LUKAHU 17
17
Da ma-pawitingu hi kiri tuna manjala na tau
(Mat. 18:6-7, 21-22; Mrk. 9:42)
1I Yehu napeka-nja da makiku-nya, “Màtu - màtu ma-pawitingu hi kiri tuna manjala na tau ningu-maka duna napa. Tàka pàda pàku-nanyaka na ma-pawiti-nya hi kiri njala tuna nu! 2Làti nahàmu-pa ka hondunya watu nggihu na nggoruna ka puhaya la tehiku, nggàrai nyuna ba na-pawiti-nya hi nanjala wàngu na haàtu na makudu tungu yia. 3Jiaya nu rimangu!
Jàka nanjala na angu dedimu, kanyànginya. Jàka na-manjaria-du, jàmanya. 4Jàka na-papihu wundangu panjala lai nyumu la hau lodu, tàka handàka - handàka ka namai lai nyumu papeka njalana, jàma-manya,” wàna.
Na rukuna na pawai
5Da ngara pa-pahurungu dapanii lai Miri Yehu, “Miri, pamàndu àrunya na pawaima,” wàda. 6Nahema i Miri, “Nyimi jàka ninya na pawaimi mili ana hama karohu hawiya, pekuna nyimi kai paràha-nya yiana na pingi murumbai, ‘Tambuta-wa kau tumbu ningu la tehiku,’ jàka wàminya, napa na pingi ai nuna na-patundu-manya duna na pareta-mi,” wànanja.
Na wai ngerana na haàtu ata
7“Era ningu lai nyimi maningu atangu na malua paluku la woka jàka ndia na malua pa-pawangu mbimbi. Ba nabeli-ka nuna na tau ata, màla, ‘Luma mai kau ngangu,’ wàna-nyaka nu na atana? 8Ndia-a, na-panjàngangu-na, napa paràha-mana-nyaka duna, ‘Paloku-ha da pangangu-nggu. Pakiha da pakimu da maili, kau tutuka ba kungangu ba ku-ngunungu; hàla nu kau nganguka nyumu,’ nda wànanya-kapa. 9Jia wotu-nanya-kaka nu na atana, ba na-patutu hàla-nyaka na pareta-na na mirina, ndia wàngguka? 10Tuna numbu nyimi. Nyimi jàka mihàla ndàba-haka da pa-paloku da pa-pareta-nanggai, màtawa, ‘Nyuma ata nda ningu lingungu-kama; nyuma patutu-manya na wai ngerama-ama,’ kawàmi,” wànanja.
I Miri Yehu ba na-pamàlaru-ha da tau hakambulu
11Nàhu la ànda ba nalaku la Yeruhali i Yehu nali la padira Hamaria dàngu Nggalilia. 12Ba natama-nyaka na hau na kotaku, mai-danyaka lai Nyuna ba tau hakambulu-ha da mahidu manula pa-mayitangu.#da mahidu manula pa-mayitangu: tàngaru-ya la 5:12. Da-ndolaku marauma, 13hi da-warangu, “Yehu, Miri! Mila àru-nggama eti!” wàda.
14Ba naita-haka paraïna i Yehu, panii-nanyaka, “Iluawa la ratu - ratu, karaiha ka da-pareha-ha da ihimi,” wànanja.
Nàhu ba talànga laku-daka, munangu-danyaka da mahidu-da.#Nawuku-ya paraïna i Miri Yehu ka pa-màlaru-ha nyuda jia-duyaka hi na-paràha-nja palua la ratu - ratu ka kinjuha nyuda dàngu ka bobaru-ya ba mbàda màlaru-daka welingu la hiduda. 15Na haàtu welingu lai nyuda, ba na-pàdangu-ka wikina ba màlaru-nanyaka, beli hawola-nanyaka ba dàngu wotu-nanya i Ala. 16La hanggana i Yehu, patika-nanyaka ba na-pamalangu-nya i Yehu. Na tau nuna tau Hamaria-ya. 17Tunaka nu i Yehu hi napanii, “Ka nda tau hakambulu-aha da pa-pamàlaru? Nggihaka da tau mahiwa?” hi wàna. 18Nggikina hi jia-aya yiana na tau hangàdangu-ma-a na mabeli la pa-pamalangu-nya i Ala?” wànaka. 19Hàla i Yehu hi napanii-nya nuna na tau, “Hadangu-wa dàngu luawa. Rukuna na waimungga Nyungga jia hiu màlaru,” wànanya.
Na rehi tàkana i Ala la pa-pareta
(Mat. 24:23-28, 37-41)
20Ba mapira-ha da tau Parihi dapaàra-nya i Yehu, pirangu-ka natàka i Ala la pa-pareta, wàdanya. Nahema i Yehu, “Na pareta-na i Ala nda na-pakiri wàngua tanda - tanda paita tau, 21hi lupa ningu mapanii, ‘Mai iluya, yiana-ya!’ jàka ndia, ‘Lai nuya!’ ka wàna. Nadu i Ala ba mbàda pareta-manaka la hongami nyimi,”#la hongami nyimi: jàka ndia: lai nyimi; jàka ndia: napa jia tàka harabàndangu biana lai nyimi. wànanja.
22Hàlaka nu i Yehu hi napanii-nja da makiku-nya, “Napa nàmunya na rehina bai rinjungu nyimi paita-ya na haua na lodu welingu la lodu - loduna na Ana Tau, tàka ndai ngalangu-a paita-ya. 23Napa ngeru ningu tau mapanii-nggai, ‘Tàngaru lai nu!’ jàka ndia, ‘Tàngaru lai yiahu!’ na mawàna-nggai. Tàka màtangu àmbi luhudu pa-tàngaru-ya. 24Hama tuna na kabilaku na ma-tapanangu la awangu, dàngu na ma-kajilaku welingu la hupu lundu la hupu, tuna numbu napa na hadana na Ana Tau jàka jiaya na rehina. 25Tàka la kawu - wungana na-pàdangu-mapa bàdi mayila dangu, dàngu ba nda nainga-ya paraï tau la rehi nàhu. 26Napa la rehi pawuwa-ya na Ana Tau, na hadana beri hamana la rehina i Nuhu la handàka-na. 27Na tau ngangu ngunungu-nanya, lalei mangoma-nanya na pangalangu-na lundu natama i Nuhu la kapalu, ka tàka-nanyaka na iwa, hi nameti hàla na tauka mbuu ndàbana. 28Hama-mbunai la rehina i Lòtu. Na tau ngangu ngunungu-nanya, danggangu kei-nanya, tondungu-nanya dàngu wulu-nanya uma. 29Tàka ba naluhu-ka i Lòtu welingu la Hondumu, la lodu nunama ba napuru na epi dàngu na tana lira welingu la awangu, na ma-patàlaru hàlaha nyuda mbuu ndàbada. 30Tuna numaka na hadana ngeru, la lodu pawuwa-ya na Ana Tau.
31La lodu nuna na tau na ma-talànga ninya la toku ndidu umana àmbu napuru-dupa papiti-ha da malanja-na da maninja la kuru uma. Tumbunai na tau na ma-talànga ninya la woka àmbu nabeli-dupa la umana. 32Namuya jàka nggàraya na madedi na rukuna na papaha-na i Lòtu! 33Na tau na ma-kunjangu pa-pamara-ya na lurina, napa na-yàmihu-ya na lurina. Tàka na tau na ma-yàmihu-ya na lurina napa pamara-nanya. 34Iwaiya: La rudungu nuna, da tau madua da ma-katuda la hau nggala, na haàtu pangàndi-ya tàka na haàtu pa-màtangu-ya. 35Da tau kawini da madua da manggihu uhu nggàndumu, na haàtu pangàndi-ya tàka na haàtu pa-màtangu-ya. [36Da tau madua da ma-talànga ràma la woka, napa na haàtu pangàndi-ya tàka na haàtu pa-màtangu-ya,”] wàna.
37Ka paàrangu-danyaka da makiku-nya i Yehu, “Ka nggika nu nadedi ningu, Miri?” wàdanya.
Nahema i Yehu, “La nggiya na maningu ma-metingu, lai numaha da ma-hawurungu da makàli ngangu meti banda,” wànanja.
Currently Selected:
LUKAHU 17: KAM
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)
LUKAHU 17
17
Da ma-pawitingu hi kiri tuna manjala na tau
(Mat. 18:6-7, 21-22; Mrk. 9:42)
1I Yehu napeka-nja da makiku-nya, “Màtu - màtu ma-pawitingu hi kiri tuna manjala na tau ningu-maka duna napa. Tàka pàda pàku-nanyaka na ma-pawiti-nya hi kiri njala tuna nu! 2Làti nahàmu-pa ka hondunya watu nggihu na nggoruna ka puhaya la tehiku, nggàrai nyuna ba na-pawiti-nya hi nanjala wàngu na haàtu na makudu tungu yia. 3Jiaya nu rimangu!
Jàka nanjala na angu dedimu, kanyànginya. Jàka na-manjaria-du, jàmanya. 4Jàka na-papihu wundangu panjala lai nyumu la hau lodu, tàka handàka - handàka ka namai lai nyumu papeka njalana, jàma-manya,” wàna.
Na rukuna na pawai
5Da ngara pa-pahurungu dapanii lai Miri Yehu, “Miri, pamàndu àrunya na pawaima,” wàda. 6Nahema i Miri, “Nyimi jàka ninya na pawaimi mili ana hama karohu hawiya, pekuna nyimi kai paràha-nya yiana na pingi murumbai, ‘Tambuta-wa kau tumbu ningu la tehiku,’ jàka wàminya, napa na pingi ai nuna na-patundu-manya duna na pareta-mi,” wànanja.
Na wai ngerana na haàtu ata
7“Era ningu lai nyimi maningu atangu na malua paluku la woka jàka ndia na malua pa-pawangu mbimbi. Ba nabeli-ka nuna na tau ata, màla, ‘Luma mai kau ngangu,’ wàna-nyaka nu na atana? 8Ndia-a, na-panjàngangu-na, napa paràha-mana-nyaka duna, ‘Paloku-ha da pangangu-nggu. Pakiha da pakimu da maili, kau tutuka ba kungangu ba ku-ngunungu; hàla nu kau nganguka nyumu,’ nda wànanya-kapa. 9Jia wotu-nanya-kaka nu na atana, ba na-patutu hàla-nyaka na pareta-na na mirina, ndia wàngguka? 10Tuna numbu nyimi. Nyimi jàka mihàla ndàba-haka da pa-paloku da pa-pareta-nanggai, màtawa, ‘Nyuma ata nda ningu lingungu-kama; nyuma patutu-manya na wai ngerama-ama,’ kawàmi,” wànanja.
I Miri Yehu ba na-pamàlaru-ha da tau hakambulu
11Nàhu la ànda ba nalaku la Yeruhali i Yehu nali la padira Hamaria dàngu Nggalilia. 12Ba natama-nyaka na hau na kotaku, mai-danyaka lai Nyuna ba tau hakambulu-ha da mahidu manula pa-mayitangu.#da mahidu manula pa-mayitangu: tàngaru-ya la 5:12. Da-ndolaku marauma, 13hi da-warangu, “Yehu, Miri! Mila àru-nggama eti!” wàda.
14Ba naita-haka paraïna i Yehu, panii-nanyaka, “Iluawa la ratu - ratu, karaiha ka da-pareha-ha da ihimi,” wànanja.
Nàhu ba talànga laku-daka, munangu-danyaka da mahidu-da.#Nawuku-ya paraïna i Miri Yehu ka pa-màlaru-ha nyuda jia-duyaka hi na-paràha-nja palua la ratu - ratu ka kinjuha nyuda dàngu ka bobaru-ya ba mbàda màlaru-daka welingu la hiduda. 15Na haàtu welingu lai nyuda, ba na-pàdangu-ka wikina ba màlaru-nanyaka, beli hawola-nanyaka ba dàngu wotu-nanya i Ala. 16La hanggana i Yehu, patika-nanyaka ba na-pamalangu-nya i Yehu. Na tau nuna tau Hamaria-ya. 17Tunaka nu i Yehu hi napanii, “Ka nda tau hakambulu-aha da pa-pamàlaru? Nggihaka da tau mahiwa?” hi wàna. 18Nggikina hi jia-aya yiana na tau hangàdangu-ma-a na mabeli la pa-pamalangu-nya i Ala?” wànaka. 19Hàla i Yehu hi napanii-nya nuna na tau, “Hadangu-wa dàngu luawa. Rukuna na waimungga Nyungga jia hiu màlaru,” wànanya.
Na rehi tàkana i Ala la pa-pareta
(Mat. 24:23-28, 37-41)
20Ba mapira-ha da tau Parihi dapaàra-nya i Yehu, pirangu-ka natàka i Ala la pa-pareta, wàdanya. Nahema i Yehu, “Na pareta-na i Ala nda na-pakiri wàngua tanda - tanda paita tau, 21hi lupa ningu mapanii, ‘Mai iluya, yiana-ya!’ jàka ndia, ‘Lai nuya!’ ka wàna. Nadu i Ala ba mbàda pareta-manaka la hongami nyimi,”#la hongami nyimi: jàka ndia: lai nyimi; jàka ndia: napa jia tàka harabàndangu biana lai nyimi. wànanja.
22Hàlaka nu i Yehu hi napanii-nja da makiku-nya, “Napa nàmunya na rehina bai rinjungu nyimi paita-ya na haua na lodu welingu la lodu - loduna na Ana Tau, tàka ndai ngalangu-a paita-ya. 23Napa ngeru ningu tau mapanii-nggai, ‘Tàngaru lai nu!’ jàka ndia, ‘Tàngaru lai yiahu!’ na mawàna-nggai. Tàka màtangu àmbi luhudu pa-tàngaru-ya. 24Hama tuna na kabilaku na ma-tapanangu la awangu, dàngu na ma-kajilaku welingu la hupu lundu la hupu, tuna numbu napa na hadana na Ana Tau jàka jiaya na rehina. 25Tàka la kawu - wungana na-pàdangu-mapa bàdi mayila dangu, dàngu ba nda nainga-ya paraï tau la rehi nàhu. 26Napa la rehi pawuwa-ya na Ana Tau, na hadana beri hamana la rehina i Nuhu la handàka-na. 27Na tau ngangu ngunungu-nanya, lalei mangoma-nanya na pangalangu-na lundu natama i Nuhu la kapalu, ka tàka-nanyaka na iwa, hi nameti hàla na tauka mbuu ndàbana. 28Hama-mbunai la rehina i Lòtu. Na tau ngangu ngunungu-nanya, danggangu kei-nanya, tondungu-nanya dàngu wulu-nanya uma. 29Tàka ba naluhu-ka i Lòtu welingu la Hondumu, la lodu nunama ba napuru na epi dàngu na tana lira welingu la awangu, na ma-patàlaru hàlaha nyuda mbuu ndàbada. 30Tuna numaka na hadana ngeru, la lodu pawuwa-ya na Ana Tau.
31La lodu nuna na tau na ma-talànga ninya la toku ndidu umana àmbu napuru-dupa papiti-ha da malanja-na da maninja la kuru uma. Tumbunai na tau na ma-talànga ninya la woka àmbu nabeli-dupa la umana. 32Namuya jàka nggàraya na madedi na rukuna na papaha-na i Lòtu! 33Na tau na ma-kunjangu pa-pamara-ya na lurina, napa na-yàmihu-ya na lurina. Tàka na tau na ma-yàmihu-ya na lurina napa pamara-nanya. 34Iwaiya: La rudungu nuna, da tau madua da ma-katuda la hau nggala, na haàtu pangàndi-ya tàka na haàtu pa-màtangu-ya. 35Da tau kawini da madua da manggihu uhu nggàndumu, na haàtu pangàndi-ya tàka na haàtu pa-màtangu-ya. [36Da tau madua da ma-talànga ràma la woka, napa na haàtu pangàndi-ya tàka na haàtu pa-màtangu-ya,”] wàna.
37Ka paàrangu-danyaka da makiku-nya i Yehu, “Ka nggika nu nadedi ningu, Miri?” wàdanya.
Nahema i Yehu, “La nggiya na maningu ma-metingu, lai numaha da ma-hawurungu da makàli ngangu meti banda,” wànanja.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 1995 Indonesian Bible Society (Lembaga Alkitab Indonesia)