DEDI 33
33
I Yakupu ba da-patàbuku dàngu i Ehau
1I Yakupu naita-ya i Ehaü ba nàmunya dàngu tau patu ngahuya na karia-na. Jia-duyaka hi na-pabiwa-nja da anana, lai Lia, lai Rahilu dàngu la kala wina da madua. 2Natuha da kala wina da madua dàngu da anada la ngora, pa-ndàkingu i Lia dàngu da anana, tàka i Rahilu dàngu i Yuhupu la malamiri dehida. 3I Yakupu nalaku mangilu-nja nyuda mbuu ndàbada, tàka ba na-mereni-nyaka na ayana maràbaku-nanyaka papihu wundangu. 4Tàka i Ehaü hi napalai tomaya i Yakupu, narohu-ya hi na-puduku-ya. Nuda da tau madua pahii dàngu-danyaka. 5Ba naita-haka i Ehaü da tau kawini dàngu da anakeda, paàrangu-nanyaka, “Nggamuha yiada yia da ma-karia-nggau?” wànanya.
Nahema i Yakupu, “Ana dundanja, i Ala maka na mawua-nggaha yiada da anakeda,” wànanya. 6Hàlaka nu hurungu-danyaka da kala wihi dàngu da anada hi da-maràbaku. 7Tunaka nu hurungu-nanyaka i Lia dàngu da anana, la malamiri i Yuhupu dàngu i Rahilu da-ndàharungu hi da maràbaku ndàba.
8Ka paàrangu-nanyaka i Ehaü: “Nggàraya na pawuku-mu nàhu da ma-pajurungu kawai da pa-hamburu-nggu?” wànanya.
Napaya i Yakupu, “Ka na-malaru wàngu na etina wànggu-dunggau aya,” wàna.
9Tàka nahema i Ehaü: “Ka ba toma-mada-nyaika duku eri da bandanggu, nggàra ihi wanguipa kau wuangga banda,” wànanya.
10Napaya i Yakupu, “Àmbu tumu nu aya! Ba na-malaru-duka na etimu kei-hawa yiada da pawua-nggu. Nyungga ba kuita-ya na matamu hama itanggu-nya na matana i Alama, nadu nyumu aya ba lalu hàmuna na etimu lai nyungga. 11Jia ku-kamahi-nggau mukei maha bàdi aya yiada da pawua-nggu da pangàndi-nggunggau. I Ala nahàmu-ngga eti hi nawua hàla-ngganja jàka nggàra pa-kalana-nggu,” wàna. Pa-dàhiku pa-ngalangu mananya i Yakupu hi lupa nakeiha i Ehaü da pawua-nanya.
12Tàka i Ehaü, “Màla kamomatu-wa ka talaku, màta nyungga ka la mangilu-ka,” hi wàna.
13Nahema i Yakupu, “Wua aya, bau pidunja yiada da anakeda ba da-mangonangu dàngu ku-pananjaru-manjaka badi yiada da banda da mahuhu-pa. Jàka taweli parengga-nja, la hau lodu jua-a, napa mbuu ndàbada da kabàba dameti-du. 14Laku mangilu padua nyumu, napa kungeri laku ndutu-kauka. Napa kulaku parenggangu-ma tuda pekuna dàngu da banda hamanai da anakeda ka lupa kutoma-nggau la Endumu,” wànanya.
15Napaya i Ehaü, “Jàka tuna nu, hàmu ka ku-bànjalu-nggau ana mapira tau la wawanggu,” wànanya.
Tàka nahema i Yakupu, “Nggàra hi paharui - ruiya, nyungga duku mili na-malaru na etina na ayanggu#nyungga duku mili na-malaru na etina na ayanggu; jàka ndia: ndia-a jàka nda wàmudu. wànggua duku,” wàna. 16Tuna nuduka la lodu nuna beli-nanyaka duna i Ehaü la Endumu. 17Tàka i Yakupu laku-nanyaka la Hukutu, hi nawulu uma pangia-na dàngu ngia pamaü-da da bandana, jia-duyaka hi datunya tamuna lai nu Hukutu#Hukutu; Na tamu yiana la hilu Imbarani “ngia pamaü,” wàna. hi wàdanya.
18Ba nalaku welingu la Mahupatamia, natàka dàngu hàmungu i Yakupu la paraingu Hikimu la tana Kanaàngu, hi na-pandàngi maüna la hau maràda lihi paraingu. 19Na maràda ngia pa-pamaüngu-na pakei-nanya welingu la tau wàla wuana i Hemuru, amana i Hikimu, na wilina hangahu àmahu bara. 20Tunaka nu pahadangu-nanyaka ngia pawotu maraku lai nu, hi natunya tamuna, “Elu, Ala Ihirailu,” wànanya.
Currently Selected:
DEDI 33: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
DEDI 33
33
I Yakupu ba da-patàbuku dàngu i Ehau
1I Yakupu naita-ya i Ehaü ba nàmunya dàngu tau patu ngahuya na karia-na. Jia-duyaka hi na-pabiwa-nja da anana, lai Lia, lai Rahilu dàngu la kala wina da madua. 2Natuha da kala wina da madua dàngu da anada la ngora, pa-ndàkingu i Lia dàngu da anana, tàka i Rahilu dàngu i Yuhupu la malamiri dehida. 3I Yakupu nalaku mangilu-nja nyuda mbuu ndàbada, tàka ba na-mereni-nyaka na ayana maràbaku-nanyaka papihu wundangu. 4Tàka i Ehaü hi napalai tomaya i Yakupu, narohu-ya hi na-puduku-ya. Nuda da tau madua pahii dàngu-danyaka. 5Ba naita-haka i Ehaü da tau kawini dàngu da anakeda, paàrangu-nanyaka, “Nggamuha yiada yia da ma-karia-nggau?” wànanya.
Nahema i Yakupu, “Ana dundanja, i Ala maka na mawua-nggaha yiada da anakeda,” wànanya. 6Hàlaka nu hurungu-danyaka da kala wihi dàngu da anada hi da-maràbaku. 7Tunaka nu hurungu-nanyaka i Lia dàngu da anana, la malamiri i Yuhupu dàngu i Rahilu da-ndàharungu hi da maràbaku ndàba.
8Ka paàrangu-nanyaka i Ehaü: “Nggàraya na pawuku-mu nàhu da ma-pajurungu kawai da pa-hamburu-nggu?” wànanya.
Napaya i Yakupu, “Ka na-malaru wàngu na etina wànggu-dunggau aya,” wàna.
9Tàka nahema i Ehaü: “Ka ba toma-mada-nyaika duku eri da bandanggu, nggàra ihi wanguipa kau wuangga banda,” wànanya.
10Napaya i Yakupu, “Àmbu tumu nu aya! Ba na-malaru-duka na etimu kei-hawa yiada da pawua-nggu. Nyungga ba kuita-ya na matamu hama itanggu-nya na matana i Alama, nadu nyumu aya ba lalu hàmuna na etimu lai nyungga. 11Jia ku-kamahi-nggau mukei maha bàdi aya yiada da pawua-nggu da pangàndi-nggunggau. I Ala nahàmu-ngga eti hi nawua hàla-ngganja jàka nggàra pa-kalana-nggu,” wàna. Pa-dàhiku pa-ngalangu mananya i Yakupu hi lupa nakeiha i Ehaü da pawua-nanya.
12Tàka i Ehaü, “Màla kamomatu-wa ka talaku, màta nyungga ka la mangilu-ka,” hi wàna.
13Nahema i Yakupu, “Wua aya, bau pidunja yiada da anakeda ba da-mangonangu dàngu ku-pananjaru-manjaka badi yiada da banda da mahuhu-pa. Jàka taweli parengga-nja, la hau lodu jua-a, napa mbuu ndàbada da kabàba dameti-du. 14Laku mangilu padua nyumu, napa kungeri laku ndutu-kauka. Napa kulaku parenggangu-ma tuda pekuna dàngu da banda hamanai da anakeda ka lupa kutoma-nggau la Endumu,” wànanya.
15Napaya i Ehaü, “Jàka tuna nu, hàmu ka ku-bànjalu-nggau ana mapira tau la wawanggu,” wànanya.
Tàka nahema i Yakupu, “Nggàra hi paharui - ruiya, nyungga duku mili na-malaru na etina na ayanggu#nyungga duku mili na-malaru na etina na ayanggu; jàka ndia: ndia-a jàka nda wàmudu. wànggua duku,” wàna. 16Tuna nuduka la lodu nuna beli-nanyaka duna i Ehaü la Endumu. 17Tàka i Yakupu laku-nanyaka la Hukutu, hi nawulu uma pangia-na dàngu ngia pamaü-da da bandana, jia-duyaka hi datunya tamuna lai nu Hukutu#Hukutu; Na tamu yiana la hilu Imbarani “ngia pamaü,” wàna. hi wàdanya.
18Ba nalaku welingu la Mahupatamia, natàka dàngu hàmungu i Yakupu la paraingu Hikimu la tana Kanaàngu, hi na-pandàngi maüna la hau maràda lihi paraingu. 19Na maràda ngia pa-pamaüngu-na pakei-nanya welingu la tau wàla wuana i Hemuru, amana i Hikimu, na wilina hangahu àmahu bara. 20Tunaka nu pahadangu-nanyaka ngia pawotu maraku lai nu, hi natunya tamuna, “Elu, Ala Ihirailu,” wànanya.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)