NAPPIYAREEGERAK 1
1
NAPPIYAREEGERAK EERIT NOGO
NOGOGWAARAK WONE
1-2Teyopilit wae. At Yetut nen yi eekak ndi eekak eeke, wone mamunnirage, eerikit nduk wagagerak nogo pigaganeegerak kuli nen nok, at awo mbogut paga laganikit nduk eeke kagak Aberiniki inikime logonet, at awuri nappiigak logowak nduk miirogo leeninabeegerak nogo wone lengganinake nagagirik, mbogut paga wonok laganeegerak kuli eeke nagagerak nogo abok aret mbuku aa'nduk nogo paga mbaneegirak. 3At wareegwaarak nogo eenik age nagagirik, ”It nogo nen an abet aret neenik agarak ineenu aruwak o,” yinuk, nigiige, Ala abu'me piyoorak wone nogo yorage, eerit nage kagak, nogo 40 aret yege nagagerak.
4-5Ne ambi paga at awuri inom logonet, ”At Yaya nen yiime wuppinagareegerak kwe, ne ambit logonuk Aberiniki kinoba wuppinagi woraagin me, kit o Yerutalem teppunuk nagup o. Nogoba nen, Wokkiraagin o, yinuk, abok yereegerak an yokkirage nagarak nogo, tokkogo logonip o,” yinuk, yoragagerak.
At Yetut wonok mbogut paga laganeegerak wone
6It nogo Yetut inom kuwak eeppunuk logonet, ”Ninogoba wae. Aa'nduk nit Iterali mendek nen aakumi abok ninabu'me piinok wonogogurak nogo kwak, ambinom ninabu'me piya woraamunggun nogo, yogondak yi aret ilik?” yinuk, yoreegwaarak.
7Yogo mbareegwa, at Yetut nogo nen, ”Nineyom-naneyom eeko logorak nogoba Ala alik nen koonogo pereegerak ti, kit kineenu ariyak lek o. 8Kit nogo Aberiniki kinoba wambi wage logonet, at omaawi eekkinake kenok, yi awi ndi awi o Yerutalem inom, Yureya inom, Tamariya inom, yi awi ndi awi irip me time abok aret an eerit nege nagagirak wone nogo yoranet nugu logomunggup o,” 9yorage nagagirik, ina nigagik iigak, wonok lagi nage mbareegi, ameraakot enggela'me nobareegerak.
10At mbogut paga lagangge kagak, ina nigagik wonogwe me, aap mbere mbogoyum laambu yirik nu'lek me inowagam wogo logonet, 11”Kit Nggalileya mendek yi, wologo wae. Kit nonggop nduk mbogut paga kina nigagik ogotik? At Yetut eebe nogo mbogut paga wonok lagi nage kinigen kogotak ti kwak, peebi togop aret wambi wage kinigen kaamunggup o,” yinuk, yorogogwaarak.
Yurat obaane'me mippereegwaarak wone
12Yorogo mbareegwa, it Yakuri tamban eekwi paga tu nda nogolik kwak, it nogo Tayitun puurom nen o Yerutalem koorok aret me iniyok paga wambi wogogwaarak. 13O Yerutalem tini nggwok me unggwi wogo nogogwaarik, it wonogwe me tilaabaga nogome lagi nogogwaarak. It time menggaarak nogo ineebe ti Peterut Yaya imbirak, Yakobut Andereyat imbirak, Piliput Tomat imbirak, Mbatolomeyut Matiyut imbirak, Alepeyut aput Timon togon, at Timon oone omaawi agan nege menggerak nogo togon, Yakobut aput Yurat togon, it ti inom abok aret lagi nogogwaarak. 14It kumi ando inom, at Yetut agalo Mariya inom, Yetut awuri ambokan mendek inom, time inom lambunik logonet, iniki ambit a'nuk tamban mban eeko nogogwaarak.
15It time wonogwe me, it aakumi at oone waganggwi ineebe 120 negen kuwak eereegwaarak inenggela'me at Peterut nogo nen minage nagagirik, yorage logonet, 16-17”Nowe-nawot o. At Yurat ninom Yetut oone wappunuk, at eyabu eeko logowak nduk leenogo mippinaneegerak kwe, at eeriyak wone Aberiniki nen at Ndawut yoge kagak yereegerak Ala wone liiru mbaneegerak nogo, a'me lik yuwak nduk at Yurat nen yorage mbaki, at Yetut eebe pigaganggaarak o,” yinuk, at Peterut nen yoragagerak.
18(Ti, at Yurat maluk eerikit nduk wu onggo waganeegerak nogo nggween onggo pereegim ta'nogo aret ogobak togut ngginnage nagagirik, obate nggaruk ari logonet, inikime mendek tigitogon kilu-kilu wundeegerak. 19Kilu-kilu wundeegerak nogo it Yerutalem mendek abok inaruk koneneegwaarak me, nggween onggo pereegim endage it inoone paga ti, ”Akan Ndama,” ndi, nit ninoone paga, ”Amiya Wundeegim,” toombunuk yogo nogogwaarak.)
20At Peterut nogo yorage nagagirik,
”O at wonagagim obaane'me aap ambi logorak lek o.
Kugun me aret logowak o,
yinuk, yereegerak. Ndi, ambi ari logonet,
At obaane'me aap ambi eeke logowak nduk mippuurak o, yinuk, mbuku Ndawut ndawi pereegerak mbanak nogo paga mbanak wonage me, 21aap ambi ninowe Yetut eenik agago mippereegerak 22enegen kagagerak kenok, ninom wone ti paganogo yoranet nugu logowok nduk mippuwok o. At Yaya nen Yetut yiime wuppereegerak nogo kuli paga nen, nok, at Yetut mbogut paga wonok laganeegerak kuli it kulinik-kalinik ninowe Yetut ninom nugu nogogurak nogo mendek kero ambi mippuwok o,” yinuk, at Peterut nen yoragagerak.
23Yorage mbareegi, it nogo nen mippuwok nduk aap mbere punogo piyareegwaarak. Aap eebe ambi aret kwe, endage kenagan, ambi Yutup, ambi Mbaratabat, ndi, peebi toonak Yutup nogo punogo pugwi, ndi, aap ambi endage Matiyat punogo pugwi, 24-25eeppogo nogogwaarik, tamban eeko logonet, ”Ninogoba Ala wae. Yi aakumi ndi aakumi iniki mbakwi abok keenu me, at Yurat ninom kat keyabu eerit nugu logowak nduk leenogo mippinaneegindak kwe, teppinaninuk at noorak nduk miikkolagagim nogome aret nagaarak me, it aap mbere punogo piigoorak yi, at obaane'me mippuurak koonogo pegendak nogo, yo'niret o,” yinuk, 26tamban eeppogo nogogwaarik, ”Aap yi mippuwok a, at yi mippuwok a?” yinuk, imbirak inendage liiru mbanogo punuk, Matiyat endage mbanak nogo waganggo nogogwaarik, it aap 11 nappiyareegerak nogo inom logowak nduk at Matiyat aret leenogo mippereegwaarak.
Currently Selected:
NAPPIYAREEGERAK 1: WNO
Highlight
Share
Copy
Want to have your highlights saved across all your devices? Sign up or sign in
NAPPIYAREEGERAK 1
1
NAPPIYAREEGERAK EERIT NOGO
NOGOGWAARAK WONE
1-2Teyopilit wae. At Yetut nen yi eekak ndi eekak eeke, wone mamunnirage, eerikit nduk wagagerak nogo pigaganeegerak kuli nen nok, at awo mbogut paga laganikit nduk eeke kagak Aberiniki inikime logonet, at awuri nappiigak logowak nduk miirogo leeninabeegerak nogo wone lengganinake nagagirik, mbogut paga wonok laganeegerak kuli eeke nagagerak nogo abok aret mbuku aa'nduk nogo paga mbaneegirak. 3At wareegwaarak nogo eenik age nagagirik, ”It nogo nen an abet aret neenik agarak ineenu aruwak o,” yinuk, nigiige, Ala abu'me piyoorak wone nogo yorage, eerit nage kagak, nogo 40 aret yege nagagerak.
4-5Ne ambi paga at awuri inom logonet, ”At Yaya nen yiime wuppinagareegerak kwe, ne ambit logonuk Aberiniki kinoba wuppinagi woraagin me, kit o Yerutalem teppunuk nagup o. Nogoba nen, Wokkiraagin o, yinuk, abok yereegerak an yokkirage nagarak nogo, tokkogo logonip o,” yinuk, yoragagerak.
At Yetut wonok mbogut paga laganeegerak wone
6It nogo Yetut inom kuwak eeppunuk logonet, ”Ninogoba wae. Aa'nduk nit Iterali mendek nen aakumi abok ninabu'me piinok wonogogurak nogo kwak, ambinom ninabu'me piya woraamunggun nogo, yogondak yi aret ilik?” yinuk, yoreegwaarak.
7Yogo mbareegwa, at Yetut nogo nen, ”Nineyom-naneyom eeko logorak nogoba Ala alik nen koonogo pereegerak ti, kit kineenu ariyak lek o. 8Kit nogo Aberiniki kinoba wambi wage logonet, at omaawi eekkinake kenok, yi awi ndi awi o Yerutalem inom, Yureya inom, Tamariya inom, yi awi ndi awi irip me time abok aret an eerit nege nagagirak wone nogo yoranet nugu logomunggup o,” 9yorage nagagirik, ina nigagik iigak, wonok lagi nage mbareegi, ameraakot enggela'me nobareegerak.
10At mbogut paga lagangge kagak, ina nigagik wonogwe me, aap mbere mbogoyum laambu yirik nu'lek me inowagam wogo logonet, 11”Kit Nggalileya mendek yi, wologo wae. Kit nonggop nduk mbogut paga kina nigagik ogotik? At Yetut eebe nogo mbogut paga wonok lagi nage kinigen kogotak ti kwak, peebi togop aret wambi wage kinigen kaamunggup o,” yinuk, yorogogwaarak.
Yurat obaane'me mippereegwaarak wone
12Yorogo mbareegwa, it Yakuri tamban eekwi paga tu nda nogolik kwak, it nogo Tayitun puurom nen o Yerutalem koorok aret me iniyok paga wambi wogogwaarak. 13O Yerutalem tini nggwok me unggwi wogo nogogwaarik, it wonogwe me tilaabaga nogome lagi nogogwaarak. It time menggaarak nogo ineebe ti Peterut Yaya imbirak, Yakobut Andereyat imbirak, Piliput Tomat imbirak, Mbatolomeyut Matiyut imbirak, Alepeyut aput Timon togon, at Timon oone omaawi agan nege menggerak nogo togon, Yakobut aput Yurat togon, it ti inom abok aret lagi nogogwaarak. 14It kumi ando inom, at Yetut agalo Mariya inom, Yetut awuri ambokan mendek inom, time inom lambunik logonet, iniki ambit a'nuk tamban mban eeko nogogwaarak.
15It time wonogwe me, it aakumi at oone waganggwi ineebe 120 negen kuwak eereegwaarak inenggela'me at Peterut nogo nen minage nagagirik, yorage logonet, 16-17”Nowe-nawot o. At Yurat ninom Yetut oone wappunuk, at eyabu eeko logowak nduk leenogo mippinaneegerak kwe, at eeriyak wone Aberiniki nen at Ndawut yoge kagak yereegerak Ala wone liiru mbaneegerak nogo, a'me lik yuwak nduk at Yurat nen yorage mbaki, at Yetut eebe pigaganggaarak o,” yinuk, at Peterut nen yoragagerak.
18(Ti, at Yurat maluk eerikit nduk wu onggo waganeegerak nogo nggween onggo pereegim ta'nogo aret ogobak togut ngginnage nagagirik, obate nggaruk ari logonet, inikime mendek tigitogon kilu-kilu wundeegerak. 19Kilu-kilu wundeegerak nogo it Yerutalem mendek abok inaruk koneneegwaarak me, nggween onggo pereegim endage it inoone paga ti, ”Akan Ndama,” ndi, nit ninoone paga, ”Amiya Wundeegim,” toombunuk yogo nogogwaarak.)
20At Peterut nogo yorage nagagirik,
”O at wonagagim obaane'me aap ambi logorak lek o.
Kugun me aret logowak o,
yinuk, yereegerak. Ndi, ambi ari logonet,
At obaane'me aap ambi eeke logowak nduk mippuurak o, yinuk, mbuku Ndawut ndawi pereegerak mbanak nogo paga mbanak wonage me, 21aap ambi ninowe Yetut eenik agago mippereegerak 22enegen kagagerak kenok, ninom wone ti paganogo yoranet nugu logowok nduk mippuwok o. At Yaya nen Yetut yiime wuppereegerak nogo kuli paga nen, nok, at Yetut mbogut paga wonok laganeegerak kuli it kulinik-kalinik ninowe Yetut ninom nugu nogogurak nogo mendek kero ambi mippuwok o,” yinuk, at Peterut nen yoragagerak.
23Yorage mbareegi, it nogo nen mippuwok nduk aap mbere punogo piyareegwaarak. Aap eebe ambi aret kwe, endage kenagan, ambi Yutup, ambi Mbaratabat, ndi, peebi toonak Yutup nogo punogo pugwi, ndi, aap ambi endage Matiyat punogo pugwi, 24-25eeppogo nogogwaarik, tamban eeko logonet, ”Ninogoba Ala wae. Yi aakumi ndi aakumi iniki mbakwi abok keenu me, at Yurat ninom kat keyabu eerit nugu logowak nduk leenogo mippinaneegindak kwe, teppinaninuk at noorak nduk miikkolagagim nogome aret nagaarak me, it aap mbere punogo piigoorak yi, at obaane'me mippuurak koonogo pegendak nogo, yo'niret o,” yinuk, 26tamban eeppogo nogogwaarik, ”Aap yi mippuwok a, at yi mippuwok a?” yinuk, imbirak inendage liiru mbanogo punuk, Matiyat endage mbanak nogo waganggo nogogwaarik, it aap 11 nappiyareegerak nogo inom logowak nduk at Matiyat aret leenogo mippereegwaarak.
Currently Selected:
:
Highlight
Share
Copy
Want to have your highlights saved across all your devices? Sign up or sign in