NAPPIYAREEGERAK 9
9
At Tawulut maluk mbo pereegerak wone
1At Tawulut nen it ninogoba Yetut wone waganeegwaarak nogo inoorikit nduk anini wu agan nage mbareegi, at Ala unde inowe endagembogut nogo owagam nage nagagirik, 2”Nogoba wae. It Yakuri o Ndamitik tamban arini lombok inigen kawak nduk, kat nen it kumi aap Yetut wone mugurok nogwe iyo, keele maarogo, pigogo wogoren Yerutalem woraakit nduk, liiru mbanniru o.”
3Yoreegerak nogo, wogoge mbareegi, nage me, o Ndamitik panggo yi wage mbareegi, nu'lek me mbogut paga nen o abinak pindanggage logonet, abinak ambik at oba kwindagala agago wuppi wagagerak. 4Wuppi wage mbareegi, at Tawulut nogo nggween paga ete wanduk ngginnagagerak kagak, at nen yoge logonet, ”Tawulut wae. Tawulut wae. Kat nonggop nduk keebi-keeba agago noorit nage menggendak o?”
Yoge aruk konembege nagagirik, 5”Ai, nogoba, kat ta o?”
Yoge mbareegi, ”Lek o. Kat keebi-keeba agago noorit nage menggendak nogo, Yetut an aret o,” 6yoge nagagirik, ”Mi'nage logominggindik, o tini nggwok me nogome nage keenok, eeriyak wone yokkirugun me, time nak o,” yinuk, yoreegerak.
7At oreewi inom wogogwaarak nogo nen aap eebe kaga'lek logonet, we oone ari mban konenggo nogogwaarik, inoone lek puk wonogo mbareegwa, 8at Tawulut nogo mi'nage nagagirik, enegen pagak yikit nduk eereegerak mendek, enegen ogut agagerak me, ineenggi piginok, wonok o Ndamitik pi wogogwaarak. 9Wonok pi wogogwaarak nogome logonet, enegen ogut agagerak kagak, mbi inom, yi inom, nengga'lek we aret nogo mbere yereegerak.
10Ndi, o Ndamitik nogome aap Yetut wone waganeegerak mendek ambi endage Ananiyat nogo nen abinggaanggo kage logonet, at ninogoba Yetut nen, ”Ananiyet wae.”
Yoge mbareegi, Ananiyet nen, ”Nogoba o. An yime agarik o.”
11Yoge mbareegi, at Yetut nogo nen, ”Mi'na'nuk, tu Mot-mot yogo menggam time nak o. Aap ambi endage Tawulut awi Tarutut mendek me, aap Yurat ame time tamban eeke logonet, 12kat Ananiyat nen aret at owagam unggwage nagandik, anobak keenggi tebembunuk, enegen ogut agaarak nogo obeelom eeke abinggaanggo paga kegerak me, time nage logominggindik, Tawulut yime wonage konenggirak me, pekka wagi o, yinuk, yora nak o.”
13Yoge mbareegi, at Ananiyat nogo nen, ”Nogoba o. At aap nogo, it abet mbareegwaarak kapuri o Yerutalem menggaarak maluk eeginakerak yogwe nogo an muk konenggirak o. 14Ndi, yogondak it kendage paga tamban eeko menggaarak mendek abok wogoren noorak nduk, Ala unde inoweewi nen wone yogaarak me, wagaarak yi o.”
15Yoge mbareegi, at Yetut nogo nen, ”Aap ti, it endekem konenggulik mendek inom, it aap inendagembogut inom, it Iterali inom, abok aret an eeke minggirak ineenu agago yorage logowak nduk nayeloman miirogo pigirak me, yori nak o. 16Ndi, at Tawulut nogo, an naane'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.
17Yoge kage nagagirik, nagagerak. Nage nagagirik, oome nogome unggwage nagagirik, eenggi Tawulut anobak tebembunuk, ”Nore Tawulut wae. Kat tu paga wage logonet, taati at ninogoba Yetut kagandak nogo nen, kat kenegen obeelom age, Aberiniki kinikime unggwage, eeruwak nduk nappani waga o,” yoreegerak. 18Awo yoge kagak, enegen ogut agagerak nogo lek age nagagirik, enegen pagak yereegerak. Enegen pagak ari nagagirik, mi'nage mbareegi, yiime wuppereegerak. 19Yiime wuppege mbareegi, mbi nengge nagagirik, omaawi agagerak.
At Tawulut nen o Ndamitik Ala wone yoragagerak wone
Ne mbere negen it Ndamitik mendek Yetut wone waganeegwaarak nogome inom wonagagirik, 20ti'nuk, it aap Yakuri tamban eeko menggam lombok nok-nok nage nagagirik, ”Yetut ti Ala aput aret o,” yinuk, wone yoranet nege nagagerak. 21Yoragagerak inaruk konembogo nogogwaarik, ”Wologo wae. O Yerutalem it Yetut endage paga tamban eeko menggaarak kero, inoori nage nagaarak me, yogondak it yime keele maarogo wogoren Ala unde inoweewi inowagam piya naakit nduk wagaarak nogo nen agan nage yi lek a?” yinuk, inagabiti nen, ”Iya!” yereegwaarak.
22Inagabiti nen, ”Iya!” mbareegwaarak kwe, at Tawulut nogo nen wone yorage logonet, ”Yetut ti Ala nen leenogo pereegerak aret o,” yinuk, abet mbaruwak nduk, ”Ndogop eeke nagagerak o,” yinuk, agan nage nogo mban tiyak ari logonet, it Yakuri Ndamitik mendek inoone tebenogo piyareegerak.
23Ti'nuk, peebi nen it Yakuri nogo nen, ”Tawulut waruwok o,” yinuk, koonogo pereegwaarak nogo 24at Tawulut yelok iige nagagirik, wonage kagak, ne ambi paga waruwok nduk o nabera-kabera pak ambe paga oonikiya nen, liinde nen, enaarak wonogwe iigak, 25at Tawulut apuri eeginabeegerak nogo nen oonikiya aret, muun yum paga yonggologo pak obagaambo keele pugunogo endekem wumbereegwaarak.
Tawulut o Yerutalem nagagerak wone
26Wumbogo mbareegwa, o Yerutalem nage nagagirik, it Yetut wone waganggwi nogo inom lambunikit nduk eeke mbareegi, it nogo nen, ”At yi Yetut wone wagangga'lek kwa?” yinuk, inagabiti nen, ”Omok,” yorulik puk ogogwaarak. 27Puk ogo mbareegwa, at Mbaranabat nen wonok it inowagam nage nagagirik, tu paga nage logonet, ninowe endagembogut Yetut enegen kagagerak wone inom, at Yetut nen yoreegerak wone inom, o Ndamitik time agabiti lek logonet, Yetut endage paga tamban eeppunuk yorage nagagerak wone inom, mbininogo yorage mbareegi, 28inom aret lambunik logonet, o Yerutalem nogwe-wogwe eeko nogogwaarak. Nogwe-wogwe eeko logonet, at nogo mondok agabiti lek logonet, ninowe endagembogut Yetut wone paganogo yoranet nage logonet, 29it aap Yakuri mendek kwe, Yunani wone yogo menggaarak nogo inom wone onggo-onggo yorage kenok, it nogo nen at wariyak eeko mbareegwa, 30”Waruwok,” yogwe nogo it Ala apuri konembogo nogogwaarik, eebe wonok, Kayitareya nogo nogogwaarik, ti'nuk, time nen o Taratut nappereegwaarak.
31Nappogo nogogwaarik nogome logonet, it Ala apuri nogo o Yureya nen, o Nggalileya nen, o Tamariya nen, Ala apuri nogo ale-pale eeginabit noolik, teppiigo mbareegwa, inikiigun logonet, iniki kole ogwe, Aberiniki nen yeenggoorage kagak inogoba Ala inagabiti mbako logonet, ineebe ambik wigannogwe, eereegwaarak.
At Peterut nen o Lira inom, o Yope inom logonet, eereegerak wone
32Wigannogo mbareegwa, at Peterut nogo yi awi ndi awi time pegiinet nege logonet, it abet mbakwi Ala apuri o Lira menggaarak nogo iya nagagerak. 33Time logonet, aap endage Eneyat eenggi-iyok nggilik-nggelok aago windak kagak, 8 tahun eereegerak me, enegen kagagerak. 34Enegen kage nagagirik, ”Eneyat wae. Kat Yetut Keritut nen obeelom eekkakerak me, mi'nage logomenggendik, ndoonak windak menggendak yunggunggolet o,” awo yoge kagak, mi'nagagerak. 35Mi'nage mbareegi, it o Lira mendek inom, o Taron mendek inom, abok aret at mi'nagagerak inigen kogo nogogwaarik, iniki koonogo punuk ninowe endagembogut Yetut wone waganeegwaarak.
36Ndi, kwe Yetut wone waganeegerak ambi o Yope menggerak endage Tabita wonagagerak. (Kwe endage ti, Yunani inoone paga, Ndorakat.) At kwe nogo aakumi obeelom eeppiinet nage, ineenggilek iinok, amendek tumburiranet nage, eeke nagagerak. 37Eeke wonage me, eebe kugi andi age nagagirik, kambeegerak. Kangge mbareegi, abin koorogo owak wurogo oome pereegwaarak. 38O Lira nen Yope koorok aret me, ”Peterut waga o,” yinuk, yogwe nogo it Yetut wone waganeegwaarak nogo konembogo nogogwaarik, at nogo mbet-mbet woraawak nduk, wologwe mbere ayonggo nappiyareegwaarak. 39Nappiyareegwaarak yori nogo mbareegwa, at Peterut nogo nen, ”Nawok o,” yinuk, inom aret wogogwaarak. Wogo nogogwaarik, wonok oome unggwogo mbareegwa, it kumi togwe ando nogo nen, ”Kwe yi eenik logonet, aken yum inom, endekem yum inom, yege nagagerak eyate yi ket o,” yinuk, nikkogo logonet, le yereegwaarak. 40At Peterut nen, ”Wundi nanip o,” yorage nagagirik, endobanggun yindumbunuk, tamban eereegerak. Tamban eeppunuk, at kambeegerak nogo ena logurogon pekkage nagagirik, ”Tabita wae Mi'naru o,” yoge mbareegi, enegen kubunik nogo pagak ari nagagirik, Peterut enegen kage nagagirik, windak nogo mi'nagagerak. 41Mi'nage mbareegi, at Peterut nogo nen eenggi pigogo mippege nagagirik, it kumi togwe nogo inom, it Ala apuri leenak nogo inom, ”Wa'nip o,” yoragagerak wogo mbareegwa, ”Eenik agaarak yi kanip o,” yoragagerak. 42At Peterut kwe eenik agago mippereegerak wone o Yope time abok aret wigak ari mbareegi, aakumi ambik iniki ninowe endagembogut Yetut oba panggombunuk abet mbareegwaarak. 43Ndi, at Peterut nogo o Yope time aap wam agabolo mbilanak ogobakkigika endage Timon imbirak logonet, nogo ambik yereegerak.
Currently Selected:
NAPPIYAREEGERAK 9: WNO
Highlight
Share
Copy
Want to have your highlights saved across all your devices? Sign up or sign in
NAPPIYAREEGERAK 9
9
At Tawulut maluk mbo pereegerak wone
1At Tawulut nen it ninogoba Yetut wone waganeegwaarak nogo inoorikit nduk anini wu agan nage mbareegi, at Ala unde inowe endagembogut nogo owagam nage nagagirik, 2”Nogoba wae. It Yakuri o Ndamitik tamban arini lombok inigen kawak nduk, kat nen it kumi aap Yetut wone mugurok nogwe iyo, keele maarogo, pigogo wogoren Yerutalem woraakit nduk, liiru mbanniru o.”
3Yoreegerak nogo, wogoge mbareegi, nage me, o Ndamitik panggo yi wage mbareegi, nu'lek me mbogut paga nen o abinak pindanggage logonet, abinak ambik at oba kwindagala agago wuppi wagagerak. 4Wuppi wage mbareegi, at Tawulut nogo nggween paga ete wanduk ngginnagagerak kagak, at nen yoge logonet, ”Tawulut wae. Tawulut wae. Kat nonggop nduk keebi-keeba agago noorit nage menggendak o?”
Yoge aruk konembege nagagirik, 5”Ai, nogoba, kat ta o?”
Yoge mbareegi, ”Lek o. Kat keebi-keeba agago noorit nage menggendak nogo, Yetut an aret o,” 6yoge nagagirik, ”Mi'nage logominggindik, o tini nggwok me nogome nage keenok, eeriyak wone yokkirugun me, time nak o,” yinuk, yoreegerak.
7At oreewi inom wogogwaarak nogo nen aap eebe kaga'lek logonet, we oone ari mban konenggo nogogwaarik, inoone lek puk wonogo mbareegwa, 8at Tawulut nogo mi'nage nagagirik, enegen pagak yikit nduk eereegerak mendek, enegen ogut agagerak me, ineenggi piginok, wonok o Ndamitik pi wogogwaarak. 9Wonok pi wogogwaarak nogome logonet, enegen ogut agagerak kagak, mbi inom, yi inom, nengga'lek we aret nogo mbere yereegerak.
10Ndi, o Ndamitik nogome aap Yetut wone waganeegerak mendek ambi endage Ananiyat nogo nen abinggaanggo kage logonet, at ninogoba Yetut nen, ”Ananiyet wae.”
Yoge mbareegi, Ananiyet nen, ”Nogoba o. An yime agarik o.”
11Yoge mbareegi, at Yetut nogo nen, ”Mi'na'nuk, tu Mot-mot yogo menggam time nak o. Aap ambi endage Tawulut awi Tarutut mendek me, aap Yurat ame time tamban eeke logonet, 12kat Ananiyat nen aret at owagam unggwage nagandik, anobak keenggi tebembunuk, enegen ogut agaarak nogo obeelom eeke abinggaanggo paga kegerak me, time nage logominggindik, Tawulut yime wonage konenggirak me, pekka wagi o, yinuk, yora nak o.”
13Yoge mbareegi, at Ananiyat nogo nen, ”Nogoba o. At aap nogo, it abet mbareegwaarak kapuri o Yerutalem menggaarak maluk eeginakerak yogwe nogo an muk konenggirak o. 14Ndi, yogondak it kendage paga tamban eeko menggaarak mendek abok wogoren noorak nduk, Ala unde inoweewi nen wone yogaarak me, wagaarak yi o.”
15Yoge mbareegi, at Yetut nogo nen, ”Aap ti, it endekem konenggulik mendek inom, it aap inendagembogut inom, it Iterali inom, abok aret an eeke minggirak ineenu agago yorage logowak nduk nayeloman miirogo pigirak me, yori nak o. 16Ndi, at Tawulut nogo, an naane'le mbangge me, aaninggin-paaninggin eeppogo logorak nogo an nen yoge logogin o,” yinuk, abinggaanggo paga yoge kagagerak.
17Yoge kage nagagirik, nagagerak. Nage nagagirik, oome nogome unggwage nagagirik, eenggi Tawulut anobak tebembunuk, ”Nore Tawulut wae. Kat tu paga wage logonet, taati at ninogoba Yetut kagandak nogo nen, kat kenegen obeelom age, Aberiniki kinikime unggwage, eeruwak nduk nappani waga o,” yoreegerak. 18Awo yoge kagak, enegen ogut agagerak nogo lek age nagagirik, enegen pagak yereegerak. Enegen pagak ari nagagirik, mi'nage mbareegi, yiime wuppereegerak. 19Yiime wuppege mbareegi, mbi nengge nagagirik, omaawi agagerak.
At Tawulut nen o Ndamitik Ala wone yoragagerak wone
Ne mbere negen it Ndamitik mendek Yetut wone waganeegwaarak nogome inom wonagagirik, 20ti'nuk, it aap Yakuri tamban eeko menggam lombok nok-nok nage nagagirik, ”Yetut ti Ala aput aret o,” yinuk, wone yoranet nege nagagerak. 21Yoragagerak inaruk konembogo nogogwaarik, ”Wologo wae. O Yerutalem it Yetut endage paga tamban eeko menggaarak kero, inoori nage nagaarak me, yogondak it yime keele maarogo wogoren Ala unde inoweewi inowagam piya naakit nduk wagaarak nogo nen agan nage yi lek a?” yinuk, inagabiti nen, ”Iya!” yereegwaarak.
22Inagabiti nen, ”Iya!” mbareegwaarak kwe, at Tawulut nogo nen wone yorage logonet, ”Yetut ti Ala nen leenogo pereegerak aret o,” yinuk, abet mbaruwak nduk, ”Ndogop eeke nagagerak o,” yinuk, agan nage nogo mban tiyak ari logonet, it Yakuri Ndamitik mendek inoone tebenogo piyareegerak.
23Ti'nuk, peebi nen it Yakuri nogo nen, ”Tawulut waruwok o,” yinuk, koonogo pereegwaarak nogo 24at Tawulut yelok iige nagagirik, wonage kagak, ne ambi paga waruwok nduk o nabera-kabera pak ambe paga oonikiya nen, liinde nen, enaarak wonogwe iigak, 25at Tawulut apuri eeginabeegerak nogo nen oonikiya aret, muun yum paga yonggologo pak obagaambo keele pugunogo endekem wumbereegwaarak.
Tawulut o Yerutalem nagagerak wone
26Wumbogo mbareegwa, o Yerutalem nage nagagirik, it Yetut wone waganggwi nogo inom lambunikit nduk eeke mbareegi, it nogo nen, ”At yi Yetut wone wagangga'lek kwa?” yinuk, inagabiti nen, ”Omok,” yorulik puk ogogwaarak. 27Puk ogo mbareegwa, at Mbaranabat nen wonok it inowagam nage nagagirik, tu paga nage logonet, ninowe endagembogut Yetut enegen kagagerak wone inom, at Yetut nen yoreegerak wone inom, o Ndamitik time agabiti lek logonet, Yetut endage paga tamban eeppunuk yorage nagagerak wone inom, mbininogo yorage mbareegi, 28inom aret lambunik logonet, o Yerutalem nogwe-wogwe eeko nogogwaarak. Nogwe-wogwe eeko logonet, at nogo mondok agabiti lek logonet, ninowe endagembogut Yetut wone paganogo yoranet nage logonet, 29it aap Yakuri mendek kwe, Yunani wone yogo menggaarak nogo inom wone onggo-onggo yorage kenok, it nogo nen at wariyak eeko mbareegwa, 30”Waruwok,” yogwe nogo it Ala apuri konembogo nogogwaarik, eebe wonok, Kayitareya nogo nogogwaarik, ti'nuk, time nen o Taratut nappereegwaarak.
31Nappogo nogogwaarik nogome logonet, it Ala apuri nogo o Yureya nen, o Nggalileya nen, o Tamariya nen, Ala apuri nogo ale-pale eeginabit noolik, teppiigo mbareegwa, inikiigun logonet, iniki kole ogwe, Aberiniki nen yeenggoorage kagak inogoba Ala inagabiti mbako logonet, ineebe ambik wigannogwe, eereegwaarak.
At Peterut nen o Lira inom, o Yope inom logonet, eereegerak wone
32Wigannogo mbareegwa, at Peterut nogo yi awi ndi awi time pegiinet nege logonet, it abet mbakwi Ala apuri o Lira menggaarak nogo iya nagagerak. 33Time logonet, aap endage Eneyat eenggi-iyok nggilik-nggelok aago windak kagak, 8 tahun eereegerak me, enegen kagagerak. 34Enegen kage nagagirik, ”Eneyat wae. Kat Yetut Keritut nen obeelom eekkakerak me, mi'nage logomenggendik, ndoonak windak menggendak yunggunggolet o,” awo yoge kagak, mi'nagagerak. 35Mi'nage mbareegi, it o Lira mendek inom, o Taron mendek inom, abok aret at mi'nagagerak inigen kogo nogogwaarik, iniki koonogo punuk ninowe endagembogut Yetut wone waganeegwaarak.
36Ndi, kwe Yetut wone waganeegerak ambi o Yope menggerak endage Tabita wonagagerak. (Kwe endage ti, Yunani inoone paga, Ndorakat.) At kwe nogo aakumi obeelom eeppiinet nage, ineenggilek iinok, amendek tumburiranet nage, eeke nagagerak. 37Eeke wonage me, eebe kugi andi age nagagirik, kambeegerak. Kangge mbareegi, abin koorogo owak wurogo oome pereegwaarak. 38O Lira nen Yope koorok aret me, ”Peterut waga o,” yinuk, yogwe nogo it Yetut wone waganeegwaarak nogo konembogo nogogwaarik, at nogo mbet-mbet woraawak nduk, wologwe mbere ayonggo nappiyareegwaarak. 39Nappiyareegwaarak yori nogo mbareegwa, at Peterut nogo nen, ”Nawok o,” yinuk, inom aret wogogwaarak. Wogo nogogwaarik, wonok oome unggwogo mbareegwa, it kumi togwe ando nogo nen, ”Kwe yi eenik logonet, aken yum inom, endekem yum inom, yege nagagerak eyate yi ket o,” yinuk, nikkogo logonet, le yereegwaarak. 40At Peterut nen, ”Wundi nanip o,” yorage nagagirik, endobanggun yindumbunuk, tamban eereegerak. Tamban eeppunuk, at kambeegerak nogo ena logurogon pekkage nagagirik, ”Tabita wae Mi'naru o,” yoge mbareegi, enegen kubunik nogo pagak ari nagagirik, Peterut enegen kage nagagirik, windak nogo mi'nagagerak. 41Mi'nage mbareegi, at Peterut nogo nen eenggi pigogo mippege nagagirik, it kumi togwe nogo inom, it Ala apuri leenak nogo inom, ”Wa'nip o,” yoragagerak wogo mbareegwa, ”Eenik agaarak yi kanip o,” yoragagerak. 42At Peterut kwe eenik agago mippereegerak wone o Yope time abok aret wigak ari mbareegi, aakumi ambik iniki ninowe endagembogut Yetut oba panggombunuk abet mbareegwaarak. 43Ndi, at Peterut nogo o Yope time aap wam agabolo mbilanak ogobakkigika endage Timon imbirak logonet, nogo ambik yereegerak.
Currently Selected:
:
Highlight
Share
Copy
Want to have your highlights saved across all your devices? Sign up or sign in