MARAKUT 16
16
Yetut eenik a'nuk mi'nagagerak wone
(Mat 28:1-8, Luk 24:1-12, Ya 20:1-10)
1It Yakuri tamban eeppunuk, o kiip age mbareegi, kwe Mariya awi Magaralena mendek nogo inom, Yakobut agalo Mariya nogo inom, kwe Talome inom, it nogo nen eyoonggen obari obeelom mendek Yetut oba mbeenogo puurak nduk, onggo pi nogogwaarak. 2Onggo pi nogo nogogwaarik, nogo yinuk, hari minggu paga kuubondenok oonegen awo wundi wage kagak, yugum ndoome nogome nogogwaarak. 3Nogo logonet, ”Ta nen yugum narak nogo laganogo pinanigin o?” 4yinuk agan wogo nogogwaarik, ina nakkogo nogogwaarik, yugum nggwok tu narak nogo loguk togon nagagerak inigen kogogwaarak. 5Kogo nogogwaarik, ndoome nogome unggwogo nogogwaarik, irunggwe ineenggi abe'nggan pa'nggwe wulaga ambi mbogoyum laambu yirik kwi'ndak wonage inigen kogo nogogwaarik, iniki lek age mbareegi, 6at nogo nen, ”Kiniki ma'narugup o. Kit Yetut awi Nataret mendek eyo paga nabenogo pegaarak nogo kawok nduk wogotak kwe, eebe yime lek o. At muk eenik a'nuk, mi'nagaarak o. Eebe warak pegam a'lip mban yi kanip o. 7An naa'nduk Nggalileya time naminggirak me, neya namunggup o, yinuk, wone yokkiragaarak nogo ndak-ndak aret eekerak me, at oone waganggwi ando inom, Peterut inom, yora nanip o.”
8Yorage mbareegi, ”Iya!” yinuk, inaganak nuk iraanet ndoome nen wundi nogo nogogwaarik, kole mbaganggo logonet, inagabiti nen aakumi ambi yoroolik aret nogogwaarak.
Kwe Mariya awi Magaralena mendek nen neyaawak nduk nikkagagerak wone
(Mat 28:9-10, Ya 20:11-18)
9 Hari minggu kuuben at Yetut nogo eenik a'nuk, mi'nage nagagirik, at kwe Mariya awi Magaralena mendek kugi 12 inikime lik yereegerak nggiginogo wumbiyareegerak nogo eebe nikkage mbareegi, 10at oreewi inom wonogogwaarak nogo nen le yi-yi wo-wo yogwe me, at kwe nogo nen aret yonggo yora nagagerak. 11”At Yetut eenik a'nuk, mi'nagaarak kage nagarik, yokkira wagi o,” yoragagerak nogo koneneegwaarak kwe, it nogo iniki abet mbaka'lek aret wonogogwaarak.
At oreewi mendek mbere inigen kaawak nduk nigiyareegerak wone
(Luk 24:13-35)
12Ti eeppogo nogogwaarik, wonogwe me, at oreewi mendek mbere oore'nggam nen wundi nogo nogogwaarik, tu paga nogwe me, at Yetut etenggen alik negen eeppunuk, nigiige mbareegi, 13iniyok paga wogo nogogwaarik, inoreewi ando yora wogogwaarak mendek, it nogo kunduk abet mbarulik mban wonogogwaarak.
Oreewi 11 kaawak nduk nigiyareegerak wone
(Mat 28:16-20, Luk 24:36-48, Ya 20:19-23, Nap 1:6-8)
14Ti'nuk, peebi nen at oone waganggwi 11 nogo mbi nunggwi me, neyaawak nduk nigiya wagagerak. Nigiya wage nagagirik, inogogumbuk wonogogwaarak me, at eenik a'nuk mi'nagagerak inigen kenok, yora wogogwaarak kwe, iniki abet mbaka'lek iinok, mberiragagerak. 15Mberirage nagagirik, it nogo yorage logonet, ”Kit yi awi ndi awi time nogo logomonggotik, it yi aakumi ndi aakumi time abok wone obeelom wone yoranet nugu logonu o. 16Wone obeelom wone yora namonggotak ti, iniki nen abet mba'nuk yiime wanggwi iinok, inagap ndarigin o. Ndi, wone ti, iniki abet mba'nuk wagangga'lek iinok perak, maluk agago aret piyaagin o. 17An noone iniki abet mba'nuk waganggo logomenggaarik, it aakumi inagabiti warak ineenu ariyak mendek kugi inikime lik yereegerak nogo an nendage paga nggiginogo wumbiigwi, it wone ineenggo'lek alik mendek lalin negen wappunuk yorogwe, 18waalo muuru ineenggi pigaganggwi, magagirak labunik namenggaarak kwe, kangga'lek aret wonogwe, kugi andi iinok, inanobak ineenggi pippiinok obeelom eeginakwi, eerit nugu logogun o,” yinuk, yoragagerak.
Yetut mbogut paga wonok laganeegerak wone
(Luk 24:50-53, Nap 1:9-11)
19Yorage mbareegi, ninuwe Yetut endagembogut nogo at Ala nen wonok, mbogut paga pi lagangge mbareegi, at eenggi abe paga kwi'nagagerak. 20Pi lagangge mbareegi, it at wone waganggwi nogo yi awi ndi awi wone yoranet nugwi iigak, inagabiti warak ineenu ariyak mendek eerit nugwi paga it aakumi apit nogo nen, ”Wone yi abet aret o,” mbaruwak nduk, ninuwe endagembogut nen yeenggwaaranet nege nagagerak. Amin.
Currently Selected:
MARAKUT 16: WNO
Highlight
Share
Copy
Want to have your highlights saved across all your devices? Sign up or sign in
MARAKUT 16
16
Yetut eenik a'nuk mi'nagagerak wone
(Mat 28:1-8, Luk 24:1-12, Ya 20:1-10)
1It Yakuri tamban eeppunuk, o kiip age mbareegi, kwe Mariya awi Magaralena mendek nogo inom, Yakobut agalo Mariya nogo inom, kwe Talome inom, it nogo nen eyoonggen obari obeelom mendek Yetut oba mbeenogo puurak nduk, onggo pi nogogwaarak. 2Onggo pi nogo nogogwaarik, nogo yinuk, hari minggu paga kuubondenok oonegen awo wundi wage kagak, yugum ndoome nogome nogogwaarak. 3Nogo logonet, ”Ta nen yugum narak nogo laganogo pinanigin o?” 4yinuk agan wogo nogogwaarik, ina nakkogo nogogwaarik, yugum nggwok tu narak nogo loguk togon nagagerak inigen kogogwaarak. 5Kogo nogogwaarik, ndoome nogome unggwogo nogogwaarik, irunggwe ineenggi abe'nggan pa'nggwe wulaga ambi mbogoyum laambu yirik kwi'ndak wonage inigen kogo nogogwaarik, iniki lek age mbareegi, 6at nogo nen, ”Kiniki ma'narugup o. Kit Yetut awi Nataret mendek eyo paga nabenogo pegaarak nogo kawok nduk wogotak kwe, eebe yime lek o. At muk eenik a'nuk, mi'nagaarak o. Eebe warak pegam a'lip mban yi kanip o. 7An naa'nduk Nggalileya time naminggirak me, neya namunggup o, yinuk, wone yokkiragaarak nogo ndak-ndak aret eekerak me, at oone waganggwi ando inom, Peterut inom, yora nanip o.”
8Yorage mbareegi, ”Iya!” yinuk, inaganak nuk iraanet ndoome nen wundi nogo nogogwaarik, kole mbaganggo logonet, inagabiti nen aakumi ambi yoroolik aret nogogwaarak.
Kwe Mariya awi Magaralena mendek nen neyaawak nduk nikkagagerak wone
(Mat 28:9-10, Ya 20:11-18)
9 Hari minggu kuuben at Yetut nogo eenik a'nuk, mi'nage nagagirik, at kwe Mariya awi Magaralena mendek kugi 12 inikime lik yereegerak nggiginogo wumbiyareegerak nogo eebe nikkage mbareegi, 10at oreewi inom wonogogwaarak nogo nen le yi-yi wo-wo yogwe me, at kwe nogo nen aret yonggo yora nagagerak. 11”At Yetut eenik a'nuk, mi'nagaarak kage nagarik, yokkira wagi o,” yoragagerak nogo koneneegwaarak kwe, it nogo iniki abet mbaka'lek aret wonogogwaarak.
At oreewi mendek mbere inigen kaawak nduk nigiyareegerak wone
(Luk 24:13-35)
12Ti eeppogo nogogwaarik, wonogwe me, at oreewi mendek mbere oore'nggam nen wundi nogo nogogwaarik, tu paga nogwe me, at Yetut etenggen alik negen eeppunuk, nigiige mbareegi, 13iniyok paga wogo nogogwaarik, inoreewi ando yora wogogwaarak mendek, it nogo kunduk abet mbarulik mban wonogogwaarak.
Oreewi 11 kaawak nduk nigiyareegerak wone
(Mat 28:16-20, Luk 24:36-48, Ya 20:19-23, Nap 1:6-8)
14Ti'nuk, peebi nen at oone waganggwi 11 nogo mbi nunggwi me, neyaawak nduk nigiya wagagerak. Nigiya wage nagagirik, inogogumbuk wonogogwaarak me, at eenik a'nuk mi'nagagerak inigen kenok, yora wogogwaarak kwe, iniki abet mbaka'lek iinok, mberiragagerak. 15Mberirage nagagirik, it nogo yorage logonet, ”Kit yi awi ndi awi time nogo logomonggotik, it yi aakumi ndi aakumi time abok wone obeelom wone yoranet nugu logonu o. 16Wone obeelom wone yora namonggotak ti, iniki nen abet mba'nuk yiime wanggwi iinok, inagap ndarigin o. Ndi, wone ti, iniki abet mba'nuk wagangga'lek iinok perak, maluk agago aret piyaagin o. 17An noone iniki abet mba'nuk waganggo logomenggaarik, it aakumi inagabiti warak ineenu ariyak mendek kugi inikime lik yereegerak nogo an nendage paga nggiginogo wumbiigwi, it wone ineenggo'lek alik mendek lalin negen wappunuk yorogwe, 18waalo muuru ineenggi pigaganggwi, magagirak labunik namenggaarak kwe, kangga'lek aret wonogwe, kugi andi iinok, inanobak ineenggi pippiinok obeelom eeginakwi, eerit nugu logogun o,” yinuk, yoragagerak.
Yetut mbogut paga wonok laganeegerak wone
(Luk 24:50-53, Nap 1:9-11)
19Yorage mbareegi, ninuwe Yetut endagembogut nogo at Ala nen wonok, mbogut paga pi lagangge mbareegi, at eenggi abe paga kwi'nagagerak. 20Pi lagangge mbareegi, it at wone waganggwi nogo yi awi ndi awi wone yoranet nugwi iigak, inagabiti warak ineenu ariyak mendek eerit nugwi paga it aakumi apit nogo nen, ”Wone yi abet aret o,” mbaruwak nduk, ninuwe endagembogut nen yeenggwaaranet nege nagagerak. Amin.
Currently Selected:
:
Highlight
Share
Copy
Want to have your highlights saved across all your devices? Sign up or sign in