodwa gu fananago ni thanga nya ginapi, mu di hadza gu embela riva yoyu, khenu: ‘Kunuga avba uya dzi tsitsa phwani,’ uwo riva wu na mi yingisani.
7“Khu mani, vbakari gwanu, a dzi kodzago gu embela githumi gyaye gya gu wuya khu gundze mwendro khiyo nya guhavise sifuyo, khuye: ‘Delu khu guvbiredza u ta khala u hodza?’ 8Ina khandri a gu ganela gukhuye: ‘Nyi dongisele guhodza, u nyi ladzela lidahu gasi nyi hodze, uwe u na hodza gwadi, gani?’ 9Ina uye a na ni fanelo nya gubonge githumi khiso gi nga mu girelago, gani? 10Kharato nenu, mwa gu vbedza gu gira iso mu nga rumwago, indrani, khenu: ‘Hi sithumi nyamba phasa gilo, hi di landrisa giguruvedzo gyathu basi.’ ”
Guhawulugiswa nya likhumi vadwali nya sokono
11Na gu hongola Jerusalema, Jesu a di vbindra khu vbinganoni nya litigo la Samariya ni Galileya. 12Na bede talalani nya gukari, a di tedwa khu likhumi vadwali nya sokono, va nga emago khu hwindzo, 13va khusedza lito, khavo: “Jesu, Muhevbudzi, hi pwele wuhindzi!” 14Na va wone, a di va embela, khuye: “Indrani muya dzi yeyedza ga vaphasi nya mhamba.” Na va gu hongola, va di agiswa vatshavbo. 15Moyo wawe, na dzi wone na agisidwe, a di bwelela, na gu rungudza Nungungulu khu lito nya gupwadze. 16A dita dzi thesa khu khovbe migondroni ga Jesu, a mu bonga. Uye a diri Musamariya. 17Jesu a di khusa lito a wudzisa, khuye: “Gasi khandri va diri likhumi va nga agiswago, gani? Ahati vale vambe nya livbandre na vana vomo hayi? 18Mwalo mumbe a nga wuyago gasi guta bonga Nungungulu vbavbandze ga muthu yoyu nya limbe lifumbu, gani?” 19A di mu embela, khuye: “Khuga u hongola. Gukhodwa gwago gu gu vbanyiside.”
Mufumo wa Nungungulu wu vbohide
(Matewu 24:23-28,37-41)
20Na wudzisidwe khu Vafarisi, pwani: “Lini wu na vbohago Mufumo wa Nungungulu?” A di va hakha, khuye: “Mufumo wa Nungungulu kha wu dzi yeyedzi wa gu bani wu guta. 21Mwalo a na dzi kodzago, gukhuye: ‘Kha mu wu woni owu!’ Mwendro, khuye: ‘Kha mu wu woni wule!’ Kholu Mufumo wa Nungungulu womo ndrani gwanu.”
22Khavbo avbo, a di embela vapizane vaye, khuye: “Gi na vboha gikhati mu no vbwetago gu wona limwedo basi nya matshigu la Mwamana wa Muthu, gambe kha mu na li wona. 23Va na mi embelani, khavo: ‘Kha mu li woni lile!’ Mwendro gukhavo: ‘Kha mu li woni eli.’ Mu nga yini, gambe mu nga va landri. 24Kholu, kha nga gulasa nya ndzadzi, gu wenengedzago damboni gwatshavbo, gukhugela mahegiso kala mahegiso; kharato a na gira nuye Mwamana wa Muthu gikhati li na vbohago litshigu laye. 25Aholu emedwe khu gu phela khu gu saniseka ngudzu ni gu nyenywa khu melana yoyu. 26Kha nga idzo gu nga giregago khidzo matshiguni ya Nowa, kharato nugo gu na girega matshiguni ya Mwamana wa Muthu: 27Va di gu hodza ni gu sela; vama va di gu dzega, vanyamayi va di gu dzegwa, kala litshigu Nowa a nga belago taroni, gu manega talo, wu nga mbembisa vatshavbo. 28Gu na fanana niso si nga giregago matshiguni ya Loti: Va di gu hodza ni gu sela, va di gu renga ni gu rengisa, va di gu yala ni guvbaha. 29Aholu litshigu Loti a nga khugago khu Sodhoma, gu di thega nilo khu Ndzadzini, wu ngata mbembisago vatshavbo. 30Gu na girega kharato litshigu Mwamana wa Muthu a na dzi wonegisago.
31“Litshigu lolo, uye a na gu bani a romo vbatshani nya nyumba a nga tshigi gasi guta dzega sombo nyumbani, ni uye a na gu bani a romo thembweni a nga wuyi gaya. 32Mu ngu mu dundruga ngadza Loti. 33Uye a vbwetago gu vbanyisa womi waye a na wu luza; gasi uye a wu luzago a na wu vbanyisa. 34Nyi ngu mi embelani, kheni: Wutshigu wowo va na bani varomo vathu vavili vbadawutunu: A na dzegwa moyo a tshidwa mumbe. 35Vanyamayi vavili va na bani va gu tshindra. A na dzegwa moyo a tshidwa mumbe. 36[Vathu vavili va na bani va romo thembweni. A na dzegwa moyo a tshidwa mumbe.”] 37Vapizane va di khusa lito, va mu wudzisa, khavo: “Hayini si na giregago esi, Pfhumu?” Uye a di va hakha, khuye: “Avbo gi na bani gi romo girumbi khavbo avbo makoti ma na hengeledzanago.”
Currently Selected:
Luka 17: BGG2014
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Luka 17
17
Sikhunguvanyiso
(Matewu 18:6-7,21-22; Marko 9:42)
1Jesu a di embela vapizane vaye, khuye: “Sikhunguvanyiso kha si vhikedwi, aholu libango khya wule a si girago. 2Gudiri tshukwana a hungwe thamoni giwindri nya gikhongolo nya gitshindro, a rinywe nondrwani, guvbindra gu khunguvanyisa gimwegyo basi nya sanana sesi. 3Dzi woneleni! Wa gu hosedwa khu ndriyago, mu kawuke. A gu dzi sodzisa, mu tsetselele. 4A gu gu hosela livbandre na dzimbili dzinyondro khu litshigu, a gu tela livbandre na dzimbili dzinyondro ata, khuye: ‘Nyi ngu dzi laya’, u na mu tsetselela.”
5Vapostoli va di mu embela, khavo: “Pfhumu, engedzela gukhodwa gwathu.” 6Pfhumu a di va hakha, khuye: “Nari pwani mu na ni gukhodwa gu fananago ni thanga nya ginapi, mu di hadza gu embela riva yoyu, khenu: ‘Kunuga avba uya dzi tsitsa phwani,’ uwo riva wu na mi yingisani.
7“Khu mani, vbakari gwanu, a dzi kodzago gu embela githumi gyaye gya gu wuya khu gundze mwendro khiyo nya guhavise sifuyo, khuye: ‘Delu khu guvbiredza u ta khala u hodza?’ 8Ina khandri a gu ganela gukhuye: ‘Nyi dongisele guhodza, u nyi ladzela lidahu gasi nyi hodze, uwe u na hodza gwadi, gani?’ 9Ina uye a na ni fanelo nya gubonge githumi khiso gi nga mu girelago, gani? 10Kharato nenu, mwa gu vbedza gu gira iso mu nga rumwago, indrani, khenu: ‘Hi sithumi nyamba phasa gilo, hi di landrisa giguruvedzo gyathu basi.’ ”
Guhawulugiswa nya likhumi vadwali nya sokono
11Na gu hongola Jerusalema, Jesu a di vbindra khu vbinganoni nya litigo la Samariya ni Galileya. 12Na bede talalani nya gukari, a di tedwa khu likhumi vadwali nya sokono, va nga emago khu hwindzo, 13va khusedza lito, khavo: “Jesu, Muhevbudzi, hi pwele wuhindzi!” 14Na va wone, a di va embela, khuye: “Indrani muya dzi yeyedza ga vaphasi nya mhamba.” Na va gu hongola, va di agiswa vatshavbo. 15Moyo wawe, na dzi wone na agisidwe, a di bwelela, na gu rungudza Nungungulu khu lito nya gupwadze. 16A dita dzi thesa khu khovbe migondroni ga Jesu, a mu bonga. Uye a diri Musamariya. 17Jesu a di khusa lito a wudzisa, khuye: “Gasi khandri va diri likhumi va nga agiswago, gani? Ahati vale vambe nya livbandre na vana vomo hayi? 18Mwalo mumbe a nga wuyago gasi guta bonga Nungungulu vbavbandze ga muthu yoyu nya limbe lifumbu, gani?” 19A di mu embela, khuye: “Khuga u hongola. Gukhodwa gwago gu gu vbanyiside.”
Mufumo wa Nungungulu wu vbohide
(Matewu 24:23-28,37-41)
20Na wudzisidwe khu Vafarisi, pwani: “Lini wu na vbohago Mufumo wa Nungungulu?” A di va hakha, khuye: “Mufumo wa Nungungulu kha wu dzi yeyedzi wa gu bani wu guta. 21Mwalo a na dzi kodzago, gukhuye: ‘Kha mu wu woni owu!’ Mwendro, khuye: ‘Kha mu wu woni wule!’ Kholu Mufumo wa Nungungulu womo ndrani gwanu.”
22Khavbo avbo, a di embela vapizane vaye, khuye: “Gi na vboha gikhati mu no vbwetago gu wona limwedo basi nya matshigu la Mwamana wa Muthu, gambe kha mu na li wona. 23Va na mi embelani, khavo: ‘Kha mu li woni lile!’ Mwendro gukhavo: ‘Kha mu li woni eli.’ Mu nga yini, gambe mu nga va landri. 24Kholu, kha nga gulasa nya ndzadzi, gu wenengedzago damboni gwatshavbo, gukhugela mahegiso kala mahegiso; kharato a na gira nuye Mwamana wa Muthu gikhati li na vbohago litshigu laye. 25Aholu emedwe khu gu phela khu gu saniseka ngudzu ni gu nyenywa khu melana yoyu. 26Kha nga idzo gu nga giregago khidzo matshiguni ya Nowa, kharato nugo gu na girega matshiguni ya Mwamana wa Muthu: 27Va di gu hodza ni gu sela; vama va di gu dzega, vanyamayi va di gu dzegwa, kala litshigu Nowa a nga belago taroni, gu manega talo, wu nga mbembisa vatshavbo. 28Gu na fanana niso si nga giregago matshiguni ya Loti: Va di gu hodza ni gu sela, va di gu renga ni gu rengisa, va di gu yala ni guvbaha. 29Aholu litshigu Loti a nga khugago khu Sodhoma, gu di thega nilo khu Ndzadzini, wu ngata mbembisago vatshavbo. 30Gu na girega kharato litshigu Mwamana wa Muthu a na dzi wonegisago.
31“Litshigu lolo, uye a na gu bani a romo vbatshani nya nyumba a nga tshigi gasi guta dzega sombo nyumbani, ni uye a na gu bani a romo thembweni a nga wuyi gaya. 32Mu ngu mu dundruga ngadza Loti. 33Uye a vbwetago gu vbanyisa womi waye a na wu luza; gasi uye a wu luzago a na wu vbanyisa. 34Nyi ngu mi embelani, kheni: Wutshigu wowo va na bani varomo vathu vavili vbadawutunu: A na dzegwa moyo a tshidwa mumbe. 35Vanyamayi vavili va na bani va gu tshindra. A na dzegwa moyo a tshidwa mumbe. 36[Vathu vavili va na bani va romo thembweni. A na dzegwa moyo a tshidwa mumbe.”] 37Vapizane va di khusa lito, va mu wudzisa, khavo: “Hayini si na giregago esi, Pfhumu?” Uye a di va hakha, khuye: “Avbo gi na bani gi romo girumbi khavbo avbo makoti ma na hengeledzanago.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.