Genesi 33
33
Jakobe a ngu manana ni Esawu
1Gikhati Jakobe a nga khusa maho, a wona Esawu na gu mu khinga gumogo ni mazana mana vama, a di kabanisa sanana a ninga Liya, Rakeli ni sithumi saye sivili nya vanyamayi. 2A di thangisa mbeli sithumi ni sanana sawe, gulandrela Liya ni sanana saye, Rakeli ni mwanaye Josefe, va di hegisela. 3Jakobe a di va thangela mbeli, a gu noga livbandre na dzimbili dzinyondro vbafuvbi ga ndriyaye.
4Khavbo avbo, Esawu a di tutuma a mu khingamedza aya mu phara a mu wugarela, a mu bhejari, va lila khu wuvili wawe. 5Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?”
Jakobe a di phindrula, khuye: “Sanana esi Nungungulu a nyi ningidego eni githumi gyago.”
6Sithumi nya vanyamayi, si di hidzimela gumogo ni sanana sawe va ta khidzima. 7Gu di handzamedza Liya a hidzimela nuye ni sanana saye vata khidzima, khu gu hegisa a di hidzimela Rakeli ni mwanaye Josefe vata khidzima.
8Esawu a di engedza, khuye: “Wa gu vbweta gukhuwe ginani khu mitsawa yatshavbo yile nyi nga yi manago na yi gu rumedwa khu uwe?”
Jakobe a di hakha, khuye: “Khya gufela gu nyi mana wuhindzi gwago uwe pfhumu yangu u nyi hakha gwadi.”
9Aholu, Esawu a di khuye: “Eni nyi naso nya guenele ni guvbindra, ndriyangu, khala ni iso si gu lumbago.”
10Aholu Jakobe a di hakha, khuye: “Ahihi! Olu nya gu bani nyi manide wuhigo mbeli gwago, hakha ningelo wa mandzani gwangu, kholu nyi wonide khovbeni gwago gukhwatshi khovbe ya Nungungulu; gu diga nya isoso, u nyi hakhide gwadi khu matsenya. 11Khu guralo, nyi ngu gu lomba, dzumela gu hakha ningelo va gu reselago khu lina langu, kholu Nungungulu a nyi girede wuhindzi; nyi na ni silo nya guenele.” Khu magirelo yoyo, Jakobe a di mu khongotela gu kala Esawu a dzumela gu hakha.
Guhambana ndzila
12Khavbo avbo, Esawu a di khuye: “Hongole hi bele ndzilani, eni nyi na longoloka gumogo nanu nyi mi bangaladza.”
13Jakobe a di hakha, khuye: “Uwe pfhumu yangu u ngu dziti gwadi gukhuwe sanana si si gu tiyeli gwadi ni gu avba nyi na ni dzinvuta ni dzimombe dzi nga gu mamago, satshavbo sa gu lumba gu sayiswa khu eni. Ha gu si gimbidzisa khu tshivba, ambari nari litshigu limwedo basi, sifuyo nya si dugwana si nafa. 14Uwe mune wangu, nyi ngu gu lomba u bani u thanga mbeli. Eni githumi gyago nyi na landra khu hwane, na nyi gu ghula sifuyo nyi gimbila khu vbadugwana ni vbadugwana, pfhuka wu kodzwago khu sifuyo ni sanana sesi nyi gu naso, kala nyi ta patana nago uwe mune wangu, tigoni ga Seyiri.”
15Khavbo avbo, Esawu a di ganela, khuye: “A gu bani nari kharato, nyi na ruma gutshala vambe vama nya ava nyi gu navo.” Jakobe a di hakha, khuye: “U nga dzi garadzi mune wangu! Eni nya gu bonga ngudzu nyi manidego wuhigo mahoni gwago, u nyi hakha gwadi!”
16Khu guralo, litshigu lolo furi, Esawu a di bela ndzilani a gu bwelela tigoni ga Seyiri. 17Aholu Jakobe a di dzega ndzila nya guhongole Sukoti, a diya vbaha iyo nyumba yaye ni sibala nya mitshambi, khu magirelo yoyo, wulanga wule wu tidwago gupwani Sukoti.#33:17 Sukoti khu gupwani: Sibala.
Jakobe a ngu vboha Sikemi a gu emisa giluvelo
18Avbo Jakobe a nga wuyago khu Padhani-Arani, a di vboha gwadi khu gurula dhoropani ga Sikemi, tigoni ga Khanani, aya vbaha tshatsha waye vbafuvbi ni lidhoropa lile. 19#Wona gambe: Jos 24:32; Job 4:5. Jakobe a di dusa dzitsapawu nya tengo nya lizana sikwangwangwa nya parata a ninga sanana sa Hamori, babe wa Sikemi, a gu renga gipandre umo a nga bani a vbahide umo. 20A di emisa giluvelo wulanga wule, a gi rana khu lina nya gukhuye “Eli, Nungungulu wa Israyeli.”
Currently Selected:
Genesi 33: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Genesi 33
33
Jakobe a ngu manana ni Esawu
1Gikhati Jakobe a nga khusa maho, a wona Esawu na gu mu khinga gumogo ni mazana mana vama, a di kabanisa sanana a ninga Liya, Rakeli ni sithumi saye sivili nya vanyamayi. 2A di thangisa mbeli sithumi ni sanana sawe, gulandrela Liya ni sanana saye, Rakeli ni mwanaye Josefe, va di hegisela. 3Jakobe a di va thangela mbeli, a gu noga livbandre na dzimbili dzinyondro vbafuvbi ga ndriyaye.
4Khavbo avbo, Esawu a di tutuma a mu khingamedza aya mu phara a mu wugarela, a mu bhejari, va lila khu wuvili wawe. 5Khu hwane Esawu a di khusa maho a gu wona vanyamayi ni sanana, a wudzisa, khuye: “Va mani vago ava?”
Jakobe a di phindrula, khuye: “Sanana esi Nungungulu a nyi ningidego eni githumi gyago.”
6Sithumi nya vanyamayi, si di hidzimela gumogo ni sanana sawe va ta khidzima. 7Gu di handzamedza Liya a hidzimela nuye ni sanana saye vata khidzima, khu gu hegisa a di hidzimela Rakeli ni mwanaye Josefe vata khidzima.
8Esawu a di engedza, khuye: “Wa gu vbweta gukhuwe ginani khu mitsawa yatshavbo yile nyi nga yi manago na yi gu rumedwa khu uwe?”
Jakobe a di hakha, khuye: “Khya gufela gu nyi mana wuhindzi gwago uwe pfhumu yangu u nyi hakha gwadi.”
9Aholu, Esawu a di khuye: “Eni nyi naso nya guenele ni guvbindra, ndriyangu, khala ni iso si gu lumbago.”
10Aholu Jakobe a di hakha, khuye: “Ahihi! Olu nya gu bani nyi manide wuhigo mbeli gwago, hakha ningelo wa mandzani gwangu, kholu nyi wonide khovbeni gwago gukhwatshi khovbe ya Nungungulu; gu diga nya isoso, u nyi hakhide gwadi khu matsenya. 11Khu guralo, nyi ngu gu lomba, dzumela gu hakha ningelo va gu reselago khu lina langu, kholu Nungungulu a nyi girede wuhindzi; nyi na ni silo nya guenele.” Khu magirelo yoyo, Jakobe a di mu khongotela gu kala Esawu a dzumela gu hakha.
Guhambana ndzila
12Khavbo avbo, Esawu a di khuye: “Hongole hi bele ndzilani, eni nyi na longoloka gumogo nanu nyi mi bangaladza.”
13Jakobe a di hakha, khuye: “Uwe pfhumu yangu u ngu dziti gwadi gukhuwe sanana si si gu tiyeli gwadi ni gu avba nyi na ni dzinvuta ni dzimombe dzi nga gu mamago, satshavbo sa gu lumba gu sayiswa khu eni. Ha gu si gimbidzisa khu tshivba, ambari nari litshigu limwedo basi, sifuyo nya si dugwana si nafa. 14Uwe mune wangu, nyi ngu gu lomba u bani u thanga mbeli. Eni githumi gyago nyi na landra khu hwane, na nyi gu ghula sifuyo nyi gimbila khu vbadugwana ni vbadugwana, pfhuka wu kodzwago khu sifuyo ni sanana sesi nyi gu naso, kala nyi ta patana nago uwe mune wangu, tigoni ga Seyiri.”
15Khavbo avbo, Esawu a di ganela, khuye: “A gu bani nari kharato, nyi na ruma gutshala vambe vama nya ava nyi gu navo.” Jakobe a di hakha, khuye: “U nga dzi garadzi mune wangu! Eni nya gu bonga ngudzu nyi manidego wuhigo mahoni gwago, u nyi hakha gwadi!”
16Khu guralo, litshigu lolo furi, Esawu a di bela ndzilani a gu bwelela tigoni ga Seyiri. 17Aholu Jakobe a di dzega ndzila nya guhongole Sukoti, a diya vbaha iyo nyumba yaye ni sibala nya mitshambi, khu magirelo yoyo, wulanga wule wu tidwago gupwani Sukoti.#33:17 Sukoti khu gupwani: Sibala.
Jakobe a ngu vboha Sikemi a gu emisa giluvelo
18Avbo Jakobe a nga wuyago khu Padhani-Arani, a di vboha gwadi khu gurula dhoropani ga Sikemi, tigoni ga Khanani, aya vbaha tshatsha waye vbafuvbi ni lidhoropa lile. 19#Wona gambe: Jos 24:32; Job 4:5. Jakobe a di dusa dzitsapawu nya tengo nya lizana sikwangwangwa nya parata a ninga sanana sa Hamori, babe wa Sikemi, a gu renga gipandre umo a nga bani a vbahide umo. 20A di emisa giluvelo wulanga wule, a gi rana khu lina nya gukhuye “Eli, Nungungulu wa Israyeli.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.