Genesi 35
35
Jakobe a ngu wuya Bheteli
(Genesi 28:10-22)
1 # Wona gambe: Gen 28:11-17. Pfhumu Nungungulu a di embela Jakobe, khuye: “Khuga u gwela Bheteli, indra uya khala iyo. U naya vbaha iyo giluvelo gya Nungungulu a nga dzi wonegisago gwago gikhati u nga bani u gu tutuma khu guthava ndriyago Esawu.”
2Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala. 3Hongoleni hi khuge hi gwela Bheteli, nyi naya vbaha iyo giluvelo gya Nungungulu a nyi hakhidego litshigu nyi nga bani nyiri wuvini nya gutshaniseke gwangu, a nga nyi hetedzago dzindzilani gwatshavbo nyi gimbidego.” 4Khavbo avbo, va di ningela ga Jakobe vanungungulu vatshavbo nya valombo va nga bani vari navo ni dziphera va nga bani va ambade dzindzeveni. Jakobe a si kembela tshinani nya simbo wu nga bani na wu romo Sikemi. 5Na va khugide, Nungungulu a di thela hwanga ni githawo ga vathu va madhoropani ya vbafuvbyana mule, mwalo ni moyo a nga dugago a gu tutumisa sanana sa Jakobe.
6Khu guralo, Jakobe a di vboha gumogo ni vathu vatshavbo avo a ngatago navo dhoropani gu ranwago pwani Wenengedzo, mwendro gupwani Bheteli, tigoni ga Vakhanani. 7A di vbaha vbale giluvelo, a rana wulanga wule khuye Eli-Bheteli, kholu khavbo Pfhumu Nungungulu a dzi wonegisidego gwaye, gikhati a nga bani na gututuma khu gu thava ndriyaye. 8Gikhati gyogyo, a difa Dhebhora, githumi gya Rebheka, va mu dzinga releloni ga Bheteli, mutsani nya nguhu, wu ranwago gupwani Nguhu nya Gililo.
Nungungulu a ngu dzi wonegisa ga Jakobe
9Nungungulu a di dzi wonegisa gambe ga Jakobe, hwane nya gu na wide khu Padhani-Arani, a gu mu kategisa.
10A ganela, khuye: “Uwe khuwe Jakobe,
aholu, gukhugela olu,
lina lago u na ranwa pwani khuwe
Israyeli.
Nungungulu a di mu riya kharati
lina la Israyeli.
11A di engedza gambe a mu embela, khuye:
Eni kheni Nungungulu nya
Tshivba Yatshavbo; uwe u na andra u velegelana, khavbo gwago gu na velegwa dhudhudhu
nya mayigo ni vathu nya gutale
ngudzu;
12 # Wona gambe: Gen 17:4-8. Nyi na gu ninga litigo nyi ningidego
Abrahama ni Isaki;
nyi na ninga gambe sanana sago,
hwane gwago.”
13Khavbo avbo, Nungungulu a di gwela a si wonegi gambe mahoni gwaye, wulanga a nga ganelago nari avbo.
14Khavbo avbo, Jakobe a di vbaha vbale gialakanyiso a gu gira phaso, a guhula avbo mafura. 15#Wona gambe: Gen 28:18-19. Jakobe a di rana wulanga wule khuye Bheteli, wulanga Nungungulu a ganedego naye.
Guvelegwa ga Bhejami ni gufa ga Rakeli
16Va di khuga khu Bheteli, gu nga tshade pfhukanyana gasi gu vboha dhoropani ga Efrata, Rakeli a di hefemula gyanana khu gugaradzega ngudzu. 17Nari vbakari nya wuvi nya gulumwe, singalagadzi a di mu embela, khuye: “Tiya, kholu u ngu engedza gu velega gambe gyanana.” 18Gikhati gi dugidego gyanana, uye a di gu sala, a gi riya lina nya gukhuye khu Bhenoni#35:18 Ben-oni, Bhenoni, gu tshamusela pwani: “Gyanana nya wuvi wangu” ; aholu babe waye a di gi rana khuye Bhejami.#35:18 Bhejami, gu tshamusela gupwani gyanana gya nyamudye; gitumbiso nya makategwa, mwendro pwani: Vathu va Marandzi.
19 # Wona gambe: Jer 31:15. Rakeli a difa a gu dzingwa ndzilani nya guhongole Efrata, a gu Bhetlehema. 20Jakobe a di vega gialakanyiso vbathowotunu gwa Rakeli, gi nga romo kala na muhuno olu.
21Khu vbale, Jakobe a di khuga aya vbaha tshatsha waye khisikheyi ga Migidhali-Edheri 22Matshigu Israyeli a nga bani a gu vbanya tigoni mule, Rubheni a di bhaya ni Bhila, gibhayi gya babe waye, Israyeli a di mati mahungu yaya.
Sanana sa Israyeli a diri likhumi na sivili.
Livelego la Jakobe
(1 Dzikoronika 2:1-2)
23Sanana sa Liya, khesi: Rubheni, matiwula ya Jakobe, guhandzamedza Simiyoni, Levhi, Judha, Isakari ni Zebhuloni;
24sanana sa Rakeli, khesi: Josefa ni Bhejami; 25sanana sa Bhila, githumi gya Rakeli, khesi: Dhani ni Nafitali;
26sanana sa Zilipa, githumi gya Liya, khesi: Gadhi ni Aseri. Esi khu sanana sa Jakobe si velegidwego tigoni gwa Padhani-Arani.
Gufa ga Isaki
27 # Wona gambe: Gen 13:18. Jakobe a di vboha ga babe waye Isaki tigoni gwa Mambre ga Kiriyati-Aribha, a gu Hebroni, a gu iyo va luvedego iyo Abrahama ni Isaki. 28Matshigu nya guvbanye ga Isaki ma tshanganiside lizana ni livbandre na mararu magumi (180) myaga. 29Na ma vbede, a difa aya patana ni vababe vaye, na gumbide, na tade khu gunengela khu matshigu yaye. Sanana saye Esawu ni Jakobe va di mu dzinga.
Currently Selected:
Genesi 35: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
Genesi 35
35
Jakobe a ngu wuya Bheteli
(Genesi 28:10-22)
1 # Wona gambe: Gen 28:11-17. Pfhumu Nungungulu a di embela Jakobe, khuye: “Khuga u gwela Bheteli, indra uya khala iyo. U naya vbaha iyo giluvelo gya Nungungulu a nga dzi wonegisago gwago gikhati u nga bani u gu tutuma khu guthava ndriyago Esawu.”
2Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala. 3Hongoleni hi khuge hi gwela Bheteli, nyi naya vbaha iyo giluvelo gya Nungungulu a nyi hakhidego litshigu nyi nga bani nyiri wuvini nya gutshaniseke gwangu, a nga nyi hetedzago dzindzilani gwatshavbo nyi gimbidego.” 4Khavbo avbo, va di ningela ga Jakobe vanungungulu vatshavbo nya valombo va nga bani vari navo ni dziphera va nga bani va ambade dzindzeveni. Jakobe a si kembela tshinani nya simbo wu nga bani na wu romo Sikemi. 5Na va khugide, Nungungulu a di thela hwanga ni githawo ga vathu va madhoropani ya vbafuvbyana mule, mwalo ni moyo a nga dugago a gu tutumisa sanana sa Jakobe.
6Khu guralo, Jakobe a di vboha gumogo ni vathu vatshavbo avo a ngatago navo dhoropani gu ranwago pwani Wenengedzo, mwendro gupwani Bheteli, tigoni ga Vakhanani. 7A di vbaha vbale giluvelo, a rana wulanga wule khuye Eli-Bheteli, kholu khavbo Pfhumu Nungungulu a dzi wonegisidego gwaye, gikhati a nga bani na gututuma khu gu thava ndriyaye. 8Gikhati gyogyo, a difa Dhebhora, githumi gya Rebheka, va mu dzinga releloni ga Bheteli, mutsani nya nguhu, wu ranwago gupwani Nguhu nya Gililo.
Nungungulu a ngu dzi wonegisa ga Jakobe
9Nungungulu a di dzi wonegisa gambe ga Jakobe, hwane nya gu na wide khu Padhani-Arani, a gu mu kategisa.
10A ganela, khuye: “Uwe khuwe Jakobe,
aholu, gukhugela olu,
lina lago u na ranwa pwani khuwe
Israyeli.
Nungungulu a di mu riya kharati
lina la Israyeli.
11A di engedza gambe a mu embela, khuye:
Eni kheni Nungungulu nya
Tshivba Yatshavbo; uwe u na andra u velegelana, khavbo gwago gu na velegwa dhudhudhu
nya mayigo ni vathu nya gutale
ngudzu;
12 # Wona gambe: Gen 17:4-8. Nyi na gu ninga litigo nyi ningidego
Abrahama ni Isaki;
nyi na ninga gambe sanana sago,
hwane gwago.”
13Khavbo avbo, Nungungulu a di gwela a si wonegi gambe mahoni gwaye, wulanga a nga ganelago nari avbo.
14Khavbo avbo, Jakobe a di vbaha vbale gialakanyiso a gu gira phaso, a guhula avbo mafura. 15#Wona gambe: Gen 28:18-19. Jakobe a di rana wulanga wule khuye Bheteli, wulanga Nungungulu a ganedego naye.
Guvelegwa ga Bhejami ni gufa ga Rakeli
16Va di khuga khu Bheteli, gu nga tshade pfhukanyana gasi gu vboha dhoropani ga Efrata, Rakeli a di hefemula gyanana khu gugaradzega ngudzu. 17Nari vbakari nya wuvi nya gulumwe, singalagadzi a di mu embela, khuye: “Tiya, kholu u ngu engedza gu velega gambe gyanana.” 18Gikhati gi dugidego gyanana, uye a di gu sala, a gi riya lina nya gukhuye khu Bhenoni#35:18 Ben-oni, Bhenoni, gu tshamusela pwani: “Gyanana nya wuvi wangu” ; aholu babe waye a di gi rana khuye Bhejami.#35:18 Bhejami, gu tshamusela gupwani gyanana gya nyamudye; gitumbiso nya makategwa, mwendro pwani: Vathu va Marandzi.
19 # Wona gambe: Jer 31:15. Rakeli a difa a gu dzingwa ndzilani nya guhongole Efrata, a gu Bhetlehema. 20Jakobe a di vega gialakanyiso vbathowotunu gwa Rakeli, gi nga romo kala na muhuno olu.
21Khu vbale, Jakobe a di khuga aya vbaha tshatsha waye khisikheyi ga Migidhali-Edheri 22Matshigu Israyeli a nga bani a gu vbanya tigoni mule, Rubheni a di bhaya ni Bhila, gibhayi gya babe waye, Israyeli a di mati mahungu yaya.
Sanana sa Israyeli a diri likhumi na sivili.
Livelego la Jakobe
(1 Dzikoronika 2:1-2)
23Sanana sa Liya, khesi: Rubheni, matiwula ya Jakobe, guhandzamedza Simiyoni, Levhi, Judha, Isakari ni Zebhuloni;
24sanana sa Rakeli, khesi: Josefa ni Bhejami; 25sanana sa Bhila, githumi gya Rakeli, khesi: Dhani ni Nafitali;
26sanana sa Zilipa, githumi gya Liya, khesi: Gadhi ni Aseri. Esi khu sanana sa Jakobe si velegidwego tigoni gwa Padhani-Arani.
Gufa ga Isaki
27 # Wona gambe: Gen 13:18. Jakobe a di vboha ga babe waye Isaki tigoni gwa Mambre ga Kiriyati-Aribha, a gu Hebroni, a gu iyo va luvedego iyo Abrahama ni Isaki. 28Matshigu nya guvbanye ga Isaki ma tshanganiside lizana ni livbandre na mararu magumi (180) myaga. 29Na ma vbede, a difa aya patana ni vababe vaye, na gumbide, na tade khu gunengela khu matshigu yaye. Sanana saye Esawu ni Jakobe va di mu dzinga.
Currently Selected:
:
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.