KEJADIAN 22
22
Manetualain paleta Abraham, fo ana tunu-hotu Isak
1 #
Ibr. 11:17-19
Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”
2 #
2Taw. 3:1
Boema Manetualain nae, “Moo o anamane kisa susuem-ma, fo meu leo dae Moria meu. Neukose, Au atu'du o, letek esa nai ndia, fo nai letek ndia lain, o tunu-hotu o anam-ma, da'di neu tutunu-hohotuk nanatunuk fe Au.”
3Balahaa fafaik boema, Abraham bia ai soaneu tutunu-hohotu nanatunuk-ka, de ana puputu ai sila-la, boema ana fuan neu keledei lain. Abraham no Isak, ma atan dua leu leo mamanak fo, Manetualain nafa'dan-nana. 4Ala la'ok neu fai ka telun-na boema, Abraham mete nita mamanak ndia neme dook-ka mai. 5Boema nafa'da ata ka duan sila nae, “Emi moo keledei-a, mahani meme ia, fo au, ma au anang-nga, meu leo naa meu, fo sene-do'ok neu Manetualain, fo basa soona, ami fali ma'im-ma, leo ia mai.”
6Abraham fua ai, fo soaneu tutunu-hohotu nanatunuk sila, neu Isak alun lain, ma ndia ho'u dope, ma ha'ikaak, soaneu hotu ai-la. Lelek duas beela'o boema, 7Isak nae, “Ama!”
Boema Abraham nataa nae, “Te beek anango?”
Boema, Isak natane nae, “Ita teni ha'i, ma ai so, tehu bi'ilopoana nai bee, soaneu tutunu-hohotu nanatunuk ndia?”
8Boema, Abraham nataa nae, “Neukose, Manetualain nde sadia bi'ilopoana ndia.” Boema duas la'ok lakandoo.
9 #
Yak. 2:21
Lelek ala losa mamanak fo, Manetualain nafa'dan neu Abraham-ma, boema ana taon-na mei tunu-hotuk esa, de nakatoto'dok ai ha'i sila-la, neu lain. Boema, ana henge anan-na, de nakandondoon neu mei tunu-hotuk lain, fo nai ai ha'i sila lain. 10Basa ndia boema, ana lesu-na dopen-na, fo ana sanga do'do anan-na. 11Tehu Manetualain ata nusa so'dan-na, naloo bou-bou neun neme lalai mai nae, “Abraham, Abraham!”
Boema, Abraham nataa nae, “Ou Manetualain!”
12 Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”
13Boema, Abraham mete leo boboa-kaisun neu, de nita bi'ilopo mane esa, susulan-na kai nai makatemak dale. Abraham ho'un-na bi'ilopo ndia, boema ana tunu-hotu fen neu Manetualain, da'di neu tutunu-hohotu nanatunuk, nggati anan-na. 14Abraham foi mamanak ndia na'de, “Manetualain sadia hata nanapaluu-ka.” De losa besak ia boeo, hataholi-la lafa'da lae, “Manetualain sadia hata nanapaluu-ka,” nai leten lain.
15 Manetualain ata nusa so'dan-na, naloo bou-bou la'iesa seluk neu Abraham nae, 16#Ibr. 6:13-14“Manetualain nae, Au soo-supa inik au na'deng-nga mesak-kana, nanahu o tao tataos ia, de o nau fe o ana kisam ndia, neu Au. 17#Ibr. 11:12Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala. 18#Hat. 3:25Basa leoina manai daebafak-ka, neukose ala dokodoe neu Au, fo daenga Au ba'e-pala sila, sama leo Au ba'e-pala basa o tititi-nonosim so – nanahu o tunga Au paletang-nga so.” 19Basa ndia boema, Abraham fali leo ata ka dua-nala neu, de basa-basas fali le'us leo Bersyeba leu, boema Abraham leo nahele neme naa.
Nahor tititi-nonosin
20Abraham ka'an esa na'de Nahor. Basa manada'dik manai Lete Moria ndia boema, Abraham namanene, lae Milka, fo Nahor saon-na, anan 8 so, fo nde: 21Us, fo uluk-ka; Bus, fo fa'din-na; Kemuel, fo makabuin-na, ana da'di Aram aman; 22Kesed, Hazo, Pildas, Yidlaf, ma Betuel; 23fo makabuin-na, ana da'di Ribka aman. Milka bongi fe Nahor, fo Abraham tolanon-na, ni'iana ka 8-k sila-la. 24Nahor saoinak-ka dua-na, na'de Reuma, de saoinak-ka duan ndia, ana bongin-na Tebah, Gaham, Tahas ma Maakha.
Currently Selected:
KEJADIAN 22: twu
Highlight
Share
Copy
Want to have your highlights saved across all your devices? Sign up or sign in
KEJADIAN 22
22
Manetualain paleta Abraham, fo ana tunu-hotu Isak
1 #
Ibr. 11:17-19
Basa teuk de'ubee boema, Manetualain fola Abraham namahehelen-na. Manetualain naloo nae, “Abraham!” Boema Abraham nataa nae, “Ou Manetualain.”
2 #
2Taw. 3:1
Boema Manetualain nae, “Moo o anamane kisa susuem-ma, fo meu leo dae Moria meu. Neukose, Au atu'du o, letek esa nai ndia, fo nai letek ndia lain, o tunu-hotu o anam-ma, da'di neu tutunu-hohotuk nanatunuk fe Au.”
3Balahaa fafaik boema, Abraham bia ai soaneu tutunu-hohotu nanatunuk-ka, de ana puputu ai sila-la, boema ana fuan neu keledei lain. Abraham no Isak, ma atan dua leu leo mamanak fo, Manetualain nafa'dan-nana. 4Ala la'ok neu fai ka telun-na boema, Abraham mete nita mamanak ndia neme dook-ka mai. 5Boema nafa'da ata ka duan sila nae, “Emi moo keledei-a, mahani meme ia, fo au, ma au anang-nga, meu leo naa meu, fo sene-do'ok neu Manetualain, fo basa soona, ami fali ma'im-ma, leo ia mai.”
6Abraham fua ai, fo soaneu tutunu-hohotu nanatunuk sila, neu Isak alun lain, ma ndia ho'u dope, ma ha'ikaak, soaneu hotu ai-la. Lelek duas beela'o boema, 7Isak nae, “Ama!”
Boema Abraham nataa nae, “Te beek anango?”
Boema, Isak natane nae, “Ita teni ha'i, ma ai so, tehu bi'ilopoana nai bee, soaneu tutunu-hohotu nanatunuk ndia?”
8Boema, Abraham nataa nae, “Neukose, Manetualain nde sadia bi'ilopoana ndia.” Boema duas la'ok lakandoo.
9 #
Yak. 2:21
Lelek ala losa mamanak fo, Manetualain nafa'dan neu Abraham-ma, boema ana taon-na mei tunu-hotuk esa, de nakatoto'dok ai ha'i sila-la, neu lain. Boema, ana henge anan-na, de nakandondoon neu mei tunu-hotuk lain, fo nai ai ha'i sila lain. 10Basa ndia boema, ana lesu-na dopen-na, fo ana sanga do'do anan-na. 11Tehu Manetualain ata nusa so'dan-na, naloo bou-bou neun neme lalai mai nae, “Abraham, Abraham!”
Boema, Abraham nataa nae, “Ou Manetualain!”
12 Manetualain kokolak tunga ata nusa so'dak ndia nae, “Boso tao mahe'di ni'iana ndia, do taon le'e esa boen. Besak ia, Au bubuluk, o fe ha'da-holomata, ma o tunga Au, nanahu, o nau fe o ana kisam-ma neu Au.”
13Boema, Abraham mete leo boboa-kaisun neu, de nita bi'ilopo mane esa, susulan-na kai nai makatemak dale. Abraham ho'un-na bi'ilopo ndia, boema ana tunu-hotu fen neu Manetualain, da'di neu tutunu-hohotu nanatunuk, nggati anan-na. 14Abraham foi mamanak ndia na'de, “Manetualain sadia hata nanapaluu-ka.” De losa besak ia boeo, hataholi-la lafa'da lae, “Manetualain sadia hata nanapaluu-ka,” nai leten lain.
15 Manetualain ata nusa so'dan-na, naloo bou-bou la'iesa seluk neu Abraham nae, 16#Ibr. 6:13-14“Manetualain nae, Au soo-supa inik au na'deng-nga mesak-kana, nanahu o tao tataos ia, de o nau fe o ana kisam ndia, neu Au. 17#Ibr. 11:12Neukose, Au ba'e-pala o nenik baba'e-papalak manasasi kao-kaok-ka, ma Au fe o tititi-nonosim de'u nduuk manai lalai-a, ma solokaek manai tasi su'un-na. Neukose, o upu-anam sengi musun-nala. 18#Hat. 3:25Basa leoina manai daebafak-ka, neukose ala dokodoe neu Au, fo daenga Au ba'e-pala sila, sama leo Au ba'e-pala basa o tititi-nonosim so – nanahu o tunga Au paletang-nga so.” 19Basa ndia boema, Abraham fali leo ata ka dua-nala neu, de basa-basas fali le'us leo Bersyeba leu, boema Abraham leo nahele neme naa.
Nahor tititi-nonosin
20Abraham ka'an esa na'de Nahor. Basa manada'dik manai Lete Moria ndia boema, Abraham namanene, lae Milka, fo Nahor saon-na, anan 8 so, fo nde: 21Us, fo uluk-ka; Bus, fo fa'din-na; Kemuel, fo makabuin-na, ana da'di Aram aman; 22Kesed, Hazo, Pildas, Yidlaf, ma Betuel; 23fo makabuin-na, ana da'di Ribka aman. Milka bongi fe Nahor, fo Abraham tolanon-na, ni'iana ka 8-k sila-la. 24Nahor saoinak-ka dua-na, na'de Reuma, de saoinak-ka duan ndia, ana bongin-na Tebah, Gaham, Tahas ma Maakha.
Currently Selected:
:
Highlight
Share
Copy
Want to have your highlights saved across all your devices? Sign up or sign in