MARAKUT 2
2
Aap eenggi-iyok nggilik-nggelok aago me obeelom eereegerak wone
(Mat 9:1-8, Luk 5:17-26)
1Nogome wonagagirik, ti'nuk, o Kaperenaum wagagerak me, ”Ame wagaarak wonage o,” yogo nogogwaarik, 2aakumi ambik kuwak ari wogogwaarak, o nogome yagabit aago tu ngga'nggi paga luunik wonogwe iigak, wone yorage nagagerak. 3Wone yorage wonage me, aap ambi eenggi-iyok nggilik-nggelok aago me, aap 4 nen ewu'nuk, at owagam wonok pi wogogwaarak. 4Ewu'nuk wonok wogo nogogwaarik, oome time Yetut nogo inom aakumi yagabit aago me, unggwi noorak meek age mbareegi, wonok o kirim paga laganggo nogogwaarik, at Yetut wonage me ndak-ndak pelan ndenenogo punuk, aap nogo eyo ndoonak windak menggerak nogo paga windak kagak inaani wuppereegwaarak. 5Wuppogo mbareegwa, at Yetut nogo nen it inikime nen at oba abet mba'nuk wonok wogwe nogo yelok iige nagagirik, aap eenggi-iyok nggilik-nggelok aago nogo yoge logonet, ”Naput wae. Komaluk nogo lek eerogo pagagi o,” yoreegerak.
6Yoge mbareegi, it Ala wone liiru mbanak unde nogo time kwi'ndak logonet, inikime nen, 7”Aap yi nonggop nduk togop yigi mbakop? Nit maluk eekwi lek eerogo pinanege menggerak nogo, at Ala nen mban aret lek a? Togop aret kwe, Ala miyuk-meya agago pege yi, wologwe!”
8Yinuk, it iniki togop mbakwi at Yetut nen yelok iige nagagirik, ”Kit nonggop nduk kiniki togop mbako ogotik? 9At aap eenggi-iyok nggilik-nggelok aago yi, Kat komaluk lek eerogo pagagi o, yoriyak ti, iya lik, kagare'ngga ndoonak nogo yege menggendak ko'nok nak o, yoriyak ti, iya a? Kit yinip nda!” yorage nagagirik, 10”Ala nen an aap aret nda'nagagirak nogo nggween paga aakumi inomaluk lek eerogo piyoorak unde mippaneegerak kineenu arubagip nduk, aap yi yogirak me,” yinuk, yorage nagagirik, at aap eenggi-iyok nggilik-nggelok aago nogo yoge logonet. 11”Mi'na'nuk, kat nogo yege menggendak kere'ngga ndoonak nogo ti, ko'nok kame nanok nduk yokkigi o,” yinuk, yoreegerak.
12Awo yoge kagak, mi'nage nagagirik, agare'ngga ndoonak nogo yege menggerak nogo ko'nok, it abok inengaanom paga endekem wungge mbareegi, it aakumi nogo nen, ”Nit yogop eekwi ambi abu ninigen kogolik mendek aret eekerak yi, wi!” yinuk, at Ala wogoppogo logonet, pi wareegwaarak.
Yetut nen aap Leewi wiireegerak wone
(Mat 9:9-13, Luk 5:27-32)
13Pi wakwi iigak, Yetut nogo wundi nage nagagirik, ti'nuk, ne ambi paga yi yenggenak aa'nggi paga nage me, aakumi abok at owagam wagak mban eekwi iinok, wone mamunirage nagagerak. 14Wone mamunirage nagagirik, tu paga nage logonet, at Alepeyut aput Leewi nogo, it pemerintah inake wu kuwak eeko menggam kwi'ndak wonage me enegen kagagerak. Enegen kage nagagirik, ”Nimbirak nawok nduk, omok o,” yoge mbareegi, mi'nage nagagirik, Yetut imbirak nagagerak.
15Ti'nuk, peebi nen at Leewi ame nogome Yetut mbi nengge me, it pemerintah inake wu kuwak eeko menggaarak inom, it maluk eeko menggaarak inom, ineebe ambik at Yetut oone konenuwok nduk, inom nogogwaarak nogo Yetut inom lambunik mbi nunggwi me, 16it aap Pariti mendek Ala liiru mbanak unde ando nogo nen it maluk eeko menggaarak nogo inom, it pemerintah inake wu kuwak eeko menggaarak nogo inom, Yetut inom aret mbi nunggwi inigen iigo nogogwaarik, at oone waganggwi nogo yorogo logonet, ”It pemerintah inake wu kuwak eeko menggaarak inom, it maluk eeko menggaarak inom, nonggop nduk at Yetut inom lambunik mbi nengge agaarik o?” yorogogwaarak.
17Yorogwe nogo at Yetut aruk konembege nagagirik, ”It aap kugi andi lek kenok ti, Ndoter ka noorak mbakulik o. Ata, andi kenok mban obeelom aganabuwak nduk Ndoter ka noorak mbako menggaarak o. It aap koonak menggaarak kagak, inayonggo pikit nduk woroolik o. Ata, it aap maluk eeko menggaarak kenok mban inayonggo pikit nduk wagagirak o,” yoragagerak.
Mbi nengga'lek inambe mage negen logorak wone
(Mat 9:14-17, Luk 5:33-39)
18Ne ambit paga nogome logonet, it Yaya oone waganggwi inom, it Pariti mendek nogo inom, tamban eeko logonet, mbi nengga'lek inambe mage negen aret wonogogwaarak. Wonogwe iigak, it aakumi Yetut owagam wogo nogogwaarik, yogo logonet, ”It Yaya oone waganggwi inom, it Pariti mendek inoone waganggwi inom, tamban eeko logonet, mbi nengga'lek inambe mage negen aret wonogwe iigak kwe, kat koone waganggwi ti perak, nonggop nduk mbi nonggo agaarik o?” yoreegwaarak.
19Yogo mbareegwa, at Yetut nen, ”Aap ambi nen kwe kolage me, owe-awot inom laago lako logonet, inambe mage negen puk logorak op mbakop? Ti lek o. Ogonggolo inom logonet, noorak op o. 20Peebi owe-awot nogo iigak, ogonggolo nogo mban wonok noorak eyom panggo yi wage nogo paga perak, mbi nengga'lek inambe mage negen aret logogun o,” yinuk, yoragagerak.
21Yorage nagagirik, ”Yum maan yugu paga ligi ngget laanogo penggaakwi kenok, ligi ngget laanak nogo wonage kagak, yum maan yugu nogo nggwok togon nibik ari menggerak me, ligi ngget laanogo yum maan yugu nogo penggaakulik o. Ngget yugu maan yugu paga nabenogo penggaakaatak kenok, ngget yugu nabenak wonage nogo nggaruk ari logonet, maan yugu nibinik nogo nggwok togon aret ndelak ari menggerak o,” yinuk, yoragagerak. 22Yorage nagagirik, ”Eyoonggen amburu ngget mendek yiiwak wam agabolo maan ogobakkigirik me tookwi kenok, amburu ngget mendek nen yiiwak maan mendek nogo tubunogo mappege logonet, eyoonggen amburu inom, yiiwak inom lek arigin me, eyoonggen amburu ngget mendek yiiwak wam agabolo maan ogobakkigirik me tookulik o. Ata, eyoonggen amburu ngget mendek ti, yiiwak wam agabolo ngget ogobakkigirik me aret tooko menggaarak o,” yoragagerak.
It aap Yakuri tamban eekwi paga nonggop eeko nogogwaarak wone
(Mat 12:1-8, Luk 6:1-5)
23Ti'nuk, ne ambi paga it Yakuri tamban eekwi paga at Yetut oone waganggwi inom gandum awi yarak me nogo logonet, at oone waganggwi nogo nen gandum parum negen me warit nogogwaarak. 24Warit nogwe me, it aap Pariti mendek nogo nen, ”Yetut wae. Ala nen, Tamban eekwi paga togop eeriyak mage o, yugu kagak, it kat koone waganggwi mendek nen ugun eekwi yi pegiyet o.”
25Yogo mbareegwa, at Yetut nogo nen, ”At Ndawut awuri inom mbi lek me, mbi abu logonet, eereegwaarak nogo, Ala wone liiru mbanak paga kinigen liippega'lek me yogo ogotik? 26At Ndawut nogo, at Ala awi wurik me unggwage nagagirik, at Abiyatat it Ala unde inuwe nogo wonage kagak, Roti mbi Ala ake pugu nogo it weelek noorak lek o. It Ala unde kenok mban nonggo logowak o, yinuk, yereegerak kagak, at nengge nagagirik, it inom wonogogwaarak nogo wogorage mbareegi, it abok nunggugwaarak o, yinuk, liiru mbanak wonage nogo kinigen liippega'lek me yogo ogotik?” yinuk, yoragagerak.
27Yorage nagagirik, ”Ala nen, Tamban eekwi paga yi waganggak, ndi waganggak eerugup o, yinuk, aakumi ineebe wakkagagerak ti lek o. Ata, wakka'nuk, tat yonggonggo logorak nduk, Tamban eekwi paga yi waganggak, ndi waganggak eerugup o, yoragagerak me, 28tamban eekwi paga eeko logorak unde ti, aap aret nda'nagagirak an aret o,” yoragagerak.
Currently Selected:
MARAKUT 2: WNO
Highlight
Share
Copy
Want to have your highlights saved across all your devices? Sign up or sign in
MARAKUT 2
2
Aap eenggi-iyok nggilik-nggelok aago me obeelom eereegerak wone
(Mat 9:1-8, Luk 5:17-26)
1Nogome wonagagirik, ti'nuk, o Kaperenaum wagagerak me, ”Ame wagaarak wonage o,” yogo nogogwaarik, 2aakumi ambik kuwak ari wogogwaarak, o nogome yagabit aago tu ngga'nggi paga luunik wonogwe iigak, wone yorage nagagerak. 3Wone yorage wonage me, aap ambi eenggi-iyok nggilik-nggelok aago me, aap 4 nen ewu'nuk, at owagam wonok pi wogogwaarak. 4Ewu'nuk wonok wogo nogogwaarik, oome time Yetut nogo inom aakumi yagabit aago me, unggwi noorak meek age mbareegi, wonok o kirim paga laganggo nogogwaarik, at Yetut wonage me ndak-ndak pelan ndenenogo punuk, aap nogo eyo ndoonak windak menggerak nogo paga windak kagak inaani wuppereegwaarak. 5Wuppogo mbareegwa, at Yetut nogo nen it inikime nen at oba abet mba'nuk wonok wogwe nogo yelok iige nagagirik, aap eenggi-iyok nggilik-nggelok aago nogo yoge logonet, ”Naput wae. Komaluk nogo lek eerogo pagagi o,” yoreegerak.
6Yoge mbareegi, it Ala wone liiru mbanak unde nogo time kwi'ndak logonet, inikime nen, 7”Aap yi nonggop nduk togop yigi mbakop? Nit maluk eekwi lek eerogo pinanege menggerak nogo, at Ala nen mban aret lek a? Togop aret kwe, Ala miyuk-meya agago pege yi, wologwe!”
8Yinuk, it iniki togop mbakwi at Yetut nen yelok iige nagagirik, ”Kit nonggop nduk kiniki togop mbako ogotik? 9At aap eenggi-iyok nggilik-nggelok aago yi, Kat komaluk lek eerogo pagagi o, yoriyak ti, iya lik, kagare'ngga ndoonak nogo yege menggendak ko'nok nak o, yoriyak ti, iya a? Kit yinip nda!” yorage nagagirik, 10”Ala nen an aap aret nda'nagagirak nogo nggween paga aakumi inomaluk lek eerogo piyoorak unde mippaneegerak kineenu arubagip nduk, aap yi yogirak me,” yinuk, yorage nagagirik, at aap eenggi-iyok nggilik-nggelok aago nogo yoge logonet. 11”Mi'na'nuk, kat nogo yege menggendak kere'ngga ndoonak nogo ti, ko'nok kame nanok nduk yokkigi o,” yinuk, yoreegerak.
12Awo yoge kagak, mi'nage nagagirik, agare'ngga ndoonak nogo yege menggerak nogo ko'nok, it abok inengaanom paga endekem wungge mbareegi, it aakumi nogo nen, ”Nit yogop eekwi ambi abu ninigen kogolik mendek aret eekerak yi, wi!” yinuk, at Ala wogoppogo logonet, pi wareegwaarak.
Yetut nen aap Leewi wiireegerak wone
(Mat 9:9-13, Luk 5:27-32)
13Pi wakwi iigak, Yetut nogo wundi nage nagagirik, ti'nuk, ne ambi paga yi yenggenak aa'nggi paga nage me, aakumi abok at owagam wagak mban eekwi iinok, wone mamunirage nagagerak. 14Wone mamunirage nagagirik, tu paga nage logonet, at Alepeyut aput Leewi nogo, it pemerintah inake wu kuwak eeko menggam kwi'ndak wonage me enegen kagagerak. Enegen kage nagagirik, ”Nimbirak nawok nduk, omok o,” yoge mbareegi, mi'nage nagagirik, Yetut imbirak nagagerak.
15Ti'nuk, peebi nen at Leewi ame nogome Yetut mbi nengge me, it pemerintah inake wu kuwak eeko menggaarak inom, it maluk eeko menggaarak inom, ineebe ambik at Yetut oone konenuwok nduk, inom nogogwaarak nogo Yetut inom lambunik mbi nunggwi me, 16it aap Pariti mendek Ala liiru mbanak unde ando nogo nen it maluk eeko menggaarak nogo inom, it pemerintah inake wu kuwak eeko menggaarak nogo inom, Yetut inom aret mbi nunggwi inigen iigo nogogwaarik, at oone waganggwi nogo yorogo logonet, ”It pemerintah inake wu kuwak eeko menggaarak inom, it maluk eeko menggaarak inom, nonggop nduk at Yetut inom lambunik mbi nengge agaarik o?” yorogogwaarak.
17Yorogwe nogo at Yetut aruk konembege nagagirik, ”It aap kugi andi lek kenok ti, Ndoter ka noorak mbakulik o. Ata, andi kenok mban obeelom aganabuwak nduk Ndoter ka noorak mbako menggaarak o. It aap koonak menggaarak kagak, inayonggo pikit nduk woroolik o. Ata, it aap maluk eeko menggaarak kenok mban inayonggo pikit nduk wagagirak o,” yoragagerak.
Mbi nengga'lek inambe mage negen logorak wone
(Mat 9:14-17, Luk 5:33-39)
18Ne ambit paga nogome logonet, it Yaya oone waganggwi inom, it Pariti mendek nogo inom, tamban eeko logonet, mbi nengga'lek inambe mage negen aret wonogogwaarak. Wonogwe iigak, it aakumi Yetut owagam wogo nogogwaarik, yogo logonet, ”It Yaya oone waganggwi inom, it Pariti mendek inoone waganggwi inom, tamban eeko logonet, mbi nengga'lek inambe mage negen aret wonogwe iigak kwe, kat koone waganggwi ti perak, nonggop nduk mbi nonggo agaarik o?” yoreegwaarak.
19Yogo mbareegwa, at Yetut nen, ”Aap ambi nen kwe kolage me, owe-awot inom laago lako logonet, inambe mage negen puk logorak op mbakop? Ti lek o. Ogonggolo inom logonet, noorak op o. 20Peebi owe-awot nogo iigak, ogonggolo nogo mban wonok noorak eyom panggo yi wage nogo paga perak, mbi nengga'lek inambe mage negen aret logogun o,” yinuk, yoragagerak.
21Yorage nagagirik, ”Yum maan yugu paga ligi ngget laanogo penggaakwi kenok, ligi ngget laanak nogo wonage kagak, yum maan yugu nogo nggwok togon nibik ari menggerak me, ligi ngget laanogo yum maan yugu nogo penggaakulik o. Ngget yugu maan yugu paga nabenogo penggaakaatak kenok, ngget yugu nabenak wonage nogo nggaruk ari logonet, maan yugu nibinik nogo nggwok togon aret ndelak ari menggerak o,” yinuk, yoragagerak. 22Yorage nagagirik, ”Eyoonggen amburu ngget mendek yiiwak wam agabolo maan ogobakkigirik me tookwi kenok, amburu ngget mendek nen yiiwak maan mendek nogo tubunogo mappege logonet, eyoonggen amburu inom, yiiwak inom lek arigin me, eyoonggen amburu ngget mendek yiiwak wam agabolo maan ogobakkigirik me tookulik o. Ata, eyoonggen amburu ngget mendek ti, yiiwak wam agabolo ngget ogobakkigirik me aret tooko menggaarak o,” yoragagerak.
It aap Yakuri tamban eekwi paga nonggop eeko nogogwaarak wone
(Mat 12:1-8, Luk 6:1-5)
23Ti'nuk, ne ambi paga it Yakuri tamban eekwi paga at Yetut oone waganggwi inom gandum awi yarak me nogo logonet, at oone waganggwi nogo nen gandum parum negen me warit nogogwaarak. 24Warit nogwe me, it aap Pariti mendek nogo nen, ”Yetut wae. Ala nen, Tamban eekwi paga togop eeriyak mage o, yugu kagak, it kat koone waganggwi mendek nen ugun eekwi yi pegiyet o.”
25Yogo mbareegwa, at Yetut nogo nen, ”At Ndawut awuri inom mbi lek me, mbi abu logonet, eereegwaarak nogo, Ala wone liiru mbanak paga kinigen liippega'lek me yogo ogotik? 26At Ndawut nogo, at Ala awi wurik me unggwage nagagirik, at Abiyatat it Ala unde inuwe nogo wonage kagak, Roti mbi Ala ake pugu nogo it weelek noorak lek o. It Ala unde kenok mban nonggo logowak o, yinuk, yereegerak kagak, at nengge nagagirik, it inom wonogogwaarak nogo wogorage mbareegi, it abok nunggugwaarak o, yinuk, liiru mbanak wonage nogo kinigen liippega'lek me yogo ogotik?” yinuk, yoragagerak.
27Yorage nagagirik, ”Ala nen, Tamban eekwi paga yi waganggak, ndi waganggak eerugup o, yinuk, aakumi ineebe wakkagagerak ti lek o. Ata, wakka'nuk, tat yonggonggo logorak nduk, Tamban eekwi paga yi waganggak, ndi waganggak eerugup o, yoragagerak me, 28tamban eekwi paga eeko logorak unde ti, aap aret nda'nagagirak an aret o,” yoragagerak.
Currently Selected:
:
Highlight
Share
Copy
Want to have your highlights saved across all your devices? Sign up or sign in