MATIYUT 23
23
It Ala wone liiru mbanak unde inom, Pariti inom, eeko menggaarak wakkagak yoragagerak wone
(Mrk 12:38-39, Luk 11:43,46, 20:45-46)
1Yetut kin wakkoorak inagabiti nen puk wonogwe me, at Yetut nen it aakumi kuwak aago inom, at oone waganggwi inom, yorage logonet. 2”It Ala wone liiru mbanak unde inom, aap Pariti mendek inom, nen, Muta yorage nagagerak obaane'me nit aret yorogo logowok o, yinuk, yokkirogwe me, 3it nen yi mendek ndi mendek eeriyak yokkirogwe iinok, liippunuk, eeko logorak op aret kwe, it eeka'lek logonet, yokkirogo menggaarak nogo ti maluk aret me, kit togop eeko logogup o. 4It nen aaninggin ambik waganogo aakumi inuum paga piinok, luwi aago nugwi iigak, yeenggooroorak mbaka'lek inigen pengge agan mbaganggo menggaarak. 5Yi mendek ndi mendek eekwi nogo ti, Aakumi inigen niyaawak o, yinuk, eerit nugu logonet, kiwone mbanak tabak lombok inenggaawak paga nabenogo keele maakwi, inambotali inayum o'lu paga nggorek togon pugunogo wurakwi, eeko menggaarak. 6Ndi, laago lako logonet, it aap iyo'nggok kero kwi'nogo menggam mban kwi'nogwe, it aap Yakuri tamban eeko menggam oolo me kwi'nogwe, 7yi mendek ndi mendek onggo kunggo menggam, Nit mban keyage wappinaniyak, mbakwi, aakumi nen, Ngguru wa, yinuk, yo'niroorak mbakwi, eeriyak inikilom mbako menggaarak kwe, 8kit perak, mamunggirage minggirak an nalik aret o. Ndi, kit nore-kore lombok wonogwe me, aakumi nen, Ngguru wae, yokkiroorak lek o. 9Ndi, kit kinogoba mbogut paga mendek ambit aret me, it aap nggween paga yime mendek ambi, Nogoba o, yinuk, yoriyak mage o. 10Ndi, noone lenggangginake minggirak an Keritut neebe kepala ambit aret me, aakumi nen, Kepala o, yokkiroorak lek mban o. 11Aap kinenggela'me ambi mondok nggwok negen wonage ti, kinayeloman aret logowak o. 12Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.
It iniki laakot wonogwe iinok, Yetut nen mberiragagerak wone
(Mrk 12:40, Luk 11:39-42, 20:47)
13”Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi nen Ala abu'me unggwogwe iyo, kit nen tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbambiigwi, eeko monggotak me, kinabuwa o!
15Kit Ala wone liiru mbanak unde Pariti kinom kiniki laakot logonet, eeko monggotak yi, aap ambit iluk kinoone wagangge logowak nduk, yi awi ndi awi kwaarit nugwi, aakumi inawi wanggerit nugwi, eeko nogotik, kinoone wagangge kenok, kit kani omoonuk wunuk mban ari minggim unggwi noorak nduk, eekwi kwe, at perak, maluk nggwok lombok eekko'nok kinom unggwi nawak nduk, eeppogo monggotak me, kinabuwa o!
16Kinigen mbuk logonet, aakumi tu nigiigo monggotak yi, kit nen yogo logonet, Ninoone abet mbaruwak nduk, Ala awi wurik endage kunogo aakumi yorogwe niinok ti, we aret agan nugwi kwe, mbuti emas Ala awi wurik me wonage nogo endage kunogo aakumi yorogwe niinok ti perak, ninoone yogwe nogo mondok-mondok eeko logorak nduk, yogwe me, ti iya o, yinuk, yogo monggotak me, kinabuwa o! 17Kiniki lek kinigen mbuk yi, kit nen mbuti emas iya mbakop ilik, mbuti emas Ala awi wurik me pi unggwogwe paga Ala ake leennage menggerak me, awi wurik ti, iya mbakop a? 18Kit yogo monggotak ambi yi o. Ala aanggo warogo kani kunggo menggam endage kunogo aakumi yorogwe niinok ti, we aret yogwe kwe, Ala ake kani kunggo menggam pugu ti endage kunogo aakumi yorogwe niinok ti perak, yogwe nogo ti mondok-mondok logorak nduk yogwe me, iya o, yinuk, yogo monggotak me, kinabuwa o! 19Kinigen mbuk yi, Ala ake pugu ti, iya mbakop ilik, Ala ake pugu nogo kani kunggo menggam kani kuni wage paga Ala ake leennage menggerak me, kani kunggo menggam ti, iya mbakop a? 20Togop me, kit Ala aanggo warogo kani kunggo menggam endage kunogo yorogwe kiinok ti, eebe ogobakkigirik inom, yi mendek ndi mendek time pugu nogo inom, lambuk togon endage kunogo aret yorogwe, 21ndi, Ala awi wurik endage kunogo yorogwe kiinok ti, o eebe wurik inom, at time menggerak Ala eebe nogo inom, lambuk togon endage kunogo aret yorogwe, 22ndi, kit nen mbogut endage kunogo yorogwe kiinok ti, at Ala wone lengganinake minggim inom, at time menggerak Ala endage inom, lambuk togon endage kunogo aret yorogwe, eeko monggotak me, yokkiragi o.
23Kit Ala wone liiru mbanak unde aap Pariti kinom kiniki laakot logonet, eeko monggotak yi, wone a'me mban koonggwi inom, aakumi inabuwa nen eeppiigwi inom, kiniki liirogon eekwi inom, Ala wone lenggenak alom nggwok ti aret kagak, mbo punuk, kit nen we liboongga logwe, yibiingga logwe, kiinde logwe, ando mbuuluk nibinogo Ala ake pogo monggotak me, kinabuwa! Alom nggwok nogo eeko logonet, mbuulogwe-mbaalogwe ti inom nabenogo eeriyak me eeko monggotak o. 24Kit kinigen mbuk logonet, aakumi tu nigiigo monggotak yi, niyo nonggo logonet, laami mbuulogwe kinambe me unggwage kenok, kilirogo mbo nappogo monggotak kwe, kutaabak kanggetak niyowak o'lu me kagak nunggwi kenok, luk togon kinikime wangge menggerak kiigi o.
25Kit Ala wone liiru mbanak unde aap Pariti kinom kiniki laakot logonet, eeko monggotak yi, kit kinagiiwak kinarenggap eebe tookkologo monggo'nom time aakumi inamendek yumbu-lambu agago kologo monggotak inom. An mban kola, mbako monggotak inom, kinagiwa'na eno korok aago kagak, agabolo endekem mban kooko monggotak me, kinabuwa o. 26Kit aap Pariti kinigen mbuk yi, kinagiiwak akenggwe aa'nduk kookkologwe kiinok, endekem inom koorak aret kaamunggup o.
27Kit Ala wone liiru mbanak unde aap Pariti kinom kiniki laakot logonet, eeko monggotak yi, aap kanggaatak nggween taambiigo menggam ineebe pili agaatak inowak nggininik nggween abu'na kagak obaga awi abe laambu wurik minggi kwak monggotak me, kinabuwa o. 28It aakumi nen kineebe pekkiigo logonet, Aap obeelom, kinombakwi kwe, kiniki laakot logonet, eeko monggotak inom, yi maluk ndi maluk eeko monggotak inom, kinikime yagabit aago wonogwe kiigi o,” yinuk, yoragagerak.
It aap Pariti inowak loonogo maluk inoba piyoorak wone
(Luk 11:47-51)
29”Kit Ala wone liiru mbanak unde aap Pariti kinom kiniki laakot logonet, eeko monggotak yi, kit nen it maan Ala wone yorogo nogogwaarak nabi-nabi nogo inowak pereegwam ogobakkigikwi, ndi, it aap maan iniki koonak wonogo nogogwaarak nogo inowak paga inabiriwak ogobakkigirogo mippiigwi, eeko logonet, 30Ninombomini nen aap Ala wone yorogo menggaarak inooreegwaarak nabi-nabi nogo ti, it ineenik wonogogwaarak ti eyom paga nit ninom logonetak en, aap nogo inoo'netak lek o, 31yogwe nogo paga, kit nen it Ala wone yorogo menggaarak inooreegwaarak inombo wologwe nogo, Nit aret ogoorik o, yinuk, paganggo monggotak me, kinabuwa o. 32Kinombomini ineenggi ando pereegwaarak nogo, kit nen age yobok togon aret ee'nip o. 33Kit waalo muru nogo mendek awi wiganak yi, Ala nen owak loonogo kani omoonuk wunuk mban ari minggim time nappinagage kenok, nonggop togon kole mbaganumunggup o? Abu meek o. 34Ti kenok, an nen aap Ala wone yorogo menggaarak inom, aap iniki warak inom, aap Ala wone liiru mbanak unde inom, kinowagam nappiya wage neenok, ando eyo karo-karo paga nabenogo inookwi, ando kit tamban eeko monggo'nom time ya'mbiran nggora eerogo inookwi, ando muguret-magaret eerogo mappiigwi, eeginabumunggup o. 35Ti paga at Kaben iniki koonak kagak amiya wambeegerak kuli nen, at Takariya, Mbakariya aput nogo, Ala awi wurik me aanggo warogo kani kunggo menggam oolo time wareegutak kuli, it aap iniki koonak menggaarak inamiya nggween paga yime wambi nagagerak nogo abok aret kit kinoba luurik aret logogin o. 36Kit aakumi yogondak wonogwe yi, wone yi abok aret aaninggin kit kinoba aret logogin o, yinuk, abet aret yokkiragi o,” yinuk, yoragagerak.
Yetut nen aakumi o Yerutalem mendek inabuwa mbareegerak wone
(Luk 13:34-35)
37Yorage nagagirik, ”Ai. Kit aakumi Yerutalem mendek yi, kit nen it Ala wone yokkirogo menggaarak nogo inookwi, it aap Ala nen yonggo nappinagi wage kenok, yugum paga togurit-tagarit eerogo inookwi, eeko monggotak me, ao. An ta, towe ayam iyagalo nen oo'nuwe a'naabit abu'me tebembiirogo minggi kwak, kuwak eeppinagarak mbake minggirak kwe, nineebi yogo monggotak nogo. 38Teppinagaminggirak me, kiname yi we o wogo aret logogin o. 39Kit nen, At ninogoba endagembogut endage paga wage yi, wogoppuwok o, yinuk, awo yega'lek logonet, neega'lek aret logomunggup o, yinuk, abet aret yokkiragi o,” yoragagerak.
Currently Selected:
MATIYUT 23: WNO
Highlight
Share
Copy
Want to have your highlights saved across all your devices? Sign up or sign in
MATIYUT 23
23
It Ala wone liiru mbanak unde inom, Pariti inom, eeko menggaarak wakkagak yoragagerak wone
(Mrk 12:38-39, Luk 11:43,46, 20:45-46)
1Yetut kin wakkoorak inagabiti nen puk wonogwe me, at Yetut nen it aakumi kuwak aago inom, at oone waganggwi inom, yorage logonet. 2”It Ala wone liiru mbanak unde inom, aap Pariti mendek inom, nen, Muta yorage nagagerak obaane'me nit aret yorogo logowok o, yinuk, yokkirogwe me, 3it nen yi mendek ndi mendek eeriyak yokkirogwe iinok, liippunuk, eeko logorak op aret kwe, it eeka'lek logonet, yokkirogo menggaarak nogo ti maluk aret me, kit togop eeko logogup o. 4It nen aaninggin ambik waganogo aakumi inuum paga piinok, luwi aago nugwi iigak, yeenggooroorak mbaka'lek inigen pengge agan mbaganggo menggaarak. 5Yi mendek ndi mendek eekwi nogo ti, Aakumi inigen niyaawak o, yinuk, eerit nugu logonet, kiwone mbanak tabak lombok inenggaawak paga nabenogo keele maakwi, inambotali inayum o'lu paga nggorek togon pugunogo wurakwi, eeko menggaarak. 6Ndi, laago lako logonet, it aap iyo'nggok kero kwi'nogo menggam mban kwi'nogwe, it aap Yakuri tamban eeko menggam oolo me kwi'nogwe, 7yi mendek ndi mendek onggo kunggo menggam, Nit mban keyage wappinaniyak, mbakwi, aakumi nen, Ngguru wa, yinuk, yo'niroorak mbakwi, eeriyak inikilom mbako menggaarak kwe, 8kit perak, mamunggirage minggirak an nalik aret o. Ndi, kit nore-kore lombok wonogwe me, aakumi nen, Ngguru wae, yokkiroorak lek o. 9Ndi, kit kinogoba mbogut paga mendek ambit aret me, it aap nggween paga yime mendek ambi, Nogoba o, yinuk, yoriyak mage o. 10Ndi, noone lenggangginake minggirak an Keritut neebe kepala ambit aret me, aakumi nen, Kepala o, yokkiroorak lek mban o. 11Aap kinenggela'me ambi mondok nggwok negen wonage ti, kinayeloman aret logowak o. 12Kit kiniki tiyappakwi kiinok, tebembinagage, ndi, kiniki tebeppakwi kiinok, tiyappinagage, eeke kaamunggup o,” yinuk, yoragagerak.
It iniki laakot wonogwe iinok, Yetut nen mberiragagerak wone
(Mrk 12:40, Luk 11:39-42, 20:47)
13”Kit Ala wone liiru mbanak unde aap Pariti kinom kiniki laakot logonet, eeko monggotak yi, aakumi nen Ala abu'me unggwogwe iyo, kit nen tu narogo wumbiigwi, kit unggwaga'lek logonet, it unggwi woroorak mbakwi nogo, tu non mbambiigwi, eeko monggotak me, kinabuwa o!
15Kit Ala wone liiru mbanak unde Pariti kinom kiniki laakot logonet, eeko monggotak yi, aap ambit iluk kinoone wagangge logowak nduk, yi awi ndi awi kwaarit nugwi, aakumi inawi wanggerit nugwi, eeko nogotik, kinoone wagangge kenok, kit kani omoonuk wunuk mban ari minggim unggwi noorak nduk, eekwi kwe, at perak, maluk nggwok lombok eekko'nok kinom unggwi nawak nduk, eeppogo monggotak me, kinabuwa o!
16Kinigen mbuk logonet, aakumi tu nigiigo monggotak yi, kit nen yogo logonet, Ninoone abet mbaruwak nduk, Ala awi wurik endage kunogo aakumi yorogwe niinok ti, we aret agan nugwi kwe, mbuti emas Ala awi wurik me wonage nogo endage kunogo aakumi yorogwe niinok ti perak, ninoone yogwe nogo mondok-mondok eeko logorak nduk, yogwe me, ti iya o, yinuk, yogo monggotak me, kinabuwa o! 17Kiniki lek kinigen mbuk yi, kit nen mbuti emas iya mbakop ilik, mbuti emas Ala awi wurik me pi unggwogwe paga Ala ake leennage menggerak me, awi wurik ti, iya mbakop a? 18Kit yogo monggotak ambi yi o. Ala aanggo warogo kani kunggo menggam endage kunogo aakumi yorogwe niinok ti, we aret yogwe kwe, Ala ake kani kunggo menggam pugu ti endage kunogo aakumi yorogwe niinok ti perak, yogwe nogo ti mondok-mondok logorak nduk yogwe me, iya o, yinuk, yogo monggotak me, kinabuwa o! 19Kinigen mbuk yi, Ala ake pugu ti, iya mbakop ilik, Ala ake pugu nogo kani kunggo menggam kani kuni wage paga Ala ake leennage menggerak me, kani kunggo menggam ti, iya mbakop a? 20Togop me, kit Ala aanggo warogo kani kunggo menggam endage kunogo yorogwe kiinok ti, eebe ogobakkigirik inom, yi mendek ndi mendek time pugu nogo inom, lambuk togon endage kunogo aret yorogwe, 21ndi, Ala awi wurik endage kunogo yorogwe kiinok ti, o eebe wurik inom, at time menggerak Ala eebe nogo inom, lambuk togon endage kunogo aret yorogwe, 22ndi, kit nen mbogut endage kunogo yorogwe kiinok ti, at Ala wone lengganinake minggim inom, at time menggerak Ala endage inom, lambuk togon endage kunogo aret yorogwe, eeko monggotak me, yokkiragi o.
23Kit Ala wone liiru mbanak unde aap Pariti kinom kiniki laakot logonet, eeko monggotak yi, wone a'me mban koonggwi inom, aakumi inabuwa nen eeppiigwi inom, kiniki liirogon eekwi inom, Ala wone lenggenak alom nggwok ti aret kagak, mbo punuk, kit nen we liboongga logwe, yibiingga logwe, kiinde logwe, ando mbuuluk nibinogo Ala ake pogo monggotak me, kinabuwa! Alom nggwok nogo eeko logonet, mbuulogwe-mbaalogwe ti inom nabenogo eeriyak me eeko monggotak o. 24Kit kinigen mbuk logonet, aakumi tu nigiigo monggotak yi, niyo nonggo logonet, laami mbuulogwe kinambe me unggwage kenok, kilirogo mbo nappogo monggotak kwe, kutaabak kanggetak niyowak o'lu me kagak nunggwi kenok, luk togon kinikime wangge menggerak kiigi o.
25Kit Ala wone liiru mbanak unde aap Pariti kinom kiniki laakot logonet, eeko monggotak yi, kit kinagiiwak kinarenggap eebe tookkologo monggo'nom time aakumi inamendek yumbu-lambu agago kologo monggotak inom. An mban kola, mbako monggotak inom, kinagiwa'na eno korok aago kagak, agabolo endekem mban kooko monggotak me, kinabuwa o. 26Kit aap Pariti kinigen mbuk yi, kinagiiwak akenggwe aa'nduk kookkologwe kiinok, endekem inom koorak aret kaamunggup o.
27Kit Ala wone liiru mbanak unde aap Pariti kinom kiniki laakot logonet, eeko monggotak yi, aap kanggaatak nggween taambiigo menggam ineebe pili agaatak inowak nggininik nggween abu'na kagak obaga awi abe laambu wurik minggi kwak monggotak me, kinabuwa o. 28It aakumi nen kineebe pekkiigo logonet, Aap obeelom, kinombakwi kwe, kiniki laakot logonet, eeko monggotak inom, yi maluk ndi maluk eeko monggotak inom, kinikime yagabit aago wonogwe kiigi o,” yinuk, yoragagerak.
It aap Pariti inowak loonogo maluk inoba piyoorak wone
(Luk 11:47-51)
29”Kit Ala wone liiru mbanak unde aap Pariti kinom kiniki laakot logonet, eeko monggotak yi, kit nen it maan Ala wone yorogo nogogwaarak nabi-nabi nogo inowak pereegwam ogobakkigikwi, ndi, it aap maan iniki koonak wonogo nogogwaarak nogo inowak paga inabiriwak ogobakkigirogo mippiigwi, eeko logonet, 30Ninombomini nen aap Ala wone yorogo menggaarak inooreegwaarak nabi-nabi nogo ti, it ineenik wonogogwaarak ti eyom paga nit ninom logonetak en, aap nogo inoo'netak lek o, 31yogwe nogo paga, kit nen it Ala wone yorogo menggaarak inooreegwaarak inombo wologwe nogo, Nit aret ogoorik o, yinuk, paganggo monggotak me, kinabuwa o. 32Kinombomini ineenggi ando pereegwaarak nogo, kit nen age yobok togon aret ee'nip o. 33Kit waalo muru nogo mendek awi wiganak yi, Ala nen owak loonogo kani omoonuk wunuk mban ari minggim time nappinagage kenok, nonggop togon kole mbaganumunggup o? Abu meek o. 34Ti kenok, an nen aap Ala wone yorogo menggaarak inom, aap iniki warak inom, aap Ala wone liiru mbanak unde inom, kinowagam nappiya wage neenok, ando eyo karo-karo paga nabenogo inookwi, ando kit tamban eeko monggo'nom time ya'mbiran nggora eerogo inookwi, ando muguret-magaret eerogo mappiigwi, eeginabumunggup o. 35Ti paga at Kaben iniki koonak kagak amiya wambeegerak kuli nen, at Takariya, Mbakariya aput nogo, Ala awi wurik me aanggo warogo kani kunggo menggam oolo time wareegutak kuli, it aap iniki koonak menggaarak inamiya nggween paga yime wambi nagagerak nogo abok aret kit kinoba luurik aret logogin o. 36Kit aakumi yogondak wonogwe yi, wone yi abok aret aaninggin kit kinoba aret logogin o, yinuk, abet aret yokkiragi o,” yinuk, yoragagerak.
Yetut nen aakumi o Yerutalem mendek inabuwa mbareegerak wone
(Luk 13:34-35)
37Yorage nagagirik, ”Ai. Kit aakumi Yerutalem mendek yi, kit nen it Ala wone yokkirogo menggaarak nogo inookwi, it aap Ala nen yonggo nappinagi wage kenok, yugum paga togurit-tagarit eerogo inookwi, eeko monggotak me, ao. An ta, towe ayam iyagalo nen oo'nuwe a'naabit abu'me tebembiirogo minggi kwak, kuwak eeppinagarak mbake minggirak kwe, nineebi yogo monggotak nogo. 38Teppinagaminggirak me, kiname yi we o wogo aret logogin o. 39Kit nen, At ninogoba endagembogut endage paga wage yi, wogoppuwok o, yinuk, awo yega'lek logonet, neega'lek aret logomunggup o, yinuk, abet aret yokkiragi o,” yoragagerak.
Currently Selected:
:
Highlight
Share
Copy
Want to have your highlights saved across all your devices? Sign up or sign in