LUKAT 14
14
Aap eenggi-iyok piirik-konik me, obeelom eereegerak wone
1Peebi ne ambi paga at Yetut nen it Yakuri tamban eekwi paga mbi noorak nduk, aap Pariti inowe ambi ame unggwagagerak me, aakumi nen at inigen wonok nugu nogogwaarak. 2Inigen wonok nugwi iigak, aap ambi andi eenggi-iyok piirik-konik eerak Yetut abu'me wonage me, 3at Yetut nen aap Ala wone liiru mbanak unde inom, Pariti mendek inom, yorage logonet, ”Tamban eekwi paga aakumi obeelom eeginaburak ti, op ilik, mage a?”
4Yorage mbareegi, it apit inoone abu lek puk ogogwaarak. Puk ogo mbareegwa, at Yetut nen aap nogo eenggi pigogo obeelom eeppege nagagirik, nappereegerak. 5Nappereegerak nage kagak, at Yetut nen, ”Kit ambi kinaput a, kinaanggo sapi a, nggween kabunik yi yenggenak me yigeebu wangge kenok, tamban eekwi paga kit pigogo nippi woroorak op ilik, lek a?”
6Yorage mbareegi, inoone onggo yoriyak meek me, puk ogogwaarak.
Iniki tebenak logonet, inanooya lako logorak wone
7Puk ogo mbareegwa, at Yetut nen it aakumi mbi noorak inayonggo pereegerak nogo, aap nggwok kwi'nogo menggam mban kwi'nari wogwe iige nagagirik, wone eegu laarogo yorage logonet, 8”Aap kwe kolage logonet, laago larak nogo noorak nduk, kinayonggo pege kenok, nogo logomonggotik, aap nggwok kwi'nogo menggam time kwi'narugup o. Kit mbuulogwe me, ndi, aap ambi abu nggwok ayonggo pegerak wage kenok, 9at kinom kinayonggo pegerak nogo nen kit yokkira wage logonet, Wologwe! Aap yi kit kinobaane'me kwi'naruwam, kit tayo yinip o, yokkirage kenok, kit kinenggali mbakak aap ugun kwi'nogo menggam kwi'nari noorak age kero, aap nggwok kwi'nogo menggam kwi'narugup o. 10Kinayonggo pege kenok, nogo logomonggotik, ugun kwi'nogo menggam time aret kwi'narumunggup o. Kwi'ndak wonage me, at kinayonggo pegerak nogo nen kit yokkira wage logonet, Noreewi o. Kit aap nggwok kwi'nogo menggam yime kwi'nari wa'nip o, yokkirage kenok, it aakumi apit mbi noorak kinom wonogwe nogo inenggaanom paga kit tiyanak aret kiyoorak me, aap ugun kwi'nogo menggam time aret kwi'narumunggup o. 11Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.
12Yorage nagagirik, at Yetut nen aap at ayonggo pereegerak nogo yoge logonet, ”Kat laago lake logonet kenok, kinom kiniki kunik menggendak inom, koreewi inom, kowe-kawot inom, ineenggi warak kat kinom menggendak inom, peebi it togop lako logonet, onggo kat kayonggo pugwi iyo, it mban inayonggo pugun o. 13Laago lake logonet, ineenggi lek kenok, aawi-obaak peenok warak peenok lek kenok, endop maluk kenok, inigen mbuk kenok, inayonggo pege kenok perak, 14kiniki ale'nggen ambik kaamunggun o. Ndi, it nen onggo wokkiriyak meek me, aakumi iniki koonak nogo ineenik a'nuk, mippiyoorak eyom nogo paga aret onggo wokkege kaamunggun o,” yinuk, yoreegerak.
Laago nggwok lakwi eegu laarogo yoragagerak wone
(Mat 22:1-10)
15Yoreegerak nogo aap mbi noorak inom kwi'ndak wonagagerak nogo ambi nen aruk konengge nagagirik, Yetut yoge logonet, ”It Ala abu'me piige minggim logonet, mbi namenggaarak nogo inale'nggen mbako logogun o.”
16Yoge mbareegi, Yetut nen, ”Aap ambi laago nggwok lariyak koongge nagagirik, aakumi apit inayonggo pereegerak. 17Inayonggo pege nagagirik, lappunuk, ayeloman ambi yoge logonet, Laago larak yi, abu pelaariyak eeke me, noorak aap inayonggo pigirak nogo woraawak nduk, yoranet nak o, yinuk, nappereegerak. 18Nappereegerak nogo nen yoranet nagagerak kwe, it ambugwi aret ineebi-ineeba yogo logonet, at ambi nen, An yabu yarak ambi onggo pigirak pekka noorak me, laago na noorak ti, meek o, nogoba, yoge, 19ndi, ambi nen, An naanggo sapi ineengge ndak-ndak 5 aret onggo kunggirak wondegiya noorak me, laago na noorak ti meek o, nogoba, yoge, 20ndi, ambi nen, An nakwe awo kolagarak me, na noorak meek o, yoge, eereegwaarak. 21Eereegwaarak nogo ayeloman nen ogoba mbininogo yori wage mbareegi, ogoba anini nen ayeloman yoge logonet, O tini nggwok yime tu andogon-andogon apit aret muguret nage logominggindik, aap ineenggi lek kenok, ineenggi-iyok peenok warak peenok lek kenok, inigen mbuk kenok, endop maluk kenok, mbet-mbet wogoret mok o. 22Yoge mbareegi, wogoret wage nagagirik, ogoba yoge logonet, Nogoba o. Yo'negendak nogo wogoret wagarak kwe, o ando apit tenak wonage o. 23Yoge mbareegi, ogoba nogo nen ayeloman yoge logonet, Ndi, ti kenok, aakumi endekem tu andogon-andogon ugun wonogwe nogo an name yagabit eeri ungguwak nduk, koone omaawi paga waganogo piya wage logot o. 24Laago noorak nduk, aa'nduk inayonggo pigirak nogo abok aret an nelaago larak na unggwi woroorak mondok lek aret, yoreegerak o,” yinuk, yoragagerak.
Yi mendek ndi mendek mbo punuk, an ninom noorak wone
(Mat 10:37-38)
25Aakumi ambi Yetut inom nugwi me, at Yetut nen ena ambokan na'nage nagagirik, it yorage logonet, 26”Kit kinogobamini-kinagalomini inom, kinakuwi-kinapurilogwe inom, kinowelogwe-kinawurilogwe inom, ndi, kit kineebe lombok nogo inom, Yi neebi o, mbaka'lek kagak an nowagam wogwe kiinok, an noone waganggwi mendek arumunggup lek o. 27Kinagayo karo-karo nabenogo pinagarak nogo ko'nok an ninom noorak mbaka'lek kiinok, an noone waganggwi mendek arumunggup lek o. 28Kit o nggwok ambi wuriyak koonggwi kenok, wuriyak nogo onggo puurak endak wonage ilik, lek a? yinuk, kineenggi linggingga'lek kagak, wuko monggotak mbakop? 29-30Kineenggi linggingga'lek kagak wukwi kiinok, nggween kabunogo kobat yimbunuk, oo'ngget awo maaka'lek kagak wu lek age kenok, mbo pumonggotak nogo aap ando nen inigen kogo logomenggaarik, Aap yi o wuriyak nduk eekerak kwe, eegu yobok ari kenok, mbo pegerak yi, kaanip o, yinuk, kinagi'ndok kambugun nogo lek a? 31Ndi, aap ndugure ambi nen wim namburi noorak nduk, lenggangge kenok, aa'nduk kwi'na'nuk, An nawuri ineebe 10,000 nen it wim ineebe 20,000 wonogwe me, endak inoori noorak ilik, meek a, yinuk, wakkaga'lek kagak, namburi nage menggerak mbakop? 32Wakkaanuk meek age kenok, it inom wim mbanak nogo awo wogwe iigak, Wim muk mage agago eyo yinggoorak o, yinuk, yonggo nappiige menggerak nogo lek a? 33Ti eeko menggarak kwak, kit ambi kinamendik-kinamendek apit aret mbo peka'lek kagak an noone waganggwi mendek arumunggup lek o,” yoragagerak.
Mayu andi lek wurik mbo pogo menggaarak wone
(Mat 5:13, Mrk 9:50)
34”Mayu ti, ambi eeriyak ake aret wurik menggerak kwe, andi lek wurik kenok, nonggop agago andi warak eeriyak? 35Mayu andi lek wurik nogo ti, nggween obeelom aruwak nduk yabu yarak me ilik, nggween maluk me a, pumenggaarak kwe, nggween nogo abe arigin lek me, abu mbo nappogo menggaarak. Kinaruk koneniyak kenok, liirogon aret konenggo logonip o,” yinuk, yoragagerak.
Currently Selected:
LUKAT 14: WNO
Highlight
Share
Copy
Want to have your highlights saved across all your devices? Sign up or sign in
LUKAT 14
14
Aap eenggi-iyok piirik-konik me, obeelom eereegerak wone
1Peebi ne ambi paga at Yetut nen it Yakuri tamban eekwi paga mbi noorak nduk, aap Pariti inowe ambi ame unggwagagerak me, aakumi nen at inigen wonok nugu nogogwaarak. 2Inigen wonok nugwi iigak, aap ambi andi eenggi-iyok piirik-konik eerak Yetut abu'me wonage me, 3at Yetut nen aap Ala wone liiru mbanak unde inom, Pariti mendek inom, yorage logonet, ”Tamban eekwi paga aakumi obeelom eeginaburak ti, op ilik, mage a?”
4Yorage mbareegi, it apit inoone abu lek puk ogogwaarak. Puk ogo mbareegwa, at Yetut nen aap nogo eenggi pigogo obeelom eeppege nagagirik, nappereegerak. 5Nappereegerak nage kagak, at Yetut nen, ”Kit ambi kinaput a, kinaanggo sapi a, nggween kabunik yi yenggenak me yigeebu wangge kenok, tamban eekwi paga kit pigogo nippi woroorak op ilik, lek a?”
6Yorage mbareegi, inoone onggo yoriyak meek me, puk ogogwaarak.
Iniki tebenak logonet, inanooya lako logorak wone
7Puk ogo mbareegwa, at Yetut nen it aakumi mbi noorak inayonggo pereegerak nogo, aap nggwok kwi'nogo menggam mban kwi'nari wogwe iige nagagirik, wone eegu laarogo yorage logonet, 8”Aap kwe kolage logonet, laago larak nogo noorak nduk, kinayonggo pege kenok, nogo logomonggotik, aap nggwok kwi'nogo menggam time kwi'narugup o. Kit mbuulogwe me, ndi, aap ambi abu nggwok ayonggo pegerak wage kenok, 9at kinom kinayonggo pegerak nogo nen kit yokkira wage logonet, Wologwe! Aap yi kit kinobaane'me kwi'naruwam, kit tayo yinip o, yokkirage kenok, kit kinenggali mbakak aap ugun kwi'nogo menggam kwi'nari noorak age kero, aap nggwok kwi'nogo menggam kwi'narugup o. 10Kinayonggo pege kenok, nogo logomonggotik, ugun kwi'nogo menggam time aret kwi'narumunggup o. Kwi'ndak wonage me, at kinayonggo pegerak nogo nen kit yokkira wage logonet, Noreewi o. Kit aap nggwok kwi'nogo menggam yime kwi'nari wa'nip o, yokkirage kenok, it aakumi apit mbi noorak kinom wonogwe nogo inenggaanom paga kit tiyanak aret kiyoorak me, aap ugun kwi'nogo menggam time aret kwi'narumunggup o. 11Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.
12Yorage nagagirik, at Yetut nen aap at ayonggo pereegerak nogo yoge logonet, ”Kat laago lake logonet kenok, kinom kiniki kunik menggendak inom, koreewi inom, kowe-kawot inom, ineenggi warak kat kinom menggendak inom, peebi it togop lako logonet, onggo kat kayonggo pugwi iyo, it mban inayonggo pugun o. 13Laago lake logonet, ineenggi lek kenok, aawi-obaak peenok warak peenok lek kenok, endop maluk kenok, inigen mbuk kenok, inayonggo pege kenok perak, 14kiniki ale'nggen ambik kaamunggun o. Ndi, it nen onggo wokkiriyak meek me, aakumi iniki koonak nogo ineenik a'nuk, mippiyoorak eyom nogo paga aret onggo wokkege kaamunggun o,” yinuk, yoreegerak.
Laago nggwok lakwi eegu laarogo yoragagerak wone
(Mat 22:1-10)
15Yoreegerak nogo aap mbi noorak inom kwi'ndak wonagagerak nogo ambi nen aruk konengge nagagirik, Yetut yoge logonet, ”It Ala abu'me piige minggim logonet, mbi namenggaarak nogo inale'nggen mbako logogun o.”
16Yoge mbareegi, Yetut nen, ”Aap ambi laago nggwok lariyak koongge nagagirik, aakumi apit inayonggo pereegerak. 17Inayonggo pege nagagirik, lappunuk, ayeloman ambi yoge logonet, Laago larak yi, abu pelaariyak eeke me, noorak aap inayonggo pigirak nogo woraawak nduk, yoranet nak o, yinuk, nappereegerak. 18Nappereegerak nogo nen yoranet nagagerak kwe, it ambugwi aret ineebi-ineeba yogo logonet, at ambi nen, An yabu yarak ambi onggo pigirak pekka noorak me, laago na noorak ti, meek o, nogoba, yoge, 19ndi, ambi nen, An naanggo sapi ineengge ndak-ndak 5 aret onggo kunggirak wondegiya noorak me, laago na noorak ti meek o, nogoba, yoge, 20ndi, ambi nen, An nakwe awo kolagarak me, na noorak meek o, yoge, eereegwaarak. 21Eereegwaarak nogo ayeloman nen ogoba mbininogo yori wage mbareegi, ogoba anini nen ayeloman yoge logonet, O tini nggwok yime tu andogon-andogon apit aret muguret nage logominggindik, aap ineenggi lek kenok, ineenggi-iyok peenok warak peenok lek kenok, inigen mbuk kenok, endop maluk kenok, mbet-mbet wogoret mok o. 22Yoge mbareegi, wogoret wage nagagirik, ogoba yoge logonet, Nogoba o. Yo'negendak nogo wogoret wagarak kwe, o ando apit tenak wonage o. 23Yoge mbareegi, ogoba nogo nen ayeloman yoge logonet, Ndi, ti kenok, aakumi endekem tu andogon-andogon ugun wonogwe nogo an name yagabit eeri ungguwak nduk, koone omaawi paga waganogo piya wage logot o. 24Laago noorak nduk, aa'nduk inayonggo pigirak nogo abok aret an nelaago larak na unggwi woroorak mondok lek aret, yoreegerak o,” yinuk, yoragagerak.
Yi mendek ndi mendek mbo punuk, an ninom noorak wone
(Mat 10:37-38)
25Aakumi ambi Yetut inom nugwi me, at Yetut nen ena ambokan na'nage nagagirik, it yorage logonet, 26”Kit kinogobamini-kinagalomini inom, kinakuwi-kinapurilogwe inom, kinowelogwe-kinawurilogwe inom, ndi, kit kineebe lombok nogo inom, Yi neebi o, mbaka'lek kagak an nowagam wogwe kiinok, an noone waganggwi mendek arumunggup lek o. 27Kinagayo karo-karo nabenogo pinagarak nogo ko'nok an ninom noorak mbaka'lek kiinok, an noone waganggwi mendek arumunggup lek o. 28Kit o nggwok ambi wuriyak koonggwi kenok, wuriyak nogo onggo puurak endak wonage ilik, lek a? yinuk, kineenggi linggingga'lek kagak, wuko monggotak mbakop? 29-30Kineenggi linggingga'lek kagak wukwi kiinok, nggween kabunogo kobat yimbunuk, oo'ngget awo maaka'lek kagak wu lek age kenok, mbo pumonggotak nogo aap ando nen inigen kogo logomenggaarik, Aap yi o wuriyak nduk eekerak kwe, eegu yobok ari kenok, mbo pegerak yi, kaanip o, yinuk, kinagi'ndok kambugun nogo lek a? 31Ndi, aap ndugure ambi nen wim namburi noorak nduk, lenggangge kenok, aa'nduk kwi'na'nuk, An nawuri ineebe 10,000 nen it wim ineebe 20,000 wonogwe me, endak inoori noorak ilik, meek a, yinuk, wakkaga'lek kagak, namburi nage menggerak mbakop? 32Wakkaanuk meek age kenok, it inom wim mbanak nogo awo wogwe iigak, Wim muk mage agago eyo yinggoorak o, yinuk, yonggo nappiige menggerak nogo lek a? 33Ti eeko menggarak kwak, kit ambi kinamendik-kinamendek apit aret mbo peka'lek kagak an noone waganggwi mendek arumunggup lek o,” yoragagerak.
Mayu andi lek wurik mbo pogo menggaarak wone
(Mat 5:13, Mrk 9:50)
34”Mayu ti, ambi eeriyak ake aret wurik menggerak kwe, andi lek wurik kenok, nonggop agago andi warak eeriyak? 35Mayu andi lek wurik nogo ti, nggween obeelom aruwak nduk yabu yarak me ilik, nggween maluk me a, pumenggaarak kwe, nggween nogo abe arigin lek me, abu mbo nappogo menggaarak. Kinaruk koneniyak kenok, liirogon aret konenggo logonip o,” yinuk, yoragagerak.
Currently Selected:
:
Highlight
Share
Copy
Want to have your highlights saved across all your devices? Sign up or sign in